Morgunblaðið - 05.07.2005, Síða 11

MORGUNBLAÐIÐ ÞRIÐJUDAGUR 5. JÚLÍ 2005 11
FRÉTTIR
„ÁHUGAVERÐ rannsóknaræfing,
þótt þarna séu flókin mál gerð afar
einföld,“ segir Ingvar Sigurðsson,
prófessor í kennslufræði við Kenn-
araháskólann, um nýlega kandídats-
ritgerð Orra Smárasonar, en
Morgunblaðið birti nokkrar helstu
niðurstöður fyrir nokkru. Meðal ann-
ars komst Orri að því að ekki væri
marktækur gæðamunur á kennslu
hjá leiðbeinendum og kennaramennt-
uðum.
Rannsóknir á gæðum grunnskóla-
kennslu og þýðingu kennaramennt-
unar í því samhengi, sem Orri birti í
kandídatsritgerð sinni í sálfræði, voru
unnar á sviði sem lítt hefur verið vís-
indalega rannsakað hérlendis. Þetta
kom fram í samtölum Morgunblaðs-
ins við Ingvar og Eirík Jónsson, for-
mann Kennarasambands Íslands.
Ingvar segir ritgerðina hafa verið
mjög athyglisverða lesningu.
Einnig segir Ingvar að hann telji
gæði kennslu mun flóknari en að
nægilegt sé að mæla þá hluti sem Orri
mældi í rannsókn sinni. Sumt af því sé
hins vegar mjög spennandi, eins og
hversu duglegir kennarar eru að
hrósa nemendum. „Áhugavert var að
sjá að ef á annað borð er að marka
niðurstöðurnar, sýna þær að íslenskir
kennarar hrósa nemendum miklu
meira en erlendir kollegar þeirra.“
Ingvar segir að of fáir kennarar séu
rannsakaðir í of stuttan tíma til að
hægt sé að dæma kennaramenntun á
Íslandi. Agi, bekkjarstjórnun, kröfur
og samskipti í heildina litið og yfir allt
skólaárið séu þættir sem hafi mikil
áhrif á gæði kennslu.
Sjálfur hefur Orri bent á að helsti
annmarki rannsóknarinnar felist í að
fáir kennarar voru skoðaðir, eða tólf
kennaramenntaðir og sjö leiðbein-
endur. Hann telur hins vegar mark-
tektarpróf benda til þess að óhætt sé
að taka helstu niðurstöður rannsókn-
arinnar alvarlega.
Eiríkur Jónsson bendir á að 19
manna úrtak sé mjög lágt hlutfall af
um 4.500 grunnskólakennurum.
Eiríkur segir að niðurstöður rann-
sóknarinnar séu eingöngu byggðar á
matskenndum þáttum.
Ekki hafi verið gerðar vísindalegar
rannsóknir á gildi kennaramenntunar
við kennslu í íslenskum grunnskólum.
Hins vegar segir Eiríkur að megi líta
til þess að þegar gerður hafi verið
samanburður á árangri grunnskóla í
samræmdum prófum, hafi sýnt sig
fylgni milli lágra einkunna og lágs
hlutfalls menntaðra kennara.
Þá benti Ingvar á að erlendar rann-
sóknir og túlkanir á þeim sýndu mis-
munandi niðurstöður en að almennt
mætti segja að þær bentu til þess að
kennaramenntun yki gæði kennslu.
Benti hann á að á Netinu væri að
finna bandaríska samantekt á rann-
sóknum sem hann telur marktæka,
en slóðin er gefin að neðan.
Viðbrögð við kandídatsritgerð um gildi kennaramenntunar
Gæði kennslu lítið
rannsökuð hérlendis
Eftir Önnu Pálu Sverrisdóttur
aps@mbl.is
TENGLAR
.....................................................
http://www.msu.edu/user/
mkennedy/TQQT/
„ÞETTA kitlar auðvitað, enda ekki
á hverjum degi sem Íslendingur
kemst á forsíðu Time Magazine. Ég
var nú samt ekkert að reyna það,“
segir Tómas J. Knútsson. Hann rek-
ur Sportköfunarskóla Íslands og
hefur oft fengið erlenda blaðamenn
til að skrifa um og auglýsa þannig ís-
lenska sportköfun með því að bjóða
þeim til landsins að kafa. Nýlega
birtist mynd úr Silfru á Þingvöllum
á forsíðu Time sem tekin var í slíkri
heimsókn.
