Pressan - 10.08.1989, Síða 32

PRESSU
u
^^^ndanfarið hafa Hagvirkis-
menn reynt hvað þeir geta til að
ganga frá vangoldnum söluskatti,
án þess að þurfa að leggja fram það
fé sem ríkið á inni hjá fyrirtækinu.
Hagvirki hefur boðið fasteignir og
lóðir upp í skuldina en ekki orðið
ágengt. I fjármálaráðuneytinu er
haldið fast við þá reglu að söluskatt
geri menn upp með reiðufé . . .
| að færist í vöxt að stór-
eignamenn úr Reykjavík kaupi
jarðir úti á landsbyggðinni. Jónas
Kristjánsson, ritstjóri DV, og félag-
ar hans í Hilmi hf. festu nýlega
kaup á jörð í Landsveit. Annar
maður úr fjölmiðlaheiminum, Har-
aldur Sveinsson, framkvæmda-
stjóri Morgunblaðsins, hefur í ára-
tugi átt tvær jarðir í Borgarfirði.
Fyrir skömmu tók Haraidur alfarið
við jörðunum, þegar síðustu ábú-
endurnir fluttu þaðan. Nýjasta
dæmið er af Ingvari Helgasyni bif-
reiðainnflytjanda, en hann keypti
jörðina Fróðá á Skógarströnd .. .
L
■ lannes Hólmsteinn Gissurar-
son, frjálshyggjumadur og háskóla-
kennari, virdist hafa mikið næði til
að helga sig hugðarefnum sínum. í
haust eru væntanlegar á markað-
inn tvær bækur eftir hann. Á önn-
ur að heita Fjölmiðlar nútímans
og þar verður tekin fyrir víxlverk-
un fjölmiðla og stjórnmála auk
þess sem drepið verður á sérstök
áhugamál höfundarins, svo sem
fréttaflutning hjá fréttastofu rík-
isútvarpsins. Hin bókin kemur
síður á óvart þegar Hannes á í hlut:
Sjálfstæðisflokkurinn í 60 ár
heitir hún og verður m.a. prýdd
myndum af forystumönnum
flokksins. í formála annarrar bók-
arinnar mun Hannes þakka sér-
staklega samkennurum sínum í
stjórnmálafræði fyrir að stilla
kennsluskyldu hans í hóf svo að
hann gæti lokið skriftunum ótrufl-
aður . . .
^^^ins og PRESSAN skýrði frá
fyrir nokkrum vikum sló í brýnu
milli Helga Péturssonar dagskrár-
gerðarmanns á Stöð 2 og einhverra
stjóra þar uppfrá með þeim afleið-
ingum að Helgi rauk á dyr. Ástæðan
mun hafa verið sú að óljóst þótti um
framtíð Helga hjá Stöðinni, en for-
ráðamennirnir munu hafa gleymt
því að þegar hafði verið búin til
vetrardagskrá þar sem Helgi Pét-
ursson er í lykilhlutverki í fjórum
þáttum. Nú er allt fallið i ljúfa löð og
Helgi er kominn á fullt í vinnu. Með-
al þeirra þátta sem Helgi mun
stjórna eru Hringiðan og þættirnir
með Ríó Tríóinu, Það kemur í
ljós, verða á dagskrá fram í miðjan
september. Þá mun Helgi hafa hönd
í bagga með gerð þáttanna Hvað
viltu verða?, þar sem starfsemi Há-
skóla Islands er kynnt, og jafnframt
mun hann stjórna þáttum fyrir aldr-
aða. Þá verður hleypt af stokkunum
nýjum þáttum í umsjón Helga sem
hafa hlotið nafnið Óskastundin og
verða þeir sérstaklega gerðir fyrir
áskrifendur Stöðvar 2. Stærsta
verkefni Helga í vetur verður þó yf-
irumsjón með sérstökum klúbbi
sem búinn verður til utan um
44.000 áskrifendur Stöðvar 2. Það
þykir því sýnt að Helgi Pétursson
sé ekki hættur störfum hjá Stöð-
inni. . .
I sumar rak Jón Ragnarsson í
Regnboganum hótel Valhöll á
Þingvöilum í fyrsta skipti, en
Ferðaskrifstofa ríkisins sá um
reksturinn síðustu sumur. Veiting-
arnar á Hótel Valhöll munu vera
hinar bestu en gestir eru ekki jafn-
ánægðir með aðkomuna. Það virð-
ist loða við Valhöll að þar séu sal-
ernin aldrei hreinsuð og veitingasal-
urinn mætti að ósekju einnig vera
hlýlegri. . .
o
^^^ðru máli gegnir um Eddu-
hótelin, sem ferðalangar eiga ekki
orð til að lýsa hrifningu sinni yfir.
