Morgunblaðið - 05.02.2004, Page 22

AKUREYRI
22 FIMMTUDAGUR 5. FEBRÚAR 2004 MORGUNBLAÐIÐ
Síðumúla 13, sími 588 2122
www.eltak.is
VOGIR
Eltak sérhæfir sig í sölu
og þjónustu á vogum
Bjóðum eitt mesta úrval
á Íslandi af smáum
og stórum vogum
Hafðu samband
UNNIÐ hefur verið að skipulagningu svæðis sem
afmarkast af lóni við Glerárstíflu að ósi Glerár. Það
er í eigu og umsjá bæjarins og er samkvæmt að-
alskipulagi flokkað sem opið svæði, þ.e. svæði með
ákveðið útivistargildi fyrir almenning. Helstu mark-
mið skipulagsins eru að bæta aðgengi almennings
með fram Glerá, m.a. með samfelldum útivistarstíg
frá opnu svæði austan Hlíðarbrautar að ósi árinnar,
að auka og bæta umferð á milli bæjarhluta með gerð
þriggja nýrra göngubrúa og að auka öryggi og bæta
aðgengi almennings í gilinu neðan við stíflu, eins og
segir í skýrslu um rammaskipulag svæðisins.
Jafnframt er lögð áhersla á að styrkja jaðra svæð-
isins, skerpa línur þar sem það á við og aðlaga ann-
ars staðar, að horfa með jákvæðum hætti á upp-
byggingu stofnana á svæðinu, að bæta og auka
öryggi farvegs Glerár með tilliti til vatnsbúskapar,
að stuðla að bættum vaxtarskilyrðum fyrir flóru og
fánu, að skapa áhugaverða útsýnisstaði með upplýs-
ingaskiltum og að styrkja ímynd Glerár sem eitt af
sérkennum Akureyrar.
Möguleikar á spennandi samspili
Auk þess sem gert er ráð fyrir göngubrúm, útsýn-
ispöllum, göngustígum og gróðri, gerir skipulagið
ráð fyrir nýbyggingum í tengslum við ána. Um yrði
að ræða eina til þrjár einingar af fjölbýli sem ætlað
væri eldri borgurum og/eða stúdentum. Aðkoma
yrði frá Skarðshlíð og gæti tengst bílastæðakjallara.
Með uppbyggingu á svæðinu skapast möguleikar á
spennandi samspili Glerár, bygginga og skemmti-
göngusvæðis fyrir almenning, sem ætti ekki sinn
líka hér á landi.
Bjarni Reykjalín, deildarstjóri umhverfisdeildar,
sagði að hér væri um hugmyndavinnu að ræða.
Hann sagði að hugmyndin væri skemmtileg og að
unnið yrði á grundvelli rammaskipulagsins í fram-
haldinu. „Það er eftir að ákveða hvað verður tekið úr
skipulaginu og hverju á að sleppa en ýmislegt í því
kostar mikla peninga. Til að byrja með horfum við
helst til neðsta hluta árinnar, þar sem ástandið er
skelfilegt. Þegar búið verður að kostnaðarreikna
þetta verður verkinu skipt niður í áfanga en fram-
haldið ræðst þó af því hversu mikla peninga bæjaryf-
irvöld vilja setja í verkefnið,“ sagði Bjarni.
Skipulagið gerir ráð fyrir að ný göngubrú komi í
stað gömlu brúarinnar við Lönguhlíð og svo tvær til
viðbótar á milli hennar og brúarinnar á Glerárgötu.
Annars vegar nokkru neðar, sem lægi nærri núver-
andi manngerðu hafti og hins vegar á móts við Gler-
ártorg og yfir í Skarðshlíð. Þar yrði um að ræða eins-
konar endurgerð fyrstu göngubrúar yfir Glerá, sem
mun hafa staðið á þessum slóðum fyrir margt löngu.
Tilraun verði gerð til að
örva fiskgengd í Glerá
Norðurorka hefur uppi hugmyndir um að virkja
Glerá á nýjan leik og að framkvæmdir við verkið
hefjist á þessu ári. Í rammaskýrslunni kemur fram
að skipulagið taki ekki að svo stöddu beina afstöðu
til hugsanlegrar raforkuframleiðslu í Glerá. Hins
vegar gerir skipulagið ráð fyrir að Háskólinn á Ak-
ureyri geti farið í uppbyggingu (raunvísinda-
deildar) í tengslum við eða jafnvel ofan á stíflunni.
Slíkt mannvirki gæti auðveldlega orðið eitt af
kennileitum bæjarins. Einnig segir í skýrslunni að
kanna mætti hvort hægt sé að samtvinna áð-
urnefnda þætti með samvinnu Háskólans og
Norðurorku.
