Tíminn Sunnudagsblað - 04.03.1962, Blaðsíða 17
Möðruvallaskóla á þjóðlífið munu
ekki sízt hafa síazt út fyrir þeirra
tilverknað'.
Það má með sanni segja, að ekk-
ert fari fram hjá skyggnigáfu Sig-
urðar skólameistara í áðurgreindri
bók hans. Eg get ekki stillt mig um
í þessu sambandi, þar sem rætt er
um Möðruvallaskóla og áhrif hans,
að taka upp hér nokkrar línur orð-
réttar úr bók Sigurðar. Hann segir:
„Einkum er það ein verzlunar-
grein, sem gagnfræðaskólinn
norðlenzki hefir lagt til mikið lið
og mikla starfslcrafta, sem hún
hefði án efa eigi getað án ver-
ið, og það er samvinnustefnan.
Einn hinna merkustu prestvígðra
manna á voru landi (Þorsteinn
Briem — tilgáta mín. I.G.) Iét
eitt sinn svo um mælt við mig, að
hann hefði fyrst séð það, þá er
hann kynntist Eyjafirði og hög-
um bænda þar, hvílíkt gagn Möðru
vallaskóli hefði unnið. Fyrir til-
verknað hans höfðu sveitirnar
nægilcga færan mannafla til að
annast þau störf og þá umsýslu,
er hinn mikli kaupfélagsskapur
héraðisins þarfnaðist."
Samvinnumenn mættu minnast
þessara orða Sigurðar Guðmunds-
sonar, og kann að vera, að það
verði einn þáttur í samvinnusögu
íslands, ef hún verður einhvern
tíma rituð, aö kanna enn nánar,
hver sé hlutur Möðruvallaskóla
í gengi samvinnuhreyfingarinnar
hér á landi.
Brunar á MöðruvöIIum
Saga Möðruvalla í Hörgárdal er
meiri en svo, að hún rúmist í til-
tölulega knappri grein. Allt, sem
hér hefur verið rakið, eru aðeins
meginþræðir þeirrar sögu, en fjöl-
margir einstakir viðburðir og merk-
ismenn, sem tengdir eru sögu Möðru-
valla, eru með öllu ónefndir. Ég get
þó ekki skilizt svo við þessa frá-
sögn, að ég minnist ekki á það,
sem staðurinn er sérstaklega nafn-
kunnur fyrir. En það eru hinir tíðu
brunar, sem þar hafa orðið. Er
getið þar a.m.k. sjö stórbruna og
nokkurra smærri. Fyrr var minnzt
á klausturbrunann 1316, brunann
á amtmannshúsinu 1874 og skóla-
brunann 1902, enda marka þeir
allir tímamót, a.m.k tveir hinir
síðasttöldu, er amtmannssetrið var
flutt, svo jg skólinn, hvort tveggja
til Akureyrar. Aðrir stórbrunar eru
bæjarbruninn 1712, amtmannsbú-
staður brann þar hið fyrra sinn
1826, kirkja 1865 og loks brann
íbúðarhús þar árið 1937
Möðruvallastaður er nú vigslu-
biskupssetur síðan sóknarprestur-
inn þar, séra Sigurður Stefánsson,
var vígður til þess embættis árið
1959. Má segja, að vel fari á því að
vígslubiskup í Hólastifti hinu forna
sitji á Möðruvöllum, a. m. k. á með-
an annarri slcipan nærtækari er
ekki á komið. Fer það saman, að
staðnum er sómi að setu vígslu-
biskups þar og vígslubiskup er full-
sæmdur af setu sinni á svo forn-
frægum stað.
Þa3 er nokkuð þröngbýlt á Reykjavikurtjörn, og ekki sízt er skörin þéttsetin, þegar
í máli, að endur fíkjast ekki eftir því að þeim sé hlýtt á fótunum.
is er kominn á hana Það er bót
(Ljósmynd: TÍMINN — GE).
T í M I N N — SUNNUDAGSBLAÐ
41