Morgunblaðið - 27.08.2003, Blaðsíða 34

innlit
lifun
keramik er í uppáhaldi hjá mér núna og ég nota það mikið til skrauts.“
Þegar hún er spurð að því hvort stíll þeirra hjóna hafi breyst í áranna rás og hvernig hún vilji
lýsa honum segir hún: „Stíll okkar hefur þroskast og breyst enda farið svolítið eftir því
húsnæði sem við höfum búið í. Mér þykir hann víðsýnni en áður, hann hefur ekki staðnað og
við erum ófeimin við að breyta stílnum og framkvæma það sem við viljum til að ná
heildarsvip. Einnig er hann persónulegur sem og það umhverfi sem höfðar til okkar í dag –
hlutir sem gefa okkur eitthvað. Tískan hefur áhrif leynt og ljóst en maður reynir að vera maður
sjálfur í gegnum hana. Maður á að vera stílnum trúr og hafa sterkan persónulegan stíl. Það á
að vera hægt að finna heimilisfólkið í umhverfi þess en ekki falla í yfirborðshátt og
sýndarmennsku. Manni á að líða vel á heimilinu sínu, hafa þar sitt hreiður og gera það fallegt
fyrir sig en ekki aðra. Það er hægt að gera allt fallegt ef maður bara finnur fegurðina.“
Eitt ráð að lokum fyrir þá sem eru að breyta og bæta? „Flýta sér hægt, gefa sér tíma. Oft þarf
að flytja inn og búa á staðnum áður en maður áttar sig á því hvernig best er að hafa hlutina til
að geta klárað þá. Þetta á við um efnisval, lýsingu og geymslupláss svo eitthvað sé nefnt.“