NT - 01.03.1985, Blaðsíða 9

pn r Föstudagur 1. mars 1985 9
Ll L |) Vidtal Minning
■ „Þeir sem hafa mikið að
gera hafa yfirleitt tíma til flestra
hluta. Það sem þarf er að skipu-
leggja tímann vel. Tíminn er
eitt það dýrmætasta sem til er.“
Þetta segir Valur Arnþórs-
son, maður sem hefur mikið að
gera en hefur samt tíma til að
gera það sem gera þarf. Fimm-
tugur að aldri og stjórnarfor-
maður SÍS, stærsta fyrirtaekis
landsmanna, kaupfélagsstjóri
KEA, með sína rúmlega 1000
starfsmenn, og stjórnarformað-
ur fjölda fyrirtækja.
Meðalmaður á hæð, grannur
og spengilegur. Rólegur en
ákveðinn. Án spennu en einbeitt-
ur. Söngmaður og gleðimaður,
unnandi tónlistar Mozarts, Be-
ethovens og Wagners. Sport-
veiðimaður og útivistar, en um-
fram allt maður önnum kafinn.
„Ég er það sem kallað er
mjög hlaðinn störfum, en
reyndar held ég að það sé jafnan
þannig að þeir, sem hafa mikið
að gera, hafa yfirleitt tíma til
fiestra hluta. Þeir sem hafa lítið
að gera þeir eiga auðvelt með
að vera í tímaþröng.
En ég hef ánægju af mínum
störfum en hins vegar er ljóst að
þeir sem hafa mikið umleikis í
störfum syndga upp á náðina
hjá sínu umhverfi sinni fjöl-
skyldu. En ég á afskaplega um-
burðarlynda fjölskyldu.“
Frá Eskifirði til Akureyrar
Valur er fæddur á Eskifirði 1.
mars 1935, sonur Arnþórs Jens-
en og Guðnýjar Pétursdóttur
Jensen. Þar bjó hann til 17 ára
aldurs, en fór þá til náms í
Samvinnuskólanum og allur
hans starfsferill síðan hefur ver-
ið innan Samvinnuhreyfingar-
innar.
Eftir nám í Samvinnuskólan-
um tók við starf hjá Samvinnu-
tryggingum, ásamt framhalds-
námi í London í tryggingarfræð-
um, viðskiptum og ensku. Hann
starfaði hjá Samvinnutrygging-
um til 1965, en þá fór Valur til
Akureyrar, eftir nám í sænska
Samvinnuskólanum í Saltsjö-
baden.
Eftir komuna norður varð
frami Vals skjótur og frá 1965-
1970 gegndi hann starfi fulltrúa
kaupfélagsstjóra, frá 1970-1971,
starfi aðstoðarkaupfélagsstjóra,
og frá vori 1971 starfi kaupfé-
lagsstjóra. Auk þessara starfa
sat hann í bæjarstjórn frá 1970-
1978, þar af sem forseti bæjar-
stjórnar í fjögur ár, og hefur að
auki gegnt fjöldanum öllum af
öðrum trúnaðarstörfum, bæði
innan Samvinnuhreyfingarinn-
ar, og á öðrum vettvangi.
Tónlist par excellence
„Mér eru margir tónlistarvið-
burðir minnisstæðir,“ sagði Val-
ur aðspurður um hvort hann sætti
færis á ferðum sínum erlendis
að komast á tónleika.
„Til dæmis að fá tækifæri til
að hlýða á Tito Gobbi, í Royal
Albert Hall í London, er var
einn fremsti barytónsöngvari
allra tíma.
Giuseppi di Stefano hlýddi ég
á í London, Arthur Rúbenstein
hlýddi ég á í Royal Festiva! Hall
í London, en ekki verður mér
síst minnisstætt að hafa hlýtt á
fiðlukonsert með Nathan Mil-
stein, u.þ.b. áttræðum fiðlu-
snillingi af rússneskum uppruna,
í Royal Festival Hall í London
fyrir nokkrum misserum.
