Morgunblaðið - 13.04.2004, Blaðsíða 19

LISTIR
MORGUNBLAÐIÐ ÞRIÐJUDAGUR 13. APRÍL 2004 19
Í ÖLLU framboðinu og framleiðsl-
unni á tónlist í heiminum er oft hætt
við að gullkornin týnist eða þau kom-
ist ekki að, krakkarnir eru kannski
ekki að humma þá músík af því hún
gellur ekki hátt á popptíví og hún er
ekki nógu hraðsoðin fyrir uppspíttað-
an nútímann. Kammertónlist klass-
ísku og rómantísku meistaranna er
uppfull af þessum gullkornum þar
sem óræð fegurð, margbreytileiki og
djúpstæð upplifun geta komið hlust-
andanum í trans. Þessi músík er
gjarna persónuleg og viðkvæm, hver
hljóðfæraleikari verður svo nálægur
bæði meðleikurum og áheyrendum,
mjög reynir á tónræn samskipti, og
blæbrigðin í hverju bogastroki heyr-
ast. Hin ríka þörf til að tengjast, ná
sambandi, láta rödd sína hljóma og
hlusta á aðra kristallast í þessari mús-
ík.
Á skírdag voru haldnir kammer-
músík- og söngtónleikar í Skjól-
brekku í Mývatnssveit. Tónleikarnir
voru hinir fyrri af tvennum sem
haldnir voru í upphafi páskahátíðar-
innar undir formerkjunum Músík í
Mývatnssveit og var Laufey Sigurð-
ardóttir fiðluleikari einn helsti for-
göngumaður þeirra. Auk Laufeyjar
komu fram á tónleikunum Sigurlaug
Eðvaldsdóttir fiðluleikari, Þórunn
Ósk Marínósdóttir á lágfiðlu, Sigurð-
ur Bjarki Gunnarsson sellóleikari,
Anna Áslaug Ragnarsdóttir á píanó
og Arndís Halla Ásgeirsdóttir sópr-
ansöngkona. Tónleikarnir hófust á pí-
anókvintett í Es-dúr eftir Schumann;
meiriháttar flottri tónsmíð sem m.a.
Klara kona tónskáldsins frumflutti á
sínum tíma. Fyrir utan Silungakvin-
tett Schuberts, sem er reyndar með
kontrabassa og aðeins einni fiðlu, er
kvintett Schumanns sennilega sá
þekktasti í tónlistarsögunni. Hann
hefst á djörfum hljómum og byggist
mest á aðalstefinu og strax í upphafi
mátti heyra vandaðan og fínan hljóð-
færaleik hjá flytjendunum. Flutning-
urinn var agaður og pottþéttur en ein-
stöku sinnum hefðu menn mátt vera
djarfari og leyfa sér að fá meiri útrás.
Það hljóðfæri sem var með aðalmel-
ódíuna hefði líka stundum mátt kom
koma sterkar fram, eins og t.d. þegar
sellóið tekur undurfallegt aukastefið.
Stundum hefði líka mátt spara pí-
anópedalinn meira til þess að píanóið
kæmi skarpar út gegn strengjunum.
2. þáttur var mjög vel leikinn með sín-
um miklu andstæðum og stuttaralegu
dimmu marsstefinu sem virkar svolít-
ið eins og viðlag. 3. þáttur, scherzo, er
rismikil skalahlaup með tríólotum þar
sem sú seinni er svolítið fríkuð og sí-
gaunaleg. Þátturinn var glæsilega
spilaður en skalahlaupin hefðu stund-
um mátt enda í enn kröftugri há-
punktum. Í 4. þætti eru sérkennileg
tóntegundaskipti og þátturinn endar
á nettri fúgu þar sem aðalstefið úr 1.
þætti heyrist. Kaflinn eins og verkið
allt var sérstaklega vel leikinn og bar
metnaði og vandvirkni flytjenda
órækt vitni.
Eftir hlé kom Arndís Halla og söng
við undirleik Önnu Áslaugar, fyrst
þekkt íslensk lög og að lokum tvær
óperuaríur. Lögin voru Í dag skein sól
og Kossavísur eftir Pál Ísólfsson,
Karl sat undir kletti og Vort líf, vort
líf eftir Jórunni Viðar og Síðasti dans-
inn eftir Karl O. Runólfsson. Arndís
hefur mikla rödd og var flutningur
hennar sérlega glæsilegur og túlkun-
in skemmtilega lifandi. Anna Áslaug
skilaði sínu líka með glæsibrag en
virkaði pínulítið heft með fjörmikilli
Arndísi. Stundum var reyndar dálítið
eins og salurinn væri of lítill fyrir
kraftmikla rödd söngkonunnar og
veikir tónar hefðu mátt vera enn veik-
ari til þess að andstæður í tónlistinni
kæmu enn betur fram. Í óperuaríun-
um, „Martern aller Arten“-aríu Kon-
stönsu úr Brottnáminu eftir Mozart
og „Quel guardo il Cavalliere“ úr Don
Pasquale Donizettis, fór Arndís
hreinlega á kostum, hún var blæ-
brigðarík, kraftmikil, rytmísk og
örugg og kórónaði með flutningi sín-
um frábæra tónleika.
Jón forseti kl. 20 Sjötta skálda-
spírukvöldið verður haldið. Á meðal
upplesara eru Gunnar Dal, Geirlaug-
ur Magnússon, Benedikt S. Lafleur
og Pétur Þorsteinsson prestur hjá
Óháða söfnuðinum. Einnig verður
leikin gítartónlist.
