Morgunblaðið - 22.07.2004, Blaðsíða 18

DAGLEGT LÍF
18 FIMMTUDAGUR 22. JÚLÍ 2004 MORGUNBLAÐIÐ
Réttur farþega til bóta, verðihann fyrir töfum eða ef fluger fellt niður, miðast við
ákveðna upphæð geti hann fært sönn-
ur á að hann hafi orðið fyrir fjárhags-
tjóni. Samkvæmt núgildandi lögum og
reglugerðum ber flugfélögum hvorki
skylda til að veita farþegum mat, komi
til tafa, né sjá um gistingu fyrir far-
þega vegna lengri tafa. Hins vegar
hafa flugfélög í Evrópu, þar á meðal
Icelandair, undirgengist sérstaka
skuldbindingu að eigin frumkvæði um
að bæta þjónustu við farþega og koma
til móts við nauðsynlegar þarfir
þeirra.
Rétt er að taka fram að þessi skuld-
binding nær ekki til Iceland Express,
enda er þar um ferðaskrifstofu í leigu-
flugi að ræða, sem ekki er með flug-
rekstrarleyfi.
Mismunandi réttindi
Að sögn Ástríðar Thorsteinsson,
lögfræðings hjá Flugmálastjórn Ís-
lands, veltur réttur farþega á því í
hvernig flugi hann er. Hvort um er að
ræða áætlunarflug, pakkaferð eða
leiguflug.
„Réttindin eru mismunandi en ver-
ið er að samræma þau innan Evrópu-
sambandsins og við munum líklega
taka þær reglur upp á næsta ári,“ seg-
ir hún. Réttindin taka til bóta vegna
frávísunar vegna umframbókana,
langra tafa og niðurfellingar flugs og
munu taka til áætlunar og leiguflugs.
Í Lögum um loftferðir eru meðal
annars ákvæði um skaðabótaábyrgð
vegna líf- og líkamstjóns og eins ef
farangur týnist, skemmist eða eyði-
leggst. Ákveðnar takmarkanir á fjár-
hæð bóta voru settar inn í lögin sem
tóku gildi 4. júlí sl. en áður var bóta-
ábyrgð ótakmörkuð vegna tafa ef far-
þegi gat sýnt fram á fjárhagslegt tjón
vegna tafanna.
Verður að sýna fram
á fjárhagstjón
Að sögn Ástríðar kann að vera erf-
itt fyrir farþega að sýna fram á fjár-
hagstjón vegna tafa, en geti hann sýnt
fram á að hann hafi misst af mik-
ilvægum fundi, mikilvægum tón-
leikum eða tengiflugi, sem valdið hafi
honum fjárhagstjóni, á hann rétt á
bótum frá flugrekanda. Bæturnar eru
takmarkaðar við 4.150 SDR, sem eru
sérstök dráttarréttindi (myntkarfa
útbúin af Alþjóðagjaldeyrissjóðnum)
og miðast við gengi Seðlabankans á
hverjum tíma.
Ef farþega er vísað frá vegna um-
frambókana getur hann einnig átt rétt
á bótum ef hann er í áætlanaflugi en
ekki ef um leiguflugi er að ræða. „Yf-
irleitt er leiguflug þannig að verið er
að selja eitthvað annað með, hótel,
bílaleigubíl eða annað, sem fellur und-
ir pakkaferð og um þær ferðir gilda
lög um alferðir,“ segir hún. „Þá gilda
ákveðnar ábyrgðarreglur en ekki
gagnvart flugrekanda heldur þeim að-
ila sem selur ferðina, sem getur svo
átt endurkröfu á hendur flugrek-
anda.“
Engin kvöð um mat
Að sögn Ástríðar er engin sérstök
kvöð í lögum á flugrekanda um mat
eða dreifingu á matarmiðum ef um
tafir er að ræða. „Það hafa hins vegar
nokkur flugfélög og flugvellir í Evr-
ópu undirgengist sérstaka skuldbind-
ingu að eigin frumkvæði, sem Evrópu-
samband flugmálastjórna og
Evrópusambandið komu á fyrir um
þremur árum og tóku formlega gildi
14. febrúar 2002,“ segir hún. „Annars
vegar er um að ræða skuldbindingu
flugfélaganna gagnvart farþegum og
hins vegar rekstraraðila flugvalla um
að bæta þjónustu gagnvart farþegum.
