24 stundir - 05.04.2008, Side 37

24stundir LAUGARDAGUR 5. APRÍL 2008 37
Ég man eftir einum mjög góðum 1. apríl hrekk sem Ríkisútvarpið útvarpaði fyrir mörg-
um árum og heppnaðist sérstaklega vel.
Hrekkurinn var á þá leið að von væri á skipi sem átti að heita Vanadísin upp Ölfusá og
það átti að leggja að við þvottaplanið við brúarsporðinn á Selfossi.
Þetta átti að vera fyrsta ferðin af mörgum hjá skipinu og óskað var eftir hraustum karl-
mönnum í vinnu við löndun. Hrekkurinn tókst svo vel að menn komu lafmóðir ofan úr
sveitum með vinnugallann í höndunum og sáu fram á aukapening og framtíðarvinnu
við löndun á Vanadísinni.
Ég var svo vel staddur á þessum tíma að foreldrar mínir bjuggu á hæð stutt frá staðnum
þar sem skipið átti að koma að og gat því fylgst vel með fólkinu sem kom til að taka á
móti skipinu. Ég og fjölskylda mín sáum að sjálfsögðu að ekkert skip var á leiðinni enda
höfðum við svo gott útsýni. Það var þó heilmikill órói í þorpsbúum sem áttu von á góð-
um launum fyrir daginn.
Ekki vildu allir viðurkenna að þeir væru að bíða eftir skipinu en óhætt er að segja að
hrekkurinn hafi tekist mjög vel.
Gissur Sigurðsson
fréttamaður
Sveitungar mættu til vinnu í skip
Ég á nokkrar minningar um árangursríkt
aprílgabb en ein stendur þó alltaf upp úr.
Það var þannig að ég var að æfa handbolta
með KA sem unglingur og okkur stelpunum
var tilkynnt á æfingu að næsta æfing yrði
ekki hefðbundin heldur færum við með rútu
út fyrir bæinn. Þar ætluðum við að fara í
leiki og gera ýmsar æfingar. Tekið var fram
að við ættum að mæta í hlýjum fötum og í
góðum skóm. Þjálfararnir ætluðu að útbúa
létt nesti sem við áttum að borða áður en
rútan kæmi að sækja okkar aftur. Við stelp-
urnar vorum að sjálfsögðu mjög ánægðar
með þetta, enda alltaf gaman að breyta að-
eins til og taka æfingu úti í sveit. Við mætt-
um síðan á æfingu þann 1. apríl og vorum
að sjálfsögðu ofsalega ánægðar með vænt-
anlega rútuferð. Við héldum af stað og okk-
ur var keyrt rétt út fyrir bæinn. Þegar við
komum á staðinn var okkur sagt að rölta yfir
hæðina og bíða þar á meðan þjálfararnir
græjuðu dótið og nestið úr rútunni. Þegar
við komum yfir hæðina sáum við stórt skilti
sem á stóð 1. apríl og í því heyrðum við rút-
una keyra í burtu. Við þurftum að sjálfsögðu
að labba heim og vorum hundfúlar alla leið-
ina.
Kristín K
fatahönnuður
Handboltaliðið
labbaði úr sveit
Ég hef sem fjölmiðlamaður heyrt af mörgum
hrekkjum en þeir eru oft á þá leið að auglýst
er ódýrt áfengi, bensín eða eitthvert annað
tilboð sem allir stökkva spenntir á. Einn
skemmtilegasti hrekkur sem ég hef heyrt um
var í útvarpinu hjá Stefáni Jónssyni og fé-
lögum. Þeir tilkynntu þjóðinni að von væri á
bát upp Ölfusá og þeir gerðu ráð fyrir því að
fólk myndi mæta spennt á staðinn til þess að
taka á móti skipinu. Stefán vissi þó ekki að
verið var að prufusigla fyrsta svifnökkvanum
í nágrenninu og ákveðið hafði verið að sigla
honum upp ána. Aprílgabbið var því ekkert
gabb þegar á reyndi því þeir sem mættu á
staðinn sáu að sjálfsögðu svifnökkvann sigla
upp ána og voru hæstánægðir með það. Það
var mjög gaman að verða vitni að því þegar
gabbið rættist. Ég man líka eftir því þegar
áfengisverslun í Nýborg auglýsti útsölu á
áfengum drykkjum. Þangað mættu að sjálf-
sögðu margir spenntir borgarbúar til að
kaupa ódýrt áfengi. Það má búast við því að
þeir hafi farið mjög svekktir heim. Bílaútsal-
an er mér einnig minnisstæð en hún átti að
fara fram í sandgryfju. Stór hópur fólks
mætti á svæðið en engir bílar.