Í DAG
TÓNLIST
Skjólbrekka
Flytjendur: Laufey Sigurðardóttir fiðlu-
leikari, Sigurlaug Eðvaldsdóttir fiðluleik-
ari, Þórunn Ósk Marínósdóttir á lágfiðlu,
Sigurður Bjarki Gunnarsson sellóleikari,
Anna Áslaug Ragnarsdóttir á píanó og
Arndís Halla Ásgeirsdóttir sópr-
ansöngkona. Skjólbrekka. Fimmtudag-
inn 8. apríl, skírdag.
KAMMERTÓNLIST
Ívar Aðalsteinsson
Morgunblaðið/Golli
Arndís Halla Ásgeirsdóttir: Blæbrigðarík, kraftmikil, rytmísk og örugg.
Frábær músík í Mývatnssveit
Laugavegi 32 sími 561 0075
Heimsferðir bjóða beint flug til Barcelona alla
fimmtudaga í sumar á hreint frábærum kjörum.
Þú getur valið um flugsæti eingöngu, flug og bíl
á frábærum kjörum eða eitt af okkar vinsælu
hótelum í
hjarta Barcelona. Bókaðu fyrir
1. maí og tryggðu þér bestu
kjörin.
Skógarhlíð 18, sími 595 1000.
www.heimsferdir.is
Verð kr. 23.995
Flugsæti m.v. hjón með 2 börn, 2-11 ára,
m.v. 20. maí. Netverð. Sjá bækling
Heimsferða.
Verð kr. 59.990
Vikuferð, flug og gisting með
morgunmat og sköttum, m.v. 2 í herbergi,
Atlantis, 3. júní. Netverð.
Munið Mastercard
ferðaávísunina
· Flug
· Flug og bíll
· Flug og hótel
Vikulegt flug – alla fimmtudaga í sumar
Barcelona
í sumar
frá kr. 23.995
www.thjodmenning.is
FRÁ því á áramótum hafa tvö
verk íslenskra höfunda verið
frumsýnd á Nýja sviði Borgar-
leikhússins og það þriðja verð-
ur frumsýnt í maí. Þetta eru
verk sem valin voru úr hug-
myndasamkeppni sem leikhús-
ið efndi til vorið 2002. Á mið-
vikudagskvöld gefst áhorf-
endum kostur á að sjá tvö
þessara verka sama kvöldið,
það eru Sekt er kennd eftir
Þorvald Þorsteinsson og strax
á eftir Draugalest eftir Jón Atla
Jónasson. Þetta er aukasýning
og jafnframt síðasta sýning á
verkinu. Einn aðgöngumiði
gildir að báðum verkum. Í maí
frumsýnir leikhúsið Belgísku
Kongó eftir Braga Ólafsson.
Tvö verk
sama kvöldið
SÖNGFÉLAGIÐ Sálubót í
Þingeyjarsveit er að ljúka vetr-
arstarfi sínu og mun halda vor-
tónleika í Þorgeirskirkju í kvöld
kl. 20.30, Glerárkirkju á Akur-
eyri 14. apríl kl. 20.30, Húsavík-
urkirkju 18. apríl kl. 16.00,
Skúlagarði í Kelduhverfi 18.
apríl kl. 20.30, Ólafsfjarðar-
kirkju 25. apríl kl. 14.00, Dalvík-
urkirkju 25. apríl kl. 17.00,
Laugaborg í Eyjafjarðarsveit
29. apríl kl. 20.30, Þorgeirs-
kirkju 2. maí kl 0.30 og Skjól-
brekku 4. maí kl. 20.30.
Þá er að koma á markað
hljómdiskurinn „Mig dreymir“
sem tekinn var upp í Ýdölum í
janúar, en á honum eru 24 ís-
lensk og erlend lög og þar af
fimm eftir söngstjórann Jaan
Alavere. Einsöngvarar með
Sálubót eru Dagný Pétursdótt-
ir, Karl Ingólfsson, Hildur
Tryggvadóttir og Óskar Péturs-
son. Hljóðfæraleikarar eru Jaan
Alavere píanó, Marika Alavere
fiðla, Tarvo Nömm bassi og
Trausti Ingólfsson trommur.
Vortónleikar
Sálubótar
Laxamýri. Morgunblaðið.
ODDNÝ Eir Ævarsdóttir og Eiríkur
Guðmundsson kynna nýju bækurnar
sínar á bókmenntakvöldi Bjarts á
Súfistanum, Laugavegi 18, á mið-
vikudaginn kl. 20.30. Þá leika hljóð-
færaleikarar tangóa fyrir gesti.
Nýlega eru komin út hjá Bjarti tvö
frumsamin verk í ritröðinni Svörtu
línunni.
Oddný Eir Ævarsdóttir er höf-
undur að Opnun kryppunnar, sjálfs-
ævisögulegu verki með heimspeki-
legu ívafi, sem lýsir meðal annars
sambandi sögumanns við íslenska
bændur og erlenda sálgreinendur,
brúðuleikhúsmenn, rithöfunda,
spekinga og geðsjúklinga.
Þá hefur Eiríkur Guðmundsson
sent frá sér bókina 39 þrep á leið til
glötunar sem hefur að geyma hug-
leiðingar um íslenskan veruleika á
þessum síðustu og verstu tímum,
hugleiðingar sem skýra meðal ann-
ars hvers vegna sögumaður hefur
gefist upp á landi og þjóð og flutt til
Mexíkó.
Þau Oddný og Eiríkur lesa sýn-
ishorn úr verkum sínum á Súfistan-
um en auk þess leikur kántrísveitin
Homebreakers (Hjónadjöflar)
finnska tangótónlist milli dagskrár-
liða.
Svarta línan á Súfistanum