Pressan - 10.11.1988, Blaðsíða 31
-> ^ ^ - l^v','P or '* t0^tj* rj1 ítí • w, »i«\
Fifrfmludagur iTT november 1988 31
sfonvarp
Rikissjónvarpið kl. 20.30
FIMMTUDAGUR 10. NÓVEMBER
SIMON PÉTUR FULLU NAFNI
Sjónvarpið sýnir í þættinum
„I pokahorninu" eina af stutt-
myndum þeim sem gerðar voru
fyrir síðustu Listahátíð. bað er
myndin SÍMON PÉTUR
FULLU NAFNI, en handrit
hennar er eftir Erling Gíslason.
Leikstjóri myndarinnar er
Brynja Benediktsdóttir.
Myndin gerist á fyrstu árum
síðari heimsstyrjaldarinnar og
segir frá drenghnokka
(Mumma) sem býr í Þingholtun-
u.m í Reykjavík. Fátækt er enn
greinileg en þó örlar á vaxandi
stríðsgróða. Mummi á sér góð-
an vin í leikfangasmiðnum Elí-
asi og sá hefur smíðað drengn-
unt leikfangabíl. Elíasi hefur þó
yfirsést að hafa bílinn með laus-
um palli svo hann geti sturtað
eins og alvöru vörubílar.
Mummi gerir sér að auki ekki
grein fyrir því að Elías á sér fleiri
áhugamál en lítill drengur getur
gert sér í hugarlund. Hann
kemst þó á snoðir um þau og
með það sama umhverfist heim-
urinn í augum hans.
SÍMON PÉTUR FULLU
NAFNI var sú stuttmynd sem
áhorfendum á Listahátíð féll
best í geð. Það kom ekki á óvart
enda er myndin öll hin snotr-
asta, snjöll hugmynd sem fylgt.
er eftir með markvissu handriti
og ágætri útfærslu þess. Þess
má geta að hljóðið hefur verið
endurunnið fyrir sjónvarps-
gerðina, en það ku ekki hafa
verið nógu gott þegar myndin
var sýnd á Listahátíð.
Erlingur Gíslason fer sjálfur
með hlutverk leikfangasmiðsins
Elíasar en drenginn litla leikur
Freyr Ólafsson. Að auki leikur
Helga Jónsdóttir stórt hlutverk.
Hjálmar H. Ragnarsson gerði
tónlistina, Baldur H. Jónsson
kvikmyndaði og Böðvar Guð-
mundsson sá um hljóðið.
Myndin tekur 23 mínútur í sýn-
ingu.
FIMMTUDAGUR
10. nóvember
Stöð 2 kl. 16.15
SAGA BETTY FORD**
The Betty Ford Story
Bandarísk, gerð 1987, leikstjóri
David Greene, aðalhlutverk Gena
Rowlands, Josef Somnier, Nan
Woods.
Mynd um ævi forsetafrúarinnar
Betty Ford, en eins og flestum mun
kunnugt átti hún í miklu stríði við
Bakkus um langa hríð.
Stöð 2 kl. 22.15
ÓGNIR GÖTUNNAR***
Panic in the Streets
Bandarísk, gerð 1950, leikstjóri Elia
Kazan, aðalhlutverk Richard Wid-
mark, Jack Palance, Paul Douglas.
Mynd þessi hlaut Óskarsverðlaun
fyrir handrit á sínum tíma og fjallar
um byssuglaða bófa sem ekki að-
eins eru byssuglaðir heldur hafa
líka sýkst af hættulegum smitsjúk-
dómi. Læknisfræðimenntaður liðs-
foringi leitar bófanna með við-
eigandi spennu og eltingaleikjum. |
Stöð 2 kl. 23.45
BLAÐ SKILUR BAKKA 0G
EGG**
The Razor’s Edge
Bandarísk, gerð 1984, leikstjóri
John Byrum, aðalhlutverk Bill
Murray, Theresa Russel, Catharina
Hicks.
Endurgerð þessarar þekktu mynd-
ar, en Tyrone Power var í aðalhlut-
verki frumgerðarinnar. Segir frá
hermanni sem ekki getur gleymt
ógnum styrjaldar eftir að hann snýr
heim, sem veldur því að hann yfir-
gefur starf og heimili og heldur í
langa leit að sannleikanum um til-
vist sína. Stendur frumgerðinni
nokkuð langt að baki og þykir rugl-
ingslega uppbyggð.
