Pressan - 31.08.1989, Blaðsíða 2

t'
2
333 r , ■■ C. i1lf>sb.)Jir,r,i;-:
Fimmtudagur 31. ágúst 1989
AFMÆLISBORNIN
Eftir Önnu Kristine Magnúsdóttur. Myndir Björg.
PRESSAN er eins árs um þessar mundir. Eitt ár þykir
kannski ekki langur líftími, en eins árs afmælið er ekki síður
merkilegt en önnur. Og það er ekki aðeins PRESSAN sem
heldur upp á afmælið sitt þessa dagana. Það gera líka aðrir,
þeirra á meðal börnin fimm sem myndir birtust af í fyrstu
PRESSU. Þau hafa uppgötvað ýmislegt á þessu fyrsta ári sínu.
Það nýjasta er að það skuli vera hægt að ganga og taka aðeins
til á borðum. Fyrstu skrefin koma hægt og sígandi hjá öllum
og oft þarf að detta nokkrum sinnum áður en jafnvægi næst
að fullu. En með aukinni reynslu verður allt auðveldara og án
efa verða þessir litlu krakkar komnir á harðahlaup fyrr en
varir.
Margt breytist á einu ári og þau sem lágu makindaleg og af-
slöppuð fyrir einu ári eru orðin heldur líflegri í dag. Myndirn-
ar sem teknar voru af þeim fyrir einu ári og þær sem teknar
voru núna í vikunni sýna glöggt hversu mikið þau hafa mann-
ast á fyrsta æviárinu. PRESSAN heimsótti börnin og færði
þeim afmælisgjöf; bol með fyrstu andlitsmyndinni áþrykktri.
1.
Birgitta Dröfn varð eins árs á
mánudaginn var, 28. ágúst. Lengsta
ferðin hennar á fyrsta árinu var frá
Reykjavík til Keflavíkur þangað sem
hún flutti með foreldrum sínum,
Eygló Þorsteinsdóttur og Jónasi
Magnússyni.
Birgitta Dröfn er farin að ganga
og tala. Skemmtilegast þykir henni
að segja ,,hæ" enda er hún mjög
frjálsleg og vingjarnleg við alla sem
hún sér! Henni þykir gaman að
hjálpa við tiltekt á heimilinu,
einkum á borðum og í skápum ,,sér-
staklega í pottaskápnum“! segir
mamma hennar. Birgitta er hjá dag-
mömmu á daginn þar sem hún hef-
ur eignast marga vini og unir sér
vel.
Hún er orðin stór og myndarleg,
með ljóst og liðað hár. Birgitta Dröfn
var ekki ajveg á því að senda mynd
af sér; hún ákvað að skreppa frekar
með mömmu sinni í bílferð til
Reykjavíkur svo Björg, ljósmyndari
á PRESSUNNI, gæti tekið nýja
mynd.
2.
Þessi litla dama heitir Sandra Dís
og varð eins árs þann 27. ágúst. í
textanum sem fylgdi mýndinni af
henni nýfæddri sagði meðal annars
að hún hefði þykka og kvenlega
lokka. Mamma hennar, Ásdís Ósk-
arsdóttir.segir að í þeim efnum hafi
ekkert breyst; hún hafi ekki haft við
að klippa hár hennar: „Hún var
ekki nema mánaðargömul þegar ég
klippti hana fyrst," segir Ásdís.
Sandra Dís er nýlega byrjuð að
ganga og er frísk og fín að sögn
mömmu hennar. Pabbi hennar heit-
ir Jón Daði Ólafsson og hún á tvö
systkini, Tinnu Ýri 6 ára og Daða
Þór sem er að verða 3ja ára. Tinna
hafði beðið lengi eftir systur og er
því að vonum ánægð með Söndru
Dís: „Þau dýrka litlu systur sína og
í þeirra augum er engin betri eða
duglegri en hún.“ Sandra Dís hefur
farið í eina sumarferð og að sögn
mömmu hennar var hún alsæl frels-
inu úti í guðsgrænni náttúrunni.
