Morgunblaðið - 22.07.2004, Qupperneq 6

FRÉTTIR
6 FIMMTUDAGUR 22. JÚLÍ 2004 MORGUNBLAÐIÐ
ÞÓR Jónsson gæddi sér á fullþroska krækiberj-
um við Nauthúsagil á Þórsmerkurleið í viku-
byrjun. Krækiberin eru því, líkt og í fyrra,
snemma á ferðinni enda sumarið verið með
ágætum. Tími berjatínslu fer því væntanlega í
hönd á næstu dögum og vikum.
Morgunblaðið/Jónas Erlendsson
Gómsæt krækiber
MARGEIR Jónsson,
fyrrverandi útgerðar-
maður og fiskverkandi,
lést á Landspítalanum
sunnudaginn 18. júlí sl.
Margeir var fæddur 23.
nóvember 1916 í Stapa-
koti í Innri-Njarðvík.
Foreldrar hans voru
Jón Jónsson útvegs-
bóndi og kona hans
Guðrún Einarsdóttir.
Margeir giftist Ástu
Ragnheiði Guðmunds-
dóttir 19. nóvember
1939, en hún lést 20.
okt. 1999.
Margeir var í umsvifamiklum at-
vinnurekstri í Keflavík um langt
árabil. Hann var aðaleigandi og
framkvæmdastjóri útgerðar- og
fiskvinnslufyrirtækisins Rastar hf. í
Keflavík frá stofnun þess 1945 og
tók þátt í rekstri síldarsöltunar-
stöðva á Austurlandi og á Norður-
landi á síldarárunum. Hann stofnaði
Reiðhjólaverkstæði í Keflavík 1932
og rak það til 1966.
Margeir var mikill félagsmála-
maður, hann átti sæti í bæjarstjórn
Keflavíkur og var formaður Raf-
veitunefndar Keflavíkurbæjar um
langt árabil, einnig
var hann slökkviliðs-
stjóri í Keflavík frá
1940 til 1960.
Margeir var mjög
virkur í ýmsum fé-
lagsmálum atvinnu-
rekenda og þá sér-
staklega sjávar-
útvegsins. Var m.a.
um árabil fulltrúi á
Fiskiþingi og í stjórn
Fiskifélags Íslands, í
verðlagsráði sjávar-
útvegsins, í stjórn
Sölusambands ísl.
fiskframleiðenda,
stjórn Samlags skreiðarframleið-
enda, Landsambands ísl. útvegs-
manna, Félags síldarsaltenda, var
formaður Útvegsbændafélags
Keflavíkur um árabil og í stjórn Líf-
eyrissjóðs Suðurnesja auk margvís-
legra annarra trúnaðarstarfa. Hann
var einn af stofnendum Málfunda-
félagsins Faxa, var í forystu Ung-
mennafélags Keflavíkur, vann að
bindindismálum og var um tíma
æðstitemplar stúkunnar.
Margeir var sæmdur riddara-
krossi Hinnar ísl. fálkaorðu fyrir
störf sín.
Andlát
MARGEIR JÓNSSON
HÉRAÐSDÓMUR Reykjavíkur
úrskurðaði í gær fyrrverandi sam-
býlismann Sri Rhamawati í áfram-
haldandi gæsluvarðhald til 11.
ágúst. Var honum einnig gert að
sæta geðrannsókn. Maðurinn var
handtekinn 6. júlí og er grunaður
um að hafa valdið dauða Sri eða
átt þátt í hvarfi hennar, en síðast
er vitað um ferðir hennar í íbúð
hans 4. júlí. Blóð, sem fannst í
íbúðinni og bíl hans, reyndist vera
úr henni.
Samkvæmt upplýsingum frá lög-
reglunni í Reykjavík tók maðurinn
sér frest til að ákveða hvort úr-
skurðurinn verður kærður til
Hæstaréttar.
Morgunblaðið/Júlíus
Sakborningurinn leiddur fyrir dómara við Héraðsdóm Reykjavíkur í gær.
Gæsluvarðhald fram-
lengt til 11. ágúst
RÍKISENDURSKOÐUN hefur
sent frá sér svar við athugasemd-
um fjármálaráðuneytis vegna
skýrslu um framkvæmd fjárlaga
ársins 2003. Jafnframt er viður-
kennt að nokkrar villur hafi mátt
finna í skýrslunni.
Hvað varðar samanburð gjalda
og heimilda telur Ríkisendurskoð-
un engan ágreining vera um að
eðlilegt sé að bera gjöld á rekstr-
argrunni saman við fjárlög.
Vandamálið sé hins vegar, að upp-
lýsingar um rekstrargrunn liggi
ekki fyrir fyrr en um hálfu ári eft-
ir lok reikningsársins. Telur Rík-
isendurskoðun ekki viðunandi að
marktækar upplýsingar um af-
komu og framvindu ríkisfjármála
liggi ekki fyrir fyrr en hálfu ári
eftir að reikningsári lýkur. „Rík-
isendurskoðun hefur ítrekað látið í
ljós það álit sitt að flýta þyrfti
uppgjöri ríkissjóðs þannig að end-
anlegar niðurstöðutölur rekstrar
liggi fyrir fljótlega eftir áramót,“
segir í svarinu.
