Morgunblaðið - 02.10.2004, Qupperneq 24

24 LAUGARDAGUR 2. OKTÓBER 2004 MORGUNBLAÐIÐ
MINNSTAÐUR
Mývatnssveit | Vegna vatnavaxta í Jökulsá
og Kreppu hefur orðið nokkur landeyðing í
Herðubreiðarlindum. Nagast hefur af grón-
um eyrunum. Tekist hefur að draga úr eyði-
leggingunni með litlum varnargarði sem
Vegagerðin lét gera.
Nú ríkir kyrrð í Herðubreiðarlindum.
Ferðavertíðinni lauk þar í byrjun september.
Eftir það kemur þangað varla nokkur maður
fyrr en eftir miðjan júní á næsta ári. Yfir
sumarið er þar starfsstöð fimm landvarða og
hafa þeir einnig Öskju á sinni könnu. Allir
voru þeir vinnandi á svæðinu í fyrsta sinn.
Jóhanna Katrín yfirlandvörður segir að
gistinætur í Lindum og við Dreka hafi verið
milli 5 og 6 þúsund í sumar en fjöldi fer þar
einnig um án þess að gista. Flestir ganga vel
um, segir hún, en alltaf eru einhverjir sem
ekki halda sig við vegslóðina og er það hald
manna að þar fari útlendingar sem ekki
hafa fengið nægjanlega fræðslu um akstur á
Íslandi. Í sumar skemmdust 5 bílar í Lindaá
og einn í Grafarlandaá. Ökumenn allra
þeirra voru útlendingar. Þeir fara of geyst í
árnar sem hlýtur að vera vegna þekkingar-
leysis.
Gísli Rafn, sem verið hefur með Öskju-
ferðir til fjölda ára, lætur vel af sumrinu en
segir að áberandi sé fjölgun einkabíla en
fækkun hópferðabíla. Hann segir, aðspurður
um umhverfismál, að einhver besta nátt-
úruverndin sé að halda veginum í góðu
standi en á því vill verða misbrestur þegar
kemur fram á sumar. Á mesta umferðartím-
anum fer vegurinn í þvottabretti og sækir
þá í að ekið sé utan vegar.
Ingi Þór Yngvason, sem sér um vargeyð-
ingu í Skútustaðahreppi, hefur verið að
hreinsa Lindasvæðið af mink nú á haustdög-
um Hann hefur náð 6 dýrum til þessa og var
mest í greni rétt við Þorsteinsskála. Einn
refur var skotinn í Lindum í vor. Þegar sam-
ið var um friðland í Herðubreiðarlindum
1974 fengu Mývetningar sett í samninginn
ákvæði um að vargeyðing væri heimil á
svæðinu. Þess vegna hefur tekist að hamla
gegn mink og ref þar allar götur síðan.
Töluvert gæsavarp er í Lindum og Graf-
arlöndum. Til að styggja ekki fuglinn hefur
umferð ekki verið hleypt frameftir fyrr en
eftir miðjan júní, þótt vegurinn hafi verið
fær frá í maí. Þannig hefur fuglinn forgang
umfram manninn að þessu leyti og er það ef-
laust sanngjarnt.
Miklir vatnavextir í Jökulsá og Kreppu á
undanförnum árum hafa leikið Herðubreið-
arlindir grátt. Þannig hafa nagast hundruð
metra norðan af eyrunum en þær voru all-
víðáttumiklar, með miklum og fögrum
gróðri.
Nokkuð var spornað gegn þessum ágangi
árinnar fyrir þremur árum þegar Vegagerð-
in byggði varnargarð sem stendur gegn því
að áin hlaupi heimundir skála. Þessi litli
garður gerir gagn. Spyrja má þó hvort ekki
sé ástæða til að halda áfram með varnar-
garða lengra norður með Lindunum þannig
að ekki gangi endalaust á þennan unaðsreit.
Margur mun mikils sakna ef ánni tekst að
brjóta sér leið miklu sunnar en nú er.
