NT - 30.01.1985, Blaðsíða 24

Við tökum við ábendingum um fréttir allan sólarhringinn. Greiddar verða 1000 krónur fyrir hverja ábendingu sem leið ir til
fréttar í blaðinu og 10.000 krónur fyrir ábendingu sem leiðir til bitastæðustu fréttar mánaðarins. Fullrar nafnleyndar er gætt
NT, Sídumúla 15, Reykjavík, sími: 686300, auglýsingar 18300
Kvöldsímar: áskrift og dreifing 686300 • ritstjórn 686392 og 687695 • iþróttir 686495
Forráðamenn Háskóla-
bíós vilja byggja 3 sali
■ Forráðamenn Háskólabíós
hafa áhuga á því að reisa þrjá
nýja sali við kvikmyndahúsið og
voru hugmyndir þar að lutandi
kynntar á fundi háskólaráðs í
síðustu viku. Ætlunin er að taka
mál þetta til afgreiðslu á fundi
fímmtudaginn 7. febrúar.
Jónatan Pórmundsson, pró-
fessor og formaður stjórnar
Háskólabíós, sagði í samtali við
NT, að ætlunin væri að reisa
viðbyggingu sunnan við anddyri
bíósins og salirnir þrír myndu
taka 300, 200 og 150-200 manns
í sæti. Tilganginn með þessum
nýju sölum sagði Jónatan þrí-
þættan. í fyrsta lagi þyrfti bíóið
á þeim að halda til þess að nýta
betur myndir sínar og til að
standa sig betur í samkeppninni
við önnur kvikmyndahús, sem
hafa fleiri en einn sýningarsal. í
öðru lagi yrðu nýju salirnir
þannig útbúnir, að þeir nýttust
til fyrirlestrahalds fyrir nemend-
ur skólans, en mikill fjöldi fyrsta
árs nema í ýmsum deildum cr
þegar farinn að skapa vandræði.
1 þriðja lagi er síðan reiknað
með að salirnir nýtist til ráð-
stefnuhalds, en salir af þessari
stærð eru vandfundnir í borg-
inni.
Ef þessar hugmyndir stjórnar
og framkvæmdastjóra bíósins
verða samþykktar, verður fljót-
lega farið af stað með teikni- og
hönnunarvinnu, og væntanlega
byrjað á jarðvegsvinnu síðar á
árinu. Framkvæmdir við bygg-
inguna munu síðan taka 2 '/5 til
3 ár. Sagði Jónatan, að sumum
fyndist það of langur tími, þar
sem þörfin fyrir þetta húsnæði
Ákvörðu
tekin
i naestu
viku
væri það brýn.
Kostnaðurinn við þessa
stækkun hefur verið gróflega
áætlaður um 50 milljónir á nú-
gildandi verðlagi, og sagðist
Jónatan reikna með, að bíóið
myndi geta fjármagnað þriðj-
ung þeirrar upphæðar, en há-
skólinn myndi síðan annast
lánafyrirgreiðslu. Þá er jafnvel
reiknað með að Landsbankinn
taki þátt í byggingu hússins, en
bankinn hefur lengi leigt að-
stöðu í anddyri Háskólabíós
undir Melaútibú sitt.
Nýr háskóla-
rektor kosinn
í apríl
■ Á háskólaráðsfundi,
fimmtudaginn er var, lýsti
Guðmundur Magnússon,
háskólarektor, því yfir að
hann gæfi ekki kost á sér
til endurkjörs, en kjör-
tímabil hans rennur út í
aprílmánuði.
Nýr rektor verður kosinn
í aprílmánuði. Stúdentar
fara með 1/3 atkvæða, en
kennarar og aðrir starfs-
menn háskólans með 2/3.
Allir prófessorar eru
kjörgengir. Þeir sem helst
eru nefndir manna á með-
al sem hugsanieg rektors-
efni eru Sigurjón
Björnsson, félagsvísinda-
deild, Páli Skúlason,
heimspekideild. Björn
Björnsson, guðfræðideild,
Sveinbjörn Björnsson,
verkfræðideild og Jónatan
Þórmundsson, lagadeild.
NT umboðið í
mál gegn NT
„Skemmtilegt mál,“ segir lögmaður NT
■ NT umboðið hf. á Akureyri
sem áður hét Norðlensk trygg-
ing hefur höfðað mál á hendur
dagblaðinu NT fyrir meintan stuld
á nafni hlutafélagsins. Munnleg-
ur málflutningur hefst í dag og
má þá vænta dómsniðurstöðu
innan fárra vikna.
