24 stundir - 17.09.2008, Blaðsíða 27

24stundir MIÐVIKUDAGUR 17. SEPTEMBER 2008 27
Eftir Viggó I. Jónasson
viggo@24stundir.is
Hver kannast ekki við orðatiltækið
að berja einhvern eða eitthvað eins
og harðfisk? Í box-tölvuleiknum
Facebreaker fá menn alveg nýtt
sjónhorn á þetta orðatiltæki því
enginn kemst frá leiknum án þess
að verða laminn sundur og saman.
Þeir sem muna eftir hinum stór-
góðu Ready to Rumble-boxleikjum
ættu að vita að hverju þeir ganga
hér. Skrautlegar teiknimynda-
persónur beita öllum brögðum til
að láta andstæðinga sína éta strig-
ann og standa uppi sigri hrósandi.
Spilun leiksins er ákaflega einföld.
Menn geta komist í gegnum heilu
bardagana með því einu að hamra á
einum takka og því er hætt við því
að bardagar leysist upp í tóma vit-
leysu þar sem reynir meira á við-
bragðsflýti leikmanna en kunnáttu
eða hæfileika í tölvuleikjum.
Facebreaker þjáist af þeim galla
að bjóða upp á alveg einstaklega
leiðinlega einstaklingsspilun. Leik-
menn hafa að litlu að keppa en það
er þó plús að eftir því sem leikmenn
spila lengur opnast fyrir nýjar per-
sónur, búninga og hnefaleikahringi,
óháð því hvort fólk sigrar í bardög-
um sínum eður ei.
Þar sem Facebreaker stendur sig
vel er í fjölspiluninni. Leikurinn
státar af Photo Game Face-kerfinu
sem gerir leikmönnum kleift að
setja sjálfa sig, vini eða fræga fólkið
inn í leikinn og það getur skapað
býsna skemmtilega bardaga.
Facebreaker verður seint talinn
meistaraverk tölvuleikjaiðnaðarins.
Leikurinn er álíka djúpur og vað-
laug og spilunin býður upp á það
að fólk geti tapað sér í drepleið-
inlegri takkabarsmíð. En í fjölspilun
skín skemmtanagildi leiksins í gegn
enda er það bara hollt fyrir vin-
skapinn að berja stafrænan tvífara
besta vinar síns í blóðuga klessu
sem ekki einu sinni móðir getur
borið kennsl á.
Nú veit maður hvernig harðfisknum líður
Brotið andlit Facebreaker
skartar kannski barnalegu út-
liti en börn hafa ekki gott af
að horfa á svona barsmíðar.
TVÍFARINN
Hann er kannski ekki lærður
doktor þó að hann sé afar sér-
fróður í ferli Rolling Stones en
glöggur lesandi benti okkur hins-
vegar á að Ásgeir Tómasson hjá
Rás 2 getur verið nauðalíkur
sjónvarpssálanum Dr. Phil
McGraw.
Vonandi hefur Ásgeir fundið
lykilinn að lífshamingjunni eins
og Dr. Phil sem deilir honum
með áhorfendum án allrar sjálfs-
elsku … og fyrir fúlgu af pen-
ingum.
Við hvetjum lesendur til þess að
senda okkur tvífaraábendingar á
netfangið 24@24stundir.is. Við
veljum þær bestu og birtum.
Dr. Ásgeir McGraw í
Steinafræðum hjá RÚV
Grafík: 63% Ending: 61%
Spilun: 73% Hljóð: 50%
Facebreaker PS3, Xbox 360.
Bannaður |12+
NIÐURSTAÐA: 62%
Kvikmyndin Brúðguminn verð-
ur framlag Íslands til forvals Ósk-
arsverðlaunanna sem fram fara í
byrjun næsta árs í Bandaríkjunum.
Meðlimir Íslensku kvikmynda- og
sjónvarpsakademíunnar, sem eru
um eitt þúsund talsins, kusu í raf-
rænni kosningu milli eftirfarandi
mynda: Skrapp út, Stóra planið,
Brúðguminn, Heiðin, Sveitabrúð-
kaup og The Amazing Truth about
Queen Raquela, sem reyndar var
ekki gjaldgeng, þar sem frumsýn-
ingu hennar var frestað fram yfir
mánaðamót. Hún mun því líklega
verða gjaldgeng að ári liðnu.
Eigum ágætis möguleika
Björn B. Björnsson, formaður
Íslensku kvikmynda- og sjónvarps-
akademíunnar, segir Brúðgumann
vel til þess fallinn að standa sig vel í
forvalinu.
„Miðað við mörg önnur framlög
Íslands til forvalsins, tel ég Brúð-
gumann standa ágætlega að vígi.
Þetta er góð grunnsaga, jákvæð og
skemmtileg, með litríkum per-
sónum, hvar íslenska sumarið nýt-
ur sín vel með söng og gleði. En
auðvitað eru það fleiri en við Ís-
lendingar sem getum gert góðar
kvikmyndir og því mikil vinna
fram undan,“ segir Björn og bætir
við að nú fari í gang undirbúnings-
vinna framleiðanda.
„Nú fer í hönd tími sem fram-
leiðendur fara í mikla kosninga-
baráttu og pólitík, enda miklir
hagsmunir í húfi. Að fá tilnefningu
til Óskarsins er stórmál, enda ein-
ungis fimm myndir sem tilnefndar
eru utan Bandaríkjanna. Því hljóta
framleiðendur að leggja allt í söl-
urnar.“
traustis@24stundir.is
Brúðguminn framlag Íslands til Óskarsverðlaunanna
Mikil kosningabarátta framundan
FALLEGIR
JAKKAR
Eddufelli 2 Bæjarlind 6
sími 557 1730 sími 554 7030
Opið mánud.-föstud. 10-18
Opið laugard. í Bæjarlind 10-15
Haustkvöld VI LA
í Smáralind
Fimmtudagskvöldið 18. september n.k. frá
kl: 18:00 - 21:00 bjóðum við V I L A þér og
vinkonum þínum í Haustkvöld V I L A !
Búðin er full af FLOTTUM HAUSTVÖRUM og boðið
verður upp á LÉTTAR VEITINGAR auk þess sem
förðunarfræðingar verða á staðnum og
viðskiptavinum er boðið upp á FRÍA FÖÐRUN.
Opið til kl: 21:00
Allir sem versla fyrir 10.000 kr. eða meira
á haustkvöldinu fá 2 bíómiða