Pressan - 28.06.1990, Blaðsíða 19

Fimmtudagur 28. júní 1990
19
Bergþóra
Árnadóttir
vísnasöngkona:
ORÐIN HÓTELEIGANDI
IDANMÖRKU!
*
Lofar Islendingum góðum móttökum.
„Pulsuhundurinn“ Muggur Smári Pétursson,
starfsmaður í móttöku.
I fyrra þegar viðtal var haft við
Bergþóru Arnadóttur vísnasöng-
konu var hún búsett í Skagen í Dan-
mörku. Það næsta sem fréttist var
að hún væri að gefast upp á afborg-
unum af húsinu sínu og hygðist
flytja til Noregs. Núna er hún orðin
hóteleigandi í Skovsgaard, sem er
um 40 km norður af Álaborg eða
„norðan megin við Limafjörðinn“
eins og hún útskýrir.
EFTIR ÖNNU KRISTINE MAGNÚSDÓTTUR
MYND: MAGNÚS REYNIR
En hvernig stendur á því að Bergþóra
Árnadóttir er orðin hóteleigandi? Hún segir
langa og skrýtna sögu liggja að baki því:
„Eg var að fara á hausinn af því að borga
af húsinu í Skagen en var svo heppin að geta
selt það á síðustu stundu. Þá pakkaði ég nið-
ur og ætlaði að flytja til Noregs, en kom fyrst
við í bæ sem heitir Nibe. Þar hafði ég lofað
kunningja mínum að spila einu sinni á veit-
ingahúsi sem hann rak þar, þrátt fyrir að það
sé ekki óskadraumur minn að spila á krá. Eg
vildi standa við loforðið áður en ég flytti al-
veg frá Danmörku. Eftir tónleikana kom til
mín maður frá staðarútvarpinu til að taka við
mig viðtal — og viðtalið stendur enn yfir! Það
þýðir semsé að ég flutti ekki til Noregs held-
ur til Nibe.“
Er ennþá í útvarpsviðtali!
Umræddur maður, Hans Peter Sorensen,
var að sögn Bergþóru „stórgrósser" með
verslun, kvikmyndahús og önnur fyrirtæki í
Nibe, en var nýbúinn að leigja verslunina ut
þegar hann hitti Bergþóru: „Hann hafði allt-
af langað til að starfa fyrir útvarp og var að
láta drauminn rætast þarna. Hann ætlaði
semsé að hafa það náðugt á elliárunum...“
Þessi ferð Hans Peters Sorensen á fund
Bergþóru átti eftir að hafa afdrifaríkar afleið-
ingar: „Hann og kona hans skildu fyrir tutt-
ugu árum en bjuggu eigi að síður saman enn-
þá og ráku fyrirtækin saman. Hann stóð
frammi fyrir því að velja á milli konu, fyrir-
tækja, tveggja húsa og bíls — og fátæks ís-
lendings. Hann tók síðari kostinn og segist
ekki sjá eftir því.“
Hans Peter keypti lítið hús í Nibe og gerði
það upp „enda þúsundþjalasmiður", segir
Bergþóra. „Ég var í skóla fyrir atvinnulausar
konur en þegar búið var að gera upp húsið
fór okkur að leiðast, því við vildum hafa eitt-
hvað fyrir stafni. Þótt ég tali alltaf um hann
sem „gamla manninn" þá er hann nú ekki
nema 49 ára! Við vorum svona að skima í
kringum okkur eftir einhverju sem við gæt-
um bæði fengist við þegar okkur var bent á
auglýsingu um að þetta hótel í Skovsgaard
væri til sölu. Þetta hótel ráku Kaupmanna-
hafnarbúar fyrir fimm árum og þeir ætluðu
að kenna sveitavarginum hér að borða upp
á ítölsku og frönsku. Það dugði ekki, svo þeir
flæmdust burt. Þessir eigendur létu meira að
segja framkalla draugagang hér á hótelinu til
að laða fólk að, en ekkert gekk og á endan-
um gáfust þeir upp og seldu hótelið. Síðustu
fjóra mánuðina sem þessir Kaupmannahafn-
arbúar ráku hótelið seldu þeir fimm bjóra."
