Pressan - 27.03.1991, Blaðsíða 13

MIÐVIKUDAGUR PRESSAN 27. MARS 1991
13
25 MILLJONIRI BIÐLAUN TIL
ÞINGMANNA OG RÁÐHERRA
EFTIR KOSNINGAR í VOR
Allt stefnir í dýrustu kosningar ísögu lýðveldisins
Kosningarnar í vor og hugsanleg stjórnarskipti í kjölfar
þeirra munu kosta ríkissjóð um 20 til 25 milljónir sem
renna í biðlaun til þingmanna sem falla af þingi og ráð-
herra sem missa stólana.
Búast má við að um 25 þingmenn annað hvort hætti
þingmennsku eða falli af þingi í vor. Sjaldan hefur annar
eins her manna farið á biðlaun hjá alþingi og ríki. Kosn-
ingarnar í vor gætu því orðið dýrustu kosningar í sögu
lýðveldisins.
Samkvæmt lögum eiga bæði
þingmenn og ráðherrar rétt á bið-
Íaunum ef þeir missa sæti sín á þingi
eða í ríkisstjórn. Þingmaður sem
hefur setið eitt ár á þingi fær þannig
þriggja mánaða laun og sá sem setið
hefur tíu ár eða lengur fær sex mán-
aða laun. Þeir ráðherrar sem hafa
gegnt embætti í tvö ár eða lengur fá
síðan 70 prósent af ráðherralaunum
í sex mánuði eftir að þeir missa stól-
inn. Þannig eru reglurnar.
MISJAFNT HVAÐ
HVER FÆR
í reynd þýðir þetta að þingmaður
sem hefur setið í eitt ár á þingi fær
512 þúsund krónur þegar hann dett-
ur af þingi. Sá sem hefur verið á
þingi í tíu ár eða meir fær helmingi
meira eða 1 milljón og 24 þúsund
krónur. Þetta á bæði við um þá sem
falla af þingi og eins þá sem hætta af
sjálfsdáðum.
Ráðherra sem missir stólinn sinn
fær 466 þúsund í sárabætur. Ef þetta
er forsætisráðherra fær hann meira
eða 835 þúsund krónur.
Ef ráðherra missir bæði þingsæti
og ráðherrastól fær hann 978 þús-
und krónur ef hann hefur verið í eitt
ár á þingi. Ef hann hefur verið leng-
ur en tíu ár fær hann 1 milljón og
490 þúsund krónur í sárabætur.
EIN MILLJÓN FYRIR
AÐ DETTA AF ÞINGI
Það er alveg ljóst að af þeim þing-
mönnum sem fóru heim um daginn
munu ellefu ekki koma aftur eftir
kosningar. Þetta eru þingmenn sem
eru hættir þingmennsku og eru svo
aftarlega á listum sinna flokka að
engin hætta er á að þeir detti inn á
þing.
Þetta fólk fær hins vegar biðlaun
engu að síður. Samtals mun alþingi
greiða þessu fólki um 10,2 milljónir
eftir kosningar.
Þeir þingmenn sem hafa verið í
tíu ár eða meira á þingi fá, eins og
áður sagði, 1 milljón og 24 þúsund
krónur. Þetta eru þau Geir Gunnars-
son, Matthías Á. Mathiesen, Friðjón
Þórðarson, Þorvaldur Garðar Krist-
jánsson, Ragnhildur Helgadóttir,
Karvel Pálmason, Skúli Alexanders-
son, Alexander Stefánsson og Guð-
mundur G. Þórarinsson.
Tveir þeirra þingmanna sem gefa
ekki kost á sér eða eru í vonlausum
sætum hafa verið skemur en tíu ár
á þingi, þau Þórhildur Þorleifsdóttir
og Hreggviður Jónasson. Þau fá sitt-
hvor 512 þúsundin.
2,6 MILLJÓNIR í BIÐLAUN
TIL BORGARAFLOKKSINS
Miðað við niðurstöður skoðana-
kannana á undanförnum mánuðum
er ljóst að Borgaraflokkurinn á enga
möguleika á þingsæti. Hann hefur
til dæmis ekki mælst í skoðana-
könnunum DV síðan í ágúst í fyrra
og var þá með 0,3 prósent. Hann
hefur ekki fengið nægilegt fylgi í
könnunum blaðsins til að koma
manni að síðan í mars 1988. Það er
því hægt að ganga út frá því að þing-
menn flokksins falli allir af þingi.
Þau Júlíus Sólnes, Óli Þ. Guð-
bjartsson, Guðmundur Ágústsson,
Aðalheiður Bjarnfreðsdóttir og Ás-
geir Hannes Eiríksson munu því fá
512 þúsund hvert í biðlaun í vor.
Samanlagt eru það um 2,6 milljónir.
En Óli Þ. og Júlíus missa jafnframt
ráðherrastólana og fá aukalega bæt-
ur fyrir það eða 466 þúsund hvor.
Samtals fær því hvor þeirra um sig
978 þúsund krónur frá alþingi og
ríkinu.
STEFÁN VALGEIRSSON
FÆR RÚMA MILLJÓN
Stefán Valgeirsson getur ekki tal-
ist líklegur til þess að komast aftur á
þing ef marka má skoðanakannanir.
Það er hins vegar ekki ástæða til að
afskrifa hann alveg þar sem hann
býður fram í einu kjördæmi og fylgi
sem myndi nægja honum inn á þing
þar vill drukkna í heildarniðurstöð-
um skoðanakannana. En ef hann
fellur fær hann 1 milljón og 23 þús-
und eins og þeir þingmenn sem hafa
verið lengur en tíu ár á þingi.
