Pressan - 22.10.1992, Blaðsíða 31
II
FIMMTUDAGUR PRESSAN 22. OKTÓBER 1992
31
ÍÞRÓTTIR
Hvað gerir skatturinn
við íbróttahreyfinguna?
Mikill uggur er nú innan
íþróttahreyfmgarinnar vegna af-
skipta skattyfirvalda. Sem kunn-
ugt er hefur skattrannsóknar-
stjóraembættið leitað eftir gögn-
um frá ÍSÍ um fjármál íþróttafé-
laganna. í raun kemur þessi
beiðni engum á óvart og hafa
margir átt von á einhveiju slíku.
Það hefur leynt og ljóst komið
ffam að fjárstreynii innan íþrótta-
hreyfingarinnar hefur aukist mik-
ið. Iþróttafélögin eru farin að velta
háum upphæðum og nokkurs
konar hálfatvinnumennska hefur
verið tekin upp bæði í handbolta
og fótbolta. Þá hefur fjárstreymi til
íþróttahreyfingarinnar aukist í
gegnum lottóið, sem reyndar hef-
ur helst komið ungmennahreyf-
ingunni til góða.
íþróttafélög eru bókhaldsskyld
en ekki ffamtalsskyld. Vegna þess
hefur skort almennilegt eftirlits-
kerfi sem leitt hefur til þess að
„svartir peningar" hafa mikið ver-
ið í umferð. í miklum mæli hefur
tíðkast að greiða mönnum undir
borðið og á það jafnt við um þjálf-
ara sem leikmenn. Undanfarið
hafa stöðugar fréttir verið af háum
greiðslum til leikmanna í hand-
knattleik og knattspyrnu (og
reyndar einnig körfuknattleik).
Þessar greiðslur hafa kannski ver-
ið á bilinu ein til tvær milljónir
króna á ári og mjög misjafht hvort
leikmenn hafa talið þær fram.
Þessir leikmenn gætu nú þurft að
svara til saka fyrir það.
Enn lengur hefur tíðkast að
greiða þjálfurum en þar hafa þeir
eftirsóttustu fengið háar upphæð-
ir og mikið, ef ekki allt, undir
borðið. Þar eru engir þjálfarar
undanskildir, en sem gefur að
skilja er oft töluverður fjöldi þjálf-
ara hjá hveiju félagi.
Niðurstaða málsins veltur í
raun á því hve ítarleg rannsóknin
er — enginn efast um að brotin
hafi átt sér stað. Á undanförnum
árum hafa borist fféttir af miklum
skattaherferðum í erlendu íþrótta-
h'fi. Má þar meðal annars minna á
ítarlega rannsókn hjá belgískum
knattspyrnufélögum sem íslenskir
leikmenn flæktust inn í. Ef þessi
rannsókn verður jafnítarleg gæti
íslensk íþróttahreyfing þurft að
glíma við skattinn næstu árin.
Keila er alvöruíþrótt
Það eru ekki ýkja mörg ár síðan Keiluhöllin reis í Öskjuhlíð í öllu sínu veldi. Ýmsum þótti
forsendur hæpnar og drógu í efa að hrifningin yrði mikil meðal landsmanna. Þeim
skjátlaðist þó heldúr betur því áhuginn á keilu er orðinn mjög mikill og fjölmargir sem
stunda iþróttina, ýmist i gamni eða alvöru.
Jón Bragason er einn fjölmargra keilara sem halda til uppi í Öskjuhlíð og er svo sem
ekki af lakari endanum, því honum tókst að krækja sér í íslandsmeistaratitil í Qögurra
manna liðakeppni árið 1992. Hann segir keiluna óhemjuskemmtilega fþrótt og afskap-
lega spennandi, þótt sumir eigi bágt með að trúa því. „Það eru um sex þúsund manns
hér sem spila keilu reglulega og 300 til 400 mannssem keppa reglulega. Myndast iðu-
lega feiknamikil spenna á mótum og eru lætin oft gífurleg."
Jón segir keilu ekki vera líkamlega erfiða fyrir þá sem spili að gamni sínu. „Fyrir þá sem iðka hana sem keppnisíþrótt er hún aftur á móti mesta púl.
