24 stundir - 07.10.2008, Blaðsíða 9

24stundir ÞRIÐJUDAGUR 7. OKTÓBER 2008 9
Hæstaréttardómararnir Gunn-
laugur Claessen og Markús Sigur-
björnsson hvetja ríkissaksóknara til
að verða við beiðni um opinbera
rannsókn á Hafskipsmálinu svo-
kallaða. Þetta kemur fram í bréfi
sem Garðar Garðarsson hrl. hefur
sent ríkissaksóknara fyrir hönd
umbjóðenda sinna, þ.e. Gunnlaugs
þáverandi ríkislögmanns og Mark-
úsar þáverandi borgarfógeta í
Reykjavík.
Ríkissaksóknara barst í síðustu
viku beiðni um opinbera rannsókn
málsins frá Ragnari Aðalsteinssyni
hrl. fyrir hönd fyrrverandi stjórn-
enda Hafskips með Björgólf Guð-
mundsson í broddi fylkingar.
Garðar segist þegar hafa óskað eftir
afriti af bréfi með kröfu um rann-
sókn Hafskipsmálsins.
Í bréfi Garðars til ríkissaksókn-
ara segir m.a. að krafa rannsókn-
arbeiðenda sé um mjög víðtæka
rannsókn á mörgum þáttum um-
rædds máls, jafnt á huglægum þátt-
um sem efnislegum, en erfitt sé að
henda reiður á mörgum atriðum í
bréfinu. „Þar eru umbjóðendur
mínir, þeir Gunnlaugur Claessen,
þáverandi ríkislögmaður, og Mark-
ús Sigurbjörnsson, þáverandi borg-
arfógeti í Reykjavík, meðal margra
annarra, bornir ýmsum sökum og
fundið að vinnubrögðum þeirra í
málinu. Þar dregin upp mjög vill-
andi lýsing af atvikum máls og
ályktanir settar fram um huglæga
afstöðu umbjóðenda minna við
störf þeirra, sem eiga sér enga
stoð,“ segir í bréfi Garðars. Hann
segir ennfremur að það sé í þágu
tvímenninganna að umbeðin
rannsókn fari fram. mbl.is
Hafskipsmál til ríkissaksóknara
Hvetja til rannsóknar
„Hvar varst þú þegar allt fór á
hliðina á Íslandi?“ mun eflaust
verða jafn lífseig spurning í
framtíðinni eins og: „Hvar varst
þú 11. september.“
Ljósmyndari 24 stunda var á
ferðinni í gær, í veðri sem hæfði
tilefninu, og sá ýmislegt gegn-
um linsuna. Meðal annars varð
hann vitni að því að fólk
hamstraði mat í Bónus, þegar
fólk hætti sér út í óveðrið til
þess að taka peninga út úr
hraðbanka og þegar Þorgerður
Katrín Gunnarsdóttir mennta-
málaráðherra útskýrði hvaða
skilboð fælust í sjónvarpsávarpi
forsætisráðherra.
Hvar varst þú 6. október?
Þegar allt fór á
hliðina á Íslandi
Viðeigandi veður Veðrið var í samræmi
við ástand efnahagslífsins.
Hugsað til framtíðar Nokkuð bar á því að fólk hamstraði mat í kjörbúðum í gær af
ótta við að verslanir geti ekki tryggt vöruframboð.
Fréttaskýring Þorgeður Katrín útskýrir
sjóvarpsávarp forsætisráðherra.
Eftir Herdísi Sigurgrímsdóttur
herdis@24stundir.is
Með því að ábyrgjast öll innlend
innlán í íslensku bönkunum gekkst
ríkið í ábyrgð fyrir um 1.400 millj-
örðum íslenskra króna, samkvæmt
upplýsingum frá Seðlabanka Ís-
lands. Það er um 100 milljörðum
meira en verg landsframleiðsla Ís-
lands á síðasta ári. Fari íslenskir
viðskiptabankar í þrot munu tæp
99 prósent íslenskra innlána lenda
beint á ríkissjóði, þar sem fjármun-
ir tryggingasjóðs hrökkva ekki fyrir
nema 1,35 prósentum innlána.
Ábyrgjast öll innlán
Björgvin G. Sigurðsson við-
skiptaráðherra sagði íslenska spari-
fjáreigendur ekki þurfa að efast um
að sparifé þeirra væri tryggt.
„Ríkisstjórnin hefur lýst því yfir
að ríkið ábyrgist öll innlán allra Ís-
lendinga í öllum íslenskum bönk-
um. Þá er mikilvæg breyting falin í
lagafrumvarpinu að innlán spari-
fjáreigenda verði forgangskröfur
komi til gjaldþrots.“ Hann vildi
ekki samþykkja að það yrði of stór
biti fyrir íslenska ríkið, heldur
benti á að ríkissjóður yrði á móti
einn helsti kröfuhafi í þrotabú
banka, ef til gjaldþrotaskipta kæmi.
