24 stundir - 08.03.2008, Blaðsíða 14

14 LAUGARDAGUR 8. MARS 2008 24stundir
Upplýsingar í símum 845-1425 / 899-1295
www.kgbtours.is
Ástralía
frá 12. til 29. okt. 2008.
Heillandi ferð, ósnortin náttúra, kóralrif með öllu sínu
lífríki, hvítar strendur og þjóðgarðar.
Heimsókn á vínbúgarð og Australian Zoo, heimili hins
fræga Crocodile Hunter o.m.fl. Verð kr. 433.735 á
mann í tvíbýli.
Nokkur sæti laus.
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Ólafur Þ. Stephensen
Björg Eva Erlendsdóttir
Gunnhildur Arna Gunnarsdóttir
Þröstur Emilsson
Elín Albertsdóttir
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: 24stundir@24stundir.is, frettir@24stundir.is, auglysingar@24stundir.is
Prentun: Landsprent ehf.
Enn eykst stuðningur í atvinnulífinu við að Ísland gangi í Evrópusam-
bandið. Á iðnþingi í fyrradag töluðu fulltrúar iðnfyrirtækja skýrar en áður.
Samtök iðnaðarins vilja að ríkisstjórnin setji aðild að sambandinu á dag-
skrá og feli nýrri Evrópunefnd sinni að byrja að undirbúa aðildarviðræður.
Það er algeng röksemd hjá þeim, sem ekki telja tímabært að huga að að-
ild að ESB, að með tillögum af þessu tagi séu menn aðeins að hlaupa frá nú-
verandi viðfangsefnum í íslenzku efnahagslífi. ESB-aðild og upptaka evru í
framhaldinu leysi ekki núverandi vanda. Athygli vakti á iðnþingi að tals-
menn ESB-aðildar sögðu alveg skýrt að hér væri um langtímamarkmið að
ræða, sem leysti engan vanda til skemmri tíma litið.
Helgi Magnússon, formaður Samtaka iðnaðarins, sagði þannig að iðn-
fyrirtækin gerðu sér ljóst að um nokkurra ára verkefni væri að ræða. „Við
gerum okkur einnig ljóst að ákvörðun um Evrópustefnu Íslendinga leysir
ekki núverandi vanda í efnahagslífi þjóðarinnar,“ sagði Helgi. „En við telj-
um óviðunandi að málinu sé sífellt frestað vegna þess að það taki svo lang-
an tíma að leiða það til lykta eða þá að aldrei sé rétti tíminn til að fjalla um
það vegna ýmissa skammtímavandamála sem fyrst þurfi að greiða úr! Slík
svör duga ekki lengur og engin þörf er á að blanda saman umfjöllun um
skammtíma úrlausnarefni og langtíma stefnumörkun. Við erum að tala um
langa ferð – og komumst aldrei á leiðarenda ef við leggjum ekki af stað.“
Hörður Arnarson, forstjóri Marels, talaði skýrt um að næstu árin væru
ekki aðrir kostir en að notast við krónuna, þótt hún væri iðnfyrirtækjum
óhagstæð, og grípa til hagstjórnaraðgerða í samræmi
við það. „Til lengri tíma litið þurfum við hins vegar að
huga að inngöngu í Evrópusambandið,“ sagði Hörður.
„Aðild að sambandinu leysir ekki þann vanda sem nú
er við að etja. Til að geta gengið í sambandið þarf hins
vegar að byrja á að leysa hann.“
Umræðurnar á iðnþingi sýna vel að talsmenn ESB-
aðildar í atvinnulífinu verða ekki sakaðir um að líta á
hana sem skammtímalausn. Þeir horfa til lengri tíma –
en hafa rétt fyrir sér í því að jafnvel langtímalausnir
þarf að byrja að undirbúa strax ef þær eiga að vera
vandaðar. Líklegt verður að telja að þrýstingurinn í at-
vinnulífinu á ESB-aðild og evruvæðingu sé ekki heldur
skammtímafyrirbæri heldur kominn til að vera.
Langtíma-
þrýstingur
SÆKTU LEIÐARANN Á WWW.MBL.IS/PODCAST
Geir H. Haarde, forsætisráðherra,
virðist ekki alltaf hugsa mjög
stórt fyrir Íslands hönd. Þannig
sagði hann á
þingi í vikunni á
þá leið að menn
skyldu ekki ætla
að miklu munaði
um framlag Ís-
lendinga í frið-
arumleitunum í
Palestínu. Það lá í
orðunum að við
værum smáir lítilmagnar á al-
þjóðavettvangi! Ég leyfi mér að
vara við þessum þankagangi.
Þjóð sem hugsar á þennan veg
verður nefnilega smá hversu fjöl-
menn sem hún annars kann að
vera. [...]Eða eru menn búnir að
gleyma dæmisögunni um Davíð
og Golíat?