En það eru ekki öll flugfélög eða flug-
vellir í Evrópu sem hafa undirgengist
þessar skuldbindingar og ég held að
það sé eingöngu Icelandair hér á landi
sem hefur gert það, auk millilanda-
flugvallanna Keflavíkur-, Akureyrar-,
Egilsstaða- og Reykjavíkurflug-
vallar.“
 FERÐALÖG |Réttur farþega ef flugi seinkar
Ekki skylt að veita
mat eða gistingu
Reuters
Flug: Fátt getur spillt ferðalaginu
eins mikið og að verða strandaglóp-
ur á erlendum flugvöllum.
krgu@mbl.is
SKEMMTIFERÐASKIPIÐ Black Watch
lagðist að bryggju í Sundahöfninni í gær, og
gafst hópi Íslendinga tækifæri til að fara í
skoðunarferð um skipið, áður en það hélt för
sinni áfram til
Grænlands. Um er
að ræða rúmlega 800
farþega skip sem
gert er út á vegum
bresk/norska skipa-
félagsins Fred. Ol-
sen Cruise Lines, en
Príma ferðaskrif-
stofa er umboðsaðili
þess á Íslandi.
Black Watch er
tæplega 30 tonna
lúxusskip sem byggt
var í Finnlandi árið
1972 og var tekið í
notkun af Fred. Ol-
sen árið 1986. Hönnun skipsins er með nokk-
uð öðrum hætti en gengur og gerist á stærri
skemmtiferðaskipum, en þar er lögð áhersla á
fágun og persónulega þjónustu í anda
skemmtisiglingarhefðar Breta.
Skipið siglir reglulega til Norður- og
Eystrasaltslanda, auk lengri siglinga um Kar-
abíska hafið og Miðjarðarhaf, til Afríku og
Suður-Ameríku.
Öll aðstaða um borð er hin glæsilegasta, en
auk 400 káetna eru tveir veitingasalir, tvö
 SIGLINGAR | Í skoðunarferð um skemmtiferðaskipið Black Watch
Fágun og persónuleg þjónusta í gömlum anda
Fred. Olsen Cruise Lines,
www.fredolsencruises.co.uk
Príma Ferðaskrifstofa, www.primaferdir.is Morgunblaðið/Eggert
Stoppað í Reykjavík: Black Watch lagðist að bryggju í Sundahöfn í vikunni.
kaffihús og sundlaugarbar um borð. Auk þess
eru veislustaðir og setustofur af ýmsum gerð-
um þar sem boðið er upp á sýningar og lifandi
tónlist. Mikil áhersla er lögð á að farþegar
geti sinnt tómstundum
á borð við bóklestur,
spilamennsku og hand-
verk af ýmsu tagi, og
er boðið upp á nám-
skeið á ýmsum sviðum
í ólíkum ferðum. Fjöl-
breytilegur veislumat-
ur er innifalinn í ferð-
inni, og þá getur komið
sér vel að hafa aðstöðu
til að stunda líkams-
rækt um borð, en í
skipinu er líkamsrækt-
araðstaða, nudd- og
snyrtistofa, heitur
pottur og gufubað. Þá
geta farþegar stundað tennis á efsta þilfari
skipsins eða æft golfsveifluna í golfklúbbi
skipsins. Á sóldekkinu geta farþegar síðan
svamlað í sundlaug og pottum, setið við
snakkbarinn eða notið hafgolunnar á sól-
bekkjum.
GAGNASAFN
MORGUNBLAÐSINS
mbl.is
FÁLKINN ER KOMINN AFTUR!
Margar gerðir skúfhólka ásamt
hálsmenum, ermahnöppum
og bindisnælum.
1 4 4 4
w w w. g u l a l i n a n . i s