24 stundir - 17.09.2008, Blaðsíða 8

8 MIÐVIKUDAGUR 17. SEPTEMBER 2008 24stundir
Landspítalanum og Grensásdeild
hefur mér fundist vera alveg í
fremstu röð. Heimsóknir þess hing-
að til mín á Kirkjuhvol hafa sömu-
leiðis verið mér ómetanlegar.“
Eitt skref í einu
Tryggvi Ingólfsson, sem er 58 ára
að aldri, er Rangæingur í húð og
hár. Fæddur og uppalinn undir
Eyjafjöllum en fluttist ungur á
Hvolsvöll þar sem hann hefur búið
allt til þessa dags. Fjölskyldumaður,
fimm barna faðir og starfrækti verk-
takafyrirtæki í áratugi.
„Mér fannst gaman að starfinu
og í þá áratugi sem ég var með eigin
rekstur féll aldrei dagur úr. Tók að
mér ýmis erfið verkefni. Verkefnið
sem ég glími við í dag er þó langerf-
iðast. Maður tekur eitt skref í einu
og er æðrulaus. Öðruvísi gengur
þetta ekki. Stuðningur fjölskyld-
unnar hefur skipt mig miklu. Það
skiptir líka miklu máli að geta verið
í heimabyggð og geta skroppið
heim. Þá er sömuleiðis ákaflega
gaman þegar gamlir vinir og sam-
starfsmenn líta hér inn,“ segir
Tryggvi sem í áraraðir var í sveit-
arstjórn í sinni heimabyggð og
gegndi trúnaðarstörfum í héraði.
Músin á hökunni
Tölvutæknin hefur gjörbreytt
veröldinni og hvað fatlaða áhrærir
hefur hún skapað Tryggva vissa
Eftir Sigurð Boga Sævarsson
sigbogi@simnet.is
Á fallegum vordegi fyrir rúmum
tveimur árum tók líf Tryggva Ing-
ólfssonar á Hvolsvelli nýja stefnu.
Hann var í útreiðatúr með fjöl-
skyldunni í Fljótshlíð þegar hestur
hans hnaut.
„Ég man atburðarásina nokkuð
skýrt og hvernig þetta vildi til. Ég
féll af baki og heyrði þegar hálslið-
urinn brotnaði. Eftir það er hins
vegar allt svart,“ segir Tryggvi þegar
hann rifjar upp atburðinn sem öllu
breytti. Hann er lamaður upp að
hálsi, þar með talin öndunarfæri, og
er bundinn við hjólastól. Þarf að-
stoð við allar athafnir daglegs lífs. Á
síðasta ári var framkvæmd tíma-
mótaaðgerð á Íslandi, en þá var raf-
örvun komið fyrir í þind Tryggva og
var hann fyrstur manna utan
Bandaríkjanna í slíka aðgerð. Hún
hefur gert honum léttara með önd-
un.
Gjörbreytt líf
Fyrstu þrjá mánuðina eftir slysið
var Tryggvi á gjörgæsludeild Land-
spítalans í Fossvogi. Eftir skamma
viðdvöl á lungnadeild fór hann í
endurhæfingu á Grensás og var þar
næstu tíu mánuði – uns hann fékk
inni á dvalar og hjúkrunarheimilinu
Kirkjuhvoli á Hvolsvelli þar sem
hann nýtur, að eigin sögn, bestu
mögulegrar hjúkrunar frábærra
starfmanna.
„Þegar ég kom á sjúkrahús eftir
slysið kom nánast strax í ljós hver
skaðinn væri og að ég væri lamaður
upp að hálsi. Mér er sagt að enginn
maður hér á landi hafi lifað af svona
alvarlegan mænuskaða,“ segir
Tryggvi þegar hann rifjar upp sögu
sína.
„Ég á frábæru starfsfólki Land-
spítalans mikið að þakka og nefni
meðal annars Aron Björnsson
lækni. Skipuleg endurhæfing hófst
strax á gjörgæsludeildinni þar sem
sjúkraþjálfarar kepptust við að
halda mikilvægum vöðvum í virkri
þjálfun. Slíkt hafði mikið að segja.
Þegar ég kom síðan á Grensásdeild
beindust hins vegar áherslurnar
fyrst og fremst að því að búa mig
undir daglegt líf á komandi tíð. Ég
fékk til dæmis aðlögun að hjólastól-
um og almennt gjörbreyttu lífi hjá
teymi iðju- og sjúkraþjálfara sem
Páll Ingvarsson stýrði. Það heil-
brigðisstarfsfólk sem ég kynntist á
möguleika. Í þeim sérútbúna hjóla-
stól sem hann situr í hefur verið
komið fyrir skynjurum sem gera
honum tölvunotkun mögulega.
Skynjari sem snertir höku virkar
með sambærilegum hætti og tölvu-
mús og þannig getur Tryggvi fært
sig af einum takka lyklaborðsins yfir
á annan. Gefur tölvunni skipanir
með því að þrýsta á skynjara við
hægri kinn og tekur þannig á móti
tölvupósti, fylgist með fréttum á
netinu og fleira. Þetta segir hann
vera sér ómetanlegt.
Líð hvergi kvalir
Um komandi helgi verður á dag-
skrá landssöfnun til stuðnings
Mænuskaðastofnun Íslands, sem
stofnuð er af mæðgunum Auði
Guðjónsdóttur og Hrafnhildi G.
Thoroddsen. Hápunkturinn verður
söfnunarþáttur í opinni dagskrá
Stöðvar 2 næstkomandi föstudags-
kvöld. Verður þar sjónum beint að
stöðu mænuskaðaðra í þjóðfélaginu
og þeim leiðum sem færar eru til að
gera fólki í þessari stöðu lífið léttara.
