Morgunblaðið - 27.08.2003, Blaðsíða 12

hugmyndir
P – piltar
Piltar eru oft mjög áhugasamir um herbergin sín. Snemma vita þeir hvað er
flott og vilja ná því fram í umhverfi sínu. Þeir horfa ekki alveg jafnmikið á
heildarútlitið eins og stúlkurnar en nákvæm smáatriði skipta þá þeim mun
meira máli. Gólfpláss, geymslupláss og húsgögn, allt sem hægt er að notast
við í leik og starfi, þarf að mynda „sterka“ umgjörð.
R – rúmföt
Börn jafnt og fullorðnir eiga það skilið að sofa með vandaðan rúmfatnað úr
góðu efni.
S – stúlkur
Flestar litlar stúlkur elska litla
og sæta hluti. Það er auðvelt
að fara yfir strikið í þeim
efnum í stúlknaherbergi og
því mikilvægt, eins og áður
hefur komið fram, að veggir
séu ljósir ef dót og skraut-
munir eru í meira lagi. Einnig
er mikilvægt að fá börn
almennt til að átta sig á því
að ekki er fallegt að ofhlaða
herbergið dóti heldur vanda
valið á því sem sést og stillt
er upp.
T – tafla
Þegar verið er
að skapa enn
eitt listaverkið
er lítið blað
ekki alltaf
nógu stórt.
V – veggur
Ef á að gefa einum vegg aukið vægi er skemmtileg hug-
mynd að mála nafnið á eiganda herbergisins á vegginn.
Þ – þema
Það getur komið skemmtilega út að hafa ákveðið þema í
gangi í barnaherbergjum – leyfa sköpunarkraftinum að
njóta sín.
lifun