Morgunblaðið - 27.06.2005, Blaðsíða 11
MORGUNBLAÐIÐ MÁNUDAGUR 27. JÚNÍ 2005 11
FRÉTTIR
S-TILLAGAN svonefnda um deili-
skipulag Hrólfsskálamels og
Suðurstrandar hlaut meirihluta
atkvæða í íbúakosningu á Sel-
tjarnarnesi á laugardag. S-tillagan
fékk 944 atkvæði eða 55,15% gildra
atkvæða og H-tillagan fékk 768
atkvæði eða 44,85% gildra at-
kvæða. Auðir seðlar og ógildir
voru 15. Alls 3.314 íbúar voru á
kjörskrá og greiddu 1.727 þeirra
atkvæði eða 52,05%. Niðurstaðan
er bindandi.
Jónmundur Guðmarsson, bæj-
arstjóri á Seltjarnarnesi, segir
kosninguna tímamót fyrir Seltirn-
inga; með henni fáist niðurstaða í
mál sem hafi brunnið á bæjarbúum
allt frá byrjun tíunda áratugarins.
Hann segir niðurstöðuna jafnframt
afgerandi; með henni séu yfirvöld
komin með skýrar línur og gott
umboð frá bæjarbúum til að vinna
verkið áfram. Hann telur sömuleið-
is að með kosningunni hafi verið
brotið ákveðið blað í skipulags-
málum á landsvísu, þar sem bæj-
arstjórn hafi borið tvo skilgreinda
kosti undir bæjarbúa, sem þeir
gátu kosið um.
S-tillagan, sú sem varð fyrir val-
inu, gerir ráð fyrir því að íþrótta-
völlur verði áfram á Suðurströnd
og að eingöngu verði byggt á
Hrólfsskálamelnum. H-tillagan, sú
sem laut í lægra haldi, gerir hins
vegar ráð fyrir gervigrasvelli á
Hrólfsskálamel og að byggt verði
nokkuð á Hrólfsskálamel og Suð-
urströnd, þar sem nú er íþrótta-
völlur.
Jónmundur á von á því að skipu-
lags- og mannvirkjanefnd bæjarins
hittist í vikunni til að setja hug-
myndirnar í formlegt ferli, með
þeim breytingum sem til þurfi.
„Ég á ekki von á öðru en að það
ferli gangi allt snurðulaust og vel
fyrir sig. Við gætum jafnvel náð að
hefja einhverjar framkvæmdir, í
það minnsta við knattspyrnuvöll-
inn, með haustinu.“ Hann segir þó
erfitt að segja til um það hvenær
knattspyrnuvöllurinn gæti orðið
tilbúinn.
Aðspurður segist hann nokkuð
ánægður með kosningaþátttökuna.
„Um 52% þátttaka er vel við-
unandi,“ segir hann. „Ég held að
niðurstaðan sé afgerandi, þó það
sé ekki nema tíu prósentustiga
munur á bakvið hvora tillögu um
sig, sem sýnir hversu málið er tví-
skipt í hugum bæjarbúa. Ég held
að niðurstaðan sé traustur grunnur
undir næstu skref sem bæjarstjórn
þarf að taka í málinu.“
Áfram verði haft
virkt samráð
Guðrún Helga Brynleifsdóttir,
oddviti Neslistans, segist fagna því
að niðurstaða sé komin í skipulags-
mál á Nesinu. „Við fögnum nið-
urstöðunni í skipulagsmálunum eft-
ir fimmtán ára vandræðagang hjá
meirihluta sjálfstæðismanna á
Nesinu.“ Hún bendir á og gagn-
rýnir um leið að sextíu milljónum
króna hafi verið varið í deiliskipu-
lagstillögur á Hrólfsskálamel og
Suðurströnd á þessu kjörtímabili.
„Og það er varlega áætlað,“ segir
hún.
„Við viljum líka vekja athygli á
því að vinnu við aðalskipulag hefur
ekkert verið sinnt. Það er mjög al-
varlegt. Þá teljum við mikilvægt að
áfram verði haft virkt samráð við
íbúa um skipulagsmál á Nesinu.“
Aðspurð segist hún telja nið-
urstöðuna afgerandi og kosn-
ingaþátttökuna góða, í ljósi þess
hve margir séu í sumarfríi á þess-
um árstíma.
