Morgunblaðið - 14.12.2003, Blaðsíða 34

34 | 14.12.2003
G uðrún Helga Jóhannsdóttir var nýlega á ferð í Sambíu og Malaví þarsem henni þótti mannfólkið allt hið elskulegasta en hún átti fótumfjör að launa undan urrandi krókódílum og þurfti að venjast því að
sofa í félagsskap froska, eðla og kóngulóa. Nú er hún komin heim í skor-
dýraleysi Íslands en hún ætlar ásamt
fjölskyldu sinni að bjóða ósýnilegum
jólagesti til borðs á aðfangadagskvöld.
Hún ætlar að leggja á borð fyrir hann og
láta autt sætið minna sig á þá sem minna
mega sín. Ósýnilegi jólagesturinn er
munaðarlaust barn sem eitthvað af þeim
fjölmörgu SOS-barnaþorpum sem finna
má um víða veröld hefur tekið að sér að
hugsa um og veita aðstoð. Og til að
leggja sitt af mörkum til að bæta hag
þessara barna ætla Guðrún Helga og
fjölskylda hennar að láta af hendi rakna
andvirði einnar jólamáltíðar til SOS-
barnaþorpanna.
„Þessi hugmynd um ósýnilegan jóla-
gest er gömul hefð víðast hvar í Evrópu
en það er Íslandsdeild SOS-barnaþorp-
anna sem ætlar að fá okkur Íslendinga til þess að leiða hugann að hlutskipti
annarra á sjálfu aðfangadagskvöldi. Til stendur að vera með átak þessi jólin og
brýna sem flesta Íslendinga til að leggja á borð fyrir ósýnilegan jólagest og gefa
andvirði máltíðarinnar til SOS-barnaþorpanna og finnst mér það vel til fund-
ið,“ segir Guðrún Helga sem heimsótti einmitt slíkt þorp í Malaví og kynntist
því af eigin raun hversu frábært starf þar fer fram.
„Á þessum tíma sem við höldum jól á Íslandi leggst regntíminn af öllum sín-
um þunga á Malaví og þá er mjög erfitt um matföng svo jaðrar við hungurs-
neyð. Þörfin fyrir aðstoð er því mikil einmitt núna í desember og janúar.“
Guðrún Helga segir að í þorpinu sem hún heimsótti hafi verið tólf hús og
tíu börn í hverju húsi ásamt einni „mömmu“ sem sér um þau en síðan var ein
„aðalmamma“ yfir öllu þorpinu. „Innan þorpsins var skóli, barnaheimili,
heilsugæslustöð og félagsmiðstöð en þær stofnanir þjóna einnig börnum utan
þorpsins og því eru þessi þorp sannarlega góðir grannar. Ég var líka mjög stolt
þegar ég komst að því að um helmingur þeirra hundrað og tuttugu barna sem
búa í þessu þorpi er styrktur af íslensk-
um fjölskyldum. Í Malaví urðum við
vör við mikla fátækt og eymd en þegar
við komum inn í barnaþorpið var það
einna líkast því að koma inn í Paradís.
Börnunum þar líður augljóslega vel og
þau eru ánægð og alveg ljóst að pen-
ingar sem renna til þorpanna gera mik-
ið gagn. Þessi börn eiga miklu meiri
möguleika á að komast til manns en
þau sem eru á götunni,“ segir Guðrún
Helga og bætir við að í fyrsta tímanum
í stjórnmálahagfræði eftir að hún kom
heim úr ferð sinni til Sambíu og Malaví
hafi viljað svo skemmtilega til að kenn-
arinn varpaði fram fullyrðingunni:
Hagvöxtur eykur hamingju.
„Þá gat ég ekki orða bundist og mót-
mælti harðlega og minnti á að ég væri nýkomin frá fátækum svæðum Afríku og
að ég hefði sjaldan séð eins mikla hamingju í augum fólks og einmitt þar.“
Guðrún Helga segist einhverra hluta vegna alltaf hafa verið veik fyrir Afríku
og hún stefnir á framhaldsnám í Afríkufræðum þegar hún hefur lokið há-
skólanámi sínu í stjórnmálafræði. Eins er hún harðákveðin í að flytja einn góð-
an veðurdag tímabundið til Afríku og taka þátt í uppbyggingarstarfi þar.
Þeir sem hafa hug á að taka þátt í átakinu um ósýnilega jólagestinn og gefa
andvirði jólamáltíðar til SOS-barnaþorpanna geta lagt inn á reikning: 0130–
15–371300 í Landsbanka Íslands Hamraborg. Þar að auki er nánari upplýs-
ingar að finna á heimasíðu SOS–barnaþorpanna www.sos.is og í síma 564–
2910. khk@mbl.is
ÓSÝNILEGI JÓLAGESTURINN
Íslendingar gefi andvirði einnar jólamáltíðar til munaðarlausra barna
L
jó
sm
yn
d:
K
ri
st
in
n
In
gv
ar
ss
on
Nokkur þeirra barna sem eiga heima í SOS–barnaþorp-
inu í Malaví brosa fyrir íslenska gestinn, Guðrúnu
Helgu. Á efri myndinni er Guðrún Helga ásamt manni
sínum, Þresti Guðberg Franssyni, og börnum þeirra,
Daníel Arnari Þrastarsyni og Klöru Dröfn Tómasdóttur.