NT - 16.10.1985, Page 15

í Miðvikudagur 16. október 1985 19
Lesendur hafa ordid
Hver má haf a vit
fyrir hverjum?
■ Ekki skortir á það að mikið
sé rætt um áfengis- og vímu-
efnamál þjóðarinnar og tæpasf
heyrist óhappaverks svo getið,
að þar komi ekki vímuefni við
sögu. Samt sem áður þori ég að
fullyrða, að sá áróður sem rek-
inn er fyrir aukinni áfengis-
neyslu í blöðunum sumum
hverjum, er stórum rúmfrekari
en frásagnir af óhappaverkum
þeim og slysum sem hún veldur,
enda kemst aldrei í hámæli
nema lítið brot af því böli, sem
áfengisneyslan er völd að.
Brenglað hugarfar lýsir sér
tíðum í máli og skrifunt þeirra,
sem ákafast berjast fyrir aukinni
áfengisneyslu, með því að
hvetja til þess að heimiluð verði
frjáls bruggun og sala áfengs öls
hér á landi. Þar koma mér fyrst
í hug skrif Sturlu Sigurjónssonar
í NT, þar sem hann veður fram
gegn bindindis- og skátastarfi
og hefur alla tilburði til að
greiða þeim hreyfingum bana-
högg. Það högg hlaut að sjálf-
sögðu að verða vindhögg, þar
sem öllum með ólemstraða
dómgreind ætti að vera ljóst, að
þessi samtök hafa ætíð unnið að
mannheill og mannbótum. Ég
held að það, sem þarna hrökk
úr penna þessa lánlitla blaða-
manns verði tæpast skýrt á ann-
an veg en þann að bjórþorstinn
hafi svipt hann heilbrigðri
hugsun, nema annað verra hafi
á undan gengið.
Því er mjög á lofti haldið af
þeim, sem krefjast hömlulauss
frjálsræðis í sölu, framleiðslu og
neyslu áfengis, og þá trúlega
einnig annarra vímugjafa, að
menn eigi ekki að reyna að
„hafa vit fyrir fólki“. Þá er það
meðal þeirra „sterkustu" raka,
að svo lengi sem við leyfum ekki
ótakmarkaða drykkju á áfeng-
um bjór í landinu, séum við
ekki nema annars flokks þjóð.
Samkvæmt þessu ættum við sem
höfum hafnað áfengi að vera
annars flokks þegnar.
í útvarpsfréttum var frá því
sagt, að landbúnaðarráðherra
og Jón Óttar.Ragnarsson, dós-
ent og matvælafræðingur hefðu
í ölstofu í Reykjavík skiptst á
skoðunum um það hvort leyfa
ætti hér sölu áfengs öls eða
ekki. Var ráðherrann sagður
hafa setið með vatnsglas fyrir
framan sig en dósentinn með
ölkollu og endurspegluðu drykkj-
arföngin viðhorf þeirra. Sögð
voru það helstu rök dósentsins
gegn bjórbanni að það ætti ekki
að reyna hafa vit fyrir fólki. Ég
held að Jón Óttar hafi lent á
rangri hillu ef þetta er hans
raunverulega skoðun. Því hvers
er fremur vænst af kennara en
að hann miðli nemendunum af
þekkingu sinni, leiðbeini þeim,
„hafi vit fyrir þeirn". Þegar
dósentinn hefur komið fram í
ríkisfjölmiðlum, hefur mér
virst hann ódeigur við að hafa
vit fyrir fólki varðandi matar-
æði.
Þar sem ég er þess fullviss að
mark er tekið á Jóni Óttari er
það þeim mun sárara að hann
skuli beita áhrifum sínum til að
stuðla að aukningu áfengisböls
þjóðarinnar. Ég hef tæpast hitt
fyrir svo einsýnan áfengisdýrk-
anda að hann hafi ekki viður-
kennt að þeim mun auðveldara
sem er að ná í áfengi því meira
er drukkið. Af aukinni drykkju
leiðir fjölgun áfengissjúklinga,
sem leggja í rústir eigið líf og líf
sinna nánustu.
Það er ótrúlegt annað en að
fjöldi þeirra sem í ölæði hafa
unnið ofbeldis- og óhappaverk,
hafi eftir á óskað þess að þeir
hefðu í tíma lagt eyrun við
hollráðum þeirra sem reyndu
að hafa vit fyrir þeim.