Ögmundur Jónasson
ogmundur.is
BLOGGARINN
Smá eða stór
Það er frekar kuldaleg staðreynd
að ungt fólk sem fer út til að læra
sjái ekki hag í því að flytja heim
aftur, en ákveði
þess í stað frekar
að vera áfram á
þeim slóðum.
Staðan er reyndar
fjarri því góð um
þessar mundir;
húsnæðisverðið
er komið al-
gjörlega út úr
öllu korti og varla svo að náms-
menn ráði orðið við verðið á
markaðnum. Ekki bætir vont at-
vinnuástand og almenn dýrtíð
hérna heima úr skák. Það fer því
svo að við missum mikilvægt fólk
úr landi um lengri tíma en þyrfti
ella. Það er skiljanlegt að ungir
námsmenn vilji ekki heim …
Stefán Friðrik Stefánsson
stebbifr.blog.is
Koma ekki heim
Nú verða stjórnvöld að fara að
grípa til aðgerða til þess að unga
fólkið snúi aftur heim. Tryggt
húsnæði og at-
vinna er forsenda
þess. Niðurfelling
stimpilgjalda af
kaupum af fyrsta
húsnæði er eitt af
því sem þarf að
komast í fram-
kvæmd strax.
Síðan verður að
standa við fyrirheitin um þekk-
ingarsköpun og útrás eins og rík-
isstjórnin setti í stefnuyfirlýsingu
sína. Það er til lítils að eiga efsta
sætið á lífskjaralista Sameinuðu
þjóðanna ef unga fólkið okkar
velur síðan að búa annars staðar,
vegna hindrana á húsnæðis- og
atvinnumarkaði.
Anna Kristinsdóttir
annakr.blog.is
Aðgerða þörf
Ólafur Þ.
Stephensen
olafur@24stundir.is
Hinn áttunda mars árið
2008 er jafnrétti í launum
kvenna og karla enn fjarlægt markmið. Í stórri
norskri rannsókn sem kom út fyrsta þessa mánaðar
er reynt að skýra orsakir þess hve hægt miðar að
markinu sem allir segjast vilja ná. Niðurstaðan er í
raun einföld og kemur ekki á óvart. Stefnumótun,
rannsóknir, yfirlýsingar og jákvæð nálgun skila ekki
því sem þarf. Orðin eru oft tóm og margt kemur í
veg fyrir að gripið sé til raunverulegra ráða sem virka.
Samkvæmt NOU-skýrslunni „Kjönn og lönn“ hefur
sáralítið þokast frá því um miðjan níunda áratuginn.
Sama sagan víðast á Vesturlöndum
Norskur vinnumarkaður er einn sá kynjaskiptasti
á Vesturlöndum. Erfitt hefur reynst að hafa áhrif á
val kynjanna til náms. Færri konur en karlar gegna
forystuhlutverki á vinnumarkaði. Þær eru oftar í
hlutastörfum og þær fá lægri laun en karlarnir.
Heildarlaunatekjur norskra kvenna eru 65 prósent af
heildarlaunatekjum karla. Þegar leiðrétt hefur verið
vegna vinnutíma hafa konurnar 85 prósent af laun-
um karla. Þessi þróun er ekkert sérnorskt fyrirbæri.
Hún er svipuð alls staðar á Vesturlöndum. Kristín
Ástgeirsdóttir jafnréttisstýra segir að til þessa hafi
staðan mælst ívið verri á Íslandi en í Noregi. Hún tel-
ur útilokað að jafnrétti í launum verði náð með góð-
um áformum, velvild og frelsi atvinnurekenda. Laun
jafnist ekki nema með afli og þær handvirku aðgerðir
þurfi að koma strax. Ekki sé eftir neinu að bíða. Í
norsku skýrslunni er bent á þá leið til að jafna launin
að opna aðgang launþega að upplýsingum um laun
vinnufélaga sinna. Skorti þann aðgang sé erfitt um
vik með samanburð og kærur.
Bjartsýn á að hjólin fari að snúast
Kristín Ástgeirsdóttir er hnuggin yfir því hve hægt
hefur gengið en trúir á betri tíð. Allir viti af misrétt-
inu og flestir þekki ástæður þess og viti að það lagast
ekki af sjálfu sér. Hún er þess fullviss að nú sé vilji til
aðgerða hjá stjórnvöldum. „Þrír hópar vinna nú á
vegum ríkisstjórnarinnar að tillögum til úrbóta. Svo
verður tíminn auðvitað að leiða í ljós hvernig til tekst
en viljinn er til staðar og ég spái því að nú verði tekið
Mettir munnar og orðin tóm
SKÝRING