Jónmundur Guðmarsson bæjarstjóri um niðurstöðu kosninga á Seltjarnarnesi
Gott umboð frá bæjarbúum
til að vinna verkið áfram
Eftir Örnu Schram
arna@mbl.is
ÓLAFUR Ragnar Grímsson, forseti Íslands,
var viðstaddur þegar minnismerki um íslenska
landnema í Utah í Bandaríkjunum var af-
hjúpað í gær. Við athöfnina minntist Gordon
B. Hinkley, forseti Kirkju Jesú Krists hinna
síðari daga heilögu, þeirra Íslendinga sem
námu land í fylkinu fyrir 150 árum síðan.
Minnismerkið er endurgerð af vita og
marmaraplata sem á eru letruð nöfn þeirra
410 einstaklinga sem lögðu upp í för frá Ís-
landi áleiðis til Bandaríkjanna.
Bandaríska dagblaðið Desert News greinir
frá því að fyrstu Íslendingarnir hafi skírst til
mormónatrúar í lítilli tjörn í fjörunni í Vest-
mannaeyjum árið 1851. Steinn úr tjörninni var
notaður í minnismerkið sem byrjað var að
byggja árið 1936. Það var hins vegar ekki vígt
fyrr en í gær.
Þá greinir dagblaðið frá því að þegar ís-
lensku landnemarnir komu til Utah hafi þeir
sameinast um búsetu með öðrum innflytj-
endum frá Evrópu. Ólíkt þeim hafi Íslending-
arnir hins vegar haldið fast í arfleifð sína. Hafi
þeir varðveitt hana allt fram á þennan dag.
Dagblaðið greinir frá því að fyrr um daginn
hafi Ólafur Ragnar átt morgunverðarfund
með starfsliði og erlendum nemendum við rík-
isháskólann í Utah. Ræddi hann um þróun
efnahagsmála á Íslandi.
Minnismerki um
landnema í Utah
BJARNI Torfi Álfþórsson, formað-
ur Íþróttafélagsins Gróttu, segist
að sjálfsögðu hlíta niðurstöðu kosn-
inganna á Seltjarnarnesinu. Hann
studdi H-tillöguna.
„Niðurstaðan er þó ákveðin von-
brigði fyrir mig, sem forystumanns
íþróttahreyfingarinnar á Seltjarn-
arnesinu,“ segir hann og heldur
áfram. „Formenn og stjórnarmenn
allra deilda innan Gróttu skoðuðu
málið frá öllum hliðum og komust
að þeirri niðurstöðu að tillaga H
væri félaginu fyrir bestu til lengri
tíma litið, en aðrir sjálfskipaðir sér-
fræðingar íþróttamála hvöttu fólk
til að kjósa annað og vísuðu til
metnaðarleysis forystumanna í
íþróttafélaginu.“
Bjarni, sem einnig er fulltrúi
sjálfstæðismanna í bæjarstjórn Sel-
tjarnarness, segir að nú verði unnið
út frá tillögu S og „þeim miklu hug-
myndum sem fylgismenn þeirrar
tillögu hafa um glæsilegan knatt-
spyrnuvöll með stúkubyggingu,“
segir hann. Hann bætir því við að
forystumenn íþróttahreyfing-
arinnar á Nesinu vilji að sjálfsögðu
að slíkur völlur verði byggður sem
allra fyrst. Hann telur að boðað
verði til aukafundar hjá bæjar-
stjórn á næstu vikum, svo hægt
verði að setja málið strax í farveg.
Bjarni var á Shell-móti í Vest-
mannaeyjum, þegar Morgunblaðið
náði tali af honum í gær. Hann var
stoltur af árangri félagsins á
mótinu og sagði: „Sjötti flokkur fé-
lagsins náði einum besta árangri
sem náðst hefur í sögu knatt-
spyrnudeildarinnar. Við erum í
topp fjögur í a-, b- og d-liðum. Þá
voru þeir valdir prúðasta liðið.“
Ákveðin
vonbrigði
STEFÁN Jón Hafstein, formaður
menntaráðs Reykjavíkur, kveðst
undrandi á viðbrögðum mennta-
málaráðherra við ítrekun mennta-
ráðs um að það fái að koma að end-
urskoðun grunnskólalaganna. Haft
var eftir Þorgerði K. Gunnarsdótt-
ur í Morgunblaðinu á laugardag að
ítrekun ráðsins væri makalaust
upphlaup og tækifærismennska.