Einkum munu það vera hótelin á
Laugarvatni og Kirkjubæjar-
klaustri sem haft er orð á hversu
þrifaleg séu og þjónusta til fyrir-
myndar ...
1|
^^^tsölur í verslunum í Reykja-
vík hafa gengið misjafnlega eins og
gengur. í gær opnaði tískuverslunin
Sautján útsölu í Kringlunni og
munu menn víst hafa misst móðinn
þegar þeir komu inn í verslunina.
Ástæðan var sú að svo mikið marg-
menni hafði safnast saman fyrir ut-
an verslunina að hleypa varð fólki
inn í „hollum”. Þegar inn var komið
mátti vart sjá í flíkurnar fyrir við-
skiptavinum og féllust sumum víst
alveg hendur og fóru út jafnfatalaus-
ir og við innkomuna . . .
M
^MHlls konar sögur eru í gangi
um pörin á Stöð 2. Nýjasta „parið”
sem við fréttum af mun brosa við
áhorfendum í vetrardagskrá
Stöðvar 2. Þarna eru á ferðinni
þekktir einstaklingar úr þjóðlifinu,
Bryndís Schram og Bessi Bjarna-
son, sem saman munu sjá um ein-
hvers konár skemmti- eða spurn-
ingaþátt. . .
c
%^párnar um erfiðan rekstur
ferðaskrifstofa virðast að ein-
hverju leyti ætla að rætast. Nýlega
sagði ferðaskrifstofan Útsýn upp
einhverju af fastráðnu starfsfólki og
öðrum hefur verið gefið til kynna að
til uppsagna geti komið í haust.
Starfsmenn Útsýnar munu þegar
farnir að þreifa fyrir sér á öðrum
ferðaskrifstofum . . .
■ íó Tríóið hefur siðustu fimmtu-
dagskvöld verið með tónleika á
Hótel Borg við góðar undiriektir
þótt ekki hafi allir verið sáttir við
þann aðgangseyri sem settur var
upp. Þar kostaði aðgöngumiöinn
nefnilega 950 krónur og mun þeim
spilafélögunum sjálfum hafa þótt
nóg um. Að minnsta kosti hafa þeir
hætt við frekari spilamennsku þar
og ætla að byrja ap leika á nýjustu
krá borgarinnar, Óperukjallaran-
um í Arnarhóli, frá og með næst-
komandi sunnudagskvöldi. Þar
mun vera frítt inn . . .
I íkisútvarpið ieitar leiða til
sparnaðar eins og aðrir. Ein sparn-
aðarleiðanna mun vera sú að
tæknimenn eru nú látnir skrá tíma
sinn í stúdíói í þar til gerða bók,
þannig að vitað sé upp á mínútu
hversu langan tíma tekur að vinna
hvern þátt. Sagan segir að þeir þurfi
að færa í bókina í hvert skipti sem
þeir fara inn og út úr stúdíóinu,
hvort sem þeir eru að skreppa í
kaffipásu eða bíða um lengri tíma
eftir að næsta upptaka hefjist.
PRESSAN hefur heyrt að með þessu
móti telji Ríkisútvarpið sig geta
komist að hvort hægt sé að spara
stöðugildi eins til tveggja tækni-
manna . ..
Hvað er GORI viðarvöm?
GORI sérhæfir sig í
framleiöslu á efni sem
ver viðinn gegn sveppum
og örverum sem ásækja
hann.
GORI hentar vel á nýtt
tréverk og einnig til
viðhalds á eldra tréverki.
Myndin sýnir hús
þar sem tréverkið
er meðhöndlað með
GORI 88 yfirborðsviðarvörn
sem slettist hvorki né drýpur.
GORI meðhöndlun
byrjar með grunnun.
Nýtt tréverk eða viður
sem er mjög veðraður skal
grunnast með GORI 22.
GORI 22 er olíublönduð
viðarvörn og smýgur vel inn
í viðinn og ver hann gegn
örverum og sveppum.
Ö/GORI
viðarvörn
Allt tréverk þarf yfirborðsvörn og viðhald. Viðurinn þarf að vera vatnsfælinn og varinn geislum
sólar sem hefur skaðleg áhrif á hann. Pess vegna mælum við eindregið með GORI 88 sem er
olíublönduð viðarvörn og hentar mjög vel m.a. til litabreytinga.
GORI 22 og 88 er olíublönduð viðarvörn í hæsta gæðaflokki.
Við mælum með að þú fjárfestir í gæðum.
“Veldu GORI gæðanna vegna“
GORI er fáanleg í kaupfélögunum,
Byggingavöruverslun Sambandsins, Krókhálsi 7, Reykjavík.
Fit byggingavörum, Bæjarhrauni 8, Hafnarfiröi.
Byggingamarkaöi, Vesturbæjar, Hringbraut 120, Reykjavik.