Hamborgaróperuna hef ég
sótt oft og hef notið þess að
meðtaka þar mjög stóra
skammta af tónlist í einu, eins
og að hlusta á Lohengrin, eftir
Wágner, í 3-4 tíma."
En Valur hefur ekki aðeins
hlustað á tónlist og söng, heldur
tók hann þátt í starfi Fóstbræðra
meðan hann dvaldist í Reykja-
vík. „Ég hafði afar gaman af
sönglistinni sem þar var ástund-
uð undir forustu tónlistarhöfð-
ingja eins og Jóns Þórarinssonar
og Ragnars Björnssonar, en Jón
Halldórsson hafði nýlátið af
kórstjórn er ég byrjaði.“
Páll Magnússon
lögfræðingur
Tíminn eitt það dýr-
mætasta sem til er
-segirValurArnþórsson,stjórnarformaðurSÍS
um leið og hann heldur upp á f immtugsafmælið
■ Valur Arnþórsson.
Síðan Valur fluttist til Akur-
eyrar hefur hann ekki haft tíma
til að taka beinan þátt í söng-
starfi, en „leitast við að styðja
við bakið á menningarstarfi.
Akureyri á marga hæfa söng-
vara sem spretta upp úr ríku-
legri sönghefð og tónlistar-
áhuga. Sá sem risið hefur hæst
núna er Kristján Jóhannsson,
sonur Jóhanns Konráðssonar,
sem reis hvað hæst áður."
Fáar tómstundir - en þó
Svo hlaðinn störfum sem Val-
ur er, verða fáar stundir til
tómstundaiðkana. Lesturskáld-
sagna situr á hakanum, „þangað
til seinna" og helst gefst tími til
að sinna tónlistinni á ferðalög-
um. En hvaða áhugamál ætli
stjórnarformaður SIS, og for-
stjóri KEA hafi.
V íst er að vinnan skipar fyrsta
sætið hitt bíður efri áranna, eins
og Valur orðar það.
Og tilheyrandi vinnunni er að
fylgjast með því sem er að
gerast úti í hinum stóra heimi.
„Guð hjálpi þeim mönnum sem
lenda á tölvuskrám erlendis,
eins og ég virðist hafa gert.
Yfir mann dynur slíkur ara-
grúi af tilboðum um tímarit,
skýrslur, úttektir, þátttöku í
erlendum æfiskrám og guð má
vita hvað. Það er eitt af því sem
menn í viðskiptalífinu þurfa að
passa sig á, þetta gífurlega fram-
boð af lesefni."
Það er tímafrekt að velja og
hafna en Valur hefur valið
þann kostinn að kaupa tímarit í
ákveðinn tírpa, og velja síðan
úr þau bestu, og einnig að vera
með í einni æfiskrá.
Sumarf rí - já, sólböð - nei
„Við höfum tekið heldur fá
sumarfrí líklega 3-5, eftir því
hvað maður kallar sumarfrí. En
ef sumarfrí eiga að verða nota-
drjúg, þá verð ég að taka þau
þar sem ekki næst auðveldlega í
mig.“
Og sá staður er fundinn. A
Miðjarðarhafinu.
„Við höfum leigt okkur báta
til siglingar um Miðjarðarhafið,
en Islendingar gera það nú í
vaxandi mæli. Það er ákaflega
frjélst og skemmtilegt viðfangs-
efrn og hæfir mjög vel þeim
sem þurfa að hafa eitthvað fyrir
stafni, jafnvel í fríum. Það á illa
við mig að liggja og horfa upp í
loft.
Við höfum farið með strönd
Frakklands, frá ítölsku landa-
mærunum og út undir Tou-
lon.
Aðalatriðið er að kynna sér
mjög vel siglingaleiðir og blind-
sker og boða á leiðinni, annars
þarf ekki mikil siglingatæki.
mynd Kristján.
