Lesbók Morgunblaðsins - 21.05.2005, Síða 14

14 | Lesbók Morgunblaðsins ˜ 21. maí 2005
Vorið mitt ljúfa víst hef ég beðið
að værir þú komið til mín.
Vektir upp blómin og vonlandið freðið
vorsólin okkar þar skín.
Veit ég það núna að vetrinum lýkur
varla er á himninum ský.
Vorgolan blíðlega valllendið strýkur
víst mun það koma á ný.
Vorið er hérna, vel það nú finn
vetur er horfinn á braut.
Golan svo ljúflega gælir við kinn
glitrar vort jarðarskraut.
Geir Thorsteinsson
Vorið er komið
Höfundur hefur gaman af ljóðum.