Eintak - 14.04.1994, Qupperneq 10

Þingmannafrumvarp um frjálsar fiskveiðar á fjórum tegundum
Ávísun á 15.000
tonn af þorski
Þingmannafrumvarp það sem nú
liggur fyrir Alþingi og kveður á um
að veiðar á nokkrum fisktegundum
verði gefnar frjálsar það sem eftir er
fiskveiðiársins hefur vakið hörð
viðbrögð meðal ýmissa hagsmuna-
aðila í sjávarútvegi. 1 raun má segja
að frumvarpið sé ávisun á tæplega
15.000 tonna viðbótarafla í þorski
þar sem það gerir ráð fyrir að skip
megi koma með 15% af afla sínum í
þorski á land án þess að sá afli teljist
til kvóta. Hér er miðað við slægðan
fisk. Af afla upp úr sjó væri verið að
ræða um ríflega 20.000 tonn.
Þær fisktegundir sem flutnings-
menn frumvarpsins vilja leyfa
frjálsa sókn í eru ýsa, ufsi, skarkoli
og rækja. Röksemdir fýrir frum-
varpinu eru einkum þær að fýrir-
sjáanlega náist ekki að veiða upp-
gefinn kvóta á þessum tegundum
það sem eftir er fiskveiðiársins. Þeir
sem EINTAK ræddi við sökum
þessa máls eru einhuga um að að-
eins sé spurning hvort ýsukvótinn
náist eða ekki af þessum tegundum.
Benda megi á hvað rækjuna varðar
að fjölmörg loðnuskipanna séu
með rækjukvóta og hafi farið á þær
veiðar nú í lok loðnuvertíðarinnar.
Hvað skarkolann varðar megi
benda á að sumarið sé besti veiði-
tíminn á skarkola og raunar sé
illskiljanlegur tvískinnungur í gangi
hjá flutningsmönnum frumvarps-
ins hvað skarkolann varðar því þeir
vilja banna veiðar á kolnum í drag-
nót á Faxaflóa og Breiðafirði en
stór hluti af aflanum næst þannig.
Um 69% af
ýsukvótanum eftir
Samkvæmt upplýsingum frá
Fiskistofu eru 69% af ýsukvótanum
eftir nú þegar fimm mánuðir eru
eftir af fiskveiðiárinu. Af ufsa eru
65% eftir, af skarkola 69% og af
rækju 56%. Ýsukvótinn, allar tölur
miða við slægðan fisk, nemur
59.800 tonnum á árinu en búið er
að veiða 18.600 tonn, ufsakvótinn
nemur 79.400 tonnum en búið er
að veiða 28.200 tonn, skarkolakvót-
inn nemur 13.600 tonn en búið er
að veiða 4.200 tonn og rækjukvót-
inn er 49.300 tonn en búið er að
veiða 21.800 tonn.
Sem fyrr segir gerir frumvarpið
ráð fyrir að skip megi koma með
15% af afla sínum á land í þorski án
þess að slíkt teljist til kvóta og auð-
velt er að reikna út að verði frum-
varpið að lögum sé það ávísun á
tæplega 15.000 tonna viðbótarkvóta
í þorski miðað við slægðan fisk.
Þorsteinn Pálsson sjávarút-
vegsráðherra gagnrýnir frumvarpið
harðlega og segir að verði það að
lögum sé grundvellinum kippt
undan núverandi fiskveiðistjórnun.
Guðjón A. Kristjánsson vara-
þingmaður Sjálfstæðisflokksins og
einn af flutningsmönnum frum-
varpsins hefur hins vegar látið hafa
eftir sér að sjávarútvegsráðherra sé
ekki í takt við það sem er að gerast á
fiskimiðum Islendinga.
Hringavitleysa
Björn Jónsson, fúlltrúi hjá LÍÚ,
segir að frumvarpið sé hringavit-
leysa og það feli einugis í sér að ver-
ið sé að auka aflaheimildir í þorski.