Juku veltuna um 210%
á tveimur vikum
Því næst tóku hjón við hótelinu og gekk
reksturinn ágætlega að sögn Bergþóru: „Þau
stiluðu upp á gamaldags mat eins og fólkið
hér í sveitinni vill en þau nenntu ekki að hafa
eiginlega krá hér. Við hins vegar byrjuðum á
að opna hér krá og á fyrstu tveimur vikunum
jukum við veltuna um 210%! Við tókum við
rekstrinum 1. maí síðastliðinn og það hefur
verið svo mikið að gera að við höfum ekki
einu sinni getað tekið upp úr töskunum.
Þetta hótel er nálægt bæ sem heitir Brovst
og er alveg í leiðinni fyrir íslendinga á leið til
Kaupmannahafnar og koma með Norrænu
til Hanstholm."
Bergþóra segir þau leggja aðaláherslu á
matsölu og krána en jafnframt eru fjögur
herbergi leigð út til gesta: „Síðan er hér stór
salur með sviði í og við miðum að því í fram-
tíðinni að geta boðið upp á almennilega tón-
list þar. Ég er í stjórn Nordvisa og það hefur
verið rætt um að halda hér „Nordvisa Festi-
val“ árlega, frá og með næsta sumri.“
Sonur Bergþóru, Jón Tryggvi, 18 ára, starf-
ar á hótelinu í sumar, en fer í nám í fjöl-
brautaskóla í Álaborg í haust: „Og hann ætl-
ar inn á þessa braut, rekstur hótela. — Ég hef
alltaf verið örlagatrúar en þetta allt hefur
gengið hundrað sinnum betur en við áttum
von á.“
Sjónvarpsfundur
á hóteli Bergþóru
Fyrir skömmu var hótel Bergþóru og Hans
Peters til umfjöllunar í danska sjónvarpinu
og segir Bergþóra ástæðuna vera þá að einn
af fyrri eigendunum, Kaupmannahafnarbúi,
hafi skrifað heila bók um reynslu sína af
rekstrinum: „Þar er hann á eintali og talar
mjög illa um fólkið hér í sveitinni. Það var
einnig haft viðtal við hann í sjónvarpi og bæj-
arbúar hér eru öskureiðir eftir það. Sjónar-
mið þeirra komu hvergi fram og í kvöld verð-
ur efnt til borgarafundar hér á hótelinu sem
verður sjónvarpað. Þar fær fólkið í þorpinu
tækifæri til að koma sjónarmiðum sínum á
framfæri."
Bergþóra segist ekki geta verið annað en
bjartsýn á framtiðina: „Hótelið er staðsett í
fallegasta hluta Danmerkur svo það er ekki
hægt að kvarta undan umhverfinu. Eins og
stendur er nánast öll fjölskylda mín hér hjá
mér og ég er að leita að húsi handa foreldr-
um minum því ég vil endilega fá þá hingað.
— Eg vona að íslendingar líti inn hér á leið
sinni um Danmörku og ég lofa þeim góðum
móttökum. Ég er sjálf við hér allan daginn og
í móttökunni bíður hundurinn Muggur
Smári Pétursson, tveggja ára „pulsuhundur".
Hann er eins og hinn konunglegi hundur
Baltasar sem er nýlátinn."
Þótt Bergþóra hafi lítinn tíma haft til laga-
smíða segist hún grípa í gítarinn sinn af og til.
Á morgun heldur hún til Malmö í Svíþjóð þar
sem hún mun koma fram í sjónvarpi: „Nú
orðið nenni ég ekki að syngja nema í boði
séu peningar í efri kantinum. Ég hef lítinn
tíma haft til að semja og mér fannst ég þurfa
á því að halda að taka smáfrí. Ég byrja aftur
á fullum krafti síðar.“
Og fyrir þá sem hyggja á Danmerkurferð
þá er heimilisfang Bergþóru:
Skovsgaard Hotel
Hovedgaden 26
9460 Brovst — Danmark
sími: 98-231423
„Blond Ambitiori1 Madonnu kvikmynduö:
ÍSLENDINGAR TIL
Heba Pórisdóttir og Hjörtur Grétarsson
fylgdu Madonnu til Tókýó
þegar hluti kvikmyndarinnar
„Blond Ambition“ var tekinn upp
Madonna er á ferðalagi eins og
margir vita. Nú er verið að taka upp
myndina „Blond Ambition“; heim-
ildamynd um Madonnu á tónieika-
ferðalagi vítt og breitt um heiminn.
