Morgunblaðið - 14.12.2003, Blaðsíða 37

14.12.2003 | 37
Þrettán grettnir karlar gægjast til manns af stólbökum í litlu rauðu húsi í Vest-urbænum. Þeir eru greinilega aldnir og skynfæri þeirra eru undarlega ýkt, ámismunandi vegu þó. Þetta eru nánir félagar og samstarfsmenn Felix Bergs-
sonar leikara en þessa dagana sýna þeir Ævintýrið um Augastein í Tjarnarbíói.
Karlarnir, sem eru engir aðrir en sjálfir jólasveinarnir, eru býsna háðir vini sínum
Felix enda ljær hann þeim líf í sýningunni. Hann hefur líka orðið fyrir þeim: „Leik-
ritið fjallar um það hvernig jólasveinarnir breyttust úr hrekkjalómum í þessa ljúfu,
barngóðu karla sem gefa í skóinn. Eftir eldgos í sveitinni lenda þeir í því að sitja uppi
með þetta barn, Augastein, sem Stekkjastaur bjargar frá bráðum háska. Hann fer
með það í jólasveinahellinn og jólasveinarnir verða bara að gjöra svo vel og annast
þetta litla kríli. Smám saman bræðir það hjörtu þeirra. Sagan má ekki koma öll en í
kjölfarið hætta þeir að hrekkja og stríða.“
Það er leikhópurinn Á senunni sem setur sýninguna upp og eins og áður er það
Kolbrún Halldórsdóttir sem leikstýrir. Leikritið er eftir Felix sjálfan sem jafnframt er
eini leikarinn í sýningunni. Að auki stýrir hann brúðunum sem Helga Arnalds bjó til.
„Helga tók mig í læri í sambandi við þetta. Það er fyrst og fremst litli drengurinn
Augasteinn sem þörf er á að hafa einhverjar áhyggjur af í sambandi við brúðustjórn.
Hina hristi ég eiginlega bara og set mig meira inn í þeirra karakter. Það er svolítið
fyndið að ég verð eins og þeir í framan,“ segir Felix og grípur Kertasníki af handahófi
um leið og hann beyglar andlitið á sér þannig að þeir verða hlægilega líkir.
Það er greinilegt að það er stutt í barnið í Felixi enda segir hann það enga tilviljun
að hann leiki iðulega fyrir börn. „Ég er nú þannig að ég vil hafa gaman í vinnunni og
ég hef tekið upp lífsmottó Gunnars [Helgasonar] vinar míns sem er: „Það á að vera
gaman – ef það er leiðinlegt verður maður að breyta einhverju.“ Og mér finnst ofsa-
lega gaman að vinna með börnum og fyrir börn.“
Sjálfur á Felix tvö börn, Álfrúnu og Guðmund, sem hann segir hafa verið sína
stærstu hvatningu í gegnum tíðina. „Þegar ég er að vinna hafa þau verið mínir helstu
gagnrýnendur og ég hef alltaf fengið að prófa efnið mitt fyrst á þeim.“ Hann bætir
því við að í bók ævintýrisins um Augastein, sem gefin er út nú fyrir jólin, hafi hann
ákveðið að nefna systkini söguhetjunnar Álfrúnu og Guðmund eftir þeim, til að
„leyfa þeim að vera hluti af sögunni“, eins og hann orðar það.
Felix segist njóta þess tíma sem nú fari í hönd út í ystu æsar. „Þetta er algjör gós-
entíð fyrir mig því ég fer í skóla og leikskóla að hitta krakka og lesa upp úr bókinni.
Ég geng um með lítið ljós í hjartanu og það er svo gaman,“ segir hann með innilegri
áherslu. „Þegar ég les tek ég brúðurnar með mér og segi krökkunum aðeins frá tilurð
sögunnar, að upphaflega hafi hún orðið til fyrir börn í Bretlandi því þau höfðu svo
mikinn áhuga á Grýlu og jólasveinunum.“ Hann útskýrir að sýningin hafi fyrst verið
sýnd í London fyrir síðustu jól en þaðan kom ósk um að hann setti upp sýningu í kjöl-
far sýningarinnar á Hinum fullkomna jafningja sem leikhópurinn setti þar upp fyrir
nokkrum árum. „Eftir sýninguna úti fékk ég bréf frá breskum hjónum sem sögðu að
þau þekktu íslenskar þjóðsögur vel og væru mjög hrifin af sögunum um jólasveinana.
Sérstaklega væru þau hrifin af þessari sögu um hvernig jólasveinarnir urðu góðir og
vildu endilega fá að vita hvar í þjóðsögunum ég hefði fundið hana,“ segir hann hlæj-
andi. „Þannig að ég er orðinn þjóðsagnaritari án þess að hafa ætlað mér það.“
L
jó
sm
yn
d:
G
ol
li
„GENG UM MEÐ LÍTIÐ LJÓS Í HJARTANU“
Nánir félagar og samstarfsmenn Felix Bergssonar breytast úr hrekkjalómum í ljúfa barngóða karla
STRAUMAR
39 VÍN OG MATUR Góð og fín vín
40 JÓLAPAKKI fyrir stjörnumerkin
41 HÁRTÍSKA Krullurnar burt