24 stundir - 17.09.2008, Blaðsíða 4

4 MIÐVIKUDAGUR 17. SEPTEMBER 2008 24stundir
Eftir Þórð Snæ Júlíusson
thordur@24stundir.is
Stoðir, sem áður hét FL Group, til-
kynnti í gær að gengið hefði verið frá
sölu á 34,8 prósenta hlut félagsins í
Northern Travel Holding (NTH).
Kaupandinn er Fons, fjárfestingafélag
í meirihlutaeigu Pálma Haraldssonar.
Samhliða sölunni fór fram uppgjör á
seljendaláni upp á fjórtán milljarða
króna sem FL Group, sem þá var al-
menningshlutafélag, veitti þegar fé-
lagið seldi Sterling til NTH á 20 mill-
ljarða í desember 2006. Stoðir vilja
ekki gefa upp söluverðið á hlutnum
né hversu mikið af láninu var greitt til
baka. Þegar lánið var veitt var NTH
nýstofnað félag í eigu FL Group, Fons
og Sunds. Síðast þegar verðmæti
lánsins og hlutar félagsins í NTH í
bókum Stoða/FL Group var gefið
upp um síðustu áramót var það 15,3
milljarðar króna.
Aðkoma íslenskra fjárfesta að
danska flugfélaginu Sterling hófst á
vormánuðum 2005 þegar Fons keypti
félagið á um fimm milljarða. Það var
síðan sameinað Maersk og selt FL
Group nokkrum mánuðum síðar á
tæpa fimmtán milljarða. FL Group
seldi síðan NTH félagið um ári síðar á
20 milljarða. Það er nú aftur komið
að fullu í hendurnar á Fons. Tölu-
verður samdráttur hefur átt sér stað
hjá Sterling á þessu ári. Þannig var til-
kynnt að félagið muni hætta alveg eða
að hluta við 24 áætlannaflugferða
sinna frá og með október og fram til
mars á næsta ári. Þá greindu danskir
fjölmiðlar frá því í byrjun ágúst að
135 starfsmönnum félagsins hefði
verið sagt upp störfum og fyrr í þess-
um mánuði gerðu samkeppnisyfir-
völd í Danmörku húsleit hjá Sterling.
Markar ákveðin tímamót
Júlíus Þorfinnsson, forstöðumaður
samskiptasviðs Stoða, segir félagið
ekki vilja gefa upp endurmat sitt á
eignarhlutnum né á seljendaláninu.
Hann segir söluna á NTH marka
tímamót hjá félaginu. „Með þessari
sölu erum við að selja okkar síðustu
eign í flugrekstri, sem var þungamiðj-
an í rekstri FL Group á sínum tíma.
Það var ákveðið fyrir nokkru að draga
félagið út úr öllum flugrekstri og við
erum að ljúka þeim kafla núna.“
Stoðir/FL Group selja 34,8 prósenta hlut sinn í Northern Travel Holding til Fons á ótilgreindu verði
Söluverð og endurmat á láni ekki gefið upp
➤ Innan Northern Travel Hold-ing eru flugfélögin Sterling,
Iceland Express, Aestrus og
ferðaskrifstofan Hekla Travel.
➤ Sænska ferðaskrifstofan Tic-ket var seld frá NTH til Fons í
ágúst.
NTH
Lækka flugið Stoðir hafa
dregið sig út úr flugrekstri.
Eftir Ingibjörgu B. Sveinsdóttur
ingibjorg@24stundir.is
Framleiðsla álversins í Straumsvík
mun aukast um 40 þúsund tonn á
ári vegna fyrirhugaðrar stækkunar
álversins. Framkvæmdirnar, sem
gert er ráð fyrir að hefjist á næsta
ári, verða innan byggingarreits
samkvæmt deiliskipulagi.
