Morgunblaðið - 20.04.2004, Side 20

AKUREYRI
20 ÞRIÐJUDAGUR 20. APRÍL 2004 MORGUNBLAÐIÐ
ÓVENJUSTÓR hópur nemenda er
að brautskrást frá Tónlistarskól-
anum á Akureyri og framundan er
tónleikaröð, útskriftartónleikar
þar sem fram koma þeir nemendur
sem eru að taka lokapróf í hljóð-
færaleik eða söng.
Magna Guðmundsdóttir hjá Tón-
listarskólanum á Akureyri sagði að
auk þess sem óvenjumargir lykju
nú lokaprófi þá væru hljóðfærin
sem nemendur hefðu lært á síðustu
misserin fjölbreytt, píanó, kontra-
bassi, gítar, fiðla og einnig söngur.
Tveir úr hópnum eru einnig að
ljúka stúdentsprófi af listnáms-
braut, tveir halda áfram námi við
Menntaskólann, einn er píanókenn-
ari við Tónlistarskólann og bætti við
sig söng og þá er í hópnum kjötiðn-
aðarmaður sem tók sig til og fór að
læra á kontrabassa og er nú að
ljúka því námi. „Þetta sýnir bara að
það er hægt að gera allt mögulegt,
sama á hvað aldri fólk er,“ sagði
Magna. Hún bætti við að tónlist-
arfólkið hefði tekið virkan þátt í
tónlistarlífi skólans og sett svip á
hann nú hin síðari ár. Þeir sem eru
að ljúka námi eru Helena G.
Bjarnadóttir sem verður með
söngtónleika fimmtudaginn 22.
apríl, sumardaginn fyrsta, kl. 14
en með henni leikur Daníel Þor-
steinsson á píanó, Sigríður Svana
Helgadóttir og Sigurður Helgi
Oddsson sem bæði leika á píanó
verða með sameiginlega tónleika
fimmtudaginn 29. apríl kl. 16.30,
María Podhajska, sem leikur á
fiðlu, verður með tónleika 30. apríl
kl. 18, meðleikari á píanó er Helga
Bryndís Magnúsdóttir, Ólafur
Haukur Árnason verður með gít-
artónleika sunnudaginn 9. maí kl.
14., Davíð Þór Helgason sem leik-
ur á kontrabassa verður með tón-
leika sunnudaginn 23. maí kl. 16.
en með honum leikur Helena G.
Bjarnadóttir á píanó.
Óvenju margir brautskrást frá Tónlistarskólanum á Akureyri
Settu svip á skólann
Morgunblaðið/Kristján
Glaðbeittir útskriftarnemar: Nemendurnir sex sem útskrifast frá Tónlist-
arskólanum á Akureyri. Fremri röð, f.v.: María Podhajska, Helena G.
Bjarnadóttir og Sigríður Svana Helgadóttir. Aftari röð, f.v.: Davíð Þór
Helgason, Ólafur Haukur Árnason og Sigurður Helgi Oddsson.
FJÖLDI fólks lagði leið sína í versl-
unarmiðstöðina Glerártorg á laug-
ardag, en þar stóð Kaupfélag Ey-
firðinga fyrir menningarveislu.
Þetta er í annað sinn sem félagið
býður Akureyringum og nær-
sveitamönnum upp á slíka veislu á
Glerártorgi, gríðarlegt fjölmenni
mætti í fyrra og varla færri nú í ár.
Dagskráin var byggð á því sem hæfi-
leikafólk á félagssvæðinu hafði fram
að færa, leiklist, tónlist, söngur, kór-
söngur og upplestur svo eitthvað sé
nefnt var í boði nú. KEA vill með
slíkum menningarveislum slá tvær
flugur í einu höggi, styðja kraftmikið
menningarlíf á svæðinu og bjóða
fólki að njóta.
Morgunblaðið/Kristján
Strákarnir í Skyttunum sýndu lipra takta á sviðinu á Glerártorgi.
Fjölmenni fylgdist með
menningarveislunni
Áhrif þjóðréttarsamninga |
Davíð Þór Björgvinsson, prófessor
við Háskólann í Reykjavík, flytur
fyrirlestur á lögfræðitorgi í dag,
þriðjudaginn 20. apríl, kl. 16.30 í
Þingvallastræti 23, stofu 14. Hann
nefnist: „Áhrif þjóðréttarsamninga
við skýringu og beitingu stjórn-
arskrárinnar.
Íslendingar hafa frá stofnun lýð-
veldisins undirritað og fullgilt
fjölda alþjóðasáttmála. Sáttmál-
arnir hafa þó hingað til ekki talist
hafa bein réttaráhrif á Íslandi og
er það í samræmi við kenninguna
um tvíeðli landsréttar og þjóðarétt-
ar,“ segir í frétt um fyrirlesturinn.
