NT - 27.03.1985, Síða 24

■ Sameiginleg útvarpsstöö
Sunnlendinga er nú rædd meðal
bæjarstjúrnarinanna á Selfossi
og í Vestmannaeyjum og hala
báðir aðilar lýst yfir vilja sínum
til þess að útvarpsstöðin verði í
sínu plássi. Verður málið vænt-
anlega afgreitt á aðalfundi Sam-
taka sunnlenskra sveitarfélaga
(SASS) í næsta mánuði.
Búist er við að lausn málsins
felist í því að upptöku og út-
sendingarherbergi verði á báð-
um stöðum en endurvarpið
væntanlega í Vestmannaeyjum
sem þykja betur í sveit settar að
því leyti. Tillaga þessa efnis frá
Vestmannaeyjum var lögð fyrir
aðalfund SASS í fyrra.
í samtali NT við bæjarstjórn-
armenn á báðum stöðum, þá
Óla P. Guðbjartsson á Selfossi
og Andrés Sigmundsson í Vest-
mannaeyjum, kom fram að mik-
ill vilji er til að samstarf um
þessi mál takist og töldu þeir
báðir að svo yrði. í hvorugu
bæjarfélaginu hefur verið tekin
endanleg afstaða til þess hvort
stefnt skuli að útvarpsstöð
óháðri Ríkisútvarpinu eða úti-
búi hliðstætt RÚVAK á Akur-
eyri. Báðir sögðust þó heldur
hallast að síðarnefnda kostmum
en beðið væri.niðurstöðu Alþing*
is í útvarpslagafrumvarpinu.
Á Selfossi er gert ráð fyrir
útvarpsstöð í nýju samkomu-
húsi sem er í smfðum og sagði
Óli P. Guðbjartsson að útvarps-
stöð yrði sett niður þó svo færi
að samstarf tækist ekki. Er
reiknað með að aðstaða þessi
verði tilbúin síðla árs 1986 eða
fyrripart 1987.
Andrés Sigmundsson sagði að
í Vestmannaeyjum væri til reiðu
húsnæði sem bæjarfélagið gæti
fengið til þessarar starfssemi og
tæki þá fáeinar vikur að koma
upp fullnægjandi aðstöðu. Að-
spurður hvort í útvarpsrekstur
yrði ráðist, hvort sem samstaða
næðist innan Samtaka sunn-
lenskra sveitarfélaga eða ekki
sagði Andrés að það hlyti að>
ráðast því hvernig Alþingi af-
greiddi. útvarpslagafrumvarpið.
Kvaðst hann binda allar vonir
við að tillaga þeirra Vestmanna-
eyinga, sem lögð var fyrir síð-
asta aðalfund SASS, næði fram
að ganga. Pá benti Andrés á að
í Eyjum væru aðilar sem biðu
þess að koma upp einkastöðv-
um en bæjarstjórnarmenn teldu
æskilegra að öðruvísi yrði að
málum staðið.
Samkvæmt heimildum NT
hafa önnur sveitarfélög í Suður-
landskjördæmi ekki gert tilkall
til að fá útvarpsstöð til sín en
Andrés nefndi, þegar NT ræddi
við hann, að vel kæmi til
greina að upptökuherbergi yrðu
víðar en í Vestmannaeyjum og
á Selfossi, svo sem á Hvolsvelli
eða öðrum þéttbýliskjörnum.
■ Veðrið hcfur leikið við höfuðborgarbúa undanfarna daga, svo mjög að frést hefur af því sumir séu búnir að rífa af fram í júní á
dagatalinu sínu. Bréfberalcikhúsið Dúfan hóf líka sumarvertíð sína með uppákomu niðri á torgi í gær og vakti mikla lukku. NT-mynd:Sverrir
Per Gyllenhammer á blaðamannafundi:
Bættar samgöngur og
afnám verslunarhafta
- skilyrði fyrir nýrri sókn Evrópu á efnahagssviðinu
■ „Evrópa á nú undir högg
að sækja meðan framþróun
ríkir annars staðar, t.d. í
Japan. Evrópumenn verða að
bregðast hart við ef velferð
þeirra á að haldast, ef þeir vilja
komast hjá atvinnuleysi með
öllum þeim félagslegu vanda-
málum sem því fylgja.“ Þetta
var boðskapur Per Gyllenham-
mers, forstjóra sænsku Volvo-
verksmiðjanna á blaðamanna-
fundi, sem hann efndi til í
gær.
En hvernig á Evrópa að
bregðast við? Með því að af-
nema hindranir á verslun milli
landanna. Trukkbílstjóri sem
ekur frá Norður-Evrópu til
Ítalíu, þarf að fylla út milli 20
og 30 tollskjöl. Japan og
Bandaríkin búa hins vegar að
gríðarstórum heimamörkuðum
sem eru grundvöllur að vel-
gengni þeirra á alþjóða-
mörkuðum. Stór sameiginleg-
ur heimamarkaður allrar V-
Evrópu er skilyrði fyrir því að
Evrópubúar geti snúið vörn í
sókn að mati Gyllenhammers.
Þetta leiðir hugann að áætl-
uninni um efnahagssamstarf og
fulla atvinnu, sem samþykkt
var á síðasta Norðurlanda-
ráðsþingi. Gyllenhammertaldi
hana afar mikilvæga og jafn-
framt að hún gæti verið ákveð-
ið fordæmi fyrir Evrópu sem
heild. Bættar samgöngur á öll-
um sviðum, efnahagssamvinna
og afnám verslunarhindrana
væri það sem koma skyldi.
Evrópu skorti ekki tækniþekk-
ingu, en það skorti skilyrði til
að hagnýta hana. Þekkingin
væri einangruð inni í stofnun-
um hvers lands fyrir sig í stað
þess að nýtast Evrópulöndun-
um sameiginlega til framfara.
Akureyri:
Styrkir til könnunar á
nýjum atvinnuhugmyndum
■ Akureyrarbær mun á
næstunni auglýsa styrki til
handa þeini, sem hafa áhuga
á að hrinda í framkvæmd
nýjungum í atvinnulífinu.
Jón Sigurðarson formaður
atvinnumálanefndar Akur-
eyrar sagði í samtali við NT,
að styrkjunum væri ætlað að
ýta undir það, að menn könn-
uðu hugmyndir sínar á
skynsamlegan hátt áður en
-þeir legðu af stað með fram-
kvæmdir, t.d. með arðsemis-
athugunum.
Bæjarstjórnin ætlar að
leggja tvær milljónir króna úr
framkvæmdasjóði í verkefni
þetta, og hægt verður að
leggja til ineira fé ef þurfa
þykir.
Jón sagði, að nokkrir hefðu
þegar haft samband við
bæjarstjórnina vegna þessara
fyrirhuguðu styrkja, og því
væri ástæða til að ætla, að
umsækjendur yrðu margir.
Ekki vildi hann hins vegar
greina frá þeirn hugmyndum,
sem menn hefðu viðrað við
bæjarfulltrúana.
■ „Evrópa á undir högg að
sækja.“ Per Gyllenhammer,
forstjóri Volvo, var ómyrkur í
máli á blaöamannafundi í gær,
en hann er gestur viðskipta-
þings hér á landi.
NT-mynd: Árni Bjurna