„Menn geta veitt ýsu eins og þeir
vilja í dag þar sem leigukvótinn á
henni nú er aðeins 7 krónur á kíló-
ið,“ segir Björn. „Það þarf því ekki
sérstakt frumvarp til þessa enda er
framboðið á ýsukvótum nú meir en
markaðurinn tekur við.“
Einar Jónsson fiskifræðingur á
Hafrannsóknarstofnun segir að
dræma ýsuveiði það sem af er fisk-
veiðiárinu megi að stórum hluta
rekja til annarra þátta en að of stór
kvóti hafi verið gefinn út í upphafi
ársins. Hann nefnir tíðar skyndi-
lokanir sökum smáýsu í afla sem
einn slíkan þátt. „Þá vaknar spurn-
ingin hvort viðmiðunarmörk okkar
í sambandi við skyndilokanir séu of
ströng en við höfum tekið þá
ákvörðun að breyta þeim ekki,“
segir Einar. „Ýsuveiðin nú byggir á
tveimur sterkum árgöngum frá
1989 og 1990 en það má nefna að
fimm ára ýsan hefur ekki skilað sér
í því magni sem við bjuggumst við
af einhverjum ástæðum þannig að
aflinn nú byggir að stórum hluta á
fjögurra ára fi'ski. Eftir sem áður er
nóg af ýsu á miðunum nú og skip-
stjórar hafa látið okkur vita af mik-
illi ýsugengd allt frá Vestmannaeyj-
um og norður að Látrabjargi. Afla-
brögðin undanfarnar tvær vikur
hafa verið mjög góð og ef heldur
sem horfir tel ég raunhæít að áætla
að ýsukvótinn náist í ár.“ 0
Fyrirtækið Þjóðráð sem hefur
sérhæft sig í auglýsingasöfn-
un virðist vera að missa
marga af sínum föstu viðskiptavin-
um. Þjóðráð hefur sætt gagnrýni
fyrir að fara helst til of geyst í aug-
lýsingasöfnuninni og hefur verið
kvartað yfir því að stór hluti af
styrktarlínum og auglýsingatekjum
skili sér aldrei. Svo virðist sem
samkeppnisaðili Þjóðráðs, Hænir í
Kópavogi, sé aftur á móti óðum að
auka markaðshlutdeild sína á
þessu sviði. Heyrst hefur að lög-
reglan, sem gefur út nokkur blöð
og skiþt hefur við Þjóðráð, íhugi nú
að færa viðskipti sín yfir til Hænis.
Þess má geta að þeir sem safna
auglýsingum taka að meðaltali 25
prósent af öllum innkomnum lof-
orðum frá styrktaraðilum og gildir
þá einu hvort sú upphæð innheimt-
ist nokkurn tíma...
Ragnheiður Davíðsdóttir
hefur verið ráðinn forvarnar-
fulltrúi hjá Vátryggingafélagi
(slands og er hér um nýtt starf að
ræða innan tryggingafélaganna.
Það felst í því að sinna forvarna- og
áróðursmálum hvað umferðina
varðar. Eins og mönnum er kunn-
ugt hafa umferðarmál löngum verið
ær og kýr Ragnheiðar og hefur hún
fjölþætta reynslu á því sviði. Hún
hefur starfað í Lögreglunni í fjöl-
mörg ár, situr í Umferðarráði og var
einn af stofnendum Áhugahóps um
bætta umferðarmenningu...
'wmiA'í

Hagkaup i Kjörgarði
„Það eru allir
svekktir yfir þessu, “
segir einn af
trunaðarmönnum
starfsmanna
Hagkaups um
sfmsvarann sem i
Oskar MagnússonA
setti til höfuðs Æ
búðarþjófum m&m
starfsmannanmmM
hagkaup
Ríkisendurskoðun
Bíður
með
tilbúna
skýrslu
um SR-
mjöl þar
til dómur
fellur
Ríkisendurskoðun hefúr lokið
könnun á sölu ríkisvaldsins á
SR- mjöli en skýrsla Ríkisendur-
skoðunar mun ekki verða birt
opinberlega íyrr en dómur hefur
gengið í málinu í héraði.
