Pressan - 14.01.1993, Page 7

FIMMTUDAGUR PRESSAN 14. JANÚAR 1993
7
Haraldur Blöndal hæstaréttarlögmaður
GLEYMDIAB BORSA SKIHHIRNAH
EN SENDIHAA REIKNINGA FYRIR
VINNU SINA
Lögmannafélag íslands hefur haft reikninga frá
Haraldi Blöndal hæstaréttarlögmanni til með-
ferðar að undanförnu, en lögmaðurinn hefur
orðið uppvís að því að framvísa röngum skila-
greinum vegna íjármálaumsýslu fyrir skjólstæð-
ing sinn.
Undanfarnar vikur hefur Lög-
mannafélag íslands haft til með-
ferðar alvarlegar ásakanir á hend-
ur Haraldi Blöndal hæstaréttar-
lögmanni. Ásakanimar eru settar
ffam af íyrrverandi skjólstæðingi
hans, sem telur að Haraldur hafi
sýnt af sér stórkostlega vanrækslu
og afglöp og skaðað hagsmuni
sína verulega. Einnig eru uppi
grunsemdir um misferli og hefur
sá þáttur málsins verið kærður til
Rannsóknarlögreglu ríkisins.
Mál Haraldar var rætt nokkr-
um sinnum á fimdum Lögmanna-
félagsins í desember og í fram-
haldi af því voru hann og skjól-
stæðingurinn, Rósa H. Aðal-
björnsdóttir, kölluð fyrir fram-
kvæmdastjóra og formann félags-
Haraldur Blöndal
Leiðrétti strax mistökin
f samtali við PRESSUNA
sagði Haraldur að þetta mál ætti
sér nokkra forsögu, en hann
hefði haft með mál Rósu að gera
í nokkur ár. Hann hafi ekki vitað
annað en hann hefði fullt umboð
til að ganga frá málum hennar
og hafði það verið gert fyrir
atbeina og í samráði við fjöl-
skyldu hennar.
„Það kemur síðan í ljós að
mér hafa orðið á mistök sem ég
uppgötvaði ekki fyrr en eftir að
hún dró umboð sitt til baka.
Mistökin fólust í því að ég taldi
mig hafa komið fjórum skuldum
í skil, sem ég gerði ekki. Ég borg-
aði það til baka með vöxtum. Nú
stendur málið hins vegar þannig
að það er ágreiningur okkar í
milli um þóknun, sem væntan-
lega verður úrskurðað í hjá Lög-
mannafélaginu," sagði Haraldur.
Aðspurður um einstaka liði
ágreiningsins sagði Haraldur að
sérstaklega væri rætt um
greiðslu til bróður Rósu sem
hann taldi sig hafa umboð til að
ganga frá. Einnig sagði hann að
ffáleití væri að ætlast til þess að
hann ynni kauplaust, eins og
Rósa gerði kröfu um, en Harald-
ur taldi sig hafa lækkað skuldir
hennar um a.m.k. 700.000 krón-
ur fyrir utan að semja og ganga
frá tjónabótum við Vátrygg-
ingarfélagið.
Um þá aðferð að hafa pening-
ana inni á leynireikningi, eins og
skjólstæðingurinn segir, sagði
Haraldur að það væri aðeins
vinnuregla hjá sér þegar hann
hefði peninga í vörslu. Hann
sagðist líka hafa gert fullkomin
skil á vaxtagreiðslum vegna þess
reiknings. Hann hefði í raun
aðeins sett öryggisnúmer á bók-
ina. „Þegar verið er að semja um
reikningsskil hefur mér og öðr-
um lögmönnum reynst heilla-
drýgst að semja um skuldir þó
það kosti tafir, því ekki er rétt að
sýna kröfuhöfum öll kortin
strax.“
Haraldur Blöndal hæstaréttar-
lögmaður: Segist hafa borgað
strax til baka um leið og mistök-
in komu í Ijós.
ins, Martein Másson og Ragnar
Aðalsteinsson. f kjölfar þess var
Haraldi sent harðort bréf ff á félag-
inu þar sem honum var gert að
gera grein fyrir störfum sínum.
Haraldur hefur nú greitt 285.000
krónur til baka, en enn ber meira í
milli en svo að skjólstæðingur
hansgetisæstáþað.
SETTISLYSABÆTURNAR
INN Á REIKNING SEM
SKJÓLSTÆÐINGURINN
HAFÐIEKKIAÐGANG AÐ
Forsaga málsins er sú að í apríl
í fýrra var Haraldur fenginn til að
koma skikkan á fjármál Rósu,
sem í kjölfar slyss reyndist torvelt
að halda utan um þau. Fólst um-
sýslan meðal annars í því að inn-
heimta háar slysabætur vegna
umferðarslyss sem Rósa lenti í ár-
ið 1990. Átti hann að gangast í að
greiða skuldir og semja um skuld-
breytingar þar sem því yrði við
komið.
Bætumar sem Haraldur fékk til
umsýslu voru upp á 1.441.090
krónur. Auk þess innheimti hann
til viðbótar 262.334 krónur vegna
tryggingar á biffeið.