Tómas var í fyrra á köfunarsýn-
ingu í London og bauð útgefanda
köfunarblaðsins Dive Magazine að
koma til Íslands, en það er stærsta
slíka blað á Englandi. Í framhaldi af
því heimsóttu tveir blaðamenn Tóm-
as, en á níu árum hafa um tólf slíkir
gestir notið gestrisni hans. Saman
köfuðu þeir í nokkra daga hérlendis
og heilluðust gestirnir af Silfru, en
hún er við hliðina á Peningagjá og
er annar tveggja staða á Þingvöllum
þar sem köfun er leyfð. Tómas segir
að heimsóknin hafi tekist mjög vel
og blaðamennirnir náð frábærum
myndum.
Hann segir útlendinga sækja í að
kafa þarna, enda sé skyggnið ein-
stakt.
Aldrei séð eins tært vatn
Út úr grein annars blaðamann-
anna, Peters Rowlands, „Stairway
to heaven“, er auðvelt að lesa hve
hrifnir þeir voru af upplifun sinni og
segir Peter meðal annars að Silfra
hljóti að teljast einn af tíu bestu köf-
unarstöðum í heimi. Finnst honum
greinilega merkilegt að fræðilega
séð tilheyri annar veggur gjárinnar
Evrópu en hinn Ameríku. Helsta
gallann segir hann vera hitastig
vatnsins, sem var aðeins um tvær
gráður, en allur ótti við kuldann hafi
horfið um leið og litið var ofan í
vatnið; aldrei hafi hann áður séð
eins tært vatn. Grein Peters, ásamt
myndum, er að finna á www.uwp-
mag.com. Myndina sem birtist á
Time tók Charles Hood en á henni
má sjá Peter í glæsilegri umgjörð
gjárinnar.
Maður ársins 2004
Tómas er ekki við eina fjölina
felldur og auk þess að vera með
skólann og stuðla að kynningu
sportköfunar á Íslandi rekur hann
einu PATI-þjónustumiðstöðina á Ís-
landi, en það stendur fyrir Profess-
ional Association of Diving In-
structors. Þá er hann stofnandi Bláa
hersins sem er 20–30 manna fé-
lagsskapur sem vakið hefur verð-
skuldaða athygli landsmanna. Mark-
mið Bláa hersins er meðal annars að
stuðla að bættri þekkingu og aukn-
um skilningi almennings á mikil-
vægi þess að halda sjónum hreinum
og hefur herinn hreinsað um 40 tonn
af rusli úr sjónum og af ströndum
Reykjaness. Tómas var valinn mað-
ur ársins 2004 á Suðurnesjum af
Víkurfréttum.
Komst á forsíðu Time Magazine
Kafari með mörg
járn í eldinum
Ljósmynd/Víkurfréttir
Tómas J. Knútsson kafari í fullum „herklæðum“.
Eftir Hrund Þórsdóttur
hrund@mbl.is
ÓSKAR Bjartmarz, formaður
Landssambands lögreglumanna,
segir ekki ljóst hvort hann heldur
áfram formennsku í Lands-
sambandi lögreglumanna í ljósi
þess að hann hefur verið skipaður
yfirlögregluþjónn á Seyðisfirði.
Mörg fordæmi eru þó fyrir því að
formenn landssambanda búi fjarri
höfuðborgarsvæðinu.
Óskar hefur verið formaður
Landssambandsins í rúm þrjú ár og
mun að óbreyttu sitja sem formað-
ur fram í apríl 2006. Starfstöð Ósk-
ars verður á Egilsstöðum og mun
hann hefja þar störf 1. ágúst. Óskar
segir að eftir að hann flytur til
Egilsstaða verði erfiðara að sinna
starfi formanns. Sem formaður er
hann ekki starfsmaður sambands-
ins en ber ábyrgð á rekstri skrif-
stofunnar. Hann segir málið í gerj-
un og það verði rætt á
stjórnarfundi í næstu viku. Staðan
sem Óskar tekur við er ný, ekki hef-
ur áður verið yfirlögregluþjónn hjá
sýslumanninum á Seyðisfirði. Þá
segir Óskar að þetta sé í eitt af
fáum skiptum sem menn hljóti
framgang innan lögreglunnar eftir
að hafa sinnt ábyrgðarstörfum fyr-
ir félög lögreglumanna.
