Morgunblaðið - 18.07.2004, Blaðsíða 23

18.7.2004 | 23
Beckham grætur stanslaust stóð á forsíðu slúður-blaðs og ég keypti það, las um fall kappans og ein-hvern ódám sem hafði úðað Looser yfir listaverk
af honum, hefði sjálf nýtt þessa úthugsuðu tilvísun í Re-
beccu Loos ef ég væri á annað borð í úða-bransanum.
Romeo, sonur Beckhams, grét í fangi móður sinnar á
Evrópumeistarakeppninni, sennilega lumar barnið á
skyggnigáfu og vildi forða föður sínum frá
vítaspyrnunum. Allavega mátti Victoria hafa
sig alla við að hugga hann.
Portúgalarnir grétu eftir úrslitaleikinn,
fórnuðu höndum meðan tárin streymdu niður
sólbrúna kjálka. Himnarnir í Danmörku grétu
daginn sem Tékkar skoruðu þrjú mörk í mark
Dana og kannski grétu einhverjir fjarskyldir
ættingjar Jóns Dahl á Íslandi, markastjörn-
urnar í danska landsliðinu sem á ættir sínar að
rekja í Skagafjörðinn og fékk viðurnefnið Fót-
urinn eftir jafnteflið við Svía. Ekki er langt
síðan að Frederik prins grét í beinni útsend-
ingu og danska þjóðin var með „running nose“, enda
hjartnæmt að sjá prinsinn með rauðsprengd augu. Hvarfl-
aði ekki að neinum að uppnefna hann Tudefjæs, jafnvel
þótt brúðurin væri með skraufþurra hvarma.
Þegar ónefndur sakborningur í Landssímamálinu grét í
réttinum fylltist maður samstundis löngun að faðma hann
og hvísla: „Svona, svona … þetta lagast allt.“
Beckham og Romeo eiga einnig samúð mína alla. Portú-
galarnir voru svo grátbólgnir að ég fékk hryllilegt sam-
viskubit yfir að hafa haldið með Grikkjum, nýbúin að
vinna hlussustóra melónu í veðmáli. Ef einhverjir hrossa-
bændur í Skagafirði grétu í stað þess að syngja þá er hugur
minn tvímælalaust hjá þeim og frænda þeirra, honum Jóni
Dahl. Tárin sem glitruðu í augum Frederiks gerðu mig að
konungssinna, finnst eiginlega að hann sé frændi minn.
Grátandi karlmenn eru ómótstæðilegir og vekja skringi-
legar kenndir. Reyndar er ekkert jafnuppbyggjandi fyrir
móðureðlið og að horfa á vöðvastæltan fótboltakappa
gráta, nema ef vera skyldi prúðbúinn þjóðhöfðingi sem
deplar augunum ótt og títt. Eins og móðir fyrirgefur
barninu sínu allt á grátandi karlmaður fyrirgefninguna
vísa, varnirnar bresta algjörlega þótt hann sé þúsund sinn-
um ríkari, voldugri og vinsælli en ég. Býst þó við að bresk-
ar fótboltabullur fyrirgefi ekki jafnglatt, en þær eru líka á
svörtum listum í flestum siðmenntuðum ríkjum.
Stjórnmálamenn á Íslandi ættu að hafa þetta bak við
eyrað – á tímum sem einkennast af verstu stjórnarkreppu
sem þjakað hefur íslenska lýðveldið að mati dansks dag-
blaðs. Man ekki hvaða blað básúnaði því, tæpast sama
blað og flutti fregnir af táraflóði Beckhams; kannski blaðið
sem gaf Jóni Skagfirðingi viðurnefnið Fóturinn.
Það væri bráðgóður leikur hjá Davíð Oddssyni að mæta
í Kastljós, tylla sér í gráan stólinn og bresta í grát. Kjökra
allt sem hann hefur að segja um fjölmiðlafrumvarpsfárið
og lyppast niður í fang spyrjandans. Hann myndi ábyggi-
lega skora betur en Beckham og Portúgalarnir til samans.