Rósa sjálf vildi ekki tjá sig um
málið en vísaði á Sigurjón Óskars-
son, sem hefur aðstoðað hana síð-
an hún afturkallaði umboð Har-
aldar 30. október síðastliðinn. Að
hans sögn fóru gjaldfallnar kröfur
að streyma inn í lok árs þrátt fýrir
að Haraldur segðist vera búinn að
greiða reikningana. Mun Rósa
aldrei hafa haft neina yfirsýn
yfir hvað Haraldur var að
gera, meðal annars vegna
þess að hann hafði lagt pen-
ingana inn á leynireikning
sem hún hafði ekki aðgang
að. Henni var því ókleift að
fylgjast með framkvæmd
skuldbreytinganna nema í
gegnum Harald. Mun það
hafa verið erfitt þar sem Har-
aldur lagði sig í líma við að
forðast skjólstæðing sinn, að
sögn Sigurjóns.
SAGÐIST HAFA GREITT
REIKNINGA SEM VORU
ÓGREIDDIR
Þegar Haraldi var síðan sagt
upp var farið ffam á skilagrein ffá
honum, þar sem kæmi ffam hver
staða fjármála Rósu væri. Þegar
skilagreinin loksins kom var hún
talin „ófullkomin“ af Lögmanna-
félaginu. Nær væri að segja að hún
hafi verið röng, því þar sagðist
Haraldur hafa greitt skuldir sem
voru ógreiddar, svo sem við Bygg-
ingarsjóð ríkisins, Byggingarsjóð
verkamanna og Lífeyrissjóð versl-
unarmanna. Ekki er hægt að ráða
af skilagreininni hvað um þá pen-
inga hefur orðið.
Við yfirheyrslur hjá Lög-
mannafélaginu viðurkenndi hann
mistök í starfi og sagði að um yfir-
sjón væri að ræða. Bauðst hann til
að greiða 450.000 krónur til að
mæta skaða skjólstæðings síns.
Því tilboði var ekki tekið.
Haraldur greiddi hins vegar nú
22. desember 285.090 krónur, sem
var móttekið með fyrirvara í gegn-
um skrifstofu Lögmannafélagsins.
Samanstendur þessi upphæð ann-
ars vegar af því fé sem hann taldi
sig hafa greitt (en gerði ekki) og
hins vegar dráttarvöxtum af þeirri
upphæð.
Töluvert ber hins vegar í milli,
því Rósa hefur gert kröfu um að
Haraldur greiði sér til viðbótar
747.493 krónur. Þar á meðal vill
hún endurgreiðslur vegna
greiðslna sem hann innti af hendi
Framkvæmdastjóri
Lögmannafélagsins
Nokkur
mál á ári
„Það er alltaf nokkuð um að
fólk leiti til okkar vegna ágrein-
ings um reikninga lögmanna.
Fjöldi slíkra mála er hins vegar
misjafn frá ári til árs,“ sagði
Marteinn Másson, fram-
kvæmdastjóri Lögmannafé-
lagsins, þegar hann var spurð-
ur um fjölda mála sem félaginu
bærist vegna reikninga lög-
manna.
Marteinn sagði að sam-
kvæmt lögum um málflytjend-
ur hefði stjórn Lögmannafé-
lagsins úrskurðarvald vegna
málflytjendalauna við dóms-
mál. Þeim úrskurðum er hægt
að áfrýja beint til Hæstaréttar.
Um laun fyrir önnur störf lög-
manna hefur félagið ekki form-
legt úrskurðarvald, en getur
hins vegar veitt álit. Auk þess
geta menn ávallt leitað til dóm-
stóla ef ágreiningur rís.
án samþykkis hennar, en þar er
um að ræða skuldir við ættingja
sem hún segist áður hafa hafnað.
VILL HALDA ÞÓKNUNINNI
FYRIR STÖRF SÍN
Einnig hefur Rósa farið ffam á
að Haraldur greiði til baka það
sem hann innheimti sem þóknun.
Ber hún því við að hann hafi ffem-
ur hækkað skuldir sínar en lækk-
að og því sé ífáleitt að hún greiði
honum um 300.000 krónur í laun.
Einnig heldur hún því fram að
sjálf hafi hún þurft að vinna mikið
við innheimtu slysabótanna og í
raun hafi ekkert gengið við niður-
fellingu skuldanna fytT en þau mál
voru tekin úr höndum Haraldar.
Sigurður MárJónsson
Aukin um^öllun um Mikson-málið á alþjóðavettvangi
Zuroff kemur með skjölin um mánaðamótin
Á vegum Simon Wiesenthal-
stofnunarinnar í Jerúsalem er nú
lokið þýðingu á þeim 700 blað-
síðna skjalabunka um meinta
stríðsglæpi Evalds Mikson sem
forstjórinn, Efraim Zuroff, fékk
afhentan á ferð sinni í Eistlandi
nýlega. I samtali við blaðið sagð-
ist Zuroff hafa í hyggju að koma
til íslands um næstu mánaðamót
og hefði hann farið ffam á fundi
með Davíð Oddssyni forsætis-
ráðherra og Þorsteini Pálssyni
dómsmálaráðherra. Zuroff sagði
gögnin staðfesta þátttöku Mik-
sons í stríðsglæpum nasista,
morð með eigin hendi og fýrir-
skipanir um morð á óbreyttum
borgurum.