áttavit og sjókort. Handáttavita
til að gera staðarákvarðanir."
Fjölmargt sem bíður!
Þegar NT ræddi við Val í gær,
daginn fyrir fimmtugsafmælið,
sagði hann að honum fyndist
hann enn vera ungur, en „þó fer
maður vafalaust að verða óþol-
inmóðari að koma í höfn ein-
hverju af því sem maður hefur
áhuga á, þótt ekki séu til neinar
endalegar hafnir eða lausnir en
það er fjölmargt sem bíður.“
Og þegar fjölmargt bíður þá
er tíminn notaður til hins ýtr-
asta. Það er sagt af forvera Vals
á Akureyri, Vilhjálmi Þór, að
hann var ákaflega kröfuharður
á að menn eyddu ekki tíma í
spjall, heldur kæmu sér beint að
efninu. Valur hefur sömu
stefnu; á skrifborði hans er
enginn öskubakki, svo menn
ekki setjist niður til að reykja
og spjalla eins og algengt er að
gert sé.
Og það er kannski táknrænt
fyrir manninn, að til að hitta
blaðamann á réttum tíma, yfirgaf
hann stjórnarfund Landsvirkj-
unar. „Stundvísi er gífurlega
mikilvæg. Það sem menn verða
að gera sér ljóst - það sem ég geri
mér ljóst er að ef ég er ekki
stundvís til fundar þar sem fleiri
eða færri menn eru saman-
komnir, þá er ég að eyða tíma
þeirra‘.‘
Fæddur 27. september 1891
Dáinn 19. febrúar 1985
Að morgni þriðjudagsins
nítjánda febrúar andaðist í
Borgarspítalanum í Reykjavík
Páll Magnússon lögfræðingur,
Laufásvegi 44 í Reykjavík.
Foreldrar hans voru hjónin
Magnús Blöndal Jónsson, prest-
ur í Vallanesi, og Ingibjörg
Pétursdóttir Eggerz kaupntanns
í Akureyjum. En hún var systir
Sigurðar Eggerz bæjarfógeta á
Akureyri og sýslumanns Eyfirð-
inga og Guðmundar Eggerz er
var sýslumaður Suður-Múla-
sýslu og síðar sýslumaður Árn-
essýslu.
Páll var fæddur í Þingniúla í
Skriðdal, þar sern faðir itans hóf
prestskap, en síðan fluttu þau
hjónin í Vallanes, þar sem séra
Magnús var prestur í fjölda ára.
Páll var á öðru ári er þau
fluttu í Vallanes. Þau hjónin
eignuðust átta börn, en full-
orðinsaldri náðu Ragnheiður,
Páll og séra Pétur í Vallanesi.
Séra Magnús missti konu sína
15. ágúst 1898 frá ungum
börnum, og var Páll þá aöeins 6
ára.
Síðari kona séra Magnúsar í
Vallanesi var frú Guðríður
Ólafsdóttir Hjaltesteð, er áður
var gift Þorvarði Kjerúlf lækni
og alþingismanni. Séra Magnús
og frú Guðríður eignuðust fjög-
ur börn, en aðeins Þorgerður
náði fullorðinsaldri.
Móðir mín Sigríður Þorvarð-
ardóttir Kjerúlf flutti með móð-
ur sinni, er þá var ekkja, í
Vallanes, en hún var jafn gömul
Páli,fædd 1891.
Þau ólust því upp saman í
góðum og glöðum systkinahópi
á fjölmennu heimili.
Leið Páls lá í hinn lærða
skóla. Brautskráðist stúdent
1919 og lagaprófi lauk hann 14.
febrúar 1924 eða fyrir 61 ári.
Eftir lagapróf fluttist Páll til
Eskifjarðar með konu sinni frú
Sigríði Pétursdóttur prests í Ey-
dölum Þorsteinssonar. En þau
gengu að eigast 12. október
1924.
