Morgunblaðið - 05.03.2004, Page 48

48 FÖSTUDAGUR 5. MARS 2004 MORGUNBLAÐIÐ
HELGINA 13.–15. febrúar fór hópur dansara
til Kaupmannahafnar og tók þátt í hinu árlega al-
þjóðlega móti „Copenhagen Open“. Þetta er í 26.
sinn sem þetta mót er haldið. Sjö íslensk pör tóku
þátt ásamt keppendum frá 20 öðrum þjóðum og
kepptu íslensku pörin í fjórum aldurshópum sam-
kvæmt reglum IDSF (Alþjóða dansíþróttasam-
band áhugadansara).
Yngsti hópurinn, sem Íslendingar áttu þátttak-
endur í, var aldurshópurinn Börn II (10–11 ára). Í
standard-dönsum kepptu 7 pör og höfnuðu þau
Rúnar Sigurðsson og Björk Guðmundsdóttir frá
Dansíþróttafélaginu Gulltoppi í 6. sæti. Í suður-
amerísku dönsunum kepptu 9 pör og þar náðu þau
Rúnar og Björk þeim árangri að enda í 2. sæti.
Þau voru í miklu stuði í seinni keppninni og döns-
uðu létt og skemmtilega. Sigurvegarar í báðum
greinum í flokki Barna II voru Jannick Pedersen
og Zia James frá Danmörku.
Næsti hópur sem Íslendingar
kepptu í var hópurinn Unglingar II
(14–15 ára). Þar voru skráð til
keppni í standard-dönsum 29 pör
og þar af 3 íslensk. Þar náðu best-
um árangri af íslensku pörunum
Eyþór Smári Þórbjörnsson og
Hanna Rún Óladóttir frá Dans-
íþróttafélaginu Hvönn sem
höfnuðu í 14. sæti. Sigurvegarar
voru Andrey Chekmarev og Irina
Zuykova frá Rússlandi. Í s-amerískum
dönsum voru skráð 32 pör og þar
kepptu 4 íslensk pör. Bestum árangri
íslensku paranna í s-amerískum döns-
um náðu þau Björn Ingi Pálsson og
Ásta Björg Magnúsdóttir frá Dans-
íþróttafélaginu Gulltoppi sem einnig
enduðu í 14. sæti. Hlutskörpust í
þessari keppni voru Alexandr Mura-
tov og Elena Markelova frá Rússlandi.
Mér fannst öll íslensku pörin ná að
dansa vel í þessari keppni og betur en þau
höfðu gert á Íslandsmeistaramótinu sem fram
fór helgina á undan.
Eitt íslenskt par keppti í flokki Ungmenna (16–
18 ára). Það voru þau Jónatan Arnar Örlygsson og
Hólmfríður Björnsdóttir frá Dansíþróttafélaginu
Gulltoppi. Í standard-dönsum kepptu 39 pör og í
s-amerískum dönsum keppti 41 par. Þetta var
feikna sterkur hópur og gaman á að horfa.
Jónatan og Hólmfríður eru á fyrsta ári í
þessum aldurshópi og dönsuðu mjög vel og
höfnuðu í 15. sæti í s-amerísku dönsunum
og í því 16. í standard-dönsum. Sigurveg-
arar í þessum aldursflokki voru Tom Erik
Nilsen og Pia Engenberg Lundanberg
frá Noregi í standard-dönsum og
Jevgenijs Sovorovs og Nina Bezzu-
bova frá Lettlandi sigruður í
s-amerískum dönsum.
Fjölmennasti hópurinn í þess-
ari keppni er hópur Fullorðinna
(19–35 ára). Þar kepptu 60
pör og voru þau Gunnar
Hrafn Gunnarsson og Sig-
rún Ýr Magnúsdóttir frá
Dansíþróttafélaginu
Gulltoppi einu ís-
lensku keppend-
urnir í þessum
flokki og kepptu ein-
ungis í s-amerískum
dönsum og höfnuðu í 49. sæti.
Þau hafa keppt í mörg ár í dansi en ekki af
fullum krafti undanfarin tvö ár. Þau döns-
uðu mjög vel, voru snögg í hreyfingum og
fjörug. Þar fóru með sigur af hólmi Klaus
Kongsdal og Victoria Franova frá Dan-
mörku.