Oskar Sigtryggsson.
Að hafa
það sem
sannara
reynist
■ Ekki er langt síðan
skekkjur voru reknar
ofan í stjórnmála-
fræðinginn Þórð Ingva
Guðmundsson að því er
varðað erlend (kana-
disk) stjórnmál. Nú kem-
ur í ljós, að Þ.I.G. virðist
ekki vera heldur vel að
sér unt íslenska stjórn-
málasögu, sbr. grein hans
í NT 2. okt. sl. Þar segir
Þórður Ingvi m.a.: að
„flokkurinn (Frarhs.fi.)
hafi sctið nú samfellt í
ríkisstjórn í 14 ár, sem er
einsdæmi fyrir stjórn-
ntálaflokk á íslandi.”
Þetta er ekki rétt: Al-
þýðutlokkurinn sat í
ríkisstjórn í fimmtán ár
samfleytt, frá 1956 til
1971.
Stjórnmálafræðingar
ættu að reyna að fara rétt
með staðreyndir, enda
auðvelt að afla þeirra, að
því erþessi atriði varðar.
Guðmundur Sigurðsson,
Æsufelli 2, Reykjavík.
Enn
beðið
eftir
svari
■ Sendi DV fyrir skömmu
stutta fyrirspurn til lögfræðinga
félags tannlækna. Spurning mín
var mjög einföld: Hún var um
það, hvort ég ætti ekki kröfu á
endurgreiðslu, eins og „opin-
beri geirinn", vegna fjörutíu
þúsund króna greiðslu til tann-
læknis míns, á þeim tíma, sem
gjaldskrárhækkun tannlækna
stóð yfir, þ.e.a.s. hækkun sú, er
tannlæknar urðu síðar að éta
ofan í sig: sem sagt: neyddust til
að geifla á saltinu.
Untræddir lögfræðingar hafa
ekki svarað, svo að mér sé
kunnugt, og því verð ég að
spyrja nánar, - og nefna nöfn:
Tannlæknar sögðu í upphafi
málsvarnar sinnar, að fyrr-
greind hækkun hefði verið gerð
að ráði tveggja lögfræðinga
(sem síðar virðast hafa haft sig
lítt frammi í málinu), og sam-
kvæmt fréttagrein um málið í
NT á sínum tíma, var þar um að
ræða lögfræðingana Guðmund
Yngvá Sigurðsson og Benedikt
Sigurjónsson. - Leyfi ég mér
því að beina umræddri fyrir-
spurn til þeirra, þar sem ég hefi
engin svör fengið hjá tannlækni
mínum í þessu efni.
Virðingarfyllst,
Jónína Sveinsdóttir.
ES: Vona, að svaratregða lög-
fræðinganna standi ekki í sam-
bandi við það, að sonur annars
er sagður tannlæknir (Sigurjón
Benediktsson) og sonur hins
læknir (Sigurður Guðntunds-
son).
Birtið myndir
af eiturlyfja-
sölunum!
■ Sjónvarpsþátturinn um
Gullu á dögunum var fróðlegur
um margt og gaf nokkra innsýn
í þær voðalegu afleiðingar, sem
hljótast af neyslu eiturlyfja.
Það vakti undrun mína, að
það ágæta fólk sem kom þar
fram, minntist ekkert á aðal-
bölvaldinn: Eiturlvfjasalann.
Að vfsu talaði lögreglumaðurinn
um að það sé „spilað á“ þetta
ástand og eiturlyfjum haldið að
áhrifagjörnum unglingum og þá
að sjálfsögðu í ábataskyni.
Aldrei hafa verið til í þessu
landi djöfullegri glæpamenn en
þeir sem smygla eiturlyfjum til
landsins og selja það ungu fólki
og leggja líf þess í rúst. Þessir
óþokkar fá svo væga dóma þó
að upp um þá komist, að undr-
um sætir. Þeir sitja inni stuttan
tíma og fara síðan til útlanda að
sækja meira eitur strax og þeir
hafa verið látnir lausir.
Hér verður allur almenningur
að bregðast hart við og krefjast
þess að stjórnvöldum, að þau
reki af sér slyðruorðið og taki á
þessum málum af hörku eins og
efni standa til. Þess verður að
krefjst, að þegar þetta illþýði
hefir verið staðið að verki, þá
verði birtar myndir af því, ásamt
nöfnum og heimilisföngum, og
í öllum blöðum landsins og fólk
Slysa-
gildra
■ Lesandi sendi meðfylgj-
andi mynd og texta. Slysa-
gildra á Grensásvegi, við
gangbraut hjá verslunarhús-
unum gegnt Breiðagerði.