FÖSTUDAGUR
11. nóvember
Stöð 2 kl. 16.00
FULLK0MIN*
Perfect
Bandarísk, gerð 1985, leikstjóri
James Bridges, aðalhlutverk John
Travolta, Jamie Lee Curtis.
Fjallar um blaðamann á Rolling
Stone (Travolta) sem fær það verk-
efni að sóða út heilsuræktarstöðvar
á prenti en verður um leið ástfang-
inn af einum kennaranum (Curtis)
sem einmitt átti að vera eitt af við-
fangsefnum greina hans. Algjör-
lega misheppnuð mynd, hvernig
sem á það er litið, sérstaklega þegar
Travolta og Curtis reyna að ræða
saman á heimspekilegu nótunum.
I ■
Stöö 2 kl. 22.10
FUR0USÖGUR*
Amazing Stories
Bandarísk, gerð 1987, leikstjórar
Steven Spielberg, William Dear og
Bob Zemeckis. Aða/h/utverk Kevin
Costner o.fl.
Þrjár aðskildar sögur í einni bíó-
mynd, fyrst spennumynd, þá
gamanmynd og síðast hrollvekja.
Ríkissjónvarpið kl. 22.25
SÍÐASTA TROMPIÐ**
The Jigzaw Man
Bresk, gerð 1984, leikstjóri Terence
Young, aðalhlutverk Michael
Caine, Susan George, Sir Laurence
Olivier, Robert Powell.
Njósnaþriller sem segir frá fyrrum
starfsmanni í bresku leyniþjónust-
unni sem hefur flúið til Sovét. Birt-
ist síðan skyndilega, gjörbreyttur í
útliti, á nýjan leik í heimalandi sínu
öllum til mikillar undrunar. Enginn
veit raunverulega á bandi hverra
hann er. Því miður er samspil þeirra
Caines og Oliviers ekki hið sama og
í SLEUTH og þess vegna er manni
eiginlega sama hvorum megin
njósnarinn stendur.
Stöð 2 kl. 00.45
EINEYGÐIR GOSAR***
One Eyed Jacks
Bandarísk, gerð 1961, leikstjóri
Marlon Brando, aðalhlutverk
Marlon Brando, Karl Malden, Pina
Pellicier, Ben Johnson.
Sálfræðilegur vestri þar sem
Marlon Brando er allt í öllu. Fjallar
um útlaga (Brando) sem leitar
hefnda á fyrrum vini sínum sem nú
er lögreglustjóri (Malden). Fallega
tekin, sterk persónugerð en heldur
löng.
Stöð 2 kl. 03.00
REFSIVERT ATHÆFI***
The Offence
Bresk, gerð 1972, leikstjóri Sidney
Lumet, aðalhlutverk Sean Conn-
ery, Trevor Howard.
Magnþrungið drama um lögreglu-
mann (Connery) sem er flæktur í
eigin ímyndanir og taugaveiklun og
verður fyrir því að lemja grunaðan
mann til dauða. Connery þykir
sýna afbragðsleik.
LAUGARDAGUR
12. nóvember
Stöð 2 kl. 13.35
LITTLA OJÁSNIÐ*
Little Treasure
Bandarísk, gerð 1985. Leikstjóri
Alan Sharp, aðalhlutverk Margot
Kidder, Ted Danson, Burt
Lancaster.
Fjallar um nektardansmær sem
kemur að beði föður síns sem hún
hefur ekki séð lengi. Hann liggur
fyrir dauðanum, hún eyðir samt
tímanum í fjársjóðsleit með undir-
málsmanni. Vitleysa frá upphafi til
enda.
Ríkissjónvarpið kl. 21.20
í SVIÐSLJÓSINU*'
I
I Could Go on Singing
Bresk, gerð 1963, leikstjóri Ronald
Neame, aða/hlutverk Judy Gar-
land, Dirk Bogarde.
Söngkona (Garland) sem hpldur
hefur verið á niðurleið kemur til
Englands til að sækja óskilgetinn
son sinn sem býr hjá föður sínum
(Bogarde). Garland fer á kostum í
söngatriðunum og þykir þarna sýna
allt sem hún varð svo fræg fyrir á
sínum tíma. Því miður varð þetta
hennar síðasta mynd.
Stöð 2 kl. 21.45
HÁTT UPPIII**
Airplane II
Bandarísk, gerð 1982, leikstjóri Ken
Finkleman, aðalhlutverk Robert
Hayes, Jutie Hagerty, Lloyd
Bridges.
