24 stundir - 05.09.2008, Blaðsíða 16

16 FÖSTUDAGUR 5. SEPTEMBER 2008 24stundirHeimili og hönnun
Umsjónarmenn:
Svanhvít
Ljósbjörg
svanhvit@24stundir.is
Kristjana
Guðbrandsdóttir
dista@24stundir.is
María
Ólafsdóttir
maria@24stundir.is
Morgunblaðið/G.Rúnar
Haustlitasinfónía Ragnhildur
notar meðal annars eplagreinar í
haustskreytingar sínar.
Eftir Hauk Johnson
haukurj@24stundir.is
„Verslunin mín tekur alltaf mikl-
um breytingum á haustin. Haustið
er svo skemmtilegt og býður upp á
marga skemmtilega möguleika. Þá
fara blóm og tré að bera ávöxt og
haustlitirnir koma,“ segir Ragn-
hildur en hún á og rekur blóma-
búðina Dans á rósum á Bald-
ursgötu 36, þar sem gangandi
vegfarendur staldra ósjaldan við til
að virða fyrir sér fallegar skreyting-
arnar. „Þegar ég dreg fram hlýju
peysurnar hlakka ég líka til að fara
að setja niður haustblómin, eins og
til dæmis margvíslegt haustlyng
sem kemur á þessum árstíma.“
Berja- og eplagreinar
Ragnhildur er frumleg í skreyt-
ingum sínum en hún notar meðal
annars alls kyns framandi afskorin
blóm og greinar.
„Ég legg mikið upp úr þessari
haustlitasinfóníu, bæði þessum
gul-órans og dumbrauðu litum.
Og það er svo skemmtilegt að það
eru margar fallegar blómategundir
sem gefa af sér ávöxt og eru flottar
á haustin, eins og til dæmis reyni-
trén sem gefa af sér fallegu rauðu
berin. Svo nota ég líka innflutt af-
skorin blóm og greinar og er alltaf
með eplagreinar sem lítil epli
hanga á.“
Þá segir hún sólblómin líka vera
afar viðeigandi á haustin vegna lita-
samsetningarinnar, þó svo að þau
séu að vissu leyti tákn sumarsins.
Ragnhildur tekur fram að þótt
mikið af blómum sé innflutt þá
eigi íslenskir bændur hrós skilið.
„Íslensku bændurnir eru ótrú-
lega duglegir að koma með nýjar
tegundir og standa sig vel í harðri
samkeppninni við erlenda blóma-
bændur. Það er hágæðaframleiðsla
sem fer fram hérlendis.“
Kertin gefa tóninn
Kertaljós er bráðnauðsynlegt til
að búa til réttu stemninguna á
haustkvöldum og býður Ragnhild-
ur viðskipavinum sínum upp á
margar sniðugar lausnir.
„Það er mjög fallegt að setja
kerti ofan í glervasa með brúnum
sandi en svo býð ég upp á vönduð
ilmkerti og margvíslegar úti- og
innikertaluktir.“
Og Ragnhildur er farin að hugsa
ögn lengra en flestir því hún er far-
in að huga að jólaundirbúningi
fyrir sig og sína kúnna, en hún sér
um skreytingar fyrir mörg stórfyr-
irtæki og veislur. „Ég er búin að
vera í miklum jólaundirbúningi og
hef verið að leggja grunninn að
ákveðnum jólaskreytingum. Þá
nota ég til dæmis allskonar lauf,
t.d. eikarlauf, og mosa,“ segir hún.
Umhverfið skreytt með haustlitunum
Haustið býður upp á
svo marga möguleika
➤ Sólblóm henta vel til skreyt-inga á haustin þótt þau séu
oft tákn fyrir sumarið.
➤ Blóm í dumbrauðum og brún-um tónum eru vinsæl í haust-
skreytingum.
➤ Ýmis tré og blóm bera fallegaávexti og ber á haustin sem
henta vel þegar sveipa á
heimilið haustlegum blæ.
HAUSTSKREYTINGARÞó svo að birtan sé góð
og við þrífumst á henni á
sumrin þá segir Ragnhild-
ur Fjeldsted, blóma-
skreytingakona og versl-
unareigandi, yndislegt að
fá rökkrið. Þá kveikir hún
á kertum og róar stemn-
inguna.
KYNNING
„Við erum sérverslun með stök
teppi og mottur. Hjá okkur eru all-
ir stílar í boði. Við spinnum alla
flokka,“ segir Sigurður Sigurðsson,
eigandi Persíu sem er eina sérversl-
unin sem sérhæfir sig í teppum og
mottum og hefur gert það síðustu
30 ár. „Margir halda að eftir að
hörð gólfefni urðu vinsæl hafi sala
á mottum dalað, en það var ekki
fyrr en þau gólfefni komu til sög-
unnar sem mottur urðu vinsælar.
Það munar svo miklu að hafa teppi
eða mottur með. Hafi maður þau
þá hlífir það parketinu, er hljóð-
einangrandi og hlýlegra. Það er
alltaf skemmtilegra að hafa teppi
með parketinu eða flísunum. Við
getum sagt að teppum hafi fjölgað
en þau urðu minni,“ segir hann.
„Það sem hefur háð þessari verslun
er að nafnið er þekkt og gam-
aldags. Yngri kynslóðin fattar ekki
að við erum líka með nýjustu tepp-
in. Það má samt segja að eftir að
við komum í Bæjarlindina hafi sala
til yngri kynslóða aukist.“ Sigurður
segir búðina ekki fara út fyrir viss
gæði og vissa verðflokka. „Við selj-
um frábærar og góðar vörur. Það
sem er vinsælast í dag eru stílhrein,
loðin og einlit teppi sem heita
Shaggy-teppi. Þau eru það fersk-
asta og vinsælasta sem hefur kom-
ið lengi og farið langt fram úr
væntingum. Við erum með þrjár
gerðir af þessum teppum og eru
þau úr efni sem gott er að þrífa.“
Persía er sérverslun sem selur stök teppi og mottur
Hörð gólfefni juku sölu á teppum
24stundir/GolliPersía Sigurður Sigurðsson eigandi.
DUKA
Kringlunni 4-12
Sími 533 1322 | duka@duka.is
Snúruóreiða og fjöltengi eru fylgi-
fiskur nútímatækni en hönn-
uðunum hjá Nao Lab hefur tekist
að finna fegurðina í flækjunum.
Lausnin er hleðsluramminn eða
charger frame. Í rammanum get-
urðu hlaðið öll litlu rafmagnstækin
þín og raðað og hengt þau upp
þannig að þau líti sem best út. Enn
sem komið er kostar þetta þarfa-
þing þó nokkuð mikið, eða 450
evrur. hj
Listaverk úr
hleðslutækjum
Jafnt tölvunördar sem listspírur
ættu að geta brosað yfir þessari
skemmtilegu dyrabjöllu en hún er
bæði einföld og sniðug. Það er
listamaðurinn Li Jiayne sem á
heiðurinn af þessari hönnun en
hann hefur einnig gert dyrabjöllu
úr píanóhömrum eða nótum. Enn
sem komið er fást dyrabjöllurnar
þó ekki keyptar en þeir sem eru
flinkir í höndunum geta fengið
hugmyndina að láni. hj
Enter-takki sem
dyrabjalla