Morgunblaðið - 09.07.2004, Blaðsíða 6
FRÉTTIR
6 FÖSTUDAGUR 9. JÚLÍ 2004 MORGUNBLAÐIÐ
Opið virka daga frá 10-18, lau og sun 13-16
„Alltaf með nýjungar!“ Aðeins það besta!
Knarrarvogi 4, 104 Reykjavík - Sími 517 0220
landsins langbesta
verð 695.000
með bremsum.
Knaus hjólhýsi
það er framtíðin
Munið Viking
fellihýsin -
Sölusýningarhalda áfram
Netsalan ehf.
ORKUVEITA Reykjavíkur hefur
undanfarið ár og í samvinnu við
Stofnfisk hf. ræktað risarækjur í
eldiskörum í Höfnum í Reykja-
nesbæ. Rækjurnar voru fluttar inn
frá Nýja-Sjálandi og hafa um 6–8
þúsund „íslenskar“ rækjur komið
undan nýsjálensku klakdýrunum á
því ári sem liðið er frá því þær námu
land á Íslandi. Áformað er að flytja
þær til nýrra heimkynna, austur á
Bakka í Ölfusi, í lok ágúst eða byrj-
un september, þar sem þær verða í
sérgerðum tjörnum.
Vonir forsvarsmanna Orkuveit-
unnar standa til þess að eldi á risa-
rækjum geti orðið arðbær nýjung í
atvinnulífinu og byggist aðkoma fyr-
irtækisins að risarækjueldi á því að
nýta heitt vatn til nýsköpunar á sem
arðbærastan hátt. Rækjurnar koma
úr framandi loftslagi og þrífast í
heitu vatni.
Áhugi hjá sveitar-
stjórnarmönnum
Að sögn Bergþórs Þormóðssonar,
deildarstjóra nýsköpunar- og þró-
unardeildar hjá Orkuveitu Reykja-
víkur, hefur Orkuveitan gengið frá
viðbótarsamningi við samstarfsaðila
á Nýja-Sjálandi um að fjölga risa-
rækjum á Íslandi. Forsvarsmenn
sveitarstjórna í Öxarfirði og á Reyk-
hólum hafi lýst áhuga á verkefninu
og á því að byggja upp aðstöðu fyrir
rækjueldi í heimabyggð. Fyrst um
sinn verða fyrstu „íslensku“ risa-
rækjurnar hins vegar fluttar í tjarn-
ir á Bakka, sem fyrr segir, en klak-
dýrin verða áfram í umsjá Stofn-
fisks í Höfnum.
„Það sem við munum gera á
Bakka er að kanna hvernig þeim
gengur að vaxa við íslenskar að-
stæður og við íslenskt veðurfar og í
framhaldinu verður þetta kynnt fyr-
ir áhugasömum og sveitarstjórnar-
mönnum víða um land og við mun-
um benda þeim á þennan mögu-
leika,“ segir Bergþór. Í risarækju-
eldi sé fólgið nýsköpunartækifæri
fyrir þau landsvæði þar sem að-
gangur sé að heitu og köldu vatni og
mannafla.
Spurður um þátt Orkuveitunnar í
risarækjueldi til frambúðar segir
Bergþór að fyrirtækið muni hægt
og bítandi draga úr umsvifum sínum
í verkefninu. Bergþór vill ekki gefa
upp hver kostnaður Orkuveitunnar
er vegna risarækjueldis en að hann
sé viðunandi og hafi ekki farið úr
böndunum þrátt fyrir að verkefnið
hafi tafist lengur en gert var ráð
fyrir í upphafi.
Mjög góð á bragðið
„Við sjáum fyrir okkur að hafa
stuðlað að því að koma þessu af stað
og sýnt fram á grundvöllinn en ger-
um ráð fyrir að selja þetta inn í fyr-
irtæki sem yrði stofnað. Við gætum
hugsanleg átt nokkurn eignarhlut í
því en ekki ráðandi hlut til lengri
tíma litið,“ segir Bergþór.
Talsmenn OR segja risarækjueldi geta orðið arðbæra nýjung í atvinnulífinu
Fyrstu „íslensku“ risa-
rækjurnar í Ölfus í ágúst
kristjan@mbl.is
Morgunblaðið/Jim Smart
Jónas Jónasson, þróunarstjóri á rannsóknardeild Stofnfisks, með eina af
nýsjálensku „móðurrækjunum“ sem fluttar voru til landsins í fyrra.
VARAFORSETI kínverska þings-
ins, Wang Zhaoguo, verður í opin-
berri heimsókn á Íslandi í boði Hall-
dórs Blöndals, forseta Alþingis,
næstu daga. Kemur hann í dag og
verður til 12. júlí. Í för með Wang
Zhaoguo verða fjórir þingmenn og
starfsmenn kínverska þingsins og
kínverska utanríkisráðuneytisins.