Keila krefst gífurlegrar einbeitingar og bæði andlegs og líkamlegs úthalds. Ég stunda líkamsrækt til að halda mér í líkamlegri þjálfun og veitir víst ekki
af." Að sögn Jóns hefur orðið jákvæð breyting á viðhorfi fólks til keilu síðustu árin og sé það gleðiefni. „Þegar ég fór að stunda keilu fýrir rúmum
fimm árum varð ég var við að fólk væri undrandi á mér og skildi ekkert hvað ég var að vilja uppi í Keiluhöll alla daga. Nú hefur þetta breyst og menn
eru farnir að líta á þessa iðju mína sem alvöruíþrótt."
SELFYSSINGAR í
FJÁRHAGSVANDA
Fjárhagsstaða margra
fyrstudeildarliða I knatt-
spyrnu er fremur slæm um
þessar mundir eins og komið
hefur fram. Líkt er komið á
fyrir iiðum íneðri deildunum.
Eitt þeirra liða sem búa við
hvað verst ástand er lið Sel-
fyssinga, sem varð fyrirþví að
falla niður íþriðju deild ísum-
ar. Þaðan berast nú fréttir af
því að knattspyrnudeildin
skuldi á milli 8 og 10 milljónir
króna. Sem gefur að skilja eru
það gríðarlegar skuldir fyrir
ekki stærra félag. Eftirþví
sem komist verður næst eru
þetta margra ára skuldir sem
deildin hefur velt á undan sér.
Á sínum tima var ráðist í að fá
á Selfoss tvo júgóslavneska
leikmenn, þá Salic Porcha og
Izudin Dervic, sem léku með
Val síðasta sumar. Selfyssing-
ar fengu hins vegar lítið fyrir
þá þegar þeir fóru frá liðinu.
Auk þess hefur liðið sótt í
aðra leikmenn og allt hefur
þetta kostað sitt. Ekki eru
mörg ár síðan mikill fjárhags-
vandi blasti við Selfyssingum
sem þá unnu sig út úr vand-
anum — meðal annars með
mikilli sjálfboðavinnu leik-
manna. Nú er spurningin
hvort menn eru til I slikt aftur.
Hefur skipt þrett
sinnum um fél
Bakarinn Ragnar Rögnvalds-
son á dáh'tið sérstakt íslandsmet í
íslenskum íþróttum. íþrótt Ragn-
ars er knattspyrna en frá því árið
1979 hefur hann skipt þrettán
sinnum um félag og leikið með
ellefu félögum í meistaraflokki.
„Þetta er vafasamur heiður
kannski,“ segir Ragnar.
Ragnar segir að árið 1989 hafi
gamalkunnur kappi verið í öðru
sæti en sá hafði þá skipt átta sinn-
um. Langt var í næstu menn.
En hvemig er það með Ragnar,
er hann svona lélegur að hann
kemst aldrei í liðin? Eða er hann
svona leiðinlegur að hann er alltaf
hrakinn burtu? „Ég er svo mikil
félagsvera að ég stoppa stutt við í
einu og vil kynnast sem flestum.
Ég hef líka farið mikið út á land og
haft mjög gaman af því,“ svarar
Ragnar.
Ragnar hefur spilað í öllum
deildum og leikið ýmist sem
miðjumaður eða framherji með
liðum sínum. Hann segist sjálfur
ekki vera mikill markahrókur en
sér hafi þó tekist að læða inn bolta
og bolta á hveiju tímabili. Dreng-
urinn er enn ekki nema þrítugur,
ætlar hann kannski að skipta um
félag nú? „Já, ég er kominn í Old
Ragnar Rögnvaldsson hefur
skipt oftar um félag í íslenskri
knattspyrnu en aðrir menn;
þrettán sinnum og leikið með
ellefu félögum. Og það bara í
meistaraflokki, nota bene.
Boys-flokkinn og æth ég fari ekki í
Breiðablik og endi ferilinn þar,“
segir hann, enda Bliki að upplagi.