Að minnsta kosti hjá kvenkyns kjósendum á barneign-
araldri og gott ef ekki ömmum þeirra líka.
Halldór, Ólafur Ragnar, Össur, Steingrímur – og já,
Gunnar Smári og Jón Ásgeir, þeir ættu að gera það sama.
Losa um spennuna og gráta og gráta – og gráta. Svo munu
andstæðingar ræða málin af kvenlegu innsæi uns þeir
komast að sanngjarnri niðurstöðu, sættast bljúgir, fallast í
faðma. Og konurnar munu elska þá, eins og syni sína.
Gráttu eins og Beckham – maður ætti að skrifa sjálfs-
hjálparbók með þessum titli og bjarga heiminum. Get
prufukeyrt hugmyndina á manninum mínum. Á eftir ætla
ég að biðja hann um að skera lauk í spagettísósu og fá að
horfa …
Beckham grætur og
grætur – og grætur …
Auður
Jónsdóttir
Pistill
Maitena Burundarena, höfundur teikni-
myndasagnanna „Tæpar á taugum“, sem nú birtast í fyrsta skipti í Tímariti
Morgunblaðsins í þýðingu Hildar Hreinsdóttur, fæddist í Buenos Aires í Argent-
ínu árið 1962 og hefur teiknað og skrifað myndasögur í meira en 20 ár. Fyrstu
myndirnar í þessari seríu birtust í argentínsku tímariti árið 1993 og fyrsta bók
hennar af fimm kom út 1997. Þær hafa verið þýddar á fjölmörg tungumál og
einnig hafa kaflar úr þeim birst vikulega í virtum dagblöðum í S-Ameríku og á
Spáni. Maitena er einkar lagið að sýna skoplegu hliðarnar á mannlífinu þar sem
konur og samskipti kynjanna eru oftast viðfangsefni hennar. Húmor Maitenu
virðist landamæralaus því hann er auðskilinn hvar sem er í heiminum. Fólk held-
ur að hún sé spænsk, ítölsk, bresk eða jafnvel af þeirra eigin þjóðerni.
Tæpar á taugum
AÐ LOKUM ...
Svitaholur líkam-
ans eru misáber-
andi og þrátt fyrir
það bráðnauðsyn-
lega starf sem
þær vinna eru
opnar svitaholur í
andliti sjaldan ofarlega á vinsældalistanum,
enda virðist húðin oft gróf og ójafnari fyrir vik-
ið. Franski snyrtivöruframleiðandinn Biotherm
hefur nú sett á markað Biopur Instant Touch
Pore Refiner, sérstakt stifti, sem ætlað er að
draga saman opnar svitaholur og gefa húðinni
þannig fínlegra yfirbragð. Stiftið er hluti af línu
fyrir blandaða eða feita húð og má ýmist nota
það af og til eða sem tveggja vikna meðferð.
Stiftinu er dúppað létt á nef, enni, höku eða önn-
ur vandræðasvæði sem á meðferð þurfa að halda
og svo farðað yfir.
...slétt húð og mjúk
„Hole in one“ kall-
ast þessi bolli frá
Bodum sem er sér-
stakur að því leyti
að undirskálin sem
fylgir er með gati í
miðjunni. Bollinn
passar beint í gatið
og hreyfist þ.a.l. lít-
ið þótt maður sé á
ferðinni með kaffið.
Þá er hægt að
leggja skálina ofan á bollann og halda drykknum
þannig heitum lengur, t.d. þegar drukkið er úti við.
Bollarnir koma fjórir saman í pakka sem kostar 2.480
krónur en hann fæst í Bodum-búðinni í Húsgagnahöll-
inni. Hægt er að fá servíettur með sama munstri og
bollarnir. Og hver veit nema hægt sé að nota settið
sem eggjastatíf líka?
Hola í höggi