Pressan - 22.10.1992, Blaðsíða 9

FIMMTUDAGUR PRESSAN 22. OKTÓBER 1992
9
í stjómkerfinu er engin saman-
tekt til um það hvað mikið samn-
ingagerðin um evrópska efna-
hagssvæðið hefur kostað. Síðan
samningar hófust árið 1989 hefur
verið unnin óhemjumikil vinna í
öllum ráðuneytunum vegna EES.
Að sjálfsögðu er hún mest hjá
utanríkisráðuneytinu en önnur
ráðuneyti hafa ekki farið varhluta
af kostnaðinum. Engin tilraun
hefur verið gerð til að halda utan
um þennan kostnað og hefur mik-
il vinna átt sér stað án þess að hún
væri eyrnamerkt þessu sérstaka
verkefni. Á Alþingi hefur að
minnsta kosti þrisvar verið spurt
sérstaklega um kostnað vegna
samninganna en svör utanríkis-
ráðherra verið loðin. Það hefur
meðal annars leitt til þess að
nokkrir stjórnarandstöðuþing-
menn hafa haldið þvf fram við
blaðamann að það sé vifjandi gert
að hafa kostnaðartölur ekki til-
tækar. í fjármálaráðuneytinu
fengust hins vegar þau svör að nú
væri ætlunin að halda utan um
þennan kostnað og merkja hann
sérstaklega EES-viðræðunum.
ÞÝÐINGARKOSTNAÐUR
YFIR100 MILLJÓNUM
Gríðarleg vinna er fólgin í að
þýða lög og reglugerðir Evrópu-
bandalagsins. Fyrsta árið, 1990,
kostaði þetta 17,4 milljónir. Árið
1991 var kostnaðurinn við þýð-
ingar 37,4 milljónir. Árið 1992 er
kostnaðurinn 33,2 milljónir og á
næsta ári er hann áætlaður, sam-
kvæmt fjárlagafrumvarpinu, 15,3
milljónir. Samtals gerir þetta 103,3
milljónirkróna.
Þessu til viðbótar er rétt að gera
ráð fyrir frekari kostnaði, því þeir
sem unnið hafa við þýðingarnar í
tvö ár eða meira hafa rétt á sex
mánaða biðlaunum þegar þeir
hætta.
FERÐALÖGIN YFIR100
MILLJÓNUM
Á síðasta vetri beindi Finnur
Ingólfsson alþingismaður fyrir-
spurn til Jóns Baldvins Hanni-
balssonar utanríkisráðherra um
kostnaðinn við samningsgerðina.
Engar upplýsingar fengust í svari
utanríkisráðherra um launakostn-
að vegna verkefnisins, en það
kom þó ffam að vinna hinna fjöl-
mörgu sérfræðinga í stjórnarráð-
inu og undirstofnunum þess hefði
dreifst á liðlega hundrað einstak-
linga en tekið fram að ekki hefði
verrð haldið sérstaklega til haga
tímum sem varið var í undirbún-
ing samningaviðræðnanna. Ef
gert er ráð fyrir að þarna Iiggi eitt
ársverk hjá hverjum þessara ein-
staklinga má áætla að laun gætu
verið um 180 milljónir ef gert er
ráð fyrir 1,8 milljónum í árslaun.
Þá er ekki gert ráð fyrir launa-
tengdum gjöldum. Að sjálfsögðu
er um nálgun að ræða en ef gert
væri ráð fyrir að um þrjátíu
manns hefðu unnið við þetta allan
tímann væri niðurstaðan svipuð.
í öðru lagi var utanríkisráð-
herra spurður um ráðgjafarkostn-
að, sem hann sagði hafa verið upp
á 3.023.000 krónur til febrúarloka
1992.
í þriðja lagi var hann spurður
um ferðakostnað og kom þá ffam
að hann var upp á 85,3 milljónir
króna og voru inni í því ferðir
utanríkisráðherra og annarra
embættismanna. Sömuleiðis voru
inni í þeirri tölu dagpeningar og
risnukostnaður.
KOSTNAÐIDREIFTÁ
RÁÐUNEYTIN
I fjárlögum yfirstandandi árs
var farin sú leið að flytja kostnað-
inn meira út til ráðuneytanna í
stað þess að hafa hann hjá utan-
ríkisráðuneytinu. í utanríkisráðu-
neyti var gert ráð fyrir 7,3 milljón-
um til EES, samkvæmt fjárlögum
yfirstandandi árs. Það er að mestu
ferðakostnaður.