Kári Jónasson,
fyrrverandi ritstjóri
Aprílgabbið sem
rættist fyndnast
Ég man eftir einum sérstaklega grimmum
hrekk sem mamma varð fyrir barðinu á. Það
var þannig að hún hafði bannað mér að fara
á einhverja skemmtun sem skipti mig mjög
miklu máli og ég var auðvitað bálreiður,
enda 15 ára gamall og fullur af mótþróa. Ég
ákvað að hefna mín á henni með því að
skrifa sjálfsmorðsbréf sem ég skildi eftir í
eldhúsinu.
Í bréfinu sagðist ég vera búinn að gefast upp
og baðst afsökunar á því hvað ég væri búinn
að vera erfiður. Ég fylgdist með mömmu lesa
bréfið og gaf mig fram áður en innihaldið
náði að síast almennilega inn hjá henni. Ég
hafði þó nægilega mikið vit til þess að láta
hana ekki trúa því lengi að sonur hennar
væri dáinn þrátt fyrir að ég hafi greinilega
verið með mjög grimmdarlegan húmor á
þessum árum.
Mér finnst alveg skelfilegt að hugsa til þess
núna hvað ég var kærulaus í hennar garð en
á þessum tíma fannst mér þetta fyndið. Ég
var líka nógu fúll við hana til þess að finnast
þetta gott á hana.
Hún fyrirgaf mér sem betur fer og ég hef
aldrei hrekkt hana aftur á jafn illgjarnan
hátt.
Teddy Owolabi
tónlistarmaður
Hefndi mín illilega
á mömmu gömlu
Ég hef ekki lagt í vana minn að hrekkja fólk
1. apríl, enda man ég sjaldnast eftir deginum
fyrr en hann er liðinn.
Ég er engu að síður mikill hrekkjalómur og
vinir mínir fá að finna fyrir því allan ársins
hring. Oftast er nú um ómerkilega hrekki og
litlar lygar að ræða en ég var sérstaklega dug-
leg við þetta þegar ég var yngri.
Ég man til dæmis eftir því að hafa logið að
besta vini mínu að millinafn mitt væri Ingi-
björg en ég skammaðist mín svo mikið fyrir
það að ég vildi ekki að neinn vissi það. Hann
túði þessu að sjálfsögðu og hló mikið að því
hvað ég væri viðkvæm fyrir nafninu. Hann
komst þó að því sanna daginn eftir.
Ég gerði mér líka einu sinni upp mikið til-
finningauppnám til að sannfæra kunningja
að hann hefði giskað á kennitöluna mína.
Það er auðvitað vonlaust mál en ég þóttist
vera svakalega hissa yfir þessum mögnuðu
gisk-hæfileikum.
Ég er líka sérstaklega trúgjörn og fell yfirleitt
fyrir öllum smálygum sem mér eru sagðar.
Það er nú frekar undarlegt þegar tekið er til-
lit til þess hvað ég er lygin sjálf en ég fæ þetta
margfalt til baka.
Ester Bíbi Ásgeirs-
dóttir tónlistarmaður
Lýg stöðugt allan
ársins hring
Hvert er
minnisstæðasta
aprílgabbið?
Fyrsti apríl er nýliðinn og eflaust eru þeir margir sem létu
plata sig eins og venjan er. Fjölmiðlarnir voru uppfullir af gabb-
fréttum um ódýrt bensín, ókeypis kvikmyndaáhorf og berbrjósta
konur í sundlaugum. Hrekkirnir eru misstórir en oft er aðeins um
litlar, hvítar lygar að ræða. Aðrir leggja þó meira á sig og heyrst
hefur af hrekkjalómum sem lögðu á sig margra daga eða vikna
vinnu til að ná sem bestum árangri. Nokkrir viðmælendur tjá sig
hér um eftirminnilegasta gabbið.
LÍFSSTÍLLSPJALLIÐ
bladid@24stundir.is a
Þegar við komum yfir hæðina sáum við
stórt skilti sem á stóð 1. apríl og í því
heyrðum við rútuna keyra í burtu.