Óskar er ekki ókunnugur á
Austurlandi og fyrir um áratug
vann hann við afleysingar hjá lög-
reglunni á Egilsstöðum um fimm
mánaða skeið. Auk formennsku í
Landssambandi lögreglumanna er
hann formaður Íþróttafélags lög-
reglumanna og hann var áður for-
maður Lögreglufélags Reykjavíkur
í átta ár.
Aðrir sem sóttu um stöðu yfirlög-
regluþjóns voru:
Daníel Eyþórsson, Gísli M. Garð-
arsson, Gunnleifur Kjartansson,
Halldór Rósmundur Guðjónsson,
Jens Hilmarsson, Jón Þórarinsson,
Kristvin Ómar Jónsson, Úlfar Kon-
ráð Jónsson og Þórhallur Árnason.
Óskar Bjartmarz skipaður yfirlögregluþjónn á Seyðisfirði
Íhugar hvort hann
haldi formennsku áfram
Morgunblaðið/Golli
Óskar Bjartmarz, formaður
Landssambands lögreglumanna.
ENGIN sérstök áform eru uppi hjá yfirvöldum að draga
úr skattlagningu á eldsneyti líkt og forráðamenn Félags
íslenskra bifreiðaeigenda (FÍB) munu fara fram á, en er-
indi þess efnis verður sent yfirvöldum í vikunni.
Baldur Guðlaugsson, ráðuneytisstjóri í fjármálaráðu-
neytinu, bendir á að lagabreytingar voru gerðar árið
1999 sem fólu í sér að horfið var frá fyrri aðferð sem
byggðist á því að almennt vörugjald af bensíni væri hlut-
fall af tollverði. Þá sveiflaðist gjaldið með heimsmark-
aðsverðinu upp og niður en ákveðið var að hverfa frá því
á sínum tíma. „Í staðinn var tekin upp krónutöluviðmiðun
á bensíngjaldinu sem þýðir að það helst óbreytt í krónu-
tölu hvort sem að heimsmarkaðsverðið fer upp eða nið-
ur,“ segir Baldur. Hann segir jafnframt að það liggi fyrir
að þessi breyting, og sú staðreynd að bensíngjaldið hafi
ekki fylgt verðlagi á undanförnum árum, hafi orðið til
þess að bensíngjaldið hafi verið mun lægra hlutfall af út-
söluverði bensíns en það hafi verið áður. „Það hefur í
reynd farið lækkandi,“ segir Baldur.
Hann segir að ekki sé litið á að nota eigi bensíngjald
sem verðjöfnunartæki því ef lækka ætti bensíngjaldið ef
heimsmarkaðsverð færi hækkandi mætti að sama skapi
hækka bensíngjaldið þegar heimsmarkaðsverðið lækk-
aði. Varðandi verð á dísilolíu sem hefur hækkað nánast til
jafns við bensínverð bendir Baldur á að verð á dísilolíu
hafi almennt verið lægra en verð á bensíni á heimsmark-
aði. Hann bendir á að undanfarna mánuði hafi verð á
dísilolíu hins vegar hækkað mun meira heldur en bensín-
verð. Baldur segist þó eiga almennt von á því að hækk-
unin komi til með að ganga til baka.
Skattlagning elds-
neytis helst óbreytt
EFTIR að olíugjaldið tók gildi 1. júlí sl. selja bensín-
stöðvar tvær tegundir af dísilolíu, þ.e. ólitaða og litaða.
Sú fyrrnefnda er með olíugjaldi en sú síðari er án olíu-
gjalds og sérstaklega ætluð vinnuvélum og öðrum
skyldum tækjum. Skv. 19. gr. laga um olíugjald og
kílómetragjald annast ríkisskattstjóri eftirlit með því
að ekki sé notuð lituð olía á skráningarskyld ökutæki.
Fjármálaráðherra er síðan heimilt að fela Vega-
gerðinni framkvæmd eftirlitsins. Eftirlitsmönnum er
heimilt að taka sýni af eldsneyti sem notað er á skrán-
ingarskylt ökutæki. Ef eigandi ökutækis brýtur lögin
og notar litaða olíu á ökutækið sitt getur hann búist við
því að „greiða sekt sem nemur allt að tífaldri þeirri
fjárhæð sem ætla má að hann hafi dregið undan.“
Tíföld sekt gegn broti