Í erindi sínu mun Davíð Þór fjalla
um áhrif þessara samninga við
skýringu og beitingu stjórnarskrár-
innar.
Hlynur sýnir í 02 gallery | Hlyn-
ur Hallsson sýnir um þessar mundir
í 02 Gallery í Amarohúsinu á Ak-
ureyri og stendur sýningin yfir til 1.
maí næstkomandi. Sýningin ber yf-
irskriftina „New Frontiers“.
Á sýningunni eru myndir af 24
„nýjum löndum“ eins og Aceh,
Baskalandi, Bæjaralandi, Sama-
landi, Kasmír, Kivu, Palestínu, Fær-
eyjum, Texas og Vestfjörðum. Titill
sýningarinnar er sóttur í ræður
Johns F. Kennedys sem hann flutti
haustið 1960 og varð einmitt tíðrætt
um hugtakið „New Frontiers“.
ÁÆTLAÐ er að kostnaður Dalvík-
urbyggðar vegna 30 ára afmælis
bæjarins hafi verið um 400 þúsund
krónur. Upplýsingafulltrúi upplýsti
þetta á síðasta fundi bæjarráðs.
Haldið var upp á 30 ára afmæli
Dalvíkur um páskana með kaffiboði í
Víkurröst. Rúmlega 400 gestir
mættu og þáðu kaffi, kleinur og tert-
ur. Björgunarsveitin á Dalvík útbjó
þrautabraut fyrir börnin í Íþrótta-
húsinu og þar var mikið fjör í kassa-
klifri, sigi fram af áhorfendastúk-
unni og ýmsu öðru sem boðið var
upp á. Björgunarsveitin var einnig
með sýningu á tækjum sínum fyrir
utan Víkurröst. Blakliðið Rimar
hafði umsjón með kaffiboðinu sem
tókst með miklum ágætum. Þeir fé-
lagar Hafliði Ólafsson og Birnir
Jónsson tóku á móti gestum með
harmonikkuleik. Frá þessu er greint
á vef Dalvíkurbyggðar.
Í fundargerð bæjarráðs kemur
fram að menn séu sáttir við aðsókn
að dagskrá sem boðið var upp á um
nýliðna páska. Beinn kostnaður hafi
numið um 900 þúsund krónum, hlut-
ur Dalvíkurbyggðar var 450 þúsund
krónur, m.a. vegna auglýsinga.
Alls sóttu tæplega 1500 manns
Sundlaug Dalvíkur um páskana og
107 gestir skoðuðu Byggðasafnið.
Á fundi bæjarráðs greindi bæj-
arstjóri frá því að blómakarfa hefð-
iborist frá Akureyrarbæ í tilefni af
30 ára afmæli bæjarins voru fyrir
það færðar bestu þakkir.
Fjöldi gesta á Dalvík
um páskana
Þórhildur Sandholt
lögfr. og lögg. fastsali.
Gsm 898 8545
Gísli Sigurbjörnsson
sölumaður
FAX 568 3231
EIGNIR ÓSKAST
Leitum að íbúðum fyrir tvær systur sem vilja búa í nágrenni við
hvora aðra í sama lyftuhúsi eða samliggjandi húsum. Íbúðarstærðir
2-3 og 3-4 herbergi. Óskastaðsetning 110, 112, 101. Skipti á íbúð í
101, 3-4 herbergja, og 4 herbergja í 110 möguleg.
Nánari upplýsingar gefur Þórhildur í síma 568 7633
Fagnar virkjun Glerár | Franz
Árnason, forstjóri Norðurorku, hef-
ur sent erindi til umhverfisráðs þar
sem fyrirtækið óskar eftir að end-
urgera stöðvarhús og aðrennslisrör
gömlu Glerárvirkjunar, á sama stað
og gömlu mannvirkin stóðu. Um-
hverfisráð fagnar þessum áformum
Norðurorku og felur umhverfisdeild
að annast tilheyrandi breytingar á
skipulagi í samráði við umsækjanda.
Eins og fram hefur komið verður
framleiðsugeta virkjunarinnar um
1,5 GWst og er stefnt að því að ráð-
ast í framkvæmdir á þessu ári, á
100 ára afmæli rafvæðingar á Ís-
landi. Göngubrú er yfir stífluna á
Glerá sem Rafveita Akureyrar lét
hanna í tilefni af 75 ára afmæli veit-
unnar árið 1997. Stíflan er fyrsta
mannvirki Rafveitunnar og hluti af
Glerárstöð, sem var fyrsta virkjun
veitunnar. Stíflan var byggð 1921,
stöðvarhúsið 1922 og virkjunin tek-
in í notkun það ár. Stíflan á Glerá
var endurbyggð 1986 og gegnir því
hlutverki að hefta sand- og mal-
arburð ofan á eyrarnar.