Aron varð eins árs á sunnudag-
inn var, 27. ágúst. Hann var stór og
myndarlegur við fæðingu og
mamma hans, Kolbrún Gísladóttir,
segir ekkert hafa dregið úr myndar-
skapnum; hann hafi vaxið og dafn-
að á fyrsta árinu. Hann er byrjaður
að ganga og hefur mjög gaman af
þeirri uppgötvun: „Hann er svona
passlega fyrirferðarmikill!" segir
mamma hans. „Hann þarf líka að
koma við allt sem hann sér eins og
sæmir ungum drengjum sem eru að
byrja að ganga o^uppgötva ýmis-
legt í kringum sig.“ Þess á milli
dundar Aron sér við leik, mest með
kubba og spiladósir. Hann er einka-
barn og þegar mamma hans er í
vinnunni nýtur hann þess að vera
heima hjá ömmu, sem gætir hans á
meðan. En hann hefur líka aðeins
skoðað sig um úti á landi þegar
hann fór með pabba sínum, Sigurði
Reynissyni, í bílferð í sumar, svo
fyrsta árið hefur verið viðburðaríkt
hjá Aroni.
„Greinilega hörkustelpa sem hik-
ar ekki við að láta í sér heyra!" var
meðal þess sem skrifað var undir
myndina af þessari dömu. Hún varð
eins árs 29. ágúst og heitir Anna
Friðrika. Foreldrar hennar eru Elsa
Bjarnadóttir og Magnús Loftsson og
Anna Friðrika er yngst fjögurra
barna þeirra.
„Já, hún er ákveðin og hefur látið
í sér heyra allt fyrsta árið," segir
móðir hennar. „Hún er góð stelpa,
en hefur verið svolítið óvær.“ Fyrsta
árið reyndist Önnu Friðriku ekki al-
veg áfallalaust og áður en að fyrsta
afmælisdeginum kom hafði hún
upplifað að leggjast inn í sjúkrahús
til rannsóknar. En á afmælisdaginn,
29. ágúst, var litla daman komin
heim og gat setið fyrir á myndinni í
kunnuglegu umhverfi.
Systkini Önnu Friðriku heita Loft-
ur Jens, 10 ára, Signý Lilja að verða
8 ára og Herdís Lovísa að verða 3ja
ára: „Henni semur vel við systkini
sín og þau leika sér mikið saman."
Anna hefur farið í ferðalag með for-
eldrum sínum norður til Ákureyrar,
en var ekkert alltof ánægð með
lengd ferðarinnar fram og til baka!
Hann lá þar í mestu makindum og
móðir hans, Unnur S. Aradóttir, seg-
ir hann mikið hafa breyst: „Það er
óhætt að fullyrða að hann sé mun
fyrirferðarmeiri núna en á fyrstu
myndinni!" segir hún. „Þetta er
hress og kátur strákur. Hann er ný-
farinn að gangá — og tæta um leið!"
Sævar Ari fór í ferðalag í sumar,
meðal annars norður í land, og
kunni vel að meta slíkt. Hann á tvær
hálfsystur og býr með annarri
þeirra, Evu Þórunni sem er átta ára,
og hefur gaman af að leika sér við
hana: „Fyrsta árið hefur gengið
mjög vel,“ segir mamma hans.
„Þetta er myndarstrákur með mik-
ið, Ijóst hár. Skemmtilegast þykir
honum að leika sér að bílum."
Sævar Ari Júlíusson fæddist í
Vestmannaeyjum 24. ágúst í fyrra
og var ljósmyndaður í morgunbað-
inu sínu nokkurra daga gamall.
„Hæ. Ég og PRESSAN eigum afmæli. Við erum eins árs...“
„Fæ ég pakka?l Hvað ætli þetta ,Já. Bolur. Ég hélt kannski að
sé?" þetta væri dót!"