Við landmótun er áhersla lögð á að farvegur
Glerár verði markvist lagfærður í samræmi við
vatnsbúskap árinnar og tilrauna til að örva fisk-
gengd. Þetta getur þýtt tilfærslu á núverandi
hleðslum auk þess sem nýjar verði byggðar í sam-
ræmi við endanlega hönnun svæðisins. Norðan brú-
ar á Hjalteyrargötu er gert ráð fyrir uppbyggingu á
þremur árhólmum þar sem aðstæður yrðu skap-
aðar fyrir gróður og fuglalíf. Þar gæti orðið
skemmtilegt svæði til útivistar og ekki síst kennslu,
því þar hefst blöndun ferskvatns og saltvatns.
Undirgöng verði gerð norðan
við brúna á Glerárgötu
Fram kemur í skýrslunni að núverandi brú á Gler-
árgötu sé afar stutt og því nánast útilokað að koma
göngustíg þar undir. Þá er Glerárgata mikil umferð-
aræð og því óæskilegt að beina umferð gangandi
vegfarenda þar um. Skipulagið leggur því til gerð
undirganga norðan við brúna til þess að skapa greið-
færa leið á milli svæða.
Rammaskipulagið var unnið af Birki Einarssyni,
landslagsarkitekt í Reykjavík, í samvinnu við starfs-
hóp Akureyrarbæjar, sem skipaður var þeim Jónasi
Vigfússyni, Jóni Birgi Gunnlaugssyni og Bjarna
Reykjalín.
Hugmyndir að skipulagningu svæðisins við Glerá – frá lóni til sjávar
Markmiðið að bæta aðgengi
almennings með fram ánni
Vegna þess hversu brúin á Glerárgötu er stutt er
gert ráð fyrir því að byggð verði undirgöng
norðan við brúna.
Í rammaskipulaginu er gert ráð fyrir að þrjár nýjar göngubrýr verði byggðar yfir Glerá, ný brú komi
í stað gömlu brúarinnar við Lönguhlíð sem liggi hærra, önnur þar rétt neðan við eins og sést á þessari
tölvumynd og sú þriðja á móts við Glerártorg.
Gert er ráð fyrir göngubrú yfir Glerá frá göngu-
stíg við Skarðshlíð á móts við Glerártorg og jafn-
framt því að byggð verði fjölbýlishús við ánna.
HARALDUR Ólafsson á Akureyri
hreppti nú nýlega titilinn Evrópu-
meistari í uppstoppun, en hann keppti
í opnum fiskaflokki á Evrópumóti
uppstoppara sem fram fór í Dort-
mund í Þýskalandi. Keppnin var hald-
in í tengslum við stóra veiðivörusýn-
ingu þar sem margt var um manninn.
„Þetta er mikil viðurkenning fyrir
mig og ég er auðvitað mjög ánægður.
Best finnst mér hvað ég fékk mörg
stig, eða 91,5 alls af 100 mögulegum,“
sagði Haraldur. „Þetta er mikil við-
urkenning á því sem ég er að gera.“
Hann hélt utan með lax úr Laxá í
Aðaldal, 5–6 punda hæng sem hann
hafði komið fyrir á rekaviði, en sá
fannst í fjöru handan fjarðarins, á
Svalbarðsströndinni.
Að baki liggur mikil vinna, Harald-
ur fékk laxinn í hendur í ágúst í fyrra,
„og þá fór ég að krota hugmyndir á
blað og datt fljótt niður á þá réttu, þá
sem ég svo hef unnið út frá allan tím-
ann,“ sagði hann, en fiskinum er kom-
ið fyrir á viðnum þannig að lítur út
fyrir að hann sé að stinga sér gegnum
strauminn eftir maðki. „Ætli liggi
ekki svona 200 vinnustundir að baki
þessu verki,“ sagði Haraldur sem
nánast var að nótt sem nýtan dag í
desember, en mótið hófst 22. janúar
síðastliðinn og lauk ekki fyrr en nú á
sunnudag, 1. febrúar. „Þetta var allt
of langt og strangt, ég er feginn að
þetta er búið. Þetta var mjög stress-
andi,“ sagði hann.
Haraldur byrjaði að stoppa upp í
kringum árið 1990 og hefur hann tek-
ið þátt í nokkrum stórum mótum.
Fyrst á Evrópumóti í Frakklandi árið
1998 og lenti þá í 8. sæti. Þá tók hann
þátt í Norðurlandamóti í Stokkhólmi
árið 2001 og varð í 1. sæti, á Evrópu-
móti sem haldið var á Ítalíu fyrir
tveimur árum varð hann í 2. sæti og
svo tók hann þátt í heimsmeistara-
móti í Springfield í Bandaríkjunum í
apríl í fyrra, en gekk ekki sem skyldi.
