Íslendingaþættir Tímans - 16.03.1974, Blaðsíða 7

Guðbj örg
Ágústsdóttir
Syðri Löngumýri
Laugardaginn 9. febrúar var jarð-
sungin frá Svianvatnskirkju Guð-
björg Sveinsina Ágústsdóttir, hús-
freyja að Syðri-Löngumýri, A-Hún.
Guðbjörg var fædd að Rútsstöðum i
Svinadal, 21 ágúst 1923. Hún lézt 2.
febrúar að Héraðshælinu Blönduósi,
rösklega fimmtug að aldri. Foreldrar
hennar voru þau Ágúst Björnsson og
Borghildur Oddsdóttir, þá í hús-
mennsku að Rútsstöðum. Þau eignuð-
ust tvær dætur saman, þær Guðbjörgu
og Guðmundu, sem nú er gift á Suður-
nesjum. Tvö hálfsystkini átti Guðbjörg
frá fyrra hjónabandi móður sinnar,
Þóru, sem býr á Blönduósi og Tyrfing
sem er látinn. Ágúst og Borghildur
slitu fljótt samvistir og var Guðbjörg
með föður sinum, en Borghildur fór til
Reykjavikur og hefur átt þar heima
siðan. Hún dvelur nú á Elliheimilinu
Grund. Dóttir hennar, Bugga eins og
við kölluðum hana, hafði oft boðið
móður sinni að dveljast hjá sér fyrir
norðan, en gamla konan kunni betur
við sig syðra.
Ágúst vann á ýmsum bæjum i Svina-
vatnshreppi, meðan hann ól dóttur
sina upp. Það má einsdæmi teljast, þvi
að ekki var félag einstæðra foreldra
eða önnur hjálp einstæðum feðrum til
handa, og mætti margur af honum
læra. Ágúst var vinnusamur og hug-
ljúfur öllum, sem honum kynntust.
Honum hefur eflaust þótt mjög vænt
um dóttur sina, og hann naut þess lika
siðar, er hún hóf sjálf búskap, þvi að
þá fluttist hann til hennar og bjó hjá
henni til dauðadags. Hann lézt á
Löngumvri árið 1965.
Guðbjörg mun hafa notið þeirrar
barnafræðslu, sem tiðkaðist i sveit á
þeim tima. Siðar, eða 1943—1944, fer
hún á Kvennaskólann á Blönduósi, og
mun það hafa orðið henni gott vega-
nesti sem húsfreyju i sveit, en hún var
fyrirmyndar búkona og gestrisin i
fyllsta máta.
Guðbjörg giftist eftirlifandi manni
sinum, Iialldóri Eyþórssyni, 1945.
Foreldrar hans eru Pálina Jónsdóttir,
ættuð frá Hnifsdal, og Eyþór Guð-
mundsson úr Svinavatnshreppi. Hall-
dór og Guðbjörg voru að Guðlaugs-
stöðum 1 ár og hófu búskap að Auð-
kúlu, en keyptu Syðri-Löngumýri árið
1947 og hafa búið þar siðan.
Tengdaforeldrar Guðbjargar,
Pálina og Eyþór, hafa alla búskapar-
tið Halldórs og Guðbjargar átt heima á
Syðri-Löngumýri,þar til i haust, að þau
fóru á héraðshælið sakir erfiðleikanna
heima fyrir, lasleika og hárrar elli.
Þeim Halldóri og Guðbjörgu varð
ekki barna auðið, en 1959 tóku þau
kjörbarn, dóttur, er Birgitta Hrönn
heitir. en hún er nú tæpra fimmtán
ára, i skóla. Þorsteinn Hallgrimur
Gunnarsson, sem undanfarið hefur
verið ráðunautur i sýslunni, kom til
þeirra 8 ára gamall og dvaldi þar,
þegar hann var ekki i skóla. Einnig
voru systurdætur Halldórs, Eygló og
Ingibjörg, i fjölda sumur hjá þeim svo
og fleiri börn.
Löngumýri árið um kring, en þó mest
á sumrin, en enginn fór þaðan án góðs
viðurgernings. Guðbjörg var i Kvenfé-
lagi Svinavatnshrepps og starfaði þar
dyggilega.
Þess má vel geta, að þegar Halldór
og Guðbjörg byggðu Löngumýri fyrst.
var þar torfbær. Hann stóð ofarlega i
túninu. Ég hafði ekki tækifæri til að
koma þangað á þeim árum, en bænum
var lýst fyrir mér, og ég veit, að það
hafa oft verið erfiðir dagar á vetrum
hjá húsfreyjunni, þegar allt fraus i
eldhúsi og viðar. En ungu hjónunum
auðnaðist að byggja upp myndarhús
með þeirra tima þægindum, og sagði
Guðbjörg méi; að það hefðu verið mikil
umskipti.
Mér er ekki létt um að rekja æviferil
Guðbjargar mikið, en aö endingu vil
ég biðja blessunar eiginmanni og dótt-
ur, móðurinni og tengdaforeldrum
hennar,einnig öðrum skyldmennum og
vinum.
Við vonumst öll eftir fegurös himins-
ins, þegar við héðan hverfum, laus við
veraldar strið. Eins og skáldið orti,
vildi ég segja:
1 hendi Guðs er hver ein tið
i hendi Guðs er allt vort strið
hið minnsta happ,
hið mesta fár,
hið mikla djúp, hið litla tár.
(MJ).
Gúð blessi þig.
Aðalheiöur Magnúsdóttir.
Leiðrétting
1 minningargrein um Steinunni Guð-
mundsdóttur ljósmóður i 7. tbl. ts-
lendingaþátta segii;, að móðir hennar
hafi verið Kristbjörg Bergþórsdóttir
frá Leirskálum. Hið rétta er, að móðir
hennar var Þorgerður Jónsdóttir frá
Lækjarskógi. Kristbjörg var hins
vegar amma Steinunnar. Eru að-
standendur beðnir velvirðingar á
þessum mistökum. — AB.
Leiðrétting
1 9. tbl. tslendingaþátta stóð i grein
um Sigriði F. Jónsdóttur. að Sveinn
Jónsson á Egilsstööum hefði verið for-
maður Búnaðarsambands Austur-
lands. Það mun vera rangt, og leið-
réttist það hér með.
islendingaþættir