24 stundir - 06.06.2008, Page 6

Eftir Þórð Snæ Júlíusson
thordur@24stundir.is
Hæstiréttur staðfesti í gær niður-
stöðu héraðsdóms í Baugsmálinu
sem staðið hefur yfir frá því í ágúst
2002. Tryggvi Jónsson, fyrrverandi
forstjóri Baugs, hlaut þyngsta
dóminn, alls tólf mánaða skilorðs-
bundið fangelsi fyrir bókhaldsbrot
og fjárdrátt. Jón Ásgeir og Jón Ger-
ald hlutu hvor fyrir sig þriggja
mánaða skilorðsbundna refsingu
fyrir bókhaldsbrot.
Rannsókn á skattabrotum lokið
Þar með er þó ekki víst að
Baugsmálinu sé lokið því efnahags-
brotadeild ríkislögreglustjóra hefur
lokið rannsókn sinni á skattalaga-
brotum Baugs. Þetta fengu 24
stundir staðfest í gær. Þar er verið
að fara yfir gögn málsins til að
meta hvort það eigi að aðhafast
eitthvað meira eða láta hér við sitja.
Þau gögn eru meðal annars úr
rannsókn skattrannsóknarstjóra á
meintum brotum nokkurra ein-
staklinga sem tengdust Baugi sem
lauk í árslok 2004. Ríkislögreglu-
stjóri þurfti meðal annars að fá
húsleitarheimild hjá héraðsdómi til
að fá hluta gagnanna sem tengjast
Óskari Magnússyni, fyrrverandi
forstjóra Baugs. Þau gögn voru sótt
í febrúar síðastliðnum.
Átti sér langan aðdraganda
Ákæran í þeim þætti Baugsmáls-
ins sem lauk í gær var upphaflega í
nítján liðum. Fyrsta ákæruliðnum
sem snerist um viðskipti með
móðurfélag 10-11 verslanna, Fjár-
far, var vísað frá héraðsdómi sum-
arið 2006. Hæstiréttur staðfesti síð-
ar þá frávísun.
Héraðsdómur Reykjavíkur kvað
upp dóm sinn 3. maí 2007. Þar var
Tryggvi sakfelldur fyrir brot á fjór-
um ákæruliðum, Jón Ásgeir á ein-
um, Jón Gerald sýknaður og tíu
ákæruliðum vísað frá. Hæstiréttur
felldi hins vegar þá frávísun úr gildi
og sá angi málsins var endurfluttur
í héraði fyrir tæpu ári.
Þar var Jón Ásgeir sýknaður,
Tryggvi sakfelldur fyrir fjárdrátt og
Jón Gerald fyrir bókhaldsbrot. Alls
var Tryggvi dæmdur í tólf mánaða
skilorðsbundið fangelsi, en Jón Ás-
geir og Jón Gerald til þriggja mán-
aða skilorðsbundinnar refsingar.
Ríkissjóður greiðir milljónir
Sakborningunum þremur var
gert að greiða samtals um níu
milljónir króna í málsvarnarlaun
verjenda sinna á báðum dómstig-
um en afgangur þeirra, 43,6 millj-
ónir króna, greiðist úr ríkissjóði.
Jóni Ásgeiri var auk þess gert að
greiða ríkissjóði tæpar 7,6 milljónir
króna vegna annars sakarkostnaðar
í héraði, þar af fimm milljónir
óskipt með Tryggva.
Baugsmálið
búið í bili
 Hæstiréttur staðfesti niðurstöðu héraðsdóms í Baugsmálinu
 Rannsókn á skattalagabrotum lokið og verið að fara yfir gögn
➤ Baugsmálið hófst í ágúst2002 þegar húsleit var gerð í
höfuðstöðvum Baugs.
➤ Þremur árum síðar var gefinút ákæra í 40 liðum á hendur
alls sex manns. Meðal þeirra
voru Jón Ásgeir, Tryggvi og
Jóhannes Jónsson.
➤ Allir sakborningar voru sýkn-aðir í Hæstarétti 2006.
➤ Í mars sama ár var gefin út nýákæra í nítján liðum. Þeim
þætti lauk í gær.
BAUGSMÁLIÐ
24stundir/G. Rúnar
Dómur kveðinn upp Hæstaréttardómarar ganga í salinn skömmu áður en að niðurstaða réttarins var lesin upp.
6 FÖSTUDAGUR 6. JÚNÍ 2008 24stundir
Gestur Jónsson, verjandi Jóns
Ásgeirs Jóhannessonar, sagði stóru
tíðindin í málinu vera þau að því
væri loksins lokið með staðfestingu
á dómi héraðsdóms. „Þetta er stað-
festing á því að það er skilorðs-
bundin refsing ákvörðuð á hendur
Jóni Ásgeiri. Miðað við það til
hvers var stofnað á sínum tíma
verður að segjast eins og er að þetta
er heldur rýr uppskera fyrir ákæru-
valdið.“ Jakob R. Möller, verjandi
Tryggva Jónssonar, sagði að „fjallið
tók jóðsótt og það fæddist mús“
um uppskeru ákæruvaldsins miðað
við umfang málsins. Hann var ekki
ánægður með niðurstöðuna. „Hún
veldur mér vonbrigðum. Ég hafði
vonast til þess að minnsta kosti að
refsingin yrði minnkuð.“
thordur@24stundir.is
Verjendur Jóns Ásgeirs og Tryggva Jónssonar
Rýr uppskera
ákæruvaldsins
„Geðsjúkir leika lausum hala“
var yfirskrift gjörnings samtakanna
Hugarafls sem áttu 5 ára afmæli í
gær.