Sem kunnugt er af fréttum
ákvað héraðsdómur að vísa frá
frávísunarkröfu og leyfa dóms-
meðferð á kæru Haraldar A.
Haraldssonar vegna sölunnar á
SR-mjöli. Ef málinu hefði verið
vísað frá var Ríkisendurskoðun
tilbúin að senda Alþingi skýrslu
sína í þessari viku. Nú er hins
vegar talið að birting hennar
gæti haft áhrif á meðferð málsins
fyrirdómi.
Samkvæmt heimildum EIN-
TAKS eru gerðar töluverðar at-
hugasemdir við það í skýrslunni
hvernig staðið var að sölu SR-
mjöls á sínum tíma. 0
Trúnaðarmönnum starfsfólks hjá Hagkaupi tilkynnt að símsvarinn verði til frambúðar.
Sigurður Gísli svarar engu um afstöðu eigendanna.
Lítið á starfsmenn sem grunaða glæpamenn
seg/r einn trúnaðarmannanna.
Þrátt fyrir harða gagnrýni er enn
fyrirhugað að tengja símsvara við
sérstakan síma hjá Hagkaupi í því
skyni að fá starfsfólk fýrirtækisins
til að uppljóstra um samstarfsmenn
sína sem þeir gruna um að vera
valda að rýrnun á lager.
Óskar Magnússon, forstjóri
Hagkaups, lét tilkynna starfsfólk-
inu um þessar fyrirætlanir í innan-
hússblaði fýrirtækisins með þeim
rökum að vinna þyrfti bug á mikilli
rýrnun á lager Hagkaupsverslan-
anna. Greinilegt er á samtölum við
starfsfólk Hagkaups að það er æfa-
reitt og finnst eins og verið sé að
njósna um það í vinnunni. „Þetta
virkaði þannig á okkur þegar við
lásum um símsvarann að stjórn-
endur fýrirtækisins litu á alla starfs-
menn sem grunaða glæpamenn,"
sagði einn af trúnaðarmönnum
starfsmanna sem ekki vildi láta
nafns síns getið. Hann segir að
starfsandinn hafi versnað til muna.
„Það eru allir svekktir yfir þessu.“
Stjórnendur fyrirtækisins héldu
fund með trúnaðarmönnum þar
sem þeim var gerð grein fýrir því að
hvað sem hver segði þá yrði sím-
svarinn tengdur til frambúðar.
„Þetta er náttúrlega viðkvæmt mál
innan fyrirtækisins," sagði trúnað-
armaðurinn, „og við höfum ekki
fundað með starfsfólkinu ennþá,
enda vitum við ekki hvort við get-
um gert eitthvað í þessu.“
Hagkaup hefur verið í eigu sömu
fjölskyldu frá upphafi og Sigurður
Gísli, sonur stofnandans Pálma
heitins Jónssonar, er starfandi
stjórnarformaður. Mörgum, ekki
síst starfsmönnum, leikur forvitni á
að vita hvort eigendur fyrirtækisins
séu hlynntir þessu framtaki for-
stjórans. Sigurður Gísli vildi engu
um það svara hvort verið væri að
taka upp nýja stefnu við starfs-
mannastjórnun hjá fyrirtækinu
með símsvaranum og vísaði á for-
stjóra fyrirtækisins. „Ég hef ekki af-
skipti af daglegum rekstri, forstjór-
inn ber ábyrgð á honum."
Ertu hlynntur því að sítnsvarinn
verði tengdur?
„Ég gef ekkert upp um það. Ég
hef ekki ennþá séð ástæðu til að
grípa inn í það. Þetta fellur undir
daglegan rekstur.“ 0
10
FIMMTUDAGUR 14. APRÍL 1994