„Mér gekk einfaldlega illa, þar klikk-
aði ég á málningunni, ég var búinn að
leggja svo mikla vinnu í verkið sem ég
var með að ég var hættur að sjá hvað
ég var að gera. Það má segja að ég
hafi fengið duglegt spark þar og lærði
á því,“ sagði Haraldur. Hann hafði því
þann hátt á nú að halda
því leyndu að hann
stefndi á Evrópumeist-
aramótið. „Ég sagði
ekki nokkrum manni
frá því hvað ég væri að
gera, þá hafði ég alltaf
þann möguleika að
hætta við þátttöku
fram á síðasta dag
væri ég ekki sáttur,“
sagði hann. Ekki kom
til þess og Haraldur
hélt til Þýskalands
með laxinn í fartesk-
inu. „Ég var búinn að
ákveða með sjálfum
mér að ef þetta tækist
ekki núna ætlaði ég að
hvíla mig á svona mót-
um í 2–4 ár,“ sagði
hann. Árangurinn
varð hins vegar góður
og kvaðst hann því
vera að íhuga þátttöku á næsta
heimsmeistaramóti sem verður í
Springfield að ári, í apríl 2005. „Það
má vel vera að ég skelli mér vestur
um haf,“ sagði hann og þá gæti hann
tekið Evrópumeistaralaxinn með sér í
þá keppni. „Og svo kannski eitthvað
annað með.“
Haraldur Ólafsson vann Evrópumeistaratitil í uppstoppun í opnum fiskaflokki
Mikil viðurkenn-
ing á mínu starfi
Mikil vinna að baki: Haraldur Ólafsson við upp-
stoppaða laxinn sem hann fékk fyrstu verðlaun fyr-
ir á Evrópumótinu í Dortmund í Þýskalandi.
Morgunblaðið/Kristján
LEIKSKÓLARNIR Krógaból,
Síðusel og Sunnuból standa fyrir
ráðstefnunni Lífsleikni og list-
greinar á laugardag, 7. febrúar,
kl.10–14 í Safnaðarheimili Akureyr-
arkirkju. Ráðstefnan er liður í
þriggja ára þróunarstarfi leikskól-
anna, „Lífsleikni í leikskóla“, sem
lýkur í vor.
Markmiðið með þróunarverkefn-
inu er að efla siðferðisvitund barna
og fullorðinna, í þeim tilgangi að
verða bæði góð og fróð manneskja.
Eftirfarandi fyrirlestrar verða
fluttir: Við klöppum öll í einu, Halla
Steingrímsdóttir leikskólastjóri og
Þuríður Sigurðardóttir aðstoðarleik-
skólastjóri. Systkinin leikur og list,
Arna Valsdóttir fjöllistakona. Snert-
ing, jóga, slökun, Sigurlaug Ein-
arsdóttir leikskólaráðgjafi.
Lífsleikni
og listgreinar
  
TÖLUVERÐAR breytingar verða á
yfirstjórn Brims og Útgerðarfélags
Akureyringa á Akureyri í kjölfar eig-
endaskipta á ÚA í síðasta mánuði.
Guðbrandur Sigurðsson, sem verið
hefur framkvæmdastjóri ÚA og síðar
Brims undanfarin ár, lætur af störf-
um með vorinu og það gerir einnig
Jón Hallur Pétursson, sem verið hef-
ur fjármálastjóri ÚA og Brims.
Þá hefur verið ákveðið að Þorgeir
Pálsson, framkvæmastjóri ICE-
CON, dótturfélags Brims, láti af
störfum.
Magnús Þór Magnússon, sem hef-
ur síðustu þrjú ár unnið að sölu
rækju- og fiskafurða hjá ÚA, hefur
látið af störfum og hafið störf hjá SÍF
í Hull í Bretlandi. Magnús Þór starf-
aði lengst af á skrifstofu ÚA á Ak-
ureyri en undir lok síðasta árs fluttist
hann til Bretlands og vann þar áfram
að sölumálum, með aðsetur á skrif-
stofu Boyd Line í Hull.
Í ársbyrjun, fyrir söluna á ÚA, létu
tveir starfsmenn Brims, með aðsetur
á Akureyri af störfum. Jón Þórðar-
son, sem hóf störf við viðskiptaþróun
hjá Brimi um mitt síðasta ár, hefur
verið ráðinn verkefnastjóri hjá GPG
Norge AS í Noregi. Róbert Gíslason,
sem hóf störf við viðskiptaþróun hjá
ÚA fyrir tveimur árum og síðar sem
markaðsstjóri Brims, hefur ráðið sig
til GPG fiskverkunar á Húsavík.
Brim og Útgerðarfélag
Akureyringa
Miklar
breytingar
á yfirstjórn