Tryggingafélagið hefur staf-
ina NT skráða sem nafn á hluta-
félagi en ekki sem vörumerki.
Aftur hefur útgáfufyrirtækið
Nútíminn unnið að því að fá
merki sitt í gula og bláa litnum
sem vörumerki. I samtali við
NT sagði Árni Vilhjálmson,
lögfræðingur NT að sú skráning
væri enn ekki komin á blað og
bíður núna birtingar í Lögbirt-
ingarblaðinu.
Norðlenska tryggingafélagið
sem heitið hefur NT frá árinu
1982 tekur í greinagerð sinni
um þetta mál að nafn dagblaðs-
ins NT veki upp rugling og sé
brot á lögum um eignarrétt.
Aftur á móti sagði Arni það
aðalröksemd sína að hér sé um
alfarið ólíka starfsemi að ræða
og því ómögulegt að ruglingur
stafi af þessu. Aukþesshefði
norðlenska tryggingafélagið
stafina ekki skráða sem vöru-
merki heldur aðeins sem nafn á
hlutafélagi. „Þetta er svolítið
skemmtilegt mál um grundvall-
aratriði í eignarrétti," sagði
Árni Vilhjálmsson.
Reglur til að liðka áfengisinnflutning:
Umboðsmenn
greiði pantanirnar
- svo ÁTVR sitji ekki uppi með óseljanlegar birgðir
■ Fjármálaráöuneytið hefur
í undirbúningi nýjar reglur um
innflutning áfengis til landsins
og munu þær gera ráö fyrir
því, að ef umboösmaður ák-
veðinnar tegundar áfengis er
reiðubúinn til að greiða fyrir
pöntunina sjálfur, eða getur
tryggt sölu hennar, þá verður
hún tekin inn í útsölur ÁTVR.
Eru reglur þessar ætlaðar til að
liðka fyrir innflutningi áfengis.
Umboðsmaðurinn mun þannig
bera kostnaðinn ef viðkom-
andi tegund selst ekki. Fram til
þessa hefur ÁTVR hins vegar
þurft að sitja uppi með óseldar
birgðir.
Þetta kom fram í samtali,
sem NT átti við Höskuld
Jónsson, ráðuneytisstjóra
fjármálaráðuneytisins, í gær.
Höskuldur sagði, að á næstu
dögum væri að vænta sölutalna
áfengis fyrir síðastliðið ár, og
nýju reglurnar yrðu grundvall-
aðar á þeim upplýsingum, sem
þar fengjust.
Þá sagði Höskuldur, að í
upphafi árs hefði föst skikkan
komist á innflutning áfengis að
beiðni einstaklinga. Þannig
getur hver og einn beðið
ÁTVR að flytja inn fyrir sig
ákveðna víntegund og verður
það gert, ef viðkomandi tryggir
greiðslu á pöntuninni. Inn-
flutningur af þessu tagi hefur
tíðkast í einhvern tíma, en nú
fyrst eru komnar um hann
fastmótaðar reglur.
■ Það er nóg af auðum stólum í kringum Albert,
en hann situr sem fastast. Hvort myndin er lýsandi
fyrir ástandið innan ríkisstjórnarinnar eða ekki vitum
við ekki, en hér virðist Albert hafa setið alla af sér.
NT-mynd: Sverrir.
Patreksfjörður:
Nýtt fiskvinnslufyrir-
tæki tekið til starfa
■ Fiskverkunarhús í eigu
Vatnseyrar hf., sem er hlutáfé-
lag heimamanna stofnað til að
taka við rekstri á húsum og
eigum Skjaldar, tók til starfa
um miðjan mánuðinn og hefur
verið unnið við að verka fisk í
salt.
Ætlunin mun vera að frysti-
hús fyrirtækisins fari af stað í
vor. Hlutafélagið Vatnseyri var
stofnað í nóvember 1983 og
síðan þá hefur verið unnið að
endurbótum á fasteignum þess.
í apríl var keyptur 190 tonna
bátur, Jón Þórðarson og er
hann gerður út á línu um þessar
mundir. Stefnt er að því að fá
fleiri báta til fyrirtækisins þegar
fram líða stundir.