Morgunblaðið - 22.05.2005, Blaðsíða 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 22. MAÍ 2005 VERÐ Í LAUSASÖLU 350 KR. MEÐ VSK.
GÍSLI Marteinn Baldursson, sjónvarps-
maður og varaborgarfulltrúi Sjálfstæð-
isflokksins í borgarstjórn Reykjavíkur,
ætlar að taka þátt í
prófkjöri innan flokks-
ins fyrir kosningarnar
næsta vor og sækist
eftir sæti ofarlega á
lista. „Það er kominn
tími á kynslóðaskipti í
hugmyndum. Að við
breytum um áherslur,“
segir Gísli Marteinn í
samtali við Tímarit
Morgunblaðsins í dag
þegar hann er spurður hvort hann telji að
tími sé kominn á kynslóðaskipti í forystu
sjálfstæðismanna í borgarstjórn. „Þau
réttmætu rök að R-listinn kunni ekki að
fara með fjármuni duga ekki ein og sér,
ekki einu sinni þótt við bætist Lína Net og
það allt. Fólk vill framtíðarsýn. Borgin
þarf framtíðarsýn. Hana eigum við sjálf-
stæðismenn eftir að leggja betur fram. Við
höfum ekki enn sagt við fólk: Svona
Reykjavík viljum við skapa með ykkur. Ef
þú spyrð mann á götunni: Fyrir hvað
stendur Sjálfstæðisflokkurinn í borginni?
verður of lítið um svör. En þessu munum
við breyta, fyrr en síðar. Okkar ágæti leið-
togi núna, Vilhjálmur Þ. Vilhjálmsson, veit
manna mest um borgina, sögu hennar og
skipulag, en við þurfum að draga þekk-
ingu okkar og hugmyndir betur saman í
skýra heildarmynd og, sem ekki er síður
mikilvægt, koma henni yfir til fólksins á
mannamáli og af sannfæringarkrafti.“
Þarf þá að skipta um leiðtoga til að þessi
framtíðarsýn komist til skila? Og munt þú
sækjast eftir því hlutverki?
„Ég mun að minnsta kosti sækjast eftir
því að verða nógu ofarlega á lista til þess
að allir mínir kraftar nýtist og fái notið
sín,“ svarar Gísli. | Tímarit
Kominn tími
á kynslóða-
skipti í
hugmyndum
Gísli Marteinn
Baldursson
Eftir Árna Þórarinsson
ath@mbl.is
HÁLS- og bakdeild St. Franciskusspítala í
Stykkishólmi hefur verið boðin þátttaka í
fjölþjóðlegu verkefni á vegum Evrópuráðsins,
þar sem farið verður yfir menntun og þjálfun
fagfólks á sviði greiningar og meðferðar
kvilla í hreyfikerfinu og reynt að samhæfa
hana og endurskipuleggja í samræmi við
fyrirliggjandi vísindi. Það eru sextán stofn-
anir í 13 Evrópulöndum, sem ætlunin er að
taki þátt í verkefninu. Háls- og bakdeildinni í
Stykkishólmi var komið á fót 1992 af Luciu
de Korte sjúkraþjálfara, og Jósepi Ó. Blöndal
sjúkrahússlækni. Á deildinni, sem er fimm
daga deild, eru 13 rúm og meðallegutími er
11 dagar. | 26
Morgunblaðið/RAX
Tekur þátt í evrópsku verkefni um hreyfikerfið
ÞAÐ var heldur kuldalegt um að litast
á Akureyri í gærmorgun en þar hafði
snjóað nokkuð þegar bæjarbúar fóru á
fætur og var jörð nánast hvít. Systk-
inin Stefán Broddi og Auður Sigvalda-
börn, sem eiga heima í Barrlundi, voru
komin út í garð fyrir allar aldir með
pabba sínum þar sem þau bjuggu til
þennan fína snjókarl.
Morgunblaðið/Kristján
Snjókarlar í
sumarbyrjun
Qingdao | Fjölþjóðlega fyrirtækið Atlantis gerði
í gær samning um að reisa 50 þúsund tonna
frystigeymslu í borginni Qingdao í Shangdong-
héraði í Kína. Að sögn Óla Vals Steindórssonar,
forstjóra Atlantis, er um að ræða framkvæmdir
að andvirði 15 milljóna dollara og munu Samskip
sjá um reksturinn. Að samningnum standa Atl-
antis, Samskip og Qingdao International Trade
Group og var Ólafur Ragnar Grímsson forseti
viðstaddur undirritun hans.
