Morgunblaðið - 27.08.2003, Blaðsíða 14
innlit
Guðlaug Halldórsdóttir
textílhönnuður og eig-
andi textílsmiðjunnar má
mí mó er þekkt fyrir
framleiðslu sína á
fallegum og nytsamlegum
hlutum og hún segir
markmið sitt að hanna
hluti sem endast vel og
eldast fallega. Gulla á
3 syni, Mána, Mími og
Móses, og bera herbergi
þeirra þess merki að
þeir hafi ákveðnar
skoðanir á útliti þeirra
upp að vissu marki en
síðan treysti þeir mömmu
sinni vel fyrir hinu.
Börn eiga skilið fallega og góða hönnun
Gulla sérþrykkir sængurföt fyrir fólk í þeim litum og munstrum sem það
vill. Fólk getur komið með teikningar eftir börnin sín til hennar sem hún
vinnur í tölvu fyrir saumavél og getur saumað myndirnar út í púða,
sængurföt og rúmteppi svo eitthvað sé nefnt. Einnig saumar hún nöfn í
sængurver og fleira. Hún hafði nýlokið við að sauma teikningar eftir
yngsta son sinn, Móses, í sængurfötin hans og gardínurnar í herbergið
þegar myndirnar voru teknar.
„Börn eiga skilið sömu gæði á hlutunum og fullorðnir,“ segir Gulla.
„Þau eiga skilið fallega og góða hönnun – þau læra að meta hvort
tveggja ef þau alast upp við slíkt. Barn sem elst upp við að eiga fallegt
herbergi á efalaust eftir að eiga fallegt heimili fyrir sína fjölskyldu síðar
meir.“
Finnst þér barnaherbergi verða útundan þegar kemur að fallegum
heimilum?
„Almennt finnst mér fólk huga vel að barnaherbergjum og uppfylla
kröfur barnanna varðandi tæki og tól ásamt því að þau séu vel búin
húsgögnum. En alltaf má betur gera og gaman ef börnin hafa sjálf
skoðanir og velja sjálf hluti inn í herbergin sín.“
Hafa þínir strákar áhuga og skoðanir á herbergjum sínum?
„Mínir strákar hafa allir ákveðnar skoðanir á útliti herbergja sinna upp
að vissu marki – en svo treysta þeir mömmu sinni vel fyrir hinu. En ég
hef mjög gaman af þeirra skoðunum og er ánægð með að þeir hafi
áhuga á útliti herbergjanna en stundum þarf aðeins að hliðra til svo að
allt gangi fagurfæðilega vel upp.“
lifun