Klæddust félagar í Hugarafli
náttfötum sem þau segja táknræn
fyrir sjúklingshlutverkið sem þau
vilja flýja.
Þá ýttu þau sjúkrarúmi frá
Kleppspítala sem þau segja tákn-
ræn fyrir það hvernig geðsjúkir
hafa verið meðhöndlaðir gegnum
tíðina með læknisfræðilegri hug-
myndafræði og inngripum.
Ætlunin með gjörningnum var
að vekja athygli á málefnum geð-
sjúkra enda segja þau að aðbúnað
við þá þurfi stórlega að bæta og
sjúklingarnir eigi rétt á að hafa eitt-
hvað um meðferð sína að segja.
aak
„Geðsjúkir leika lausum hala“
Flýja sjúklingshlutverkið
Sigurður Tómas Magn-
ússon, settur saksóknari í
Baugsmálinu, sagði það
ákveðið ánægjuefni fyrir
alla aðila málsins að því
væri lokið þó að sakborn-
ingarnir væru væntanlega
ekki sáttir við niðurstöð-
una. „Þegar ákæruvaldið
fer af stað þá telur það
auðvitað að ákærðu hafi
gerst sekir um þessi brot.
Hæstaréttardómurinn talar sínu máli. Þetta er niðurstaða dómstóls
með öllum þeim sönnunarkröfum sem gerðar eru í réttarfari.“
Þegar hann var spurður hvort hann væri persónulega feginn að málinu
væri lokið sagði hann þetta vera mikinn áfanga. „Þessum þætti sem ég
hef verið að vinna að er lokið; þessu verkefni sem ég hef haft í tvö og
hálft ár.“
thordur@24stundir.is
Sakborningar ekki sáttir
„Ég tel að það hefði átt að fara
fram pólitísk umræða um þetta
áður en ákvörðun var tekin,“ seg-
ir Óskar Bergsson, borgarfulltrúi
Framsóknarflokksins, um
ákvörðun Orkuveitu Reykjavíkur
(OR)að hætta við Bitruvirkjun.
Tillaga Óskars um að hún yrði
endurskoðuð var felld á fundi
borgarráðs í gær. „Fulltrúar Sjálf-
stæðisflokksins kjósa frekar að
fylgja fulltrúa F-listans en eigin
formanni, sem hefur lýst yfir efa-
semdum um ákvörðun stjórnar
Orkuveitunnar,“ segir Óskar.
Hann segir niðurstöðuna grát-
lega. „Þarna hefðu getað skapast
hundruð starfa í tengslum við
hreina orku.“
Kjartan Magnússon stjórn-
arformaður OR vísar gagnrýni
Óskars á bug og segist sann-
færður um að hafa tekið rétta og
vel ígrundaða ákvörðun. ejg
Bitruvirkjun ekki
aftur á borðið
Vefsíðan baugsmalid.is, sem Jón
Gerald Sullenberger setti á vefinn
í síðustu viku, hafði fengið um 53
þúsund flettingar síðdegis í gær.
Á síðunni birtir Jón Gerald máls-
gögn úr Baugsmálinu og rekur
það ýtarlega. Auk þess er þar að
finna fjölda annarra upplýsinga
sem Jón Gerald segir tengjast
Baugi og helstu eigendum félags-
ins. þsj
Baugsmalid.is
mikið skoðað
Ökumaður sem ákærður var fyrir
að hafa í ágúst í fyrra ekið bifreið
austur Suðurlandsveg rétt-
indalaus og undir áhrifum áfeng-
is og vímuefna var í gær sviptur
ökurétti ævilangt í Héraðsdómi
Suðurlands. Bifreiðin valt austan
við Þórustaði en ákærði, sem
neitaði ekki að hafa verið ölv-
aður, sagði annan hafa ekið. Sá
fannst ekki.
ibs
Sviptur ökurétt-
indum ævilangt
Karlmaður var í gær dæmdur í
fimm mánaða fangelsi í Héraðs-
dómi Reykjaness fyrir tvær líkams-
árásir á skemmtistað í Reykja-
nesbæ.
Var hann ákærður fyrir að henda
konu í gólfið og sparka ítrekað í
hana svo hún hlaut skurði og mar
víða um líkamann.
Eins var hann ákærður fyrir að
skalla karlmann í andlit svo hann nefbrotnaði og hrundi niður stiga.
Maðurinn hefur tvisvar áður fengið fangelsisdóm fyrir ofbeldisbrot en
honum er gert að greiða allan sakarkostnað og málsvarnarlaun verj-
anda síns, samtals 467.180 krónur. mbl.is
Fimm mánuði fyrir líkamsárásir