Ólafur Ragnar sagði í ræðu á fundi með fólki
úr viðskiptalífinu og íslensku viðskiptasendi-
nefndinni í gær að um væri að ræða sögulegt
samkomulag. Atlantis er fjölþjóðlegt fyrirtæki
með höfuðstöðvar á Íslandi. Óli Valur á fyrir-
tækið að einum þriðja hluta og er stærsti hlut-
hafinn, en aðrir hluthafar koma meðal annars
frá Japan og Ástralíu.
„Þetta er samstarfssamningur um uppbygg-
ingu frystigeymslu í Kína,“ sagði Óli Valur í
samtali við fjölmiðla í gær. „Þessi samningur er í
versta falli fimmtán milljóna dollara virði og ég
segi það vegna þess að í uppbyggingu er þetta
eingöngu kostnaður. Við stefnum að 50 þúsund
tonna frystigeymslu í upphafi og svo verður
framtíðin að ráða því hvort við getum stækkað
við okkur.“ Að sögn Óla Vals var för Ólafs Ragn-
ars Grímssonar forseta til Kína „sementið“, sem
tryggði að samningurinn náðist. Hann sagði að
geymslurnar, sem fyrirhugað er að reisa, myndu
tryggja betra aðgengi að hráefninu. „Þar að auki
gefur þetta okkur færi á að koma upp miðstöð í
Asíu og þaðan munum við geta með stuttum
fyrirvara dreift okkar vöru yfir til Japans, Ástr-
alíu eða Kóreu. Einnig getum við nýtt okkur að
aðrir þurfa einnig að geyma fisk og hráefni og
við ætlum að reyna að gera þetta þannig að það
verði sem ódýrast fyrir okkur til langframa.“
Hann sagði að nú væri staðan þannig að fyr-
irtækið væri með fisk í geymslum hér og þar í
Asíu, einkum í Japan. „Þar er geymslukostn-
aður mjög hár og það getur þurft að geyma vör-
una í þrjá mánuði eða lengur. Það er mjög mikið
magn og hentar að setja inn í þessar fyrirhug-
uðu geymslur, sem við stefnum að því að setja
fyrsta gáminn í innan tveggja ára.“
Reisa frystigeymslu fyrir 50
þúsund tonn af fiski í Kína
Eftir Karl Blöndal
kbl@mbl.is
 Kínaheimsókn | 6
♦♦♦
MUNUR á lífeyri og lágmarks-
framfærslukostnaði hefur minnkað
á síðustu fimm árum samkvæmt
samanburðarrannsókn Hörpu
Njáls félagsfræðings. Jákvæðust
er breytingin hjá lífeyrisþegum í
sambúð. Mest minnkar munurinn
hjá hjónum á örorkulífeyri úr
31.325 kr. (22,4%) árið 2000 í 5.117
kr. (–2,3%).
Eins og fram hefur komið í
greinaflokki um fátækt í Morgun-
blaðinu hefur hið opinbera ekki
reiknað út lágmarksframfærslu-
kostnað einstaklinga/fjölskyldna á
Íslandi eins og gert hefur verið á
flestum hinna Norðurlandanna.
Harpa útfærði slíkt viðmið með til-
liti til leiðbeininga frá félagsmála-
ráðuneytinu til sveitarfélaganna og
samsvarandi þátta á hinum Norð-
urlöndunum í tengslum við rann-
sókn sína á fátækt á Íslandi árið
2000. Niðurstaðan leiddi í ljós að
lífeyrisþega og notendur fjárhags-
aðstoðar Félagsþjónustunnar vant-
aði á bilinu 20 til 40% til að standa
undir nauðsynlegum framfærslu-
þáttum í nóvember árið 2000. Nú er
munurinn oftast á bilinu 20–35%.
Sem dæmi má nefna að munur-
inn á bótum hjóna með lífeyri frá
TR og lágmarksframfærsluviðmiði
minnkaði úr 31.325 kr. (–22,4%) ár-
ið 2000 í 3.798 kr. (–3,1%) árið 2005.
Munurinn á örorkubótum hjóna
með viðbótarstyrk frá félagsþjón-
ustunni og lágmarksframfærslu-
viðmiði Hörpu minnkaði úr 31.325
kr. (22,4%) árið 2000 í 5.117 kr.
Lífeyrisgreiðslur almannatrygginga
Minna vantar upp á
lágmarksframfærslu
Morgunblaðið/Golli
Eftir Önnu Gunnhildi Ólafsdóttur
ago@mbl.is
 Dregið úr | 10