„Stækka á aðveitustöðina þar
sem rafmagnið kemur inn í austur
og norður auk þess sem einhverjar
breytingar verða gerðar milli ker-
skála. Áhugaverðast fyrir okkur er
endurnýjun þurrhreinsibúnaðar-
ins,“ segir Gísli Ó. Valdimarsson,
formaður skipulags- og bygging-
arráðs Hafnarfjarðar sem fjallaði
um erindi Alcan um stækkunina í
síðustu viku.
Í stað 30 m hárra strompa verða
settir strompar sem eru 41 m að
hæð. „Við lítum svo á að útblást-
urinn minnki og það er fagnaðar-
efni,“ segir Gísli.
Fyrirtækinu til skammar
Pétur Óskarsson, talsmaður
Sólar í Straumi, segir stækkunina
staðfesta það sem samtökin hafi
áður bent á. „Forstjóri Alcan,
Rannveig Rist, sagði fjórum dög-
um fyrir kosningarnar í mars í
fyrra að mögulega væru örfá ár
eftir í rekstrinum. Þetta var sagt til
þess að hræða starfsmenn og
Hafnfirðinga til þess að fá þá til að
samþykkja stækkun. Nokkru áð-
ur, eða í janúar, sagði Rannveig að
álverið í Straumsvík myndi lifa
lengur en álver af svipaðri stærð
vegna sérhæfðrar framleiðslu. Í
aðdraganda kosninganna var
skipt um baráttuaðferð. Stækkun-
in nú staðfestir að henni var ekki
alvara með því sem hún sagði rétt
fyrir kosningarnar. Þetta var í
raun hótun sem er fyrirtækinu til
skammar,“ segir Pétur sem tekur
það fram að í raun ætti fyrirtækið
að kynna bæjarbúum breyting-
arnar.
„Auðvitað eru menn ekki í að-
stöðu til þess að fetta fingur út í að
menn auki framleiðsluna að öðru
leyti en því að fyrirtækið fékk
skilaboð í lýðræðislegum kosn-
ingum um að íbúarnir vildu ekki
þessa stækkun sem stóð til,“ bætir
hann við.
Löglegt en siðlaust
Guðfríður Lilja Grétarsdóttir,
varaþingmaður Vinstri grænna í
Suðvesturkjördæmi, segir að með
fyrirhugaðri stækkun, sem hún kall-
ar löglegan en siðlausan gjörning, sé
verið að fara á svig við það sem
meirihluti bæjarbúa sagði um málið.
Hún bendir jafnframt á áskorun sem
barst frá landeigendum við Þjórsá
nokkrum dögum fyrir kosningarnar
í fyrra. „Þeir skoruðu á Hafnfirðinga
að hugsa ekki bara um sig, heldur
líka um hvaða náttúruperlur færu í
súginn ef álverið yrði stækkað. Fólk
var líka að kjósa um náttúruvernd.
Stækkun kallar á meiri orku og að
náttúruperlum verði sökkt.“
Framleiðslan eykst
um 40 þúsund tonn
 Álverið í Straumsvík stækkað á næsta ári  Hótun um lokun fyrirtækinu til skammar,
segir talsmaður Sólar  Löglegur en siðlaus gjörningur, að sögn varaþingmanns VG
Í álverinu Endurnýja
á þurrhreinsibúnað
og stækka strompa.
➤ Þann 31. mars í fyrra sögðuHafnfirðingar nei við deili-
skipslagstillögu um stækkun
álversins í Straumsvík.
➤ Samkvæmt tillögunni vargert ráð fyrir möguleika á 460
þúsunda tonna framleiðslu í
stað 180 þúsunda.
STÆKKUN ÁLVERSINS
Heimsmarkaðsverð á áli hefur
lækkað um 25 prósent frá því í júlí
þegar það náði hæstu hæðum. Þá
var tonnið á 3.300 dollara, rúmlega
300 þúsund krónur, en í gær var
áltonnið komið niður í 2.500 doll-
ara, rétt um 227 þúsund krónur.