Að venju var haldin liðakeppni á milli
landa. Hún er mjög skemmtileg til-
breyting og myndast alltaf mjög
skemmtileg stemmning í kringum
hana. Íslendingar voru þátttak-
endur í henni og kepptu á móti
okkur lið frá Danmörku, Rúss-
landi og Lettlandi. Sigurvegar-
ar í liðakeppni á milli landa voru
frá Rússlandi.
Dómnefnd keppninnar var
skipuð ellefu alþjóðlegum dómur- um.
Alþjóðlega mótið í Kaupmannahöfn var að
venju skemmtileg og vel að keppninni staðið. Því
miður þá fer þátttakendum fækkandi með hverju
árinu og þurfa mótshaldarar að finna einhverja
leið til þess að laða að fleiri dansara.
Dansað á Írlandi
Dagana 19.–22. febrúar fór síðan fram alþjóð-
legt dansmót á Írlandi sem kallast
„Celtic Classic“. Keppnin fer fram í bænum
Tralee á Suður-Írlandi. Það fóru 19 íslensk dans-
pör utan til þess að taka þátt í þessu dansmóti.
Þátttakendur komu frá um 20 löndum. Keppt er í
öllum aldursflokkum samkvæmt aldursflokka-
reglu Bretlands. Þær reglur eru ólíkar þeim al-
þjóðlegu á þann hátt að þar er það afmælisdagur
keppenda sem ákvarðar í hvaða aldursflokki er
keppt en ekki fæðingarár. Í flokkum fullorðinna
voru haldnar keppnir viðurkenndar af IDSF og í
þeim keppnum er að sjálfsögðu farið eftir þeirra
reglum.
Yngsti aldursflokkurinn sem Íslendingar áttu
þátttakendur í var flokkurinn Börn II (10–11 ára).
Þar kepptu í standard-dönsum 6 pör og voru 2
þeirra frá Íslandi. Í 6. sæti höfnuðu Pétur G.
Magnússon og Jóna K. Benediktsdóttir frá Dans-
íþróttafélagi Kópavogs. Sigurvegarar í standard-
dönsum voru síðan frá Íslandi þau Alex Freyr
Gunnarsson og Sara Kristín Rúnarsdóttir, einnig
frá Dansíþróttafélagi Kópavogs. Í s-amerískum
dönsum kepptu 9 pör og þá voru með í keppninni 3
íslensk pör. Eitt þeirra, þau Alex Freyr og Sara
Kristín, komst í úrslit og höfnuðu þau í 3. sæti.
Þar voru hlutskörpust þau Devon
McCloure og Nicolette Barton frá
Bandaríkjunum.
Stærsta keppnin í flokki Ung-
linga er keppni 12–15 ára. Mér
finnst ósanngjarnt að setja þennan
aldur saman þar sem mikill munur
er á þroska unglinga á þessum aldri.
Komið er til móts við keppendur á mótinu með því
að halda minni keppnir þar sem aldurshópnum er
skipt í tvo hópa. Í standard-dönsum kepptu 47 pör
og voru 9 þeirra frá Íslandi. Tvö þeirra komust í
fjórðungsúrslit 24 para. Það voru þau Baldur Kári
Eyjólfsson og Anna Kristín Vilbergsdóttir og Þor-
leifur Einarsson og Ásta Bjarnadóttir, bæði frá
Dansdeild ÍR. Sigurvegarar í standard-dönsum
voru þau Evgeny Parnikel og Anna Demidova frá
Rússlandi. Í s-amerískum dönsum voru einnig 47
pör skráð til leiks og þar kepptu 8 íslensk pör. Þar
voru það sömu pörin, Baldur Kári og Anna Kristín
og Þorleifur og Ásta, sem komust inn í fjórðungs-
úrslit 26 para. Sigurvegarar voru einnig frá Rúss-
landi, þau Alexandr Rebrov og Liubov Mushtuk.
