NT - 06.10.1985, Page 9

Tærnar á stórkaupmanninum
Þannig hagar til í Fossvogskirkjugarði að
víða er halli allmikill þannig að höfðalag grafar er
djúpt í jörðu en afar grunnt til fóta. Þetta gat
skapað ákveðin vandamál. Einhverju sinni þegar
ég og Jóhann Thoroddsen vinnufélagi minn
lágum í sólbaði milli tveggja leióa sáum við okkur
til mikillar furðu hvar berir fætur stóðu út úr
brekkunni. Lappirnar sköguðu út upp að miðjum
kálfa. Komu mér strax í hug fætur Þórarins
Nefjólfssonar því þessar voru ófrýnilegar mjög
og var af hin mesta táin á öðrum fætinum. Við
nánari eftirgrennslan reyndust fæturnir tilheyra
stórkaupmanni nokkrum sem þar hafði verið
grafinn fáeinum árum áður. Skeggræddum við
drjúga stund um það hvernig koma mætti
löppunum undir græna torfu að nýju og urðum
ásáttir um að reyna að stjaka þeim með járnkarli
inn undir brekkuna. Tókst þá ekki betur til en svo
að upp gengu hnén og risu nú uppúr grassverð-
inum. Nú voru góð ráð dýr því að aldrei höfðum
við félagarnir staðið í framkvæmdum á borð við
þessar. Tókum við það til bragðs að grafa undan
iljunum þannig að líkið náði spyrnu í brekkunni.
Síðan hefur stórkaupmaðurinn setið stilltur.