Varaforsetinn mun eiga fundi með
forseta Alþingis, formanni utanrík-
ismálanefndar og fulltrúum þing-
flokka. Hann mun einnig ræða við
Ólaf Ragnar Grímsson forseta og
Halldór Ásgrímsson utanríkisráð-
herra.
Varaforsetinn mun fara í skoðun-
arferð um Reykjavík og Suðurland
og m.a. heimsækja Þingvelli og
Nesjavelli.
Varaforseti kínverska
þingsins á Íslandi
HÉRAÐSDÓMUR Reykjavíkur
dæmdi mann á þrítugsaldri í 5 mán-
aða skilorðsbundið fangelsi í gær
fyrir tilraun til bankaráns í desem-
ber 2003.
Við yfirheyrslu hjá lögreglu við-
urkenndi ákærði að hafa staðið einn
að ráninu. Hann kvað ránið hafa ver-
ið sína hugmynd og hefði hann verið
búinn að velta því fyrir sér í nokkuð
langan tíma. Kvaðst hann skulda fé
vegna fíkniefnakaupa en hann væri í
mikilli neyslu.
Hann sagðist hafa verið í fíkni-
efnaneyslu nóttina fyrir ránstilraun-
ina og orðið uppiskroppa með efni
um kl. 7 um morguninn. Þá hefði
hann ákveðið að ræna bankaútibúið.
Rétt fyrir klukkan 9 um morguninn
hringdi hann í kunningja sinn og bað
hann um að hitta sig á tilteknum stað
í Fannafold og þaðan óku þeir til
bankans.
Huldi andlitið með nælonsokk
Lýsti ákærði því hvernig hann
kom inn í bankann með nælonsokk
fyrir andlitinu, búrhníf í hendi, latex-
hanska, hvíta húfu á höfðinu og poka
í hendinni. Hann hefði gengið að
gjaldkerastúkunni og sagt: „Þetta er
vopnað rán, settu peningana í pok-
ann“. Einnig hefði hann sagt við
gjaldkera bankans að hann kæmi
yfir borðið til þess að ná í peningana.
Þá sagðist ákærði hafa séð að gjald-
keranum var mjög brugðið og hún
hefði stirðnað. Hefði hann síðan lagt
á flótta þegar hann heyrði glamur í
hurðinni hjá útibússtjóranum.
Fram kemur í dómnum að ákærði
sagðist hafa verið í fíkniefnaneyslu
frá því hann var 13 ára. Hann hefði
áður farið í meðferðir en væri nú í
fyrsta sinn virkilega að vinna í sínum
málum. Eftir að þetta gerðist kvaðst
ákærði hafa farið beint í meðferð.
Hann hefði fallið tvívegis en farið
aftur í meðferð og stundaði nú vinnu.
Dómurinn tók tillit til þessa, játn-
ingar ákærða og samvinnulipurðar
hans, við ákvörðun refsingar. Málið
dæmdi Sigríður Hjaltested, settur
héraðsdómari. Verjandi ákærða var
Hilmar Baldursson hdl. og sækjandi
Dagmar Arnardóttir fulltrúi lög-
reglustjórans í Reykjavík.
Sakfelldur fyrir ránstilraun
RISARÆKJURNAR sem fluttar
voru til landsins koma frá Nýja-
Sjálandi þar sem hefð er fyrir rækt-
un þeirra í kerum og tjörnum, oft í
tengslum við rekstur veitingastaða,
en þær eiga uppruna sinn í ám og
árósum í Malasíu. Fullvaxta vega
þær um 200 grömm.
Helga sig ákveðnu svæði
Risarækjur eru óðalsdýr sem
helga sig ákveðnu svæði. Þær eru
viðbragðsfljótar og snöggar á
sundi. Einkennandi fyrir þær eru
tveir bláleitir, langir griparmar og
er gripkrafturinn þónokkur og sár
fyrir þá sem lenda í þeim. Kjör-
hitastig dýranna er 28 gráður og
þarf að fylgjast vel með hitastigi
vatnsins þar sem þær drepast í
vatni undir 20 gráðum.
Að sögn dr. Jónasar Jónassonar,
þróunarstjóra á rannsóknardeild
Stofnfisks, sem sér um risarækju-
eldi í Höfnum fyrir Orkuveituna,
komu rækjurnar sem lirfur til
landsins fyrir um einu ári.
Morgunblaðið/Jim Smart
Eiga uppruna
sinn í Malasíu
ÞAÐ er ekkert grín að ráða við golfkylfu sem er stærri
en maður sjálfur, en þó hefst það með lagni og aðstoð.
Á Ingólfstorgi hefur verið aðstaða fyrir unga golfara,
svokallað minigolf, sem og önnur leiktæki, og voru
þessir efnilegu tvíburar meðal þeirra sem spreyttu sig.
Skyldu þarna fara atvinnumenn framtíðarinnar?
Morgunblaðið/Ásdís
Tvíburar í golfi á Ingólfstorgi