Nagast af grónum eyrum
Morgunblaðið/BHF
Landeyðing Áin brýtur stöðugt af gróð-
urlendinu og gamlir vegslóðar hverfa með.
Skemmdir vegna flóða í Herðubreiðarlindum
LANDIÐ
ÁRBORGARSVÆÐIÐ
Flóinn | Við sýnatökur Heil-
brigðiseftirlits Suðurlands hef-
ur komið í ljós að neysluvatn
vatnsveitu Villingaholts- og
Gaulverjabæjarhrepps uppfyll-
ir ekki ákvæði gildandi neyslu-
vatnsreglugerðar um vatns-
gæði. Fólki er ráðlagt að sjóða
drykkjarvatn.
Kemur þetta fram í fréttatil-
kynningu frá Heilbrigðiseftir-
liti Suðurlands. Tilkynning hef-
ur verið send notendum.
Að höfðu samráði við Um-
hverfisstofnun og sóttvarna-
lækni í héraði, sem jafnframt er
fulltrúi í heilbrigðisnefnd Suð-
urlands, er ekki talið að neyslu-
vatnið hafi áhrif á heilsu fólks
en til að tryggja heilnæmi
vatnsins er mælt með að sjóða
drykkjarvatn.
Vatnsveitan mun í samvinnu
við Heilbrigiseftirlit Suður-
lands reyna að bæta gæði
vatnsins.
Vatnsveita Vill-
ingaholts- og Gaul-
verjabæjarhrepps
Fólki ráð-
lagt að
sjóða
vatnið
Hveragerði | Körfuknattleiksdeildin Hamar/Selfoss hef-
ur gert samning við Bónus til þriggja ára. Samningurinn
felur m.a. í sér að Bónus gefur öllum iðkendum deild-
arinnar sem eru fjórtán ára og yngri körfuknattleiksbún-
ing. Einnig gerir þessi samningur það að verkum að æf-
ingagjöld í barna- og unglingaflokkum lækka.
Þessi styrkur Bónus er eyrnamerktur barna- og ung-
lingastarfi. Björgvin Magnússon, varaformaður nýstofn-
aðrar sameinaðrar deildar Hamars/Selfoss, sagði að
þessi samningur hefði gríðarlega mikið að segja fyrir allt
starf deildarinnar. Allir flokkar leika undir merkjum
Hamar/Selfoss og verða einhverjar æfingar sameiginleg-
ar á milli bæjanna, aðallega þar sem ekki eru fullskipuð
lið. Sameinaður meistaraflokkur spilar svo sinn fyrsta
leik 7. október á Iðu, sem er nýtt íþróttahús Fjölbrauta-
skóla Suðurlands. Þetta verður fyrsti leikur Intersport-
deildarinnar og þar munu liðið taka á móti KR.
Sameiginleg
körfuboltadeild
fær styrk
Undirskrift Lárus Friðfinnsson og Jóhannes Jónsson
skrifa undir. Fyrir aftan þá standa Bjarni Rúnar Lár-
usson og Snorri Þór Árnason.
Selfoss | „Við höfum hist á fimm ára fresti
síðan við útskrifuðumst úr skólanum og er-
um auðvitað að rifja upp árin í skólanum og
öll líflegheitin sem voru í kringum hópinn,“
segir Ingibjörg Kristjánsdóttir ein náms-
meyja úr Húsmæðraskólanum Hverabökkum
í Hveragerði 1948–1949 en ellefu þeirra
komu saman í liðinni viku ásamt kennara.
Þessi hressilegi hópur fylgist á þennan
hátt með því hvernig tilveran gengur fyrir
sig hjá hverri og einni. „Það gefur okkur
mikla lífsfyllingu að hittast og sjá hver aðra.
Maður yngist upp á þessu,“ sagði Ingibjörg
en konurnar eru á aldrinum 70–80 ára.