Á Eskifirði stundaði Páll
málflutning jafnframt því sem
hann var oddviti Eskifjarðar til
1930.
Þá rak hann þar togaraút-
gerð, þá fyrstu á Austurlandi.
Hann var lögfræðingur Lands-
bankans þar, allt til þess tíma að
hann fluttist til Reykjavíkur
1935.
Eftir þetta var hann um skeið
settur sýslumaður Rangárvalla-
sýslu, en lengst af vann hann á
vegum ríkisendurskoðunar, að
endurskoðun hjá sýslumönnum
og bæjarfógetum allt til ársins
1943.
Þá var hann um tíma Iög-
fræðingur Búnaðarbankans.
Hann var forstjóri fyrir olíufé-
laginu Nafta frá 1945 og þar til
félagið hætti störfum 1954.
Eftir þetta var Páll við mál-
flutningsstörf, og er kunnur af
andófi gegn og gagnrýni á lögum
um stóreignaskatt er sett voru
1957 og ollu miklum deilum
sem kunnugt er.
Árið 1974 var Páll skipaður í
gerðadóm Laxármálsins, sem
alþjóð þekkir.
Þetta er stult yfirlit yfir hið
fjölbreytta starf Páls á langri
æfi, en ég tel rétt að minnast á
fleira er ekki kemur fram í þess-
ari upptalningu.
Á fullorðinsaldri mótaði Páll
líkan af bæ og kirkju í Vallanesi
eins og það var um síðastliðin
aldamót, og er það nú várðveitt
í Þjóðminjasafninu.
Sem barn kynntist ég Páli,
konu hans og börnum á Eski-
firði, en vinskapur var milli
heimilis míns á Reyðarfirði og
þeirra, er hélst alla tíð.
Nokkru áður en Páll kvaddi,
kom ég á heimili þeirra hjóna,
var hann þá orðinn máttvana,
hafði þó fótavist og hugsunin
var enn skýr.
Hann spurði frétta að austan,
en hugur hans stóð ætíð nærri
æskustöðvum hans í Vallanesi,
enda kenndi hann sig við þann
stað. Hann gladdist yfir að fylgj-
ast með framförum á Héraði og
að frétta af sveitungum sínum.
Hann hafði mikla ánægju af
þjóðlegum fræðum, ættfræði og
auk þess hafði hann mikinn
áhuga á málara- og húsagerðar-
list.
Hjónaband Páls og frú Sigríð-
ar var gæfuríkt. Frú Sigríður er
vel gerð og mikilhæf kona er bjó
manni sínum gott og menning-
arlegt heimili. Viðmót hennar
ætíð fágað og ástúðlegt. Páll var
góður heimilisfaöir, dagfars-
prúður og untgengni hans við
konu og börn, sem vini,
prúðmannlegogelskuleg. Hann
var vinmargur.
Börn þeirra hjóna eru;
Pétur, efnaverkfræðingur,
livæntur Birnu Björnsdóttur,
Ingibjörg innanhússhönnuður,
ekkja Þorgríms Tómassonar
kaupmanns og Magnús lista-
maður og kennari, kvæntur
Önnu Sigríði Gunnarsdóttur
kennara.
Genginn er góður og gegn
niaður.
Ég votta eftirlifandi konu Páls
frú Sigríði og börnum, tengda-
börnum og ættingjum dýpstu
samúð, og bið þeim Guðs bless-
unar.
Margrét Þorstcinsdóttir.
Bújörð óskast - eignaskipti
Hef traustan kaupanda að vel hýstri kúajörð á Suðurlandi
ásamt bústofni og vélum. Seljandi getur fengið sem greiðslu
uppí söluverð jarðarinnar nýlegt vandað 6 herb. einb.hús í
Kópavogi með föndurherb. og geymslum. Innb. bílskúr.
Samtals 250 fm.
Helgi Ólafsson,
löggiltur fasteignasali.
Flókagötu 1 - Sími 24647.