Knattspyrnuferill
Ragnars
ÁR DEILD FÉLAG
1979 2. deild Austri Eskifirði
1980 1. deild Víkingur Reykjavík
1981 2.deild UBK Reykjavík
1981 Bezersliga Weddinghoffen
Þýskalandi
1982 l.deild KA Akureyri
1983 1. deild KA Akureyri
1984 2. deild ÍBÍ ísafirði
1985 2. deild ÍBÍ ísafirði
1986 2. deild Víkingur Reykjavík
1987 2. deild UBK Kópavogi
1988 3. deild Afturelding
Mosfellsbæ
1989 3. deild Dalvík
1990 4. deild Augnablik
Kópavogi
1991 3. deild ÍBÍ (safirði
1992 2. deild Þróttur Reykjavík
keppni. En það er aUs óvíst að sá
draumur hans rætist. Forsvars-
menn íþróttarinnar í Bandaríkj-
unum eru nefnilega skíthræddir
um að McEnroe skandalíseri í
þeirri stöðu allt eins og á veUinum
John McEnroe fannst sérlega fá-
ránlegt að þurfa að hneigja sig
fyrir kóngafólkinu á Wimbled-
on-mótunum. Hann lét sig þó
hafa það að beygja sig lítillega;
segist ekki hafa viljað gera
uppistand.
sjálfum. Sjálfur segist McEnroe
ekki sjá eftir neinu. Hann segist
gera sér grein fyrir því að fólk
muni minnast sín vegna blótsyrð-
anna og hneykslanna. „En sem
betur fer lék ég það vel að fólk get-
ur ekki talað um hneykslin án
þess að tala líka um hvernig ég lék.
Ég veit ekki hvort ég hefði unnið
fleiri sigra eða tapað fleiri leikjum
ef ég hefði stiUt mig á vellinum,
það er ekki gott að segja. En eins
og allir aðrir hef ég gert ýmsa hluti
öðruvísi en ég hefði viljað," segir
McEnroe.
„Maður
bætir í gegn
gömlu fé-
lögununT
Landsliðslínumaðurinn Geir Sveinsson kom /
heim úr atvinnumennsku fyrir tímabUið sem nú |
stendur yfir og gekk til liðs við sína gömlu félaga:
í Val. Finnurjóhannsson, línumaðurinn knái,
hefur spUað með Val undanfarin keppnis-
tímabU en hann færði sig um set og fór tU Ak-
ureyrar og gekk tU hðs við Þórsara. Fyrir
skömmu mættust Þór og Valur í jafnteflisleik
í fyrstu deildinni. Hvemig fannst Finni að
mæta gömlu félögunum? „Það var auðvitað •
skrýtið að þurfa að eiga við þá. Geiri er naut- * £
sterkur á Iínunni en ég reyndi að gefa h'tíð eft-
ir, maður bætir við ef eitthvað er þegar maður
mætir gömlu félögunum,“ segir Finnur.
Finnur hefur vakið athygli inni á leUcveUi
fyrir að spUa aUtaf með hlífðargleraugu ein
mUdl. Hann er svo gott sem blindur á
hægra auga og spUaði því með gleraug-
un tíl að verja vinstra augað en í þeim
gríðarmUdu átökum sem eiga sér stað á
línunni geta aUtaf hent slys. En nú
bregður svo við að hann hefur ekki
leikið með gleraugu í vetur. „Þannig
er má með vexti að svona gleraugu
hafa ekki fengist héma heima en
það er verið að útvega þau fyrir
mig erlendis og ég á von á þeim
hvað úr hveiju," útskýrir Finnur.
En er hann ekki hræddur án
þeirra? „Nei, maður gleymir þtssu í
baráttunni,“ er svarið.
Finnur lætur vel af dvölinni á Akureyri.
Hann er í Verkmenntaskólanum og er rétt að
klára stúdentsprófið og eins og námið og hand-
boltinn séu ekfci nóg þá er drengurinn líka söngv-
ari í hljómsveit. Sveitin er nafúlaus enn sem komið
er en hefur þó gert svoh'tið af því að koma ffam.
„Ég læt aðra um að dæma um hversu góður
söngvari ég er, en það er gaman að þessu,“ segir I
Finnur línumaður.
Finnur Jóhannsson gefur sér tíma frá
handboltanum og náminu til að
syngja í hljómsveit.
Um helgina
KÖRFUBOLTI
ÚRVALSDEILD
KR - Skallagrímur kl.
KR - Skallagnmur kl. 20.0U.
Skallgrimingarhafa komið á óvart,
unnið fyrstu leiki sína og virðast
hafa sterku liði á að skipa. KR-ing-
ar hafa hins vegar átt í mesta basli
nú I upphafi móts.
