Morgunblaðið - 18.07.2004, Blaðsíða 17

tíma styrjaldirnar illa þokkaðar
og óvinsælar og dregið hefur úr
átakamyndum um alþjóðlega
(arabíska) hryðjuverkamenn
eftir atburðina 11. september.
Auk þess hefur aldurinn færst
yfir Schwarzenegger, Gibson,
Stallone, Willis, Ford, Kilmer,
Kurt Russell og þann fé-
lagsskap allan. Margir vilja
benda á aukinn femínisma sem
eina af ástæðunum fyrir uppgangi fríðleikspilta í röðum aðalleikara og þá stað-
reynd að konur verma nú fleiri toppsæti í kvikmyndaiðnaðinum en nokkru
sinni fyrr. Má nefna í því sambandi Sherry Lansing hjá Paramount, Amy Pas-
cal hjá Sony, Stacey Snider hjá Universal og Ninu Jacobson hjá Walt Disney.
Hvað sem því viðvíkur eru stjörnurnar sem tekið hafa við veldissprotanum í
Hollywood af allt öðrum toga en áður. Tom Cruise, Johnny Depp og Leon-
ardo DiCaprio, nokkrir af vinsælustu leikurum samtímans, eru mjúkar mann-
gerðir þó þeir séu færir í flestan sjó. Nýjasta bylgja hasarmyndahetja: Maguire,
Jake Gyllenhaal (The Day After Tomorrow) og Orlando Bloom, sem fór með
annað stærsta karlhlutverkið í Tróju og fer með aðalhlutverkið í stórmyndinni
Kingdom of Heaven eftir Ridley Scott, eru jafnvel enn fínlegri. Andrúmsloftið
á öndverðri, nýrri öld kallar greinilega á tilfinningaríkari og viðkvæmari mann-
gerðir.
Fleiri ljón eru á veginum. „Það er ávallt þörf fyrir Russell Crowe-
manngerðina“, segir Debra Zane, þekktur ráðningarstjóri í Hollywood, „en
það er lítið framboð af þeim, ég veit ekki hvers vegna.“
„Ég er að ráða leikara í kvikmynd og vantar 18 ára gamlan Steve McQueen,
en hann er ekki til“, segir Allison Jones, annar frægur sérfræðingur í manna-
ráðningum í kvikmyndaborginni. „Leikari á borð við DiCaprio,“ bætir Jones
við, „gengur ekki í endurgerð Bullitt“ (fræg löggu-og-bófamynd, sem gerði
álíka mikið fyrir McQueen, Ford Mustang ‘67 og San Francisco), „ég lendi í
þessu aftur og aftur og það er að fara með mig. Þessir gaurar virðast hreinlega
ekki fyrirfinnast úti í þjóðfélaginu.“
Svo virðist sem Hollywood takist betur að grafa upp harðjaxla sína utan
Bandaríkjanna. Auk Nýsjálendingsins Crowe, eru það Ástralinn Hugh Jack-
man (X-Men, Van Helsing), Walesbúinn Christian Bale (Batman Begins), og
Írinn Colin Farrell (Alexander, og leikur á móti Bale í The New World) sem
eru eftirsóttastir hasarleikarar af gamla skólanum, ásamt hinum alameríska
Brad Pitt.
Kvikmyndaborgin er yfirfull af sætum strákum en málin gerast flóknari þeg-
ar á að finna trúverðugan leikara í hlutverk nýrrar Superman-myndar. Warner
Bros leitar nú logandi ljósi að lítt þekktum leikara í hlutverk ofurhetjunnar
eftir að hafa gefist upp eftir tveggja mánaða leit í röðum stórstjarnanna. Leik-
arinn þarf að vera karlmennskan uppmáluð, vörpulegri persóna en þeir Gyl-
lenhaal og Magure svo að áhorf-
endur sannfærist um að hann sé
harðskeyttur og sannur í átaka-
atriðum.
Upplausn og óvissa Leikarar,
fæddir til að fara með aðal-
hlutverk, líkt og Depp og Pitt,
gæta sín á að láta ekki útlitið
rígbinda sig niður í fastar skorð-
ur og velja gjarnan óvænt hlut-
verk andstæð útlitinu. Pitt, sem
leikur Akkiles í Tróju, fer t.d. örsjaldan með hetjuhlutverk – þó þau henti
honum einkar vel.
Aðrir aðalleikarar sem lofuðu góðu sem hasarmyndahetjur á síðasta áratug,
líkt og Ben Affleck, Brendan Fraser, Matthew McConaughey og Matt Damon,
hafa ekki náð að festa rætur í bandarískri hasarmyndamenningu né heillað er-
lenda fjárfesta – sem er öruggt merki um vægi alþjóðlegrar kvikmyndastjörnu.
Þrátt fyrir óvissuna sem ríkir nú um stundir varðandi framtíðarímynd has-
armyndahetjunnar, virðist nokkuð ljóst að hún verður almennt hvít á lit og
venjulegt útlit ameríska meðaljónsins verður áfram sýnilegt í sívinsælum leik-
urum á borð við Tom Hanks.
Í ljósi þess að um 140 þúsund bandarískir hermenn eru í Írak, spá margir
sérfræðingar breytingum á næstunni, spennumyndahetjan verði enn á ný sterk-
byggð og stórskorin – klassíska hetjan sem illþýðinu stendur stuggur af. Þróun
mála í þessum heimshluta næstu misserin mun koma til með að ráða miklu um
framtíð fríða mannsins í Hollywood.
Fótboltastjörnur fylgja línunni Að leikurum undanskildum eru það knatt-
spyrnumenn sem komast næst í tölu karlmennskugoða almennings. Sú nýjasta,
snillingurinn Cristiano Ronaldo, útherji Manchester United og Portúgal, er
ekki aðeins afburða íþróttamaður heldur óvenju fríður og íturvaxinn. Pilt-
urinn, sem er rétt 19 ára, skyggði á flesta aðra á EM í Portúgal á dögunum.
Ekki aðeins á vellinum heldur höfðaði hann til flestra áhorfenda, kynhneigðin
skipti jafnvel ekki máli.
Ronaldo var kjörinn kynþokkafyllsti leikmaður keppninnar af stærstu vef-
síðu homma í Portúgal, þannig að hann ávann sér fleira en gult spjald þegar
hann reif sig úr treyjunni eftir markið góða! Ronaldo höfðar ekki síður til
kvenfólksins sem veitti piltinum sama heiðurssæti í kosningu vinsælasta tíma-
rits landsins. Kvenfólkið setti Ronaldo ofar á listann en Nuno Gomes, hinn
töffaralega félaga hans í portúgalska landsliðinu og stjarna Beckhams fellur
ört, hann varð að láta sér nægja þriðja sætið. Dæmigerðir níu tommu harðn-
aglar sátu enn neðar, Zinedine Zidane (5), Pavel Nedved (6), Fernando Couto
(8), Luis Figo (9), og hinn knái Michael Owen var neðstur á topp 10 lista hins
portúgalska kvennablóma.
Heimildir; The Times, The New York Times, The Hollywood Reporter, ofl.
Það verður alltaf pláss fyrir hinn ofurhversdagslega gæðaleikara Tom Hanks, Paul Newman er klassi hvað sem
aldrinum líður en Schwarzenegger, Willis og Stallone eru harðhausar gærdagsins.
Fyrir
flottar
konur
Bankastræti 11 • sími 551 3930