Morgunblaðið - 27.08.2003, Blaðsíða 5
Útgefandi: Árvakur hf. • Ábyrgðarmaður: Gestur Einarsson • Efnisstýring, hönnun og útlit: Gunnar Sverrisson og Halla Bára Gestsdóttir, lifun@mbl.is, sími 894 0038 • Aðrir höfundar
efnis: Elsa Ævarsdóttir • Ljósmyndir: Gunnar Sverrisson • Auglýsingasala: lifunaugl@mbl.is, sími 569 1111 • Tímarit sem fylgir Morgunblaðinu mánaðarlega • Prentun: Prentsmiðja
Árvakurs hf. • Upplag: 55.000 eintök • ISSN 1670-3863.
lifun
herbergi
Börnin þurfa sinn eigin heim ...
… í herbergjunum sínum þar sem frelsi, leikur
og rólegheit geta farið saman. Þau upplifa
herbergin sem sitt heimili og yfirráðasvæði og
hafa skoðanir á útliti þeirra eftir því sem
aldurinn færist yfir. En það er ansi snúið að
innrétta barnaherbergi svo vel fari og allt
dótið sem fylgir börnunum komist fyrir. Í
þessu tölublaði Lifunar eru börnin, heimili
þeirra og lífsstíll aðalatriðið.
Það veitir víst aldrei af góðum ráðum þegar kemur að því að
innrétta barnaherbergi. Rut Káradóttir innanhússarkitekt segir
miður að barnaherbergi séu oft minnstu vistarverur heimil-
isins en þegar barnið er lítið (ungbarn) komi það ekki að sök.
Þegar barnið fer hins vegar að leika sér sjálft og skoða sig
um er mikilvægt að það fái rými til þess að svala hreyfiþörf
og sköpunargleði. Rut gefur nokkur ráð sem nýtast vel:
Það er mikilvægt er að hafa góðar hirslur en því miður er oft
erfitt að koma þeim fyrir vegna þess að barnaherbergi eru
oftast mjög lítil. Þægilegt er að hafa skápa þannig úr garði
gerða að þeir geti hýst bæði föt og leikföng en þannig
skapast einnig meira leiksvæði á gólfi sem á fyrstu árum
barnsins er mjög mikið nýtt.
Húsgögn þurfa að henta stærð og aldri barnsins og eru til í
miklu úrvali t.d. í Barnasmiðjunni, Tekk-Company og í IKEA.
Húsgögnin þurfa einnig að vera örugg og þannig ber að
foraðst að setja úr sér gengin húsgögn inn í barnaherbergi.
Á fyrstu árum barnsins er leiksvæði þeirra yfirleitt sem mest
nálægt foreldrum og þeim sem eru að gæta þeirra svo í raun
þurfa barnaheimili að taka tillit til þarfa barna í öllum vistar-
verum. Þegar barnið er orðið eldra (leikskólaaldur) hefur það
þörf fyrir sitt rými og þannig er skemmtilegt og örvandi fyrir
barnið að fá herbergi við hæfi.
Nauðsynlegt er að hafa lýsingu breytanlega eftir því hvað er
að gerast í herberginu, það einfalt að gera með ljósdeyfi
(„dimmer“). Einnig er hægt að koma fyrir, auk loftljóss,
veggljósum og lömpum.
Barnaherbergi þurfa að vera þægileg í þrifum, bæði gólf og
veggir, og því skiptir efnisval máli. Hægt er að hafa meiri
glansáferð á veggjum barnaherbergja, gólfin þurfa að vera
þannig að þau safni ekki í sig óhreinindum.
Hættur geta leynst víða á heimilum. Margvíslegur öryggis-
búnaður fæst m.a. í IKEA og heildsölum sem selja búnað í
innréttingar, s.s. læsingar á glugga, hurðastopparar, vörn á
hvöss horn og fleira.
Fataskápur á hjólum eftir Rut Káradóttur, sérsmíðaður af Smíðaþjónustunni.
Barnarúm frá Epal, „Stokke“-rúm. Rimlatjöldin eru frá Sólargluggatjöldum.
Gluggatjaldastöngin er smíðuð af Jóni Aðalsteinssyni járnsmið. Loftljós og
veggljós frá Lúmex (ljós m. dimmer). Lampi í glugga handgerður af lista-
manninum Margréti Guðnadóttur. Rugguhestur frá Barnasmiðjunni. Herðatré,
snagar og körfur inn í skáp frá Tekk-Company. Handgert eftir Grímu Eik
Káradóttur (systur Rutar), gamaldags tuskudúkka, handþæfðir skór og rúmteppi
á rúmi. Stór og lítill bangsi úr flóneli í stíl við náttföt. Handgert eftir Kristínu S.
Garðarsdóttur, lítil hjartaskál og 2 krúsir. Handgert af Margréti Guðnadóttur,
körfur fyrir framan skáp, spiladós á hurðarhandfangi, lampi í glugga. Handgert
af Gullu í MÁ, MÍ MÓ, púði í körfustól. Handgert af manninum á heimilinu,
teppi og peysa í stíl prjónað á prjónanámskeiði Storksins í Kjörgarði.