Morgunblaðið - 25.04.2004, Blaðsíða 3
25.4.2004 | 3
4 Flugan
fór í fertugsafmæli, á málþing í Listasafni
Íslands, var viðstödd hátíðarhöld í tilefni
þrjátíu ára afmælis Grindavíkur, skoðaði
málverk og ljósmyndir í Hafnarborg og
endaði svo á hárgreiðslusýningu.
6 Birna Anna
komst inn í huga ungrar blaðakonu, sem
hugðist greina frá aðför afþreyingariðn-
aðarins að sjálfsmynd nútímakonunnar,
en komst að því að víða er pottur brot-
inn.
7 Að láta drauminn rætast
Söngleikur um litlu stúlkuna með eld-
spýturnar settur upp í Íslensku óperunni.
8 Heilsa sem alger lífsþróttur
Þorbjörg Hafsteinsdóttir, hjúkrunarfræð-
ingur og næringarþerapisti, hefur haldið
námskeið um nýjan fæðupíramída með
hollu mataræði, sem búinn var til af vís-
indamönnum í Harvard.
14 Rós handa litlum ballerínum
21. nemendadagur Ballettskóla Guð-
bjargar Björgvins.
16 Sófistar samtímans
Þegar fjölskyldan vill koma saman og eiga
þægilega stund sest hún í sófann. Þar
horfir hún gjarnan á sjónvarpsþætti þar
sem sófinn er einn mikilvægasti leikmun-
urinn, sér í lagi í svonefndum sit-com-
þáttum, þ.e. setgríns- eða sófagríns-
þáttum.
20 Nota öll skynfærin við vinnu mína
Brooks Walker var áður ballettdansari en
starfar nú sem ljósmyndari við þekkt al-
þjóðleg tímarit.
24 Þar sem tískuhjartað slær
Sólveig Guðmundsdóttir er markaðs-
fulltrúi íslenskra hönnuða í París.
26 Vortískan
Mynstur og áferð í fyrirrúmi.
28 Matur og vín
Pizzurnar á Rosso Pomodoro eru kapítuli
út af fyrir sig.
29 Tómstundir
Bergþór Pálsson óperusöngvari dundar
sér við útsaum í frístundum.
30 Álitamál
Guðrún Guðlaugsdóttir veltir upp nokkr-
um hliðum á mannlegum málum.
30 Krossgátan
Hvaða dagur er kenndur við heiti dýr-
lings? Skilafrestur krossgátunnar rennur
út næsta föstudag.
31 Pistill
Auður Jónsdóttir fylgdist með fuglunum
og feita kettinum í bakgarðinum heima
hjá sér.
Tímarit Morgunblaðsins Kringlunni 1, 103 Reykjavík,
sími 569 1100, netfang: timarit@mbl.is Útgefandi Árvakur hf.
Umsjón Margrét Sigurðardóttir margret@mbl.is,
Valgerður Þ. Jónsdóttir, vjon@mbl.is
Auglýsingar sími 569 1111 netfang augl@mbl.is
Bréfsími 569 1110 Prentun Prentsmiðja Árvakurs hf.
ISSN 1670-4428
Forsíðumyndina tók Kristinn Ingvarsson af nýjum heilsu-
píramída.
16Grétar Árnason bólstrari á verk-stæði sínu þar sem húsgögn eruhugsuð, smíðuð og bólstruð.
26
2014
Sigurbjörg Þrastardóttir veltir því fyrir sér hvort þakka megi
sófanum fjölgandi gæðastundir fjölskyldunnar á okkar tím-
um. Þar slái hjarta heimilisins, þar fljúgi brandarar, að
ógleymdum hlátrasköllum, leyndarmálum og játningum.
Rannsóknir á sliti sófaáklæða sýna að setið er í venjulegum heimilissófa í sex klukkustundir á dag að
jafnaði. Grétar Árnason húsgagnabólstrari vill meina að eldhúsborðið hafi jafnvel færst inn í sjónvarps-
sófann. „Við komum seint heim úr vinnu og grípum kvöldmatarbitann með að sjónvarpsfréttunum, að
ekki sé minnst á snakkið ... Það kannast allir við þetta.“ En þó sófinn sé orðinn svo mikilvægur hluti af
tilveru okkar þá hefur hann líka fengið á sig harkalega gagnrýni. Hans vegna hreyfum við okkur ekki
nægilega mikið og við borðum ekki nægilega hollan mat í sófanum. Þetta hefur áhrif á heilsuna. Þrátt
fyrir þá staðreynd að góð heilsa sé eitt helsta verðmæti hvers einstaklings þá virðist vera ákaflega erfitt
að fara eftir ráðleggingum sérfræðinganna sem segja okkur í fyrsta lagi að borða hollan mat, í öðru lagi
að hreyfa okkur reglulega og í þriðja lagi að taka inn bætiefni. Eins og þetta þrennt hljómar nú einfalt
þá blasir við að offita er að verða eitt helsta heilsufarsvandamál hins vestræna heims, fyrir utan alla hina
sjúkdómana sem hægt er að rekja til aukinnar velferðar. Í Tímariti Morgunblaðsins í dag er kynntur nýr
fæðupíramídi sem byggist á rannsóknum vísindamanna í Harvard. Í viðtali við Þorbjörgu Hafsteins-
dóttur næringarþerapista er vitnað til dr. Walters Willett sem segir að ef næsta kynslóð borðaði í sam-
ræmi við nýja fæðupíramídann myndi sjúkrahúslega vegna velferðarsjúkdóma dragast saman um 80%.
Þetta eru góðar fréttir ... ef við bara gætum nú farið eftir því sem sérfræðingarnir segja okkur að sé holl-
ast þessa stundina. margret@mbl.is
25.04.04