Í flokki Ungmenna (16–19 ára) var haldin
keppni viðurkennd af IDSF. Þar kepptu í stand-
ard-dönsum 28 pör og mættu tvö íslensk pör til
leiks. Sigurvegarar í þeirri keppni voru Roland
Rannala og Karina Vesman frá Eistlandi. Í s-am-
erísku dönsunum voru 43 pör sem mættu til
keppni og voru tvö þeirra frá Íslandi. Sigurveg-
arar voru þau Mark Ballas og Daria Zviagina frá
Englandi. Það er gaman að segja frá því að for-
eldrar hans voru í fremstu röð atvinnumanna í
heiminum í s-amerískum dönsum á sínum tíma.
Elsti hópurinn sem Íslendingar áttu keppendur
í var hópur Seniora (35 ára og eldri). Í standard-
dönsum kepptu tvö íslensk pör. Alls voru þar
skráð til keppni 77 pör og komust Björn Sveinsson
og Bergþóra María Bergþórsdóttir frá Dans-
íþróttafélagi Hafnarfjarðar í aðra umferð og lentu
í 35. sæti. Það voru Þjóðverjarnir Volker Schmidt
og Ellen Jonas sem unnu keppnina. Í s-amerísk-
um dönsum voru 18 pör sem tóku þátt í keppninni
og þar af voru 3 frá Íslandi. Sigurvegarar voru þau
Miguel Alonso og Eva Anzues frá Spáni.
Það voru 33 dómarar sem dæmdu á mótinu og
var einn þeirra frá Íslandi. Það var Ester Inga
Níelsdóttir, þjálfari hjá Dansdeild ÍR.
Að sögn Bergþóru Maríu Bergþórsdóttur,
keppanda í flokki Seniora, var keppnin „mjög
skemmtileg og fjölbreytileg fyrir alla aldurs-
flokka. Frábært var fyrir okkur íslensku pörin að
sjá allan þann fjölda dansara sem er að stunda
þessa íþrótt sér til ánægju og heilsubótar, þrátt
fyrir að vera ekki lengur í hópi hinna ungu og
spræku.“ Samhliða aðalkeppnunum eru
haldnar minni keppnir þar sem keppt er í
færri dönsum og keppnir fyrir þá sem ekki
eru komnir lengst í dansheiminum í dag.
Íslensku pörin tóku þátt í flestum þeim
keppnum sem í boði voru og tókst sumum
þeirra að komast á verðlaunapall og jafn-
vel að sigra í þeim.
Írska keppnin „Celtic Classic“ hefur farið
vaxandi undanfarin ár og er þetta annað árið sem
íslensk pör fara utan til þátttöku.
Íslenskir dansar-
ar á faraldsfæti
Morgunblaðið/ Jón Svavarsson
Alex Freyr Gunnarsson og Sara Kristín
Rúnarsdóttir frá Dansíþróttafélagi
Kópavogs í danssveiflu.
Rúnar Sigurðsson og Björk Guðmundsdóttir frá
Dansíþróttafélaginu Gulltoppi með verðlauna-
peninginn.
DANS
Danmörk/Írland
ALÞJÓÐLEG DANSMÓT
Undanfarnar helgar hafa íslenskir dansarar verið á far-
aldsfæti og tekið þátt í tveimur alþjóðlegum mótum.
Kara Arngrímsdóttir
Hörkukeppni í
tvímenningi á Akureyri
Tveimur umferðum af þremur er
lokið í Heilsuhornstvímenningi
Bridsfélags Akureyrar. Spilað var
þriðjudagskvöldið 2. mars. 16 pör
taka þátt. Heildarstaðan í mótinu eft-
ir tvær umferðir:
Hjalti Bergmann – Björn Þorláksson 77
Pétur Guðjónsson – Stefán Ragnarsson 69
Jón Sverrisson – Una Sveinsdóttir 36
Hermann H. Huijbens – Ólafur Ágústss. 33
Helgi Steinsson – Gylfi Pálsson 26
Úrslit úr annarri umferð:
Helgi Steinsson – Gylfi Pálsson 36
Steinarr Guðm. – Magnús G. Magnúss. 26
Hjalti Bergmann – Björn Þorláksson 26
Hermann H. Huijbens – Ólafur Ágústss. 21
Spilaður var Howel-tvímenningur
sunnudagskvöldið 29. febrúar.
