24 stundir - 28.08.2008, Qupperneq 13

24stundir FIMMTUDAGUR 28. ÁGÚST 2008 13
Ýmsir vöruðuvið því að vitleysa hlypi ísilf-
urþjóðhátíð vegna
ólympíuliðsins í
gær. Guðmundur
Gunnarsson varaði
við brussulegum
pólitíkusum sem
vildu stela senunni. Sóley Tóm-
asdóttir varaði við amerískum
hasarstælum með sveimandi þyrl-
um og þotuflugi. „Strætó og
skrúðganga niður Skólavörðustíg
að Arnarhóli er hefðbundin leið
okkar Íslendinga til að gleðjast. …
Strákarnir okkar brutu blað sem
fulltrúar fámennrar þjóðar. Fögn-
um sem slík,“ bloggaði femínist-
inn sem mætti á Arnarhól eins og
allur fjöldinn sem skipti mjög
mörgum þúsundum.
Þjóðin fagnaði hetjunumglöð, þótt sitt sýndisthverjum um pólitísk tilþrif
í tengslum við hátíðina, tilstand
Icelandair og til-
burði sjónvarpsins
sem byrjaði
snemma að bíða í
beinni, ásamt fá-
menni sem mætti
fyrir tímann. En
sannarlega var ekki beðið til
einskis. Fólk flykktist að og við
tóku innihaldsrík viðtöl við kapp-
ana. Róbert Gunnarsson, einn af
strákunum okkar, var hress með
innanlandsflugið: „Ég fékk að sjá
hverfið mitt og húsið hennar
ömmu.“ Og Logi Geirsson, annar
silfurdrengur, af handboltaætt-
um, sonur Geirs Hallsteins-
sonar, sagði af lítillæti: „Ég er
ánægðastur með liðið, ég hefði
ekki gert þetta einn.“
Spaugilegir stjórnmálamenn,“segir Egill Helgason og tel-ur upp: „Ólafur Ragnar
kom með fimmtán fálkaorður. Þá
kom ríkisstjórnin
með 50 milljónir.
Þorgerður Katrín
flaug til Kína í rosa-
legri geðshræringu.
Ólafur Ragnar
flaug frá Asíu til Ís-
lands í snarhasti.“ Og Egill velti
fyrir sér framhaldinu. Í gær bætt-
ust Icelandair og Ríkissjónvarpið í
spaugilega hópinn. Þegar Helgi
Seljan spurði Halldór Hall-
dórsson, einn viðmælanda sinn,
hvort Ólafur Stefánsson fyrirliði
ætti að bjóða sig fram til forseta,
var svarið: „Handboltaliðið á að
taka við ríkisstjórninni.“ Ólafur
tekur þá við af Geir Haarde og
leiðir þjóðina til sigurs.
beva@24stundir.is
KLIPPT OG SKORIÐ
Talsverð umræða er um stöðuna
á fasteignamarkaði um þessar
mundir og eðlilegt að almenningur
geri sér far um að skilja kjarna um-
ræðunnar. Verum þess minnug að
stærsti hluti íbúðareigenda er
venjulegt fólk; fjölskyldur sem hafa
lagt aleigu sína í að koma sér upp
þaki yfir höfuðið. En til að auka
skilning fólks á fréttunum þurfa
fjölmiðlar að taka sig á. Það vill
brenna við að fjallað sé um fast-
eignir líkt og um verðbréf sé að
ræða, eignir sem ætlað er það eina
hlutverk að ávaxta sig og hámarka
arð eigenda sinna. Það kemur líka
fyrir að Íbúðalánasjóði sé stillt upp
sem einhvers konar sökudólgi og
að gagnrýni á hlutverk sjóðsins sé
fyrirferðarmeiri í fréttum en hug-
myndafræðin bakvið lagalegt hlut-
verk hans og skyldur. Eftirlitsstofn-
un EFTA hefur nú til meðferðar
kæru frá Samtökum íslenskra fjár-
málafyrirtækja sem kvarta undan
því að starfsemi sjóðsins standist
ekki ákvæði samningsins um Evr-
ópska efnahagssvæðið. Hann
hamli samkeppni á bankamarkaði
og félagslegt hlutverk hans sé illa
skilgreint. Í mínum huga er það
umhugsunarefni hversu oft frétt-
irnar taka mið af hagsmunum
bankanna í þeirri umfjöllun, sjald-
gæfara er að finna samstöðu með
hugmyndinni um félagslega réttlátt
húsnæðiskerfi.
