24 stundir - 28.08.2008, Blaðsíða 17

24stundir FIMMTUDAGUR 28. ÁGÚST 2008 17
Á síðustu 11 vikum hafa vel á
fjórða þúsund börn og ungling-
ar tekið þátt í öflugu sumar-
starfi KFUM og KFUK. Frískir
og fjörugir krakkar sem átt hafa
góða daga í metnaðarfullu og
vel skipulögðu æskulýðsstarfi
félagsins. Flestir í sumarbúðun-
um okkar fimm, en einnig á
vettvangi leikjanámskeiða í
borg og bæ. Metþátttaka í sum-
arstarfi félagsins.
Heilbrigt félagsstarf
Meðbyr í starfi KFUM og
KFUK fer vaxandi frá ári til árs.
Rannsóknir sýna að vel skipu-
lagt æskulýðsstarf er best til
þess fallið að hjálpa ungu fólki
að forðast þau efni og þær að-
stæður sem hafa niðurbrjótandi
áhrif á líkama og sál. Umhverfi
barna og unglinga verður flókn-
ara með hverri kynslóðinni og
því mikilvægt að þeim standi til
boða heilbrigt og uppbyggilegt
félagsstarf.
KFUM og KFUK er kristilegt
félag. Í æskulýðsstarfi okkar
blandast fræðsla um kristna trú
saman við leiki og störf. Við
kennum börnum að fletta í
Nýja testamentinu og að biðja
bænir. Kristilegir söngvar skipa
sinn sess í félagsstarfinu. Við
finnum vel fyrir því almenna
viðhorfi foreldra á Íslandi, sem
vilja að börn þeirra kynnist
þeim jákvæðu og uppbyggilegu
lífsgildum sem fylgja kristinni
trú.
KFUM og KFUK nýtur
trausts foreldra barna og ung-
linga, sem speglast í metþátt-
töku í sumarstarfi félagsins.
Fyrir það viljum við þakka.
Síðsumardagskrá
Á næstu vikum er síðsum-
arsdagskrá með hinum vinsælu
feðga- og mæðgnahelgum í
sumarbúðunum. Í framhaldi af
því tekur við fjölbreytt vetr-
arstarf fyrir alla aldurshópa.
Verið velkomin á heimasíðu
okkar, www.kfum.is, og kynnið
ykkur kristilegt starf, til líkama,
sálar og anda.
Höfundur er formaður KFUM
og KFUK á Íslandi
KFUM og KFUK
þakkar traustið
UMRÆÐAN aTómas Torfason
Við finnum
vel fyrir því
almenna við-
horfi foreldra
á Íslandi, sem
vilja að börn
þeirra kynn-
ist þeim jákvæðu og upp-
byggilegu lífsgildum sem
fylgja kristinni trú.
Til að blindast ekki í afkimum
valdsins þarf haukfrána sjón. Eins
og gengur eru íslenskir stjórn-
málaflokkar misratvísir í rangöl-
um þeim en hver ætli fari þar vill-
astur vega nú um stundir? Ekki þó
helsta hollvinafélag Íbúðalána-
sjóðs, tryggasta varðsveit gjafa-
kvótans, stoltasti heiðursvörður
eftirlaunamakksins og bragðvís-
asta refskáksveit valdabröltsins?
Framvarðasveit Sjálfstæðisflokks-
ins lætur ekki að sér hæða.
Varla voru alþingiskosningar
2007 fyrr að baki en boðið var upp
á Þrjár á biðilsbuxunum, farsa-
kenndan gamanleik með upphaf
og endi í því að helstu oddvitar
flokkanna krunka sig ekki endi-
lega saman eftir því hvað er landi
og lýð fyrir bestu heldur því hverj-
um lyndir saman og hverjum síð-
ur.
Enn einu sinni var herra Íhald
borinn á gullstól í stjórnarráðið,
valdþreyttari en nokkru sinni fyrr.
Ætli slíkt kunni góðri lukku að
stýra?