Fylgdi í kjölfarið á Airplane, sem
var óstjórnlega fyndin. Þessi nær
ekki alveg að fylgja þeirri fyrri eftir
en samt eru í henni nokkrir góðir
brandarar.
Rikissjónvarpið kl. 23.00
UAUUAUÁ***
Coma
Bandarísk, gerð 1977, leikstjóri
Michael Crichton, aðalhlutverk
Genevieve Bujold, Michael
Douglas, Elizabeth Ashley, Richard
Widmark.
Einhver stundar þann ljóta leik að
drepa og stela sjúklingum ai stóru
sjúkrahúsi og ungur kvenlæknir
(Bujold) fær yfirmenn sína í lið
með sér til að rannsaka málið.
Myndin hefur flest það til að bera
sem þarf, er einskonar blanda af
spítalasögu, hryllingsmynd og
leynilögguleik hins almenna borg-
ara. Ekki eru allir þar sem þeir eru
séðir í þessari mynd. í seinni tíð
hefur myndin aftur komist í sviðs-
ljósið vegna þess að kyntákninu
Tom Selleck bregður fyrir í smá-
hlutverki.
Stöð 2 kl. 23.35
ÁSTARSORGIR*
Advice to the Lovelorn
Bandarísk, gerð 1981, leikstjóri
Harry Falk, aðallilutverk Cloris
Leachman, Joe Terry, Kelly Bishop,
Walter Brooks, Melissa Sue Ander-
son.
Segir frá blaðakonu sem helur það
hlutverk að svara lesendabréfum og
greiða úr vandamálum lesenda.
Hinsvegar gengur henni ekki eins
vel að greiða úr eigin vandamálum.
Allt frekar venjulegt og oftast nær
það ekki meðalgæðum.
Stöð 2 kl. 01.05
SAMNINGAR OG
RÓMANTÍK* *
Just Tell Me What You Want
Bandarísk, gerð 1980, leikstjóri
Sidney Lumet, aðalhlutverk Ali
McGraw, Alan King, Myrna Loy.
Viðskiptajöfur (King) hrekur hjá-
konu sína til langs tíma (McGraw)
frá sér en gerir svo hvað hann getur
til að ná henni aftur. Kaldhæðnis-
leg yfirstéttarkómedía sem fellur
líklegast ekki öllum í geð. King
þykir sýna stórleik sem viðskipta-
jöfurinn og sömuleiðis Myrna Loy
sem kúgaður og bældur einkaritari
hans.
SUNNUDAGUR
13. nóvember
Stöð 2 kl. 22.30
MIÐNÆTURHRAÐ-
LESTIN* * *
Midnight Express
Bandarísk, gerð 1978, leikstjóri
Alan Parker, aðalhlutverk Brad
Davis, Paul Smith, Randy Quaid,
John Hurt, Mike Kellin, Irene
Miracle.
Stórmynd, byggð á sannsögulegum
heimildum, þrátt fyrir að sannleik-
urinn hafi verið annar en mynda-
smiðirnir vilja láta okkur trúa.
Alan Parker leikstýrir en hann á að
baki jafnólíkar myndir og Birdy,
Fame, Bugsy Malone, The Wall
(Pink Floyd-myndin) og Angel
Heart. Ofbeldisfull, grimm mynd
sem segir frá ungum bandarískum
jmenntaskólanema sem er handtek-
inn í Tyrklandi með örlítið hass
innan klæða. Hann er dæmdur í
fjögurra ára fangelsi en dómurinn
seinna lengdur í lífstíðardóm en
mildaður aftur í aðeins þrjátíu ár.
iFangelsið er ótrúlegt, niðurlæging
|fanganna alger og hrottaskapur
varðanna með eindæmum.
Stöð 2 kl. 00.30
1941* *’A
i Bandarísk, gerð 1979, leikstjóri
I Steven Spielberg, aðalhlutverk Dan
\Aykroyd, John Belushi, NedBeatty,
Christopher Lee, Toshiro Mifune.
Gamanmynd, gerð í stórkallalega
stílnum, stærra er betra. Mynd sem
i kostaði óhemjufé en skilaði víst
jlitlu eða engu til baka. Segir frá
gífurlegri ringulreið sem skapast í
I Kaliforníu undir lok seinni heims-
styrjaldar þegar þangað berast þau
tíðindi að Japanir hyggist gera inn-
rás.