I alþjóðlegri útgáfu dagblaðs-
ins Jerusalem Post dagsettri 2.
janúar er greint frá fundi skjal-
anna í Eistlandi og sagt nokkuð
ítarlega frá Mikson-málinu. Þar
er haft eftir Zuroff að hinn 32 ára
gamli eistneski forsætisráðherra,
Mart Laar, hafi lýst stuðningi sín-
um við baráttuna gegn stríðs-
glæpamönnum nasista og vitnað
í samtali um morð þeirra á afa
Efraim Zuroff hyggur á (slands-
ferð um naestu mánaðamót.
Frétt Jerusalem Post um Mik-
son-skjölin í Eistlandi.
sínum. Eistnesk stjómvöld hafa
nú sett á stofn rannsóknarnefnd
til að grafast fýrir urn örlög fórn-
arlamba nasista og veltur á niður-
stöðum hennar hvort gripið verð-
ur til aðgerða gegn Mikson í Eist-
landi, til dæmis réttarhalda.
Fyrr í þessum mánuði héldu
Alþjóðasamtök lögmanna af gyð-
ingaættum ráðstefnu þar sem
töluverðar umræður fóru fram
um mál Miksons og lýstu ráð-
stefnugestir stuðningi við áfram-
haldandi rannsókn í máli hans.
Hin bandaríska deild samtak-
anna, sem mun vera sú virkasta,
hefur einnig í hyggju að láta mál-
ið til sín taka á opinberum vett-
vangi, samkvæmt upplýsingum
PRESSUNNAR, en eins og blað-
ið hefur skýrt frá hefur banda-
ríska dómsmálaráðuneytið sett
Mikson á lista yfir stríðsglæpa-
menn sem meinað er að koma til
landsins._______________________
Karl 77). Birgisson
HRAFN
Gunnlaugsson er vinmargur.
Sem er kannski jafngott -
hann á nefnilega svo marga
óvini líka. Framkvæmdastjóri
norræna kvikmyndasjóðsins,
sem Hrafn hélt að væri vinur
sinn, sveik hann um loforð
upp á einhverjar milljónir í
styrk til að búa til bíómynd. Þá
talaði Hrafn við vin sinn, Ólaf
G. Einarsson menntamálaráð-
herra, og lét hann skamma
óvininn, ffamkvæmdastjór-
ann, og segja honum að láta
Hrafn hafa peningana. Þetta
þótti öðrum óvinum Hraftis
kjörið tækifæri til að rægja
hann, en þá lét Hrafn vini sína
í Samtökum kvikmyndagerð-
armanna álykta um að óvinir
hans ættu að hætta þessu
endalausa röfli um Hrafn og
peningana hans. Þessum vin-
um sínum segist hann svo ætla
að skaffa verkefhi hjá Sjón-
varpinu — kannski af því að
það eru hvergi peningar eftir
annars staðar. Vinum
INGA
BJÖRNS
Albertssonar fer hins vegar
fækkandi. Að minnsta kosti
vinum hans í þingflokki Sjálf-
stæðisflokksins. Þeir eru fiilir
af því að hann sagði þeim ekki
að hann væri á móti EES. Ein-
hverjum dytti nú kannski í hug
að spyrja: hveijum er ekki
sama þótt Ingi Björn sé á móti
EES? Hann segist þurfa tvö ár
til viðbótar til að skilja haus og
sporð á samningnum og þess
vegna er hann á móti. Það ætti
að gefa Inga Birni þennan
tíma, sem er reyndar líka ná-
kvæmlega það sem er effir af
kjörtímabilinu. Þá verður von-
andi búið að uppfýlla lífsskoð-
un hans og kaupa þyrlu handa
Gæslunni. Að því hugðarefni
frágengnu verður erindi hans í
pólitík lokið, eins og hlutverki
ALBERTS
Guðmundssonar er lokið í
París. Þangað var hann sendur
á sínum tíma svo hann hætti
að þvælast fýrir í pólitík hér
heima og því hlutverki hefur
hann sinntþokkalega. Nú er
hann á heimleið og er ekki
kominn heim fýrr en byrjar
eitthvert vesen og tuð í kring-
um hann, eins og ekkert hefði
breyst. Það var nefnilega aðal
Alberts, að tuða án þess að
hafa skoðun á nokkrum sköp-
uðum hlut, að vera á móti til
þess að vera ekki með, af því
að þannig tók einhver eftir því
að hann væri til. Það besta við
Albert núna er að flestir bregð-
ast við röflinu í honum eins og
röflinu í Inga Birni: Hverjum
er ekki sama?