Öllu fögru lofað
Hér skal eitt dæmi tíundað. Fyr-
ir alþingiskosningar var öllu fögru
lofað til verndar umhverfi og nátt-
úru en hvernig gengur Samfylk-
ingunni að efna sín fyrirheit? Bót
er í máli að framkvæmdir vegna
250-346 þúsund tonna álvers á
Bakka skuli sæta sameiginlegu
umhverfismati en hvar er ætlunin
að virkja til að Norðurál, skilgetið
afkvæmi Century Aluminium, geti
reist og rekið 250 þúsund tonna
álver í Helguvík? Og hvar í ósköp-
unum á að kría út losunarheim-
ildir? Ekki bætir úr skák að meira
hefur gustað af fríðum bílaflota
landans en nokkurn óraði fyrir og
Norðurál syndgað upp á náðina í
útblæstri á Grundartanga ef marka
má mælingar Umhverfisstofnun-
ar. Fyrir 2020 skal losun gróður-
húsalofttegunda minnka um 25-
40 prósent. Ætli frekari undanfæri
gefist innan landsteinanna ef
Kýótó-undanþágan dugir ekki
fram til 2012? Á svo enn að stjana
við erlenda auðhringi með því að
leggja hvers kyns sælu- og unaðs-
reiti undir víravirki? Eða mega
blessuð tröllin ekki sjá af eyri til að
leggja megi línurnar í jörð?
Er nokkuð heilagt?
Nú hafa gróðaöfl borgarinnar
blásið til sjálfsóknar gegn fóstur-
jörðinni, sligaðri af stýrivaxtaoki,
og sest um Bitru. Vart þarf að ótt-
ast að þau láti það ræna sig svefni
þótt sniðganga þurfi áfellisdóm
Skipulagsstofnunar, raska stór-
brotnu útivistarsvæði, ógna vatns-
bóli Hvergerðinga og blása
brennisteinsvetni yfir borg og bæ.
Þá víkur sögunni að Þjórsárundr-
um. Þar gengur nábleik vofa stór-
iðjunnar ljósum logum og ríður
húsum svo að gnestur í. Einskis er
látið ófreistað til að geta sökkt
flúðum Urriðafoss og gróðurvinj-
um Þjórsárdals, hvernig sem tæla
þarf sveitarstjórnir með gýligjöf-
um, flæma bændur og búalið úr
hjartfólgnum átthögum eða hunsa
þorra nærsveitunga. Er nokkuð
heilagt þegar Landsvirkjun er
komin í kapp við Jóakim Aðalönd
og heimtar fleiri peningalaugar
fyrir busl og dýfingar?
Hvar er Samfylkingin?
Nú bráðna jöklar æ örar og fljót
bólgna æ meir. Því munu fylgja
tíðari og stærri eldgos og jökul-
hlaup, telja vísindamenn. Ætli
stíflur Landsvirkjunar muni
standa af sér áganginn? Væri ekki
skynsamlegast að auka flutnings-
getuna frá uppistandandi jökuls-
árvirkjunum og hyggilegra að nýta
tilfallandi orku í að reka umhverf-
isvænni fyrirtæki en álver og olíu-
hreinsistöðvar? Svo má spyrja hve-
nær framsýnin verði nægileg til að
beisla föll sjávar og eira þeim mun
fleiri náttúruperlum.
En hvar eru ráðherrar Samfylk-
ingarinnar? Hafa þeir döngun í sér
til að lægja rostann í landeyðandi
virkjunarglennum, snúa á and-
ramma álrisa og bægja frá eit-
urspúandi olíudrekum?
Á Ísafold að verða sólroðin fyr-
irmynd eða grámóskuleg ómynd
nú þegar eldir af nýrri öld? Að vera
eða ekki vera, þarna er efinn.
Höfundur er íslenskufræðingur
Á krossgötum
UMRÆÐAN aEinar Sigmarsson
Enn einu
sinni var
herra Íhald
borinn á gull-
stól í stjórn-
arráðið, vald-
þreyttari en
nokkru sinni fyrr. Ætli
slíkt kunni góðri lukku að
stýra?
3-6 GSM símar og heimasími
Með því að skrá símanúmer heimilisfólksins í Núllið þarf fjöl-
skyldan ekki að borga krónu fyrir símtöl sín á milli innanlands.
Hægt er að skrá allt að sex GSM númer notenda hjá Símanum
og eitt heimanúmer. Skilyrði er að notendurnir hafi sama lög-
heimili. Eitt númeranna má vera fyrirtækjanúmer og hringir
heimilisfólkið þá í það fyrir 0 kr.
Kostir Núllsins
• Enginn aukakostnaður og engar skuldbindingar fylgja
því að vera í Núllinu.
• Heimilisfólkið skráir sig í þá áskriftarleið sem hentar
best eða í Mitt Frelsi.
• Eitt fyrirtækjanúmer má skrá í Núllið og hringir
fjölskyldan í það fyrir 0 kr.
• Mitt Frelsisnúmer getur hringt í öll hin númerin
þótt inneignin sé búin.
• Með Núllinu spara allir á heimilinu.
Kynntu þér skilmálana og skráðu fjölskylduna
í Núllið í dag í síma 800 7000 eða á siminn.issín á milli • Það er
i
0kr.
að hringja innan
fjölskyldunnar