Stefán Jón segir að ráðherra sé
með þessum viðbrögðum sínum að
fara ofan í pólitískan sandkassa í
stað þess að svara erindi mennta-
ráðs með málefnalegum hætti.
Stefán Jón segir að í u.þ.b. sjö
mánaða gömlu erindi ráðuneytisins
til menntaráðs hafi komið fram að í
ráðuneytinu lægju fyrir drög að
frumvarpi til breytinga á grunn-
skólalögum. Í erindinu hefði verið
tekið fram að frumvarpið yrði
kynnt fljótlega og að viðræður yrðu
teknar upp við fræðsluráð Reykja-
víkur, nú menntaráð, yrði þess ósk-
að. „Bókun okkar í fyrri viku gerið
ekkert nema minna kurteislega á
þetta,“ segir Stefán Jón.
Hann segir að menntaráði hafi
reyndar komið á óvart á sínum
tíma að í ráðuneytinu væru tilbúin
drög að nýju grunnskólalagafrum-
varpi. Hann segir ennfremur að
ekki sé rétt, sem ráðherra haldi
fram, að endurskoðun laganna hafi
farið fram í fullu samráði við Sam-
band íslenskra sveitarfélaga.
„Samband sveitarfélaga hefur
ekki átt neina formlega aðild að
þeirri vinnu,“ segir hann. „Lög-
maður þess
hefur verið
áheyrnar-
fulltrúi á fund-
um sérfræð-
inga ráðu-
neytisins en
ekki borið
neina formlega
ábyrgð á þeirri
vinnu.“ Þá hafi
þetta mál ekki
komið inn á borð stjórnar.
Ráðherra velti því fyrir sér í
samtali við Morgunblaðið um
helgina hvort ósk menntaráðs um
aðkomu að frumvarpinu væri til
marks um að það væri stefna borg-
aryfirvalda að slíta samstarfinu
innan Sambands íslenskra sveitar-
félaga. Stefán Jón segir, þegar
hann er spurður út í þetta, að
fræðsluráð hafi látið gera mjög ít-
arlega skýrslu um endurskoðun
grunnskólalaganna. Þar með hafi
ráðið sýnt ákveðið frumkvæði í
málinu. Það hafi því viljað ræða við
ráðuneytið um þá skýrslu.
„Auk þess er Reykjavíkurborg
með einn þriðja af allri grunnskóla-
þjónustu í landinu,“ segir hann,
„við eigum því mikilla hagsmuna að
gæta“. Þá minnir hann á að ráðu-
neytið hefði, fyrir sjö mánuðum,
boðist til að ræða við borgina um
grunnskólalögin. „Mér finnst að
ráðherra eigi því að ræða málið
efnislega en ekki með pólitískum
slagorðum, sem engu skipta um
mikilvægi málsins.“
Stefán Jón Hafstein, formaður menntaráðs Reykjavíkur
Undrast viðbrögð ráðherra
við kurteislegri ítrekun
Stefán Jón
Hafstein
„BÆJARBÚAR höfðu sigur í bar-
áttu sinni [í skipulagsmálum], sem
staðið hefur yfir í alllangan tíma, ég
fagna því,“ segir Halldór Þór Hall-
dórsson, íbúi á Seltjarnarnesi, um
niðurstöðu kosninganna um deili-
skipulag á Seltjarnarnesi. Halldór
Þór studdi svonefnda S-tillögu, en
hún hlaut 55,15% gildra atkvæða.
Ólafur Egilsson, sem einnig studdi
S-tillöguna, vonast til þess að nú taki
við nýtt tímabil samstöðu í skipu-
lagsmálum á Seltjarnarnesi.