Að sjálfsögðu hefur kostnaður
við samningagerðina verið mestur
hjá utanríkisráðuneytinu, en önn-
ur ráðuneyti hafa ekki farið var-
hluta af því. Líklega er hægt að
segja að ekkert ráðuneyti hafi far-
ið undir eina milljón króna vegna
samningsgerðarinnar frá upphafi
og er það varlega áætlað. Slíkur
mun til dæmis kostnaður land-
búnaðarráðuneytisins vera og má
sem dæmi taka að Guðmundur
Sigþórsson skrifstofusjóri er nú
úti vegna áhrifa EES á jöfnunar-
gjald.
í ár voru fjórar milljónir merkt-
ar EES í rekstrarkostnaði mennta-
málaráðuneytisins, ein milljón hjá
sjávarútvegsráðuneytinu, heil-
brigðis- og tryggingaráðuneytið
með tvær og hálfa milljón og
sömuleiðis fjármálaráðuneytið.
Viðskiptaráðuneytið var með
fimm milljónir en félagsmála-
ráðuneytið eina milljón. Þarna er
því um að ræða fastar 23,3 millj-
ónir í ár. En ef gert er ráð fyrir öll-
um tímanum og lágmark einni
milljón hjá minnsta ráðuneytinu
gæti þessi tala hlaupið á bilinu 30
til 40 milljónir.
KOSTAÐI28 MILLJÓNIR AÐ
RÆSA ÚT ÞINGIÐ VEGNA
EES
í fjáraukalagaffumvarpinu sem
nú liggur fyrir þinginu er beðið
um 52,1 milljón vegna aukakostn-
aðar við EES. Bara það að ræsa út
þingið og láta það ræða um EES
kostar 27,5 milljónir króna.
Utanríkisráðuneytið þarf 24,6
milljónir króna til viðbótar 7,3
milljónunum og á sú upphæð að
notast þannig: Átta milljónir í
prentun þingskjala, 3,6 milljónir í
að ljúka þýðingum og 13 milljónir
til kynningar á samningnum. í
fjáraukalögum 1991 var beðið um
26,6 milljónir vegna EES og þar af
voru 4,6 milljónir vegna framleng-
ingar stöðuheimildar út af EES.
Þess má geta að Kristinn H.
Gunnarsson þingmaður spurði í
apríl síðastliðnum hvað fundaher-
ferð Jóns Baldvins frá maí 1991 og
til mars 1992 hefði kostað, en það
voru kynningarfundir hér innan-
lands. Hún kostaði 3,1 milljón
króna.
Hér er víða um gróft reiknaðar
tölur að ræða svo og áætlanir, en
þó má leiða líkur að því að hér sé
um að minnsta kosti 500 milljónir
að ræða.
Margvíslegan annan kostnað
mætti telja til sem meðal annars
birtist í fjárlagafrumvarpinu nú.
Sá kostnaður er reyndar á mörk-
um þess að falla undir samninga-
ferlið sjálft og því sleppt hér í nið-
urstöðutölunni. í fjárlagafrum-
varpinu nú kemur meðal annars
ffam að fimm milljónir eru settar
til Vísindasjóðs og aðrar fimm til
Rannsóknarsjóðs, en með því er
verið að kaupa réttindi í evrópsk-
um sjóðum af svipuðum toga.
Hrein hækkun til EFTA vegna
EES er upp á 62,5 milljónir króna.
Það er meðal annars vegna Þró-
unarsjóðs EFTA. Samkvæmt
samningnum þarf Island að verja
árlega um 60 milljónum króna til,
sjóðsins á næstu fimm árum.
SigurðurMár Jónsson
Ef fram heldur sem
horfir tekur samn-
ingurinn um evr-
ópska efnahags-
svæðið gildi um
næstu áramót.
Samningurinn er
flóknasti og viða-
mesti milliríkja-
samningur sem ís-
lendingar hafa staðið
að. Þrátt fyrir það
hefur því hvergi ver-
ið haldið til haga
hver kostnaðurinn
við EES-samnings-
ferlið er fyrir okkur.
Heildartalan er nú
komin í hálfan millj-
arð króna og hækkar
enn.