20 MILLJÓNIR í
SÁRABÆTUR TIL ÞINGMANNA
Ef niðurstöður kosninganna yrðu
í takt við skoðankannanir að undan-
förnu munu fleiri missa þingsæti sín
en Borgaraflokkurinn og þeir sem
hafa dregið sig í hlé. Samkvæmt nið-
urstöðum síðustu könnunar DV
missir Alþýðuflokkurinn þrjá þing-
menn, Alþýðubandalagið þrjá og
Kvennalistinn tvo.
í þessu sambandi er þó rétt að
geta þess að í könnuninni var þriðj-
ungur þeirra sem spurðir voru enn
óákveðnir og reynslan sýnir að sá
hópur skiptist ekki alltaf á milli
flokkanna á sama hátt og hinir sem
hafa gert upp hug sinn.
En ef gengið er út frá niðurstöðu
könnunar DV má gera ráð fyrir að
átta þingmenn til viðbótar missi
þingsæti sín. Samtals falla því eða
hætta 25 þingmenn eftir kosning-
arnar. Það getur kostað um 20 millj-
ónir.
NÍU ÞINGMENN SEM
FALLA AF ÞINGI
Af stráksskap sínum lék PRESSAN
sér að því að finna út hverjir dyttu út
af þingi miðað við skoðanakönnun
DV. Það var gert með því að skipta
fylginu á milli flokkanna samkvæmt
niðurstöðum könnunarinnar í
Reykjavík og Reykjanesi. Afgangin-
um, landsbyggðarfylgi hvers flokks,
var síðan skipt á milli kjördæmanna
í takt við hvernig fylgi hvers flokks
dreifðist á milli kjördæma í síðustu
kosningum.
Niðurstaðan varð sú að níu þing-
menn misstu sæti sín. Tveir hafa ver-
ið meira en tíu ár á þingi og fá því
hvor um sig 1 milljón og 24 þúsund
krónur í sinn hlut, þau Árni Gunn-
arsson og Guðrún Helgadóttir. Árni
kemst ekki inn á Suðurlandi en arf-
taki hans fyrir norðan, Sigbjörn
Gunnarsson, kemst inn.
Sjö þingmenn sem hafa verið
skemur en tíu ár falla út; Guðrún
Halldórsdóttir, Jóhann Einvarðsson
(Framsókn tapar manni í Reykjanesi
og vinnur mann í Reykjavík, Guð
hjálpi Guðmundi G) Jón Sæmundur
Sigurjónsson, Kristinn Pétursson,
Margrét Frímannsdóttir, Málmfríður
Sigurðardóttir og Rannveig Guð-
mundsdóttir. Hvert um sig fær 512
þúsund krónur í biðlaun.
Það þarf ekki að taka fram að
þetta er leikur og viðkomandi þing-
menn ættu ekki að rjúka til að leita
sér að vinnu.
STJÓRNARSKIPTI UPP
Á 4 MILLJÓNIR
Enn er ekki öll sagan sögð. Stjórn-
armyndun eftir kosningar getur líka
kostað sitt. Vjð erum þegar búin að
greiða þeim Óla Þ. og Júlíusi biðlaun
vegna missis stólanna. En fleiri
gætu misst stólinn sinn.
í dag er oftast talað um viðreisn
sem líklegan möguleika eftir kosn-
ingar, það er samstjórn Sjálfstæðis-
flokks og Alþýðuflokks. Við það
mundu þrír ráðherrar Framsóknar
og þrír ráðherrar Alþýðuflokksins
missa stólana. Venjulegir ráðherrar
fengju þá 466 þúsund krónur í sinn
hlut en forsætisráðherrann, Stein-
grímur Hermannsson, fengi 835
þúsund krónur. Samtals mundu
stjórnarskiptin kosta rétt rúmar 4
milljónir.
Af þessu má sjá að það getur verið
dýrt spaug fyrir almenning að
skipta um skoðanir í stjórnmálum.
Því á meðan allt þetta fólk þiggur
biðlaun þarf almenningur jafnframt
að greiða arftökum þeirra full laun.
Gunnar Smári Egilsson
FERMINGARTILBOD TIL 15. APRIL
. . visa- O! E"™
ni. .w*'*"”'"'5""'"'
BOEN - PARKETT
Norskci gœócipcirketifX sem ullir fcigmenn þekkja.
N o k k u r d æ m i :
Fulit verð Tilboðsverð stgr. afsláttur
Askur Eik rustik Merbau Beyki Eik natur-B 4.279.- pr.m 2 3.775.- pr.m^ 4.490.- pr.m^ 4.115.- pr.m^ 3.286.- pr.m^ 3.765.- pr.m2 3.322.- pr.m2 3.950.- pr.m2 3.621.- pr.m2 2.890.- pr.m2 514.- pr.m2 453.- pr.m2 540- pr.m2 494- pr.m2 396, pr.m2
Þú getur sparað tugi þúsunda ef þú
grípur tækifæríð!
Nýr glæsilegur litmyndabæklingur
með íslenskum texta. Póstsendum
mynda- og verðlista ef óskað er.
Sölumenn okkar veita fúslega allar
upplýsingar um BOEN - PARKETT.
TEPPABUÐN
GÓLfEFNAMARKAÐUR SUÐURLAND96RAUT 26 S - 9T ‘68T950
i