EFTIR ÖNNU KRISTINE MAGNÚSDÓTTUR
MYND: ÞORKELL ÞORKELSSON. MBL.
Þetta er í sjálfu sér ekki frétt fyrir okkur
hér uppi á íslandi, en það sem er frétt fyrir
okkur er að Madonna valdi fyrirtækið Prop-
aganda Films til að sjá um framkvæmda-
stjórnina. Annar eigenda og forstjóri Propag-
anda Films er, eins og flestum mun kunnugt,
íslendingurinn Sigurjón Sighvatsson. Með
Madonnu í för til Tókýó í Japan, þar sem
hljómleikaferðalagið hófst, voru auk kvik-
myndatökumanna og starfsfólks frá Propag-
anda Films frægur tískuhönnuður og tveir
Islendingar. Það eru þau Heba Þórisdótt-
ir, sem er gift kvikmyndaframleiðandanum
Cregg Finberg sem stjórnaði tökum á Jap-
anshluta ferðarinnar, og Hjörtur Grétars-
son, sonur Grétars Hjartarsonar í Laugarás-
bíói.
Fyrsta flokks móttökur
PRESSAN náði tali af Hebu Þórisdóttur í
Sigurjón Sighvatsson, forstjóri
Propaganda Films.
gær, en hún er búsett í nágrenni Los Angeles,
og spurði hana fregna af ferðinni til Japans:
„Það var allt annað að ferðast með rokk-
hljómsveit og stjörnu eins og Madonnu en að
vera einn á ferð," sagði Heba. „Við bjuggum
á fyrsta flokks hótelum og allar móttökur
voru fyrsta flokks. Við dvöldum í Tókýó í
hálfan mánuð og á þeim tíma sem við vorum
þar var lítið um ferðamenn. Fólk virtist því
almennt vita nákvæmlega hverjir væru
þarna með söngkonunni."
Að sögn Hebu valdi Madonna Propag-
anda Films til að annast framkvæmdastjórn
en leikstjóri myndarinnar er Alec Keshisian.
Cregg, maður Hebu, var í ábyrgðarstöðu í
Japan, en hvernig komst Hjörtur Grétars-
son inn í dæmið?
Barnfóstran endaði í tökulið-
inu!
„Hjörtur fór upphaflega með í þessa ferð
sem barnfóstra fyrir okkur Cregg, en endaði
í hópi tökumanna," útskýrir Heba. „Þetta var
auðvitað heilmikil upplifun fyrir okkur öll,“
segir hún en Heba hefur sjálf starfað sem
snyrtifræðingur í Los Angeles og kynnst
mörgum þekktum stjörnum. Meðal annars
var hún beðin að aðstoða Prince fyrir
nokkrum árum, en þar sem hún hafði nýver-
ið eignast barn á þeim tíma afþakkaði hún
boðið. „Frægasta fólkið sem var með í þess-
ari ferð voru Herb Bridges, sem hefur tekið
flestar ljósmyndirnar af Madonnu og gert
nokkur myndbönd, og fatahönnuðurinn Je-
an Paul Gaultier, sem hannaði allan fatnað
á hana fyrir myndina."
En um hvað fjallar svo myndin?
„Þetta er nokkurs konar heimildamynd
sem á að sýna fjölskyldukonuna Madonnu
fremur en sýna hana sem rokkstjörnu. Það
er því mikið tekið upp baksviðs og mörg við-
töl eru tekin í tengslum við myndina. Kvik-
myndatökufólkið hefur ferðast með Mad-
onnu um Bandaríkin eftir Japansferðina og
þegar er búið að mynda víða, til dæmis í
Detroit, Chicago og New York, auk þess sem
þau fóru á frumsýninguna á Dick Tracy í
Washington. Einnig var myndað í Vancouver
í Kanada. Nú eru þau i nokkurra daga fríi en
halda til Frakklands í næstu viku. Þaðan
verður farið í hljómleikaferð um Evrópu."
Stjörnurnar
eru bara venjulegt fólk
Heba segist ekki þekkja Madonnu per-
sónulega, en Cregg maður hennar þekki
hana hins vegar vel í gegnum starf sitt. Hún
gerir lítið úr kynnum sínum af Madonnu og
öðrum stjörnum: „Þetta er allt venjulegt fólk
eins og við," segir hún.