Ríkisendurskoðun áréttar einn-
ig, að í skýrslunni hafi verið vakin
athygli á, hve illa hafi gengið að
hafa fjárstjórn ríkisins í samræmi
við þær fyrirætlanir sem fram
koma í fjárlögum. „Loks hefur
Ríkisendurskoðun hvað eftir annað
bent á, að viðbótarfjárheimildir
þurfi að samþykkja með formleg-
um hætti af Alþingi áður en stofn-
að er til útgjalda, en ekki eftir á,
eins og lengi hefur tíðkast,“ segir
ennfremur.
Fallist er á, að samanburður
skýrslunnar á þjóðhagsstæðum sé
ekki réttmætur, þar sem tölur
frumvarpsins og tölur Hagstofunn-
ar séu ekki sambærilegar. Er
orðalag skýrslunnar, þar sem sagt
var að ljóst væri að verulegrar
ónákvæmni hefði gætt undanfarin
ár í þeim spám og forsendum sem
fjárlög hefðu byggst á, dregið til
baka, og segir í svarinu, að „rétt-
ara hefði verið að segja, að nokk-
urrar ónákvæmni hafi gætt und-
anfarin ár í þeim spám og
forsendum sem frumvörp til fjár-
laga hafa byggst á“.
Meginábendingar standi þrátt
fyrir villur
Nokkrar villur í skýrslunni eru
leiðréttar í svari Ríkisendurskoð-
unar, og beðist velvirðingar á
þeim. Meðal þeirra er misritun um
að ellefu fjárlagaliðir iðnaðarráðu-
neytis hafi farið yfir fjárheimild,
en hið rétta er að einungis einn
þeirra fór yfir heimild. Samkvæmt
töflu í skýrslunni kom ráðuneytið
mjög illa út, en hið rétta er, „að
ráðuneytið stendur sig best allra
ráðuneytanna hvað samanburð
fjárheimilda og útkomu varðar“,
segir í svari Ríkisendurskoðunar.
Stendur við meginábendingar
Í lokaorðum svars Ríkisendur-
skoðunar segir, að þrátt fyrir þá
gagnrýni sem einstök atriði
skýrslunnar hafi hlotið þá standi
eftir meginábendingar skýrslunn-
ar um að mikilvægt sé að bæta
fjármálastjórn stofnana og aga við
framkvæmd fjárlaga. „Umfram-
keyrsla sem viðgengist hefur hjá
ráðuneytum og einstökum stofn-
unum í mörg ár vinnur gegn mark-
miðum stjórnvalda um hóflega
aukningu ríkisútgjalda og halla-
lausan rekstur ríkissjóðs. Þá þarf
að taka á málum stofnana sem
safnað hafa neikvæðri stöðu gagn-
vart fjárheimildum á undanförnum
árum,“ segir í lokaorðum svarsins.
Ríkisendurskoðun svarar athugasemdum ráðuneytis
Segir meginábending-
ar skýrslunnar standa
HRINA smáskjálfta varð undir
Fagradalsfjalli í gær, um 9 km norð-
austan við Grindavík. Hrinan hófst á
5. tímanum, samkvæmt upplýsing-
um frá Veðurstofunni, og var virknin
mest á milli kl. 14-16, en þá mældust
um 50 skjálftar á klukkutíma.
Skjálftarnir hafa allir verið smáir
og hefur enginn þeirra náð stærðinni
2 á Richters-kvarða. Alls mældust
yfir 300 skjálftar á svæðinu í gær.
Svipuð hrina mældist í síðustu
viku á sama stað, en skjálftavirknin
náði þá yfir stærra svæði til austurs.
Skjálftavirkni
á ný undir
Fagradalsfjalli
ÞRIGGJA manna nefnd á vegum
Skáksambands Íslands freistaði
þess að hafa áhrif á gang mála
Bobbys Fischers, fyrrverandi
heimsmeistara í skák.
Í nefndinni voru Guðmundur G.
Þórarinsson, sem var forseti SÍ
þegar heimsmeistaraeinvígið var
háð 1972, Helgi Ólafsson stórmeist-
ari og Áskell Örn Kárason, þáver-
andi forseti SÍ. Þeir þremenningar
gengu á fund sendiherra Bandaríkj-
anna hér, Barböru Griffiths, og
spurðu fyrst hvort mál Fischers
myndi einhvern tímann fyrnast, en
fengu það svar að slík mál fyrntust
aldrei. Í öðru lagi spurðu þeir hvort
þeir gætu með einhverjum hætti
unnið að því að fá Fischer náðaðan,
en fengu þau svör að þeir gætu
ekkert gert, aðeins hann sjálfur eða
fulltrúi hans með skriflegt umboð
gæti unnið í málinu. Sendiherrann
vildi ekki blanda sér í málið með
neinum hætti.
Síðar var þess freistað að fá
Clinton Bandaríkjaforseta til að
náða Fischer þegar forsetinn lét af
embætti og höfðu embættismenn í
forsætisráðuneytinu milligöngu þar
um, en án árangurs.
Guðmundur G. Þórarinsson sagði
í samtali við Morgunblaðið að
margir hefðu haft samband við sig
eftir að grein hans um Bobby Fisc-
her birtist í Morgunblaðinu á
þriðjudaginn. Margir hefðu spurt
hvers vegna við Íslendingar tækj-
um bara ekki Fischer að okkur, en
Guðmundur sagði allar slíkar
vangaveltur stranda á hættunni á
því að vegna framsalssamninga
myndum við missa hann út úr
höndunum á okkur.
Reyndu að fá
Fischer náðaðan