Söluverð á raforku til álvera hér
á landi sveiflast með gengi dollars
og verði á áli.
Guðni A. Jóhannesson orku-
málastjóri segir skarpa lækkun á
álverðinu hafa komið nokkuð á
óvart.
Erfitt sé þó að meta hvernig
verðþróunin verður. „Lækkun síð-
ustu daga er augljóslega nokkuð
tengd skjálfta á hlutabréfamörkuð-
um og lækkun á olíuverði. Það er
erfitt að segja til um hvernig
verðþróunin verður en hlutir geta
verið fljótir að breytast,“ segir
Guðni.
Í samningum Landsvirkjunar og
Alcoa vegna raforkusölu til álvers á
Reyðarfirði er ráð fyrir því gert að
ásættanleg arðsemi sé fyrir hendi ef
álverðið er 1.550 dollarar á tonnið,
141 þúsund rúmlega að núvirði.
magnush@24stundir.is
Heimsmarkaðsverð á áli hefur lækkað um 25 prósent frá því í júlí
Heimsmarkaðsverð fellur
Álver Álverð hefur fallið
hratt að undanförnu.
ÞRÓUN ÁLVERÐS
3300
3200
3100
3000
2900
2800
2700
2600
2500
16.
maí
16.
sept.
Verð á áltonni í USD, sumarmánuði 2008
15.
júní
15.
júlí
14.
ágúst
Þrjátíu og þrír sóttu um starf
forstjóra Sjúkratrygg-
ingastofnunar. Sex tóku um-
sóknir sínar aftur. Sautján
karlar og tíu konur sækjast
eftir starfinu. Forstjórastaðan
var auglýst laus til umsóknar í
vor og sumar. Umsókn-
arfrestur rann út 15. sept-
ember en skipað verður í stöð-
una frá 1. október.
Heilbrigðisráðherra skipar
forstjóra Sjúkratrygg-
ingastofnunar til fimm ára, að
fenginni tillögu stjórnar stofn-
unarinnar. þe
Sjúkratryggingastofnun
33 sóttu um
starf forstjóra
Sigurður G. Guðjónsson fær
ekki að verja Jón Ólafsson í
máli ákæruvaldsins á hendur
honum vegna meintra skatta-
lagabrota. Kröfu þess efnis var
hafnað öðru sinni í Héraðs-
dómi í gær en niðurstaðan
verður kærð til Hæstaréttar
líkt og hún var í fyrra skiptið.
Jón er ákærður ásamt þremur
öðrum fyrir að hafa svikið um
360 milljónir króna undan
skatti. þsj
Mál Jóns Ólafssonar
Sigurður má
ekki verja
Fréttastofa Útvarps, Fréttastofa
Sjónvarps og íþróttadeild Ríkisút-
varpsins hafa verið sameinaðar í
eina, Fréttastofu RÚV.
Fréttastjóri á sameinaðri frétta-
stofu verður Óðinn Jónsson og
varafréttastjórar þau Broddi
Broddason, Ingólfur Bjarni Sigfús-
son, Margrét Marteinsdóttir og
Sigríður Hagalín Björnsdóttir.
Um áttatíu manns starfa á
Fréttastofu RÚV eftir samein-
inguna en undir fréttadeildina
heyra svæðisstöðvar og ritstjórn
ruv.is.
Í fréttatilkynningu sem Ríkisút-
varpið sendi frá sér í gær segir að
markmiðið sé að efla og bæta
fréttaþjónustu RÚV.
Þá segir Páll Magnússon út-
varpsstjóri að stóran hluta daglegr-
ar fréttavinnslu megi hæglega sam-
nýta fyrir alla miðlana.
Hagræðinguna sem í því felist megi
meðal annars nýta til að auka sér-
hæfingu, efla fréttaskýringar og
leita nýrra leiða til að miðla frétt-
um. fifa@24stundir.is
Fréttastofur Ríkisútvarpsins sameinaðar
Fréttamenn undir
einum RÚV hatti