Þær hittust hjá einni skólasysturinni í 15
fermetra sumarhúsi og gróðursælum reit að
Steinahlíð í Ölfusi hjá hjónunum Ruth Krist-
jánsdóttur og Óskari Hjartarsyni sem hafa
ræktað upp stórt svæði og gert að gróðurvin
af miklum myndarskap. Það var alveg ljóst
að hópurinn sem hittist var líflegur og gam-
ansamur því það geislaði af konunum þegar
þær sátu þétt saman í litla húsinu, rifjuðu
upp fyrri tíma og sögðu frá högum sínum.
Kennarar þeirra á Hverabökkum voru Jó-
hannes úr Kötlum sem kenndi íslensku,
Hjörtur Jóhannsson kenndi sund, Herbert
Jónsson kenndi heimilisfræði, Magdalena
Sigurþórsdóttir saumaskap, Bergljót Eiríks-
dóttir kenndi vefnað og Þórunn Pálsdóttir
matreiðslu, en Þórunn var í hópnum sem
hittist í Steinahlíð.
Morgunblaðið/Sigurður Jónsson
Voru saman í húsmæðraskóla Aftari röð, f.v.: Bryndís Sigurðardóttir, Ingibjörg Kristjáns-
dóttir, Lóa Albertsdóttir, Hulda Jósepsdóttir, Ruth Kristjánsdóttir og Guðrún Hulda Brynj-
ólfsdóttir. Fremri röð: Ragnheiður Guðmundsdóttir, Jónína Ágústsdóttir, Þórunn Pálsdóttir,
kennari í mtreiðslu, Gréta Sigfúsdóttir, Anna Hrólfsdóttir og Sigríður Þorbjarnardóttir.
Fáum lífsfyllingu við að hittast
Morgunblaðið/Margrét
Hella | „Þetta er liður í framþróun
fyrirtækisins,“ segir Ragnar Páls-
son, framkvæmdastjóri Glerverk-
smiðjunnar Samverks ehf. á Hellu
en hafin er bygging eitt þúsund fer-
metra nýbyggingar við hús félags-
ins.
Starfsfólk Glerverksmiðjunnar
Samverks kom saman í fallegu veðri
fyrr í vikunni til að fylgjast með Páli
G. Björnssyni, stjórnarformanni fyr-
irtækisins, taka fyrstu skóflustung-
una að viðbyggingunni. Notuð var
skófla úr gleri sem smíðuð var af
þessu tilefni og reyndist glerhörð
þegar á reyndi.
Ragnar segir að verkefni Sam-
verks hafi aukist á undanförnum ár-
um. Með nýju húsnæði sem auki nú-
verandi húspláss um 50%, skapist
möguleikar til að mæta þeim og hag-
ræða í rekstrinum. Lagerhúsnæði
verður aukið og þá verður sett upp í
nýja húsinu sjálfvirk glerskurðarlína
sem verið er að kaupa. Samverk
framleiðir allar gerðir af gleri fyrir
húsbyggjendur. Mikil samkeppni er
á byggingamarkaðnum, jafnt í gleri
sem öðru. „Okkur hefur vegnað
ágætlega,“ segir Ragnar.
Gott að vera á Hellu
Fyrirtækið hefur starfað í 35 ár,
allan tímann á Hellu á Rangárvöll-
um, og hefur 25 menn í vinnu. Ragn-
ar segir að fjarlægðin við aðalmark-
aðssvæðið hafi háð fyrirtækinu í
upphafi. En það hafi smám saman
breyst og með framförum í sam-
göngum og samskiptatækni og ekki
síst breytingum á hugarfari fólks
hafi fyrirtækið færst nær markaðn-
um og nú sé hægt að tala um að það
sé nánast í útjaðri höfuðborgarsvæð-
isins. Á núverandi stað hafi fyrirtæk-
ið gott starfsfólk og það eigi sinn
þátt í jöfnum og miklum gæðum
framleiðslunnar.
Stefnt er að því að nýbyggingin
komist í gagnið um áramót.
Liður í framþróun
Skóflustunga Páll G. Björnsson hefur húsbygginguna á táknrænan hátt að viðstöddu starfsfólki Samverks.
Samverk bætir við sig húsnæði