„Við megum ekki gleyma því að
bankarnir eiga talsverðar eignir,
þrátt fyrir lausafjárkreppuna sem
þeir eru í núna. Innlánaábyrgð rík-
isins væri því ekki algjörlega tapað
fé.“ Hann sagði það mikilvægt að
almenningur týndi ekki tiltrú á ís-
lensku bankana, því það versta sem
gæti gerst væri að almennir spari-
fjáreigendur hópuðust í bankana
til að taka út spariféð sitt.
Munu bjarga bönkunum
Björgvin segir nú róið að því öll-
um árum að það komi ekki til
gjaldþrots neinna af viðskipta-
bönkunum. „Ef í ljós kemur að
einhver bankanna sé nærri kominn
í þrot, þá munum við fara í það
strax, ef lögin verða samþykkt, að
koma honum aftur í starfhæft
ástand sem allra fyrst, helst þannig
að það verði búið áður en bank-
arnir verða opnaðir aftur á morgun
[í dag]. Og það mun okkur takast,“
sagði viðskiptaráðherra brattur.
Stór biti fyrir
ríkissjóð
 Innlánatrygging ríkisins er hærri upphæð en landsframleiðsla
 Mest um vert að almenningur treysti bönkum fyrir sparifé sínu
Viðskiptaráðherra
„Ábyrgjumst öll inn-
lán allra Íslendinga í
öllum íslenskum
bönkum.“
➤ Íslenska ríkið væri 13 mánuðiað afla andvirðis innlánaá-
byrgðarinnar.
➤ Íslenska ríkið ábyrgist ekkiinnlán erlendra viðskiptavina
í íslenskum bönkum.
ÁBYRGÐ Á INNLÁNUM
„Mér líst afar
illa á ástandið
og ég hef hrein-
lega ekki trú á
að það takist að
ná tökum á
ástandinu.
Fréttir gærdags-
ins um að ekki
stæði til að fara í neinar björg-
unaraðgerðir ollu því að maður
missti hökuna niður á hné. Ég
ekki miklar áhyggjur af mér en
ég hef verulegar áhyggjur af
ýmsum öðrum í þjóðfélaginu.“
Rúnar Sigurðsson
Hef ekki trú á
að þetta gangi
„Ég vona að
ástandið bitni
ekki verulega á
mér, ég er búinn
að gera ráðstaf-
anir sem koma í
veg fyrir að illa
fari. Slæmu tíð-
indin eru auð-
vitað þau að lánin manns eru
að hækka gríðarlega. Ég var að
spá í það fyrir ári síðan að
breyta lánunum mínum í er-
lend lán en sem betur fer gerði
ég það ekki.“
Kristbjörn Harðarson
Búinn að gera
ráðstafanir
„Ég er í banka
vegna fjár-
málakrísunnar.
Ég er að ganga
frá hlutum sem
eru svona í
lausu lofti. Ég
hef svo sem ekki
miklar áhyggjur
af þessu ástandi en ef flytja á
fjármagn lífeyrissjóðanna heim
þá er það frumskilyrði að það
verði tryggt svo ekki þurfi að
efast um að hagsmunir lífeyr-
iseigenda verði tryggðir.“
Kristinn Sigurjónsson
Tryggja þarf
lífeyrissjóðina
„Ég hef ekki
áhyggjur af
þessu ástandi.
Þetta er engin
kreppa og bara
óvirðing við
eldri kynslóðir
að kalla það
slíkt. Þetta
krepputal er komið niður í
grunnskóla og leikskóla og
börnin farin að fleipra um
þessa hluti án þess að vita hvað
þeir þýða. Það má ekki láta ger-
ast, það er ábyrgðarleysi.“
Margrét Thors
Krepputal
óvirðing
„Mér líst bara
mjög illa á þetta
ástand í efna-
hagslífinu. Mér
finnst algjörlega
ótækt að við
skulum ekki fá
nein skýr svör
um hvað stjórn-
völd eru að gera til að bregðast
við vandanum. Stjórnvöld bera
ábyrgðina á ástandinu og ættu
að sjá sóma sinn í því að svara
spurningum almennings.“
Guðni J. Brynjarsson
Ótækt að fá
ekki skýr svör
„Þetta ástand
kemur auðvitað
illa við mig sem
aðra. Allt verð-
lag er að hækka
og það mun
auðvitað hafa
áhrif. Að sumu
leyti held ég
samt að þjóðin hafi gott af
þessu ef tekst að snúa málum
við því við erum bara búin að
vera á eyðslufylleríi og það er
ekki hægt að taka allt að láni.“
Katrín Sveinsdóttir
Kemur illa við
mig sem aðra
Ástandið í efnahagslífinu var efst í huga fólks sem blaðamaður
24 stunda ræddi við í útibúum Glitnis, Kaupþings og Byrs í gær-
dag. Margir voru all-uggandi um sinn hag sem og þjóðarbúsins í
heild sinni. Þegar þjónustufulltrúi í einum bankanum spurði
viðskiptavin hvort hún ætti ekki að kippa vandamáli sem hann
var að glíma við í liðinn svaraði viðkomandi að bragði: „Þú
kippir nú eiginlega engu í liðinn í dag.“ Almennt virtist fólk ugg-
andi og margir voru óánægðir með litlar upplýsingar sem
stjórnvöld hefðu veitt fram að því. freyr@24stundir.is
Almenningur ugg-
andi um framhaldið