Morgunblaðið - 01.02.2004, Blaðsíða 29

1.2.2004 | 29
Handa 2
Góð ólífuolía
sjávarsalt og nýmalaður svartur pipar
2x225 g þorskflak, roðflett og beinin fjarlægð
1 lítill hnefi af nýrri basilíku, rifinn í ræmur
1 lárpera, afhýdd, úrsteinuð, skorin í tvennt og sneidd
150 g góðar rækjur, án skeljar
140 ml rjómi
150 g góður Cheddar-ostur
Látið ofninn hitna í 220°C. Smyrjið ofnfast fat með ögn
af ólífuolíu, saltið og piprið fiskflakið báðum megin og setj-
ið á fatið. Stráið basilíku yfir, lárperu og rækjum. Dreypið
rjómanum yfir og rífið ostinn yfir. Bakið í heitum ofninum í
15–20 mínútur þar til rétturinn er gullinn og mallandi. Salt-
ið og piprið frekar ef þarf og berið einfaldlega fram með
grænu salati. Yndisleg samsetning.
Sæludagar með Jamie Oliver, PP-Forlag, 2003.
Bakaður þorskur með lárperu,
rækjum, rjóma og osti
Jamie Oliver
Ég hef haldið við yndisleganmann í mörg ár, þó með hléum,þar sem ég ákveð stundum að
nú sé komið nóg,“ segir kona í bréfi til
Álitamála. „Mér þykir afar vænt um
hann og ég er alveg viss um að það er
gagnkvæmt. Ég hef oft vonað að ein-
hver segði konunni sem hann býr með
frá því, þar sem hún „lætur“ sem hún
viti ekki neitt. Það má vera mikið að í
sambandi ef kona í sambúð eða hjóna-
bandi tekur ekki eftir að makinn hittir
aðra konu tvisvar til þrisvar á dag og er
að heiman flest kvöld. Ég átti einu sinni
mann sem hélt framhjá mér og ég sá það
strax.
Ég held að sumar konur séu sáttar við
að eiga „menn“ án þess að þjóna þeim
skyldum sem sambandi fylgir. Mörg pör
virðast hvorki sofa saman né tala saman,
en eiga fínt hús og góðan bíl saman.
Stundum held ég að fólk hafi týnt til-
finningum sínum í lífsgæðakapphlaup-
inu,“ segir konan í tölvubréfi sínu.
Það er álitamál hvort lífsgæðakapp-
hlaupið sameinar fólk eða aðskilur það.
Það er einmitt vitnað í það við hjóna-
vígslu að fólk skuli standa saman „í
blíðu og stríðu“. Lífsbaráttan er bæði
blíð og stríð hjá flestum og hluti af
henni er að eignast þak yfir höfuðið,
húsgögn til að sitja í, borða við og sofa í.
Einnig eru bílar orðnir æði nauðsyn-
legir í þessu kalda landi þegar oft á dag
þarf að komast á milli staða, gjarnan
með börn. Á hinn bóginn má auðvitað
gera betur en vel í þessum efnum.
Kannski verða húsin á stundum fullstór
og dýr, húsgögnin fullmörg og bílarnir
óþarflega stórir og nýir. Hvar meðalveg-
urinn liggur er þó ekki hægt að alhæfa
neitt um. Það sem einum finnst óþarfi
er öðrum nauðsyn. Líklega er þó affara-
sælast fyrir alla að sníða sér stakk eftir
vexti, hafa eyðsluna í takti við innkom-
una.
Víst er að framhjáhald ræðst varla
einvörðungu af lífsgæðakapphlaupi.
Kynhvöt er frumþörf og þar sem svo er
um hnútana búið hjá náttúrunni að allir
geta verið með öllum (eða þannig), þá
reynir stundum talsvert á tryggð og trú-
mennsku í þeim hrærigraut sem nú-
tímasamfélag er hvað snertir mannleg
samskipti. Fólk er líka misjafnt að gerð
hvað þetta snertir, mis „fjölþreifið“, og
ekki er hún alltaf betri, „músin sem
læðist“. „Trúlega eru margar hliðar á
framhjáhaldi makans,“ sagði konan
enda í upphafi tölvubréfsins sem vitnað
var til hér að ofan.
Nóg um það. Hvað snertir spurningu
konunnar sem velti fyrir sér hvort hún
ætti að segja vinkonu sinni frá framhjá-
haldi eiginmanns hennar þá sendi mað-
ur einn eftirfarandi athugasemd: „Mín
ráðlegging til þessarar konu væri að tala
beint við eiginmanninn og hrista svolít-
ið upp í honum. Er það ekki „the brave
thing to do“, heldur en að stinga hausn-
um í sandinn.“
Hætt er við að samskipti við manninn
yrðu nokkuð óþægileg á eftir og einnig
að hann reyndi að stía vinkonunum
sundur.
Síðast en ekki síst kom skondin vísa
til Álitamála í tölvupósti eftir ókunnan
höfund. Vísan var sett í póstkassa hjá
„stunuþungu“ pari, og dugði hún að
sögn í nokkra daga.
Það heyrðist brak í húsinu,
ég hélt að þakið væri að detta, detta, detta,
Bóndi er að skaka á bústýru
bágt er að vaka og hlusta á þetta, þetta, þetta.
Guðrún
Guðlaugsdóttir
Álitamál
Hefur haldið við yndislegan mann í mörg ár
Stendur þú andspænis erfiðum aðstæðum? Guðrún Guðlaugsdóttir veltir upp möguleikum í stöðunni | gudrung@mbl.is