Morgunblaðið - 27.08.2003, Blaðsíða 9

hugmyndir
Þegar kemur að skipulagi og hönnun barnaherbergis
þarf einfaldar, hagnýtar og auðveldar lausnir án
þess að stílnum sé glatað.
Myndir eru fengnar úr bókum héðan og þaðan.
Barnaherbergi frá a til ...
lifun
A/Á – áhugi og áhrif
Börn hafa ákveðnar skoðanir á því hvað þau vilja og hvernig draumaher-
bergið lítur út. Þau ættu alltaf að vera með í ráðum ef þau sýna slíkan
áhuga og hann á að launa þeim með fallegum og smekklegum her-
bergjum. Gæta skal þess að barnaherbergi séu ekki of litrík og stútfull af
dóti – heldur þvert á móti halda þar sama stílnum og er á heimilinu …
nema unglegri umgjörð. Með því læra börn að bera virðingu fyrir því sem
fjölskyldan deilir saman sem og að ganga vel um.
B – breytingar
Staðreyndin er sú að þarfir barna breytast ótrúlega hratt. Þau vilja nýtt
útlit á herbergið sitt mjög reglulega og því er mikilvægt að skipuleggja
herbergið fram í tímann svo að auðvelt sé að gera á því breytingar.
Börnum þarf að líða vel í herberginu sínu og finnast það vera sitt eigið
heimili. Þar eiga þau jafnframt að finna frelsi og sköpunarkraft, frið og ró.
D – deila herbergi
Systkini sem deila herbergi þurfa að finna að þar eigi þau sitt
eigið svæði og útlit og stíll þarf að samræmast þörfum og
skoðunum beggja. Í mörgum tilfellum þarf tvennt af öllu í her-
bergið en það sameiginlega, sem deilt er í leik og starfi, getur
sett punktinn yfir i-ið varðandi útlitið. Ef tækifæri er til er sniðugt
að skipta herberginu niður í svæði, hvort sem er með færan-
legum skilrúmum eða léttum gardínuvængjum.
F – fatnaður
Þægilegt aðgengi í barnaherberginu er kostur fyrir bæði börn og
fullorðna og þá sérstaklega þegar kemur að fatnaði. Barnaföt hafa
hins vegar fagurfræðilegt gildi og það setur svip á herbergið að leyfa
fallegum fötum að vera í opnum hillum eða hanga á herðatrjám á
opnum slám.
G – gólf
Börn eyða
löngum stundum
á gólfinu og þau
þurfa að hafa eitt-
hvað mjúkt undir
sér svo þolin-
mæðina þrjóti
ekki. Mottur,
pullur og púðar
koma að góðum
notum og gott er
að vöðlast á
þeim.