Úrslit voru:
Kolbrún Guðveigsdóttir – Gylfi Pálsson 48
Hermann H. Huijb. – Stefán Vilhjálmss. 38
Reynir Helgason – Stefán Sveinbjörnss. 17
Fímann Stefánsson – Björn Þorláksson 8
Jón Sverrisson – Una Sveinsdóttir 8
Reykjanesmót í
tvímenningi 14. mars
Reykjanesmót í tvímenningi, sem
jafnframt er undankeppni fyrir Ís-
landsmót, verður haldið í Hraunholti
(Dalshrauni, Hafnarfirði) sunnudag-
inn 14. mars kl. 10.00.
Reykjanes á átta pör inn á Íslands-
mót. Keppnisgjald er 4.500 kr. á par.
Keppnisstjóri Eiríkur Hjaltason.
Skráning hjá BSÍ, 587 9360, eða
hjá Erlu Sigurjónsdóttur, 565 3050.
Úr „Gullhreppum“
Nú er nýlega lokið keppni í aðal
tvímenningskeppni vetrarins á Flúð-
um. Keppnin stóð yfir fjögur kvöld
og er alltaf spilað á mánudagskvöld-
um. Þetta var hörð og tvísýn keppni
en úrslit urðu sem hér segir:
Karl Gunnlaugss. – Jóhannes Sigm. 283
Viðar Gunngeirss. – Gunnar Marteinss. 273
Ari Einarsson – Knútur Jóhannesson 273
Anna Ipsen – Pétur Skarphéðinsson 261
Loftur Þorsteinss. – Sigurður Sigm. 254
Margrét Runólfsd. – Bjarni H. Ansnes 236
Bridsfélag Hafnarfjarðar
Fyrsta umferð af þremur í hrað-
sveitakeppni félagsins fór fram
mánudaginn 1. mars og urðu úrslit
þessi:
Sverrir Jónsson og félagar 568
Einar Sigurðsson og félagar 499
Friðþjófur Einarsson og félagar 496
Hulda Hjálmarsdóttir og félagar 493
Keppni þessi heldur áfram næsta
mánudag og einhverjum varð að orði
í uppgjafartón að Sverrir þyrfti ekk-
ert að mæta; sigurinn væri þegar í
höfn. Önnur rödd, öllu brattari,
heyrðist þá og sagði að hann skyldi
nú fá að vinna fyrir honum. Þannig að
það er von á hörkubaráttu í Firðinum
næstu mánudaga.
Bridsdeild Breiðfirðinga
Úrslit síðustu sunnudagskvölda.
22/2 15 pör
NS
Sveinbjörg Ein. – Þorleifur H. Þórar. 137
Haukur Guðbj. – Sveinn V. Kristinss. 124
Jón Jóhannsson – Birgir Kristjánsson 123
AV
Ingibjörg Halldórsd. – Sigríður Pálsd. 148
Birna Lárusd. – Sturlaugur Eyjólfsson 121
Sigþrúður D. Ólafsd. – Unnar Guðm. 119
29/2 15 pör
NS
Jón Jóhannsson – Birgir Kristjánsson 134
Haukur Guðbj. – Sveinn V. Kristins. 116
Sigþrúður D. Ólafsd. – Unnar Guðm. 107
AV
Sigurbjörg Einarsd.– – Páll Þorleifsson 129
Sveinbjörg Egilsd. – Þorleifur H. Þórar. 121
Ingibjörg Halldórsd. – Sigríður Pálsd. 111
Hörður R. Einarss. – Benedikt Egilss. 111
Frá eldri borgurum
í Hafnarfirði
Þriðjudaginn 2. mars var spilað á tíu borð-
um. Meðalskor var 216.
Úrslit:
Norður/suður
Bjarnar Ingimarss. – Ólafur Gíslason 278
Bragi Björnsson – Auðunn Guðmunds. 244
Lilja Kristjánsd. – Sigríður Gunnarsd. 234
Guðmundur Guðm. – Friðrik Herm. 227
Austur/vestur
Hermann Valsteinss. – Jón Sævaldss. 236
Jón Gunnarsson – Sigurður Jóhannss. 233
Ingimundur Jónsson – Helgi Einarss. 233
Sófus Berthels. – Haukur Guðmundss. 229
BRIDS
Umsjón Arnór G.
Ragnarsson