■ R'Ji "ÆMfWA il
HANDBOLTI
BIKARKEPPNIN
32 LIÐA ÚRSLIT
KA - Valur b. ki. 20.30. Þá er bik-
arkeppnin hafin og KA- menn
taka á móti b-liði Vals og ættu að
vinna örugglega.
I0RFUBOLTI
URVALSDEILD
Njarðvík - Haukar kl. 20.00.
Njarðvíkingar hafa alltaf verið
góðir í körfu. Haukarnir eru með
feikigóðan Kana sem fleytir þeim
langt, ekki það að hinir séu neinir
aukvisar.
KÖRFUBOLTI
1. DEILD KVENNA
Keflavík - ÍS kl. 15.30. Þessi lið
hafa verið glúrin í kvennaboltan-
um gegnum tíðina.
HANDBOLTI
BIKARKEPPNIN
32 LIÐA ÚRSLIT
Brciðablik - ÍH b. kl. 19.00. Blikar
ættu ekki að vera í vandræðum
með b-lið fþróttafélags Hafnar-
fjarðar.
Fjölnir - ÍR kl. 20.00. Ætti að vera
létt hjá (R. Þjálfari Grafarholtsbúa
er gamla kempan Björgvin Björg-
vinsson og hann lumar á brögð-
um.
Stjarnan - Selfoss kl. 20.00.
Hörkuleikur og ekki auðvelt að
spá i úrslit.
KR - Haukar kl. 14.00. Vesturbæ-
ingar hafa ekki verið til mikilla af-
reka í handbolta slðustu ár.
Ármann - Víkingur kl. 15.30. Ár-
menningar vinna varla Víkinga,
Fram - Þór kl. 20.00. Frammarar
verða að fara að vinna leik.
FH b. - Ármann b. kl. 17.15. Tvö
b-liö mætast en Hafnfirðingar
eiga að vera betri.
HKN - Valur kl. 20.00. Handbolti
hefur ekki átt upp á pallborðið á
Suðurnesjum en HKN stóð sig vel
f annarri deildínni á sfðasta tfma-
bili.
Leiftri - HK kl. 20.00. Okkur grun-
ar að Leiftri sé (þróttafélag lög-
reglumanna. Hans Guðmundsson
HK-maður var einu sinni f lögg-
unni.
ögri - ÍR b. kl. 21.30. ögrl er
Norðurlandaméistari heyrnar-
skertra en þeir misstu sinn sterk-
asta mann yfir til FH.
Grótta - Fylkir kl, 20.00. Fylkis-
menn hafa ekki getið sér orð sem
miklir handboltamenn, þjálfari
þeirra er Skúli Gunnsteinsson f
Stjörnunni.
Haukar b. - Afturelding kl.
16.30. Mosfellingar vinna þetta
sennilega.
ÍBV b. - ÍH kl. 16.30. Það er erfitt
að spila f Eyjum og ekkert vfst að
Hafnfirðingarnir eigi séns.
ÍBV - FH kl. 18.30. Tvö fýrstu-
deildarlið mætast. Eyjamönnum
hefur gengið hörmulega ( deild-
inni.
KÖRFUBOLTI
URVALSDEILD
Skailagrímur - Valur kl. 16.00.
Það er stutt á milli leikja I Japis-
deildinni. Borgnesingar eru með
ágætt lið en Valsararnir ættu að
vera sterkari — svona á pappfrun-
um að minnsta kosti.
Brciðablik - Njarðvík kl. 16.00.
Blikarnir eru með stærstu menn-
ina í íslenskum körfubolta en
þeim hefur ekki tekist sem skyldi
að nýta hæðina. örlygssynir eru
sterkir hjá Njarðvík.
Haukar - Keflavik kl. 16.00. Jón
Arnar Haukagormur er einn besti
körfuboltamaður tandsins. Keflvík-
ingum er spáð titlinum og þeir
eru ekki auðsigraðir.
Snœfell - KR kl. 20.00. Veturinn
gæti orðið báðum þessum liðum
erfiður sé miðað við byrjun þeirra.
Heimavöllurinn er Hólmurum dýr-
mætur.
KÖRFUBOLTI
1. DEILD KVENNA
KR - Njarðvík kl. 16.00. Miöað
við Suðurnesjahefðina I fslenskum
körfubolta ættu Njarðvíkurstúlkur
að vinna.