NT - 10.07.1984, Síða 9

Þriðjudagur 10. júii 1984 9
Höfum við stefnu
í vímuefnamálum?
H. Kr. skrifar:
■ Þaðferveláþvíaðdagblað
reyni að vekja menn til um-
hugsunar í sambandi við eitur-
lyf og fíkniefni. Gott er að þau
mál séu rædd hér í blaðinu.
Það er að vísu vafasamt
hverju má trúa þar sem eitur-
lyfjaneytandi segir frá. Menn
verða ruglaðir af eitrinu og
neyslu þess fylgir löngum sál-
arstríð sem getur gengið nærri
andlegri heilbrigði þó að ekki
kæmi annað til. Slík viðtöl
verður að taka með varúð. En
þrátt fyrir það eru þau merki-
leg á sinn hátt.
Miklu merkilegri viðtali við
ógæfumenn um sölu og nevslu
fíkniefna er það sem læknar
hafa að segja af reynslu sinni
um ástand og neyslu. Þar koma
fram ægiiegar staðreyndir sem
ættu að vera vekjandi.
Fullyrðingar um að læknar
selji unglingum vanabindandi
fíkniefni eru þess eðlis að gefa
verður gaum enda þótt þær
komi frá manni sem varlega
kannað vera treystandi.
Á blaðsíðu 17 í blaði voru 3.
júií er fróðlegt línurit um
„fjölda tilvika þar sem eitur-
efni mældust í blóði við krufn-
ingu. (Arsskýrsiur rannsókn-
astofnunar í lyfjafr.)“ Ég fæ
ekki betur séð en alkohol-súl-
an sé miklu hæst öll árin 1978-
1982. Þetta staðfestir það sem
fyrr var vitað að áfengi er það
fíkniefnið sem mesta bölvun
gerir okkur enn sem komið er.
Það fellur ekki við minn
smekk að í þessu sama blaði er
rekinn brennivínsáróður. Á
blaðsíðu 6 stendur undir mynd:
„Brennivín í guðs grænni nátt-
úrunni. - Það er ekkert eins
hressandi"'. Er samræmi í
þessu?
Ég sé enga ástæðu til að fara
dult með það að þetta finnst
mér fara illa saman. Það er
ástæða til að vara við fíkniefn-
unum og vel sé þeim sem það
gera af alvöru. En þeir ættu þá
ekki að láta það henda sig að
gerast talsmenn þeirrar tegundar
fíkniefna sem mesta bölvun
gerir. Hér þarf að taka á
málum af fullri alvöru og rök-
réttum heilindum.
Menn verða að gera sér ljóst
að örlagaspurningin í þessum
málum er sú hvort víma sé
eftirsóknarverð eða ekki. Það
ræður úrslitum. Fíkniefna-
börnin, sem við höfum öll
áhyggjur af, alast upp við þau
viðhorf að víman sé eftirsókn-
arverð. Þeim hefur til skamms
tíma verið sagt að hassvíman
væri meinlausari en brenni-
vínsvíman. Henni fylgdi minni
áhætta.
Svo eru aðrir sem segja að
heróínvíman sé áhrifameiri en
áfengisvíman...
Mér er raun að því að blað
sem mér er ekki sama um reki
áróður fyrir brennivínsvímu.
Menn skyldu hugleiða í alvöru
hvernig það samrýmist andófi
gegn fíkniefnaneyslu almennt.
Hver er stefna okkar?
Sakna
Skugga
■ Ég vil þakka ykkur fyrir ágætlega
heppnaða breytingu á blaðinu. Sér-
staklega er ég ánægður með úttektirn-
ar, einkum um landbúnaðarmálin og
kjaramálin. Ég hef hins vegar saknað
Skugga í sumar. Greinar hans voru
mjög skemmtilega gagnrýnar og
áleitnar. Að vísu verður að gæta að
ekki sé ómaklega vegið að persónum,
en sjálfsagt er að spyrja óþægilegra
spurninga þegar tilefni gefst. Ég vil
því hvetja ykkur til að slá ekki slöku
við og vera virkilega áleitnir í blaðinu
okkar, það er víst áreiðanlega þörf á
því.
Kær kveðja,
Jóhannes í Árbæ
Engin klukka
í morgunþætti
útvarpsins?
Klukkulaus skrifar:
■ Hvernig væri nú að stjórnendur
kæmu því öðruhvoru út úr sér hvað
klukkan er á morgnana. Á föstudags-
morgun hlustaði ég á þáttinn í heilar
tuttugu mínútur og aldrei var ég
upplýstur um það hvað tímanum leið.
Annars er þátturinn að mörgu leyti
góður og stjórnandi er næmur á ýmiss
forvitnileg atriði og lagaval hans ber
keim af því að hann er kominn undir
þrítugt og er því gott. Ég verð samt
að játa að tilbreytingaleysið í rödd
hans fer smá í taugarnar á mér.
Röddin er alltaf eins hvort sem hann
er að tjá gleði, sorg, undrun eða
spurn. En maður getur nú ekki beðið
um allt. En umfram allt þetta með
klukkuna...
Hjá okkur færðu öll tæki og efni til logsuðu og rafsuðu.
Við bjóðum aðeins viðurkenndar, vandaðar vörur.
Sænska gæðamerkið
VANDAÐAR RAFSUÐUVÉLAR Marg-
ar gerðir. Transarar, jafnstraumsvélar
og Mig Mag vélar. Hentugar til nota
í smiðjum og á verkstæðum. Litlar
vélar til tómstundastarfa sem stórar
iðnaðarvélar.
Gott verð.
LOGSUÐUTÆKI til iönaðar- og tóm-
stundastarfa. Mjög hentugttil nota við
allskonar viðgerðir og nýsmíðar t.d.
í landbúnaði.
Mjög meðfærileg tæki.
S
m
RAFSUÐUVÍR margar tegundir.
Pinnasuðuvír og vír á rúllum.
Hátt í 40 tegundir.
GASMÆLAR margar gerðir. Fyrir
Acetylen, Oxygen, Kolsýru, Argon
Blandgas og Própan.
Munið leiðbeiningaþjónustuna. Ráðgjöf fagmanna á staðnum.
Sendum gjarnan í póstkröfu.
búðin /<
Grensávegi 5 Símar 84419 og 84016