Halldór og Ólafur benda á að
S-tillagan hafi ekki verið nema fimm
daga gömul þegar starfi rýnihópsins
um skipulagsmál lauk í vor. Tillagan
hefði því þurft að fá ítarlegri
vinnslu. Til að mynda hefði ekki ver-
ið sinnt óskum fulltrúa Áhugahóps
um betri byggð á Seltjarnarnesi í
rýnihópnum um að tekið yrði meira
tillit til íbúa fjölbýlishúsanna við
Austurströnd. Þetta þurfi að lag-
færa, segja þeir, og haga byggingu
meðfram Nesvegi öðruvísi.
„Tvö atriði eru bindandi eftir
kosninguna; staðsetning knatt-
spyrnuvallarins og hámarksbygg-
ingarmagn [á Hrólfsskálamel]. Önn-
ur atriði eru háð frekari útfærslu,“
segir Ólafur. „Við þurfum sem allra
fyrst að fá botn í það hvar verslun og
þjónustu á Nesinu verði best fyrir
komið. Vonandi verður hún sem
mest á Eiðistorgi, en brýnt er að fá á
hreint hvort og þá hve mikið rými
þarf að ætla henni annars staðar
miðsvæðis í bænum,“ bætir hann við.
Halldór tekur í sama streng. Hann
leggur m.a. áherslu á að nú þurfi að
vinna að aðalskipulaginu, svo hægt
verði að fá fulla yfirsýn yfir skipu-
lagsmálin, þ.m.t. staðsetningu þeirr-
ar verslunar og þjónustu sem Sel-
tirningar vilji hafa nálægt sér.
Þeir nefna fleiri atriði sem nú
þurfi að útfæra, og séu mikilvæg.
„Við álítum rétt og eðlilega tillits-
semi við eldri bæjarbúa að halda
opnu svæði fyrir framan húsnæði
aldraðra, ofan við Melinn, svo útsýni
verði gott,“ segir Ólafur.
Þá tekur Halldór fram að hann
hafi lagt til að skólalóð barnaskólans
yrði stækkuð, svo hægt yrði að koma
þar fyrir sparkvelli með gervigrasi.
Hann hafi ítrekað komið því á fram-
færi í rýnihópnum. Hann segir auk
þess að í S-tillögunni sé ekki tekið
nægilega mikið tillit til íbúa við
Austurströnd og Nesveg. Hann seg-
ist m.ö.o. taka undir þau sjónarmið
þeirra að byggðin þar sé of háreist
og umferðarþunginn of mikill. Úr
því þurfi að bæta.
„Eftir að búið er að staðfesta á ný
– og nú endanlega – framtíðar-
staðsetningu íþróttasvæðisins á Nes-
inu þarf að gera gangskör í því að
undirbúa og síðan ráðast af krafti í
langþráðar framkvæmdir við gervi-
grasvöll svo og alhliða eflingu að-
stöðunnar til útiíþrótta í takti við
fjárráð bæjarins, sem góðu heilli
hefur lengið verið vel rekinn,“ segir
Ólafur.
Aðspurður telur Ólafur að kosn-
ingaþátttakan hafi verið betri en bú-
ast mátti við, en hún var 52,05%.
„Hún verður að teljast býsna góð og
mikilsvert að meirihluti íbúa skyldi
taka þátt. Að sjálfsögðu verður þó
að gera ráð fyrir því að það hafi haft
letjandi áhrif á kosningaþátttökuna
að meðal allmargra íbúa Seltjarn-
arness var óánægja með báðar til-
lögurnar. En orsök þess var ekki síst
sú að starfi rýnihópsins var slitið
fyrr en skyldi þrátt fyrir mótmæli.
Auk þess er nú komið fram á sumar
og margir í sumarfríi.“
Þeir Halldór og Ólafur telja að
forystufólk í Gróttu, íþróttafélagi
bæjarins, verði fljótt að fella sig við
niðurstöðuna og muni fagna henni
síðar. Þeir segja að burtséð frá létt-
vægari atriðum bæti hún aðstöðuna
til íþróttaiðkana í heild meira en
H-tillagan hefði gert.
„Bæjarbúar höfðu sigur í baráttu sinni“