Þannig hefur frágangur að
gangbrautinni verið í rúm-
lega eitt ár, eftir að gengið
var frá bílastæðum við versl-
anir þarna. Þessu þarf að
kippa í lag.
hvatt til að geyma blöðin og
festa sér útlit þessara djöfla í
mannsmynd vel í minni. Einnig
vcrði þessum myndum komið
fyrir sem víðast á almannafæri.
Þannig væri hægt að útiloka
þessa sölumenn fjandans frá
öllu samneyti við heiðarlegt
fólk, og sýna þeim þá fyrirlitn-
ingu, sem þeir hafa til unnið.
Barnavinur.
Ok St. Jósefsspítali
v Landakoti
Lausar stöður
Fóstru og starfsmann vantar á dagheimiliö
Brekkukot (börn á aldrinum 3-6 ára).
Starfsmann vantar á skóladagheimilið (börn
á aldrinum 6-9 ára).
Upplýsingar í síma 19600-250-260, milli kl.
09.00-16.00.
Hjúkrunarfræðingar
Hjúkrunarfræðingar óskast á Lyflækninga-
deildir l-A og ll-A Handlækningadeildir l-B
og ll-B, Barnadeild, Svæfingardeild,
Skurðdeild og Gjörgæslu. Boðið er upp á
aðlögunarkennslu fyrstu vikurnar.
Sjúkraliðar
Sjúkraliðar óskast til starfa á allar vaktir við
eftirtaldar deildir: Lyflækningadeildir l-A og
ll-A, Handlækningadeildir l-B, ll-B og lll-B.
Umsóknir ásamt upplýsingum um nám og
fyrri störf sendist hjúkrunarforstjóra sem
veitir nánari upplýsingar í síma 19600-220-
300, alla virka daga.
Reykjavík 11. október 1985.
Laus staða
Dósentsstaða í stærðfræði við raunvísinda-
deild Háskóla íslands er laus til umsóknar.
Dósentinum er einkum ætlað að starfa á
sviði fágaðrar rúmfræði.
Laun samkvæmt launakerfi starfsmanna
ríkisins.
Umsóknir ásamt rækilegri skýrslu um vís-
indastörf umsækjenda, ritsmíðar og rann-
sóknir, svo og námsferil og störf, skulu
sendar menntamálaráðuneytinu, Hverfis-
götu 6, 101 Reykjavík, og skulu þær hafa
borist fyrir 15. nóvember n.k.
Menntamálaráðuneytið,
10. október 1985.
Framleiðslustjóri
Bifreiða- og trésmiðju
Kaupfélag Skaftfellinga, Vík, óskar að ráða
framleiðslustjóra fyrir bifreiða- og trésmiðju.
Starfið er fólgið í daglegri stjórnun og
sölumennsku.
Leitað er að dugmiklum, áhugasömum
manni sem á gott með að umgangast og
stjórna fólki. Góð almenn menntun æskileg.
Góð laun í boði fyrir réttan aðila.
Umsóknir með upplýsingum um aldur,
menntun og fyrri störf, sendist kaupfélags-
stjóra eða starfsmannastjóra Sambandsins
er veita nánari upplýsingar.
Umsóknarfrestur er til 30. þessa mánaðar.
Nauðungaruppboð
sem auglýst var í 76., 82. og 89. tbl. lögbirtingarblaðs á
jörðinni Lyngási Kelduhverfi, þinglesinni eign Sveins L.
ÓlafssonarogElínarKarlsdótturferframeftirkröfu Trygginga-
stofnunar ríkisins á eigninni sjálfri fimmtudaginn 17. október
1985 kl. 14.00.
Sýslumaðurinn Þingeyjarsýslu
Bæjarfógetinn Húsavík
flokksstarf
Framsóknarvist
Framsóknarvist hefst aftur sunnudaginn 27. október n.k. í
Hótel Hofi, Rauðarárstíg 18 kl. 14.00.
Ennfremur verður spilað á sama tíma sunnudaginn 10.
nóvember og sunnudaginn 1. desember.
Nánar auglýst síðar.