„Því miður finn ég hvergi til í lík-
amanum. Líð hvergi kvalir. Ég vildi
hins vegar gjarnan að því væri öfugt
farið. Minnsti sársauki væri merki
um bata og að líf væri að færast í
lamaðan líkamann og að ég væri að
öðlast þrótt að nýju,“ segir Tryggvi
og bætir við að lokum:
„Bjartsýnin og vonin skipta öllu
við þessar aðstæður. Ef ekki, þá ligg-
ur leiðin niður á við. Lífsvilji og
ákveðni sem mér er eðlislæg hafa
haft ótrúlega mikið að segja í bar-
áttu síðustu missera. Raunar svo að
ella værum við ekki að tala saman –
hér og nú.“
Ég heyrði þegar
hálsliðurinn brotnaði
 Tryggvi Ingólfsson hlaut alvarlegan mænuskaða í hestaslysi fyrir rúmum tveimur árum
 Hann er lamaður frá hálsi  Sjónum er beint að stöðu mænuskaðaðra með landssöfnun
➤ Er 58 ára að aldri, Rangæing-ur, fæddur og uppalinn undir
Eyjafjöllum.
➤ Hann býr á Hvolsvelli og erfimm barna faðir.
➤ Tvö ár eru síðan hann háls-brotnaði og lamaðist frá
hálsi.
TRYGGVI INGÓLFSSON
a
Tók að mér ým-
is erfið verk-
efni. Verkefnið sem
ég glími við í dag er
þó langerfiðast.
a
Því miður finn ég
hvergi til í lík-
amanum. Líð hvergi kval-
ir. Ég vildi hins vegar
gjarnan að því væri öfugt
farið. Minnsti sársauki
væri merki um bata og að
líf væri að færast í lam-
aðan líkamann.
Halldór Halldórsson, bæjarstjóri
Ísafjarðarbæjar, hefur í bréfi til
ráðgjafarfyrirtækisins Alsýnar
lýst því yfir að verkefni þess um
að skapa 50 ný störf í sveitarfé-
laginu á 2 árum hafi engan veg-
inn gengið eftir. Á fréttavefnum
bb.is er greint frá því að samn-
ingurinn við Alsýn hafi verið
gerður í nóvember í fyrra.
Þar er jafnframt haft eftir bæj-
arstjóranum að föst mán-
aðargreiðsla til Alsýnar sé 962
þúsund krónur fyrir utan virð-
isaukaskatt og 80 þúsund að lág-
marki í ferðakostnað fyrir utan
virðisaukaskatt. ibs
Sköpun nýrra starfa
Gekk ekki eftir
Óskar Hrafn Þorvaldsson hef-
ur verið ráðinn fréttastjóri
sameinaðrar fréttastofu
Stöðvar 2 og visir.is. Frétta-
stofurnar voru sameinaðar í
gær. Steingrímur Sævarr
Ólafsson hefur um leið hætt
sem fréttastjóri Stöðvar 2.
Óskar Hrafn hefur verið rit-
stjóri Vísis í eitt ár en hann
hefur meðal annars starfað
hjá Fréttablaðinu, Sirkus og
DV. Breytingunum er ætlað að
efla fréttaþjónustu 365. þe
365 sameinar
Ein fréttadeild
Orkuveita Reykjavíkur samdi
í gær við Jarðboranir um jarð-
hitaboranir á Hengilssvæðinu.
Um er að ræða stærsta samn-
ing sinnar tegundar á Íslandi
og stærsta útboð Orkuveit-
unnar á jarðhitafram-
kvæmdum til þessa. Alls verða
boraðar 50 holur, 35 háhita-
holur og 15 niðurrennsl-
isholur.
Jarðboranir buðu 13,4 millj-
arða í verkið eða sem nemur
90% af kostnaðaráætlun sér-
fræðinga OR.
Boranir hefjast á næsta ári.
þe
Jarðboranir bora fyrir OR
50 holna verk
Efnalaugin Björg
Áratuga reynsla og þekking
- í þína þágu
.....alltaf í leiðinni
Opið: mán-fim 8:00-18:00 • fös 8:00-19:00 • laugardaga 10:00-13:00
Á endurhæfingasviði Landspítalans við
Grensás eru tvær legudeildir þar sem dvalið
geta 18 til 24 og dagdeild fyrir milli 10 og 15
sjúklinga. Þar er sinnt sjúklingum með
mænuskaða, heilaskaða, fjöláverka, þeim
sem misst hafa útlim og þeim sem hafa nýja
gerviliði. Auk þess er sinnt sjúklingum sem
þurfa endurhæfingu eftir langvarandi veik-
indi og sjúklingum með taugasjúkdóma, til
dæmis eftir heilablóðfall.
Þórdís Ingólfsdóttir er sviðsstjóri hjúkrunar
á endurhæfingarsviði Landspítalans. Hún segir þverfaglegt teymi
vinna að endurhæfingu sjúklinga. „Að því koma koma allar starfs-
stéttir; læknar, hjúkrunarfræðingar, sjúkraliðar, sjúkraþjálfar, iðju-
þjálfar, félagsráðgjafar, sálfræðingar, prestar og svo framvegis. Síð-
an fer þetta eftir þörfum hvers og eins,“ segir hún.
Endurhæfingadeildin er öðruvísi en aðrar deildir að því leyti að
hún er ekki bráðadeild. Auk þess að sinna endurhæfingu á Grensási
hefur hún umsjón með allri endurhæfingu á Landspítalanum, utan
geðsviðs. aak
Þverfagleg teymisvinna unnin á Grensási
Fer eftir þörfum sjúklingsins