Nýjustu fréttir af Íbúðalánasjóði
valda hins vegar óróa. Frá því er
sagt að sjóðurinn sé í auknum
mæli að leysa til sín eignir sem svo-
kölluð „leiguíbúðafyrirtæki“ hafa
keypt eða byggt með lánum frá
sjóðnum og síðan leigt til einstak-
linga. Ekki kemur fram í fréttunum
hvort hér er um að ræða verktaka-
fyrirtæki, sem ekki hafa sést fyrir í
góðærinu og byggt meira en þörf
var á, en slíkt hlýtur að teljast lík-
legt. Í öllu falli eru þetta fyrirtæki
sem illa er komið fyrir, þegar sjóð-
urinn stendur frammi fyrir því að
leysa til sín yfir þrjá tugi eigna á
síðustu tveimur árum, stundum
heilu blokkirnar. Eina leiðin sem
sjóðurinn hefur til að losa sig út úr
þessum vandræðum er að selja
eignirnar, því ekki kemur til greina
að hann yfirtaki starfsemi „leigu-
íbúðafyrirtækjanna“. Hann getur
reynt að selja eignirnar sveitar-
félögum, sem þurfa að sjá íbúum
fyrir hagstæðu leiguhúsnæði í ein-
hverjum mæli, í sumum tilfellum
reynir hann að selja þeim fjölskyld-
um sem hafa íbúðirnar á leigu og
loks hefur hann reynt að selja heilu
eignirnar einhverju sem kallað er
„leiguíbúðafélag“. Ekki eru gefnar
nánari skýringar á þessum leigu-
íbúðafyrirtækjum eða leiguíbúða-
félögum, hverjir standi á bak við
þau eða hversu umfangsmikil starf-
semi þeirra sé. Hér er því auglýst
eftir frekari upplýsingum um það.
Hins vegar má lesa það út úr frétt
Morgunblaðsins af málinu í gær,
að Íbúðalánasjóður hafi hlaupið á
sig með því að lána þeim sem ekki
reyndust borgunarmenn. Og þar
var sannarlega ekki um að ræða
einstaklinga eða fjölskyldur.
Nú hafa hagfræðingar í fyrirtæki
sem kallast Reykjavík Economics
ehf. gert rannsókn á fasteigna-
markaðnum í landinu og komist
að því að offramboð sé á íbúðar-
húsnæði, eftirspurn sé hverfandi,
lánsfjárframboð lítið og verð fari
lækkandi. Það fylgdi ekki frétt Rík-
isútvarpsins í gær hverjir þessir
hagfræðingar eru eða hver tengsl
þeirra eru við Háskólann á Bifröst,
en talsmaður könnunarinnar,
Magnús Árni Skúlason, er eð@a
var a.m.k. til skamms tíma for-
stöðumaður Rannsóknaseturs í
húsnæðismálum á Bifröst. Niður-
stöður hagfræðinganna virðast lýs-
andi fyrir stöðuna á íbúðamarkaði
en hvort þær benda á nokkrar
lausnir á vandanum kom ekki fram
í frétt Ríkisútvarpsins. Það rennir
stoðum undir það sem segir hér að
framan; það skortir á að fjölmiðlar
fari nægilega djúpt í fréttaflutningi
sínum af stöðu mála á fasteigna-
markaði til að íbúðaeigendur, fjöl-
skyldurnar í landinu, átti sig til
fulls.
Höfundur er alþingismaður
Leiguíbúðafyrirtæki
og leiguíbúðafélög
VIÐHORF aKolbrún Halldórsdóttir
Það skortir á
að fjölmiðlar
fari nægilega
djúpt í frétta-
flutningi sín-
um af stöðu
mála á fast-
eignamarkaði til að
íbúðaeigendur, fjölskyld-
urnar í landinu, átti sig til
fulls.
Vinnulyftur ehf.
Smiðsbúð 12 • 210 Garðabæ
Sími: 544 8444 • Fax: 544 8440
www.vinnulyftur.is
Vinnulyftur og
jarðvegstæki
til leigu og sölu
Erum með fjölbreytt úrval af vönduðum vinnulyftum
og jarðvegstækjum til leigu og sölu. Ef þig vantar
innilyftur eða stórar útilyftur þá höfum við lausnina.
Hafið samband og fáið verðtilboð!
SJÁLFVIRK
6v / 12v / 24v 0,8A - 25A
HLEÐSLUTÆKI
Snilldartæki sem mega vera